Kryetari i Kuvendit, Krasniqi: Bizneset, të lidhura me politikanët


Kosovë- Kryetari i Kuvendit të Kosovës, Jakup Krasniqi, ka akazuar sot se bizneset që nuk paguajnë tatimet janë të lidhura me politikanët. Këto akuza Krasniqi i ka bërë gjatë seancës në Kuvend.

Sipas Krasniqit krimi në veri është i lidhur edhe me pjesën jugore.

Ndërsa lidhur me mungesën e investimeve Krasniqi ka thënë se kjo ndodh për shkak të disa “qarqeve të caktuara” të cilat kërkojnë të kenë një pjesë të tyre në bizneset e investitorëve.

Sipas Krasniqit në Kosovë mungon vullneti i partive politike parlamentare për të ndaluar politikat e këqija korruptive ndaj bizneseve vendore dhe ndërkombëtare.

(a.h/BalkanWeb)