Shqipëri: Privatizohen 4 hidrocentrale për 110 milion euro

[Dajlan]

TIRANE-Tenderi për Hidrocentralet e Ulzës, Shkopetit dhe Bistrica 1 e 2 kanë dështuar.
Tek Komisioni i Vlerësimit të Ofertave, Zëvendësministri i Ekonomisë, Tregtisë dhe Energjetikës, Sokol Dervishaj konfirmoi se nuk ka pasur asnë ofertë për asnjë nga HEC-et, ndaj në bazë të rregullores, tenderi nuk mund të zhvillohet.

Dervishaj, deklaroi rreth 30 minuta pas orarit zyrtar (09.00 ) të parashikuar për hapjen e ofertave për HEC-et Bistrica 1 dhe 2, se asnjë kompani nuk ka paraqitur ofertë për privatizimin e tyre.
Dervishaj tha gjithashtu se edhe për dy HEC-et e tjera, Ulzës dhe Shkopetit, ofertat për të cilat ishin parashikuar të hapeshin në orën 14.00 nuk është paraqitur asnjë ofertë.

Dervishaj theksoi se ‘Komisioni do caktojë dhe procedurat për rihapjen e tenderit’.
"Në këto kushte do t'i njoftojmë ministrit të Ekonomisë dështimin e këtij procesi si dhe do të ndërmarrim ndryshimet e nevojshme për zhvillimin e tenderit në një tjetër afat, pasi disa nga ofertuesit kanë shprehur disa kërkesa", tha Dervishaj, ndërsa theksoi se duhen hedhur poshtë të gjitha spekulimet që bëhen rreth këtij procesi.

“Do jemi në kontakt për të parë si do procedohet më tej për këtë proces”, garantoi mediat Dervishaj.

Qeveria shqiptare ka vendosur të privatizojë katër hidrocentralet të mesme e të vogla , përkatësisht HEC-in Ulzës dhe Shkopetit në kaskadën përgjatë lumit Mat në veri të vendit, si dhe Hec-et Bistrica I dhe Bistrica II në kaskadën përgjatë lumit Bistricë në jug e vendit.
-----------------------------------------------------------------------------------------------

Asnje kompani nuk pati interes per keto 4 hidrocentrale qe per mendimin tim jane shume here me rentable sesa hidrocentralet e reja.
Arsyeja e vertete pse kompanite qe terhoqen dokumentacionin diku nga fillimi i ketij viti, nuk kane dhane oferte eshte pasi ne Shqiperi ende nuk egziston nje fryme rregullatore e mire, perkundrazi.
Shembulli me i mire eshte situata e krijuar me kompanine me te madhe energjetike ne Shqiperi, CEZ SHperndarje e cila here pas here gjobitet nga institucionet shteterore, nga ana tjeter vete institucionet shteterore nuk paguajne energjine elektrike duke qene debitori me i madh.
Me thoni ju mua, kujt ja mban te vije te investoje me kete fryme?
SHikoni cfare ndodh. Institucionet shteerore i kane borxhe kompanise se shitjes se energjise, kompania e shitjeve i ka borxh kompanise qe blen energjine nga prodhuesit, prodhuesit nuk paguajne dot kestet e kredive ndaj bankave, bankat nuk mund te japin me financim ne sektorin e energjise pasi keshtu jane shume te expozuara ndaj riskut.

Zgjidhja e vetme eshte, mbyllja e procedurave, rregullimi i klimes se biznesit dhe frymes rregullatore ne energjetike duke paguar faturat e energjise elektrike, shteti dhe institucionet ne varesi duhet te ndihmojne kompanine duke penalizuar mospaguesit dhe hajdutet e energjise elektrike. Ne kete menyre krijohet nje klime e shendetshme. Mbajtjen larg te tatimeve nga bizneset e rregulluara, pasi eshte rregullatori ai qe i kontrollon dhe rregullatori zgjidhet nga parlamenti.

[Qyfyre]

Albania gets no bids for four hydro plants
http://in.reuters.com/article/2012/0...8KEIM520120914

[Albo]

Interesi i investitoreve te huaj ne hidrocentrale eshte me i vogel se ne burimet e tjera energjitike. Sidomos kur ke te besh me hidrocentrale te ndertuar dekada me pare. Ajo qe qeveria duhet te beje eshte mos nxjerrja ne shitje e gjithe aksioneve te hidrocentraleve por 51% te tyre. Ne kete menyre kostoja e investimit eshte me e vogel dhe partneriteti shtet-privat eshte nje garanci me shume per suksesin e biznesit. Gjeja tjeter qe qeveria duhet te beje jane lehtesirat fiskale: heqjen e tarifave doganore per te gjitha pajisjet/teknologjine qe keto kompani mund te sjellin ne vend; garantimin e blerjes se energjise se prodhuar nga shteti me nje cmim fiks te arsyeshem; jo taksa mbi fitimin per 5 vjet.

Nuk duhet te dekurajohen dhe duhet te bejne nje pune me te mire ne marketingun e ketyre tenderave jashte Shqiperise prane kompanive te specializuara ne kete fushe.

Albo

[Dajlan]

Hidrocentali Bistrica i dhe II sapo kane dale nga nje rehabilitim total e kryer nga Siemens nepermjet nje kredie te bute nga KfW. Se dyti keto hidrocentrale e kane te garantuar shitjen e energjise pasi kane kontrate me bleresin me shumice te energjise elektrike me nje cmim te paracaktuar per 15 vjete, nderkohe qe nese ne treg cmimi eshte me i larte ata kane mundesi qe ta shesin ne treg.

Ne fund te vitit 2011 ishin disa kompani lider te prodhimit te energjise elektrike ne Evropen perendimore te cilat paten interes te madh per keto privatizime. Ju siguroj per nje gje, qe nese kompani te medhaja shprehin interesim do te thote qe keto hidrocentrale paraqesin interes. Cfare ndryshoi ne me pak se nje vit? Akoma edhe sot METE nuk ka qartesuar shume gjera ne lidhje me modelin e tregut dhe me ligjet e energjise. Vetem pardje qeveria arriti qe te miratonte ligjin per energjite e rinovueshme qe eshte i lidhur me kete privatizim. Pra faktori i pare eshte paaftesia e ministrise (METE) se drejtuar nga "njerezit e ndershem" te LSI-se. Se dyti, ajo qe kam thene edhe me larte, institucionet shteterore kane futur ne krize sektorin energjetik nga njera ane duke mos paguar energjine elektrike kompanise private CEZ Shperndarje, nga ana tjeter duke gjobitur kete kompani qe eshte e vetme kompani private qe njekohesisht eshte edhe me e madhja ne kete fushe ne vendin tone. Vetem pardje CEZ ka marre gjoben e katert brenda nje viti nga tre institucione te ndryshme shteterore.

Albo,
Persa i perket shitjes se aksioneve te KESH, mendoj se kjo eshte nje ide shume e mire, por do ti sugjeroja qeverise nje strategji pak ndryshe. Duke qene se koha per shitjen e aksioneve eshte totalisht e papershtatshme, per arsyet qe permenda me siper lidhur me frymen qe egziston ndaj kompanise me te madhe ne fushen e energjetikes CEZ Shperndarje, mendoj se tani mund te shesim 10% te aksioneve ne menyre qe qeveria te thithi fondet e nevojshme, kjo e shoqeruar edhe me nje riorganizim te Corporate Governance te KESH sha ne menyre qe korporata te drejtohet sipas principeve te nje kompanie private dhe mbi te gjitha te funksionoje mbi parimet e shperndarjes se bonuseve mbi fitimin ne menyre qe te ulet korrupsioni ne kete kompani ku vetem blerja e energjise elektrike behet me cmim 30% me te larte se kompania private CEZ Shperndarje. Pasi te sistemohet forma e manaxhimit si dhe me permiresimin e frymes rregullatore mund te behet shitja e 41% te aksioneve te kesaj kompanie me nje cmim qe mund te shkoje pa frike mbi 1.5 miliarde EURO.

[Albo]

Jam dakord me ty qe koha per te bere privatizimin nuk eshte e duhur, por nuk jane ato faktoret qe mbajne larg investitoret e huaj. Une do te vecoja dy te tjera: a) prononcimet e opozites kunder privatizimeve te ketyre ndermarrjeve publike b) fakti qe vendi do te kaloje ne zgjedhje vitin qe vjen. Ne ka nje gje qe biznesi privat nuk pelqen eshte pasiguria, dhe klima e biznesit ne vend ndikohet negativisht nga klima politike me shume se sa mungesa e kornizes se duhur ligjore mbi sektorin e energjise.

Me sa kuptoj une me kompanine CEZ te shperndarjes se energjise, dy gjera po ndodhin: a) ashtu sic thua ti, ndermarrjet publike jane debitore ndaj kesaj kompanie per energjine e papaguar b) qeveria nuk eshte aspak e kenaqur me perqindjen e larte te humbjes ne rrjetin e shperndarjes. Qeveria nuk eshte e kenaqur qe kompania nuk ka bere investimet e duhura per te ulur humbjen e energjise qe humbet ne rrjetin shperndares. Nje nga premisat e objektivat e ketij privatizimi ishte se kompania private do te modernizonte ne nje kohe te shkurter rrjetin e shperndarjes ne vend.

Me perfundimin e zgjedhjeve vitin qe vjen, nese Berisha fiton nje mandat te trete, shume kompani private qe kane bere plane e projekte do te trokasin perseri ne deren e tij. Ajo do te jete koha me e mire per ti nxjerre keto kompani ne shitje. Privatizimi i KESH do te jete mbase goditja me e madhe qe i jepet korrupsionit ne vend. KESH duke qene ndermarrja me e madhe publike ne vend, eshte edhe ndermarrja me vjedhjet dhe korrupsionin me te madh publik. Nuk duhet te nxitohen me KESH dhe jam dakord qe duhet te privatizohet e fundit, por brenda 2-3 vjeteve te ardhshem.

Albo

[Dajlan]

Eshte fakt qe opozita krijon nje klime te pasigurt dhe rrit riskun, po ashtu edhe viti zgjedhor i ardhshem krijon goxha konfuzion, mgja po shpjegoj qe driver-i kryesor i kesaj stepje eshte klima e keqe qe kane krijuar institucionet shqiptare (kryesisht te drejtuara nga LSI, pasi ka portofolin e energjetikes ne qeveri). Po mundohem te shpjegoj kendveshtrimin tim nepermjet shembujve konkrete.

CEZ- Thate qe qeveria nuk eshte e kenaqur me CEZ per shkak te humbjeve te larta dhe per shkak te mosinvestimit. Humbjet e energjise jane nje koncept goxha relativ dhe varet shume nga investimi ne shperndarje. Kompania CEZ ka garantuar nje kredi prej 100 mil Euro nga bankat nderkombetare dhe ERE ka dy vjet qe nuk i miraton garancine e nevojshme qe kerkojne financuesit (kolateralin), pra ka stopuar investimet masive ne rrjetin e shperndarjes. A dini pse? Sepse nese CEZ hedh keto leke ne rrjete automatikisht perkethehet ne rritje tarife. Dhe ERE ka marre detyre te mos rris cmimin. Problemi eshte qe humbjet nuk ulen me frymen e shenjte, por me investime .
Asnje nga 4 gjobat qe ka marre CEZ nuk ka lidhje me investimet. 2 te parat kane lidhje me biznese te LSI (te lidhura me Drejtorine e Metrologjise qe kontrollohet nga LSI) nje i eshte vendour nga Tatimet tani ne Gusht (buxheti eshte brrok, pa kokerr leku keshtu qe eshte duke ju rene bizneseve te medha) dhe e fundit eshte nga ERE per arsyen se CEZ nuk po importon mjaftueshem energji.

Eksperienca e Hidrocentraleve te reja - Nga ana tjeter kemi shume kompani te mesme te cilat kane investuar ne hidrocentrale, kane marre kredi nga bankat vendase per keto investime dhe sot kane muaj te tere qe nuk po marrin kokerr leku nga KESH dhe per kete arsye nuk ju paguajne dot bankave kestet mujore. Kjo i ka vendos bankat para nje dileme per te mos kredituar me ne kete fushe, gje qe automatikisht perkeqson klimen e biznesit ne kete fushe.

Largimi i ENEL nga Shqiperia - Nje arsye tjeter qe harrova ta permend mbreme eshte ikja e gjigandid Evropian kompanise Italiane ENEL nga Shqiperia ne Janar te ketij viti. Kjo kompani kishte ne planin e vete ndertimin e nje Termocentrali 1200 MW cka perkethehet ne afersisht 1.5 miliarde Euro si dhe nje kabell nendetar investimi i te cilit shkonte mbi 600 mil Euro. Enel zgjodhi Malin e Zi ne vend te Shqiperise dhe eshte duke investuar aty edhe pse Shqiperia nga kendveshtrimi strategjik paraqeste nje lokacion me te favorshem.

Per te gjitha te tjerat bie dakord me ty edhe per faktin se brenda 2-3 vjetve mund te realizohet me sukses shitja e nje pjese te aksioneve te KESH. Per me teper keto leke, nese une do te qeverisja energjetiken, do ti investoja ne investim ne TEC me qymyr dhe ne linje transmetimi (e cila po kryhet) ne Kosove. Rendimenti qe mund te sillte kombinimi i energjise Hidro shqiptare (menaxhimi i Fierzes) me energjine ne bande te TEC-eve ne Kosove do ti kthente dy vendet Shqiptare nga te nenshtruara te Serbise (keshtu jemi aktualisht) ne te pamvarura dhe pse jo eksportues te energjise se pikut (qe do te thote eksporte me dyfishin e cmimit normal).

[EuroStar1]

Me perfundimin e zgjedhjeve vitin qe vjen, nese Berisha fiton nje mandat te trete, shume kompani private qe kane bere plane e projekte do te trokasin perseri ne deren e tij. Ajo do te jete koha me e mire per ti nxjerre keto kompani ne shitje. Privatizimi i KESH do te jete mbase goditja me e madhe qe i jepet korrupsionit ne vend. KESH duke qene ndermarrja me e madhe publike ne vend, eshte edhe ndermarrja me vjedhjet dhe korrupsionin me te madh publik. Nuk duhet te nxitohen me KESH dhe jam dakord qe duhet te privatizohet e fundit, por brenda 2-3 vjeteve te ardhshem.

Albo

Pse po nuk fitoj Berisha , pritet qe te ndodhin trazira ?

[Bamba]

Pse po nuk fitoj Berisha , pritet qe te ndodhin trazira ?

Kam degjuar (llafe, thashetheme dmth) qe te gjithe pleqt e shqiperise qe luajne domino neper rruge, po organizohen per nje grusht shteti...po llafe jane...

[BLEDI_SH]

Shtypi grek, shitja e një prej HEC-ve Turqisë, rrezik për vendet e Ballkanit

ATHINË- Grekët janë shprehur të shqetësuar për faktin që një nga hidrocentralet i është shituar shtetit turk. Sipas shtypit ditor grek shitja Turqisë të një prej hidrocentraleve të Bistricës, lidhet drejtpërdrejt me Greqinë, pasi stacioni hidroelektrik Bistrica furnizon me energji një pjesë të madhe të Greqisë. Ky vendim shkruan shtypi grek do të bëjë që Turqia të ketë më shumë prezencë në shtetin helen dhe më shumë ndikim mbi vendet e Ballkanit.

Sipas shtypit, ka rrezik që në këtë kohë krize, Turqia të mbyllë energjinë dhe rajone të tëra të Greqisë të zhyten në errësirë. “Me këtë lëvizje, turqit tani bëjnë të ndihet prania e tyre dhe në veriperëndim të vendit, duke blerë një nga pikat e ekonomisë shqiptare, me rëndësi gjeopolitike dhe gjeostrategjike për Epirin e Veriut dhe Greqinë”,- thuhet në shkrimin e shtypit grek.

“Nëse këto kombinohen edhe me disa shitje të tjera kompanive turke, është e qartë se Greqia është nën një sulm të paparë ekonomik nga Turqia, e cila shfrytëzon në maksimum krizën ekonomike greke”,- shkruhet në të.

Shtypi grek thekson se strategjia turke është të kontrollojë popullsinë e Ballkanit, sidomos ata që kanë fronte të hapura me Greqinë, duke sjellë në vëmendje Kosovën. Në Kosovë ka dalë nga një organizatë e re turke e quajtur Bashkimi i Kulturës dhe Solidaritetit, që synon të promovojë miqësinë "shqiptaro-turke". Organizata që do të financohet nga shërbimi sekret do të themelojë konsullatën turke në Prishtinë. "Pas veprimtarive humane dhe sociale, shpesh fshihen objektivat më të fshehura dhe më të errëta", shkruan shtypi.

Këshilli i Ministrave ka miratuar me 9 janar, në mbledhjen e qeverisë privatizimin e hidrocentraleve Bistrica 1, Bistrica 2 dhe Ulzë-Shkopeti.

Fitues është shpallur kompania “Kurum International”, e cila ofroi më shumë për privatizimin e katër hidrocentraleve të ndara në dy paketa, Bistrica 1 dhe 2 më vete dhe Ulzë-Shkopetit. “Kurum International”, i blen këto HEC-e për shumën 109.5 milionë euro.

Në vendimin e Këshillit të Ministrave thuhet se u vendos; “1. Miratimin e raportit përfundimtar të vlerësimit të ofertave, paraqitur nga Komisioni i Vlerësimit të Ofertave, për privatizimin e shoqërisë “HEC, Bistrica 1 dhe Bistrica 2”, sh.a., që i bashkëlidhet këtij vendimi. 2. Miratimin e ofertës së shoqërisë “Kurum International”, sh.a., si fituese për blerjen e 100 për qind të aksioneve të shoqërisë “HEC Bistrica 1 dhe Bistrica 2”, sh.a., me vlerë 52 000 000 (pesëdhjetë e dy milionë) euro.”

/Shekulli Online/E.Sh/

[MaDaBeR]

Nqs Grek ndihet i rrezikuar te vije te mare pjese ne tendera dhe te fitoje tenderin. Nese nuk ka kryqe te konkuroje te mbylle gojen. Ne nuk jemi shtet Komunist ku shteti vendos se kush do bleje X apo Y aktivitet. Greqia te gjeje burimet e veta te energjise dhe te mos mbaje shpresa nga ne.