PS dhe LSI zyrtarizojnë koalicionin “Aleanca për Shqipërinë Evropiane”

[DYDRINAS]

Zogaj: Nëse Rama bashkohet me Metën, ky është fundi i opozitës së bashkuar

2 Prill, 2013 | Postuar në: Aktualitet,Politika | Shkruar nga: TemA

Koordinatori i koalicionit opozitar, Preç Zogaj, në një intervistë për gazetën Panorama, thotë se akti i bashkimit të Metës me Ramën do digjte shansin e ndryshimit.

“Është kaq vonë sa edhe shprehja më mirë vonë se kurrë i rri ngushtë aktit të tij,” thotë Zogaj.

Sipas tij: “një vendim kurajoz si ky do të kompensonte shijen e keqe të ikjes vetëm pasi e shtrydhi deri në fund pushtetin e falur në tryezë nga Sali Berisha”.

Zogaj thotë se nëse Rama do të vendosë t’i drejtojë një ftesë LSI-së, ky akt do të shënonte automatikisht fundin e opozitës së bashkuar.

“Nëse kjo ndodh, mendoj se 21 janari e thërret të bëjë një ‘mea kulpa” publike për demonstratën, e theksoj për demonstratën, jo për të vrarët, pasi vrasjet kanë qenë dhe mbeten të pajustifikueshme,” shprehet Zogaj.

“Aleanca e PS me LSI do të fshinte motivet e fundit të qëndrimit tim si individ i lirë në tryezën e koalicionit”./ep

[DYDRINAS]

Meidani: Rama më sulmoi kur i thashë për pakt PS- LSI në vitin 2011. E quajti bashkimpazar të vjetër

2 Prill, 2013 | Postuar në: Aktualitet,Politika | Shkruar nga: TemA

Ish- presidenti socialist, Rexhep Meidani, në një intervistë për Panoramën, thotë se ka besuar fillimisht se është lajm i stisur ai për aleancën mes Metës dhe Ramës, nisur edhe nga data 1 prill.

Por ai kujton se si kreu i PS, Edi Rama, i është përgjigjur një interviste të Meidanit me një koment në blog-un e tij. Meidani fliste për domosdoshmërinë e koalicionit PS- LSI.

Por Rama e quante bashkimpazar të vjetër.

“Çka më shtyn të flas publikisht, për herë të parë në kundërshti të hapur me të, është përsiatja e tij e zgjatur për të folur e folur për një bashkim të domosdoshëm të së majtës siç e quan ai, duke thënë troç: “Pa LSI-në PS-ja nuk vjen dot në pushtet” dhe duke shtuar “Edi Rama s’e bën dot këtë bashkim”. Ai nuk është i vetmi që çelësin magjik të fitores sonë e gjen në xhepin e Ilir Metës, por në këtë rast, megjithë përpjekjet vetmevete, unë s’e gjej dot çfarë justifikimi moral do të kishte ky bashkimpazar i ri përveç gjakimit për pushtet dhe çfarë do të sillte apo bënte ndryshe paskëtaj, një pushtet i tillë për shtetndërtimin e Shqipërisë Europiane e për shqiptarët e mbetur sot peng të një bashkimpazari të vjetër(?). Eshtë një pyetje që me plot të drejtë mundon shumëkënd. E kjo pyetje, më shumë se sa kujtdo tjetër që mund të nxitet së brendshmi edhe prej dëshirës për pushtet dhe i bie këmbanës së këtij bashkimi fort të dyshimtë, vlen t’i bëhet Presidentit Meidani. Prej të cilit jo si person, po si një autoritet moral që buron prej detyrës së dikurshme në krye të shtetit të shqiptarëve, unë vetë si qytetar do të prisja natyrshëm më pak aritmetikë e më shumë etikë në udhërrëfimin moral të këtij populli,” shkruante Rama në dhjetor të vitit 2011./ep

[Tonton]

Fushata e gallata-politikaneve tane sapo ka filluar. Le te shpresojm qe do sjelli nje ndryshim por te mos enderojme kot per shendrim.

[Brari]

21 janari mbetet 21 janar i edvin prec dule bamir ina ram paskal gjinush tak dosh ngjel kodoshve..
deshen ca zivere zagaro lahpere te vrare..i muarren..

ilir meta per sa qe i dekllaruar si koalicion me berishen qendroj korrekt..

nashti berisha te shtrengoj vidhat vehtes e partis e te fitoj ne qe i zoti..

po sqe..le te prese prangat qe ja ka bere gati edvini bamiri kreshniki e arvizi..

ska lojna ne politik..

ne se sdi ti vec ne pun vartesit mos kerko me vota..
pik

edvini i ka mobilizuar te gjithe.. enverucet.. nga nju jorku ne selanik..nga milano ne koplik..
te gjithe punojne shpifin intrigojne terrorizojne vrasin e vjedhin.. sipas komandes se edvinit..
i lumte..
saliu nuku qe i zoti te mbaje postin e kryeministrit..

kryeministra de facto ishin nje 7 tahire 3-4 erione e ca rucer e mim kodhele..
me ne krie vet edvinin..i cili ishte de facto kapo i shqiperise ne kto 10 vjet..


.

[Noellag]

Ky bashkim mes PS dhe LSI tregon se pazarlliku eshte mbi interesave te qytetareve qe duan te votojne partine e tyre. Te gjithe protestuesit e 21 janarit thelle ne shpirtin e tyre ndihen te tradhtuar sepse e gjithe ajo dhune me 4 viktima u be per Ilir Meten. Nuk mund te harrohet kurrsesi 21 janari, s'mund te harrohet cfar i thane njeri tjetrit .. Deklaratat e Rames kunder Metes ishin aq te forta sa e quante njeri i korruptuar me bllok ne dore dhe qe i eshte ngjitur Berishes si m... pas kepuces dhe nga ana tjeter Meta per Ramen pjese e krimit te organizuar, moster etj. Keto deklarata i keni edhe ne internet. Jane vrare 4 njerez. Rama shkonte te familjaret duke vajtuar.. Me kete qe po ben tani tregon qe nuk i intereson viktimat por ka perdorur ata per qellimin politik..Tani nuk e di cfar do i thote famliljareve por nje gje di me siguri : Ai nuk ka me fytyre te flase per viktimat e 21 janarin.
Me cfar morali duan te qeversin keta njerez te paskrupullt qe tallen me shqiptaret. Pse do te votojne ligjet tani me pazare ? Kur eshte per interesa personale politike i voton ligjet dhe kur eshte per interesat e qytetareve i zvarrit sipas qejfit duke mbajtur peng nje Shqiperi e e tere. Nuk i votoi 2 vjet me pare por na harxhoi 2 vjet jete per interesat te ndyra e sharlatanit politik, qe per mua nuk eshte as me pak dhe as me shume se nje mafioz i korruptuar.

Berisha tani eshte me mire se keta, dhe do marre me shume vota se c'do merrte..

Sipas fjaleve qe kane thene eshte bashkimi i korrupsionit me krimin e organizuar , keshtu i pershtaten njeri tjetrit.


Noellag

[xhori]

ky bashkim i plerave eshte fitore per ak dhe salen.

[DYDRINAS]

Kryesia e PS ftesë LSI-së për koalicion
02/04/2013

Kryesia e PS ftesë LSI-së për koalicion
Ka përfunduar mbledhja e Kryesisë së Partisë Socialiste, prej nga ku është vendosur që Lëvizjes Socialiste për Integrim t'i dërgohet një ftesë për të ndërtuar një koalicion.

Anetare te kryesise se kesaj partie u mblodhën këtë të martë per te degjuar dhe dhene mendimin e tyre, nderkohe qe pas daljes se lajmeve per nje largim te pritshem te LSI nga koalicioni me PD disa prej anetareve te kryesise se Partise Socialiste kane reaguar pro dhe kunder nje aleance me LSI. Mes zerave kunder kane qene deputetet Erjon Braçe dhe Pandeli Majko.

Pritet që pas disa minutash kryetari Rama të mbledhë grupin parlamentar, ku pritet edhe deklarata e tij mbi këtë zhvillim politik.

Reagimi i Majkos në FB

Një ditë më parë deputeti Pandeli Majko, pak orë para hapjes së lajmit për largimin e Lëvizjes Socialiste për Integrim nga qeveria shkruajti një status me mesazhe të forta brenda tij.

"Gëzuar 1 prillin! Ditën e mashtrimit dhe gënjeshtrës. Ditën kur gënjeshtrën e mirëkuptojmë si humor. Kjo është dita kur themi gënjeshtra të “stisura” ose pa dashje pohojmë të vërtetat e mëdha të gënjeshtrës. Ai është fakti se në ditët e tjera të vitit gënjeshtra është edhe zgjedhja juaj. Gëzuar 1 prillin, ditën e politikanëve që nuk u bënë kurrë të tillë por ju dorëzuan shenjës së kësaj date. Të gënjesh një popull është faj. Ta lësh atë pa të drejtën e zgjedhjes midis të vërtetës dhe gënjeshtrës është dramë e maskarenjve pa principe të politikës.Kjo është arsyeja që besoj se gënjeshtra kujtohet por nuk festohet. RILINDJA e së vërtetës është shpresa për nesër. Kam zgjedhur koalicionin e 21 janarit dhe jo atë të 1 prillit. Nesër është 2 prill. Ditë e bukur për “t'u vrarë”', shkruan Majko.

top-channel

[DYDRINAS]

LAJM I FUNDIT/ Kryesia e PS zyrtarizon ftesën për koalicion me LSI-në. Xhaxhai i Aleks Nikës kërkon takim me Ramën

2 Prill, 2013 | Postuar në: Aktualitet,Politika | Shkruar nga: TemA

(u39u)Selia-e-PS

Kryesia e Partisë Socialiste ka vendosur të zyrtarizojë ftesën për koalicion me Lëvizjen Socialiste për Integrim.

Pas një mbledhje që ka zgjatur për një orë e gjysëm, kryesia ka vendosur mes debatesh që të ftojë partinë e Ilir Metës për bashkëpunim parazgjedhor.

Mësohet se kundër një bashkëpunimi me LSI-në është shprehur deputeti socialist, Erjon Braçe, i cili ka theksuar se nuk duhet të harrohet 21 janari.

Ndërkohë xhaxhai i Aleks Nikës, Mark Nika ka kërkuar takim me kryetarin e Partisë Socialiste, Edi Rama, pas vendimit për të hyrë në koalicion me Lëvizjen Socialiste për Integrim.

Nika thotë se Rama i ka premtuar një takim për ditën e enjte. Nika shtoi se me ta po luhet ping- pong, por theksoi se do të flasë pas takimit me Ramën.

Kurse Spartak Ngjela, kreu i PLD në një interviste për News24 theksoi se pas largimit të LSI nga koalicioni qeverisës, duhet një qeveri teknike. Sipas Ngjelës, lëvizja e Metës është politike dhe se ai si kryetar i PLD është pro koalicioneve.

“Qeverisë i humbet legjitimiteti, duhet një qeveri teknike, ndaj Meta ta çojë punën deri në fund. Unë jam pro koalicioneve, ndaj lëvizja e Metës ishte politike”, tha Ngjela./ep

[Archon]

PS fton zyrtarisht LSI-në

Të bashkohemi në emër të interesave të vëndit, për të mundur Sali Berishën i cili gjithmonë ka qënë pakicë. Kjo është rruga e fitores. Bashkimi. Kjo ishte ftesa e Edi Ramës dërguar zyrtarisht nga mbledhja e grupit parlamentar socialist LSI-së së Ilir Metës për të ndërtuar së bashku një koalicion, me qëllim moslejimin e asnjë mipulimi më 23 qershor të votës së sovranit.

“E ftoj sot, drejtpërdrejt dhe publikisht LSI-në që tanimë që largimi nga Qeveria është pranuar si fakt i kryer prej vetë kundërshtarit tonë politik të vijë në koalicionin tonë parazgjedhor, duke hyrë në rrugën e natyrshme të bashkimit me PS, si dy forca të së majtës shqiptare dhe të familjes socialiste europiane”, tha Rama.

Kreu i PS-së nuk ka harruar të përmend të shkuarën konfliktuale mes të majtëve.

“E shkuara na i ka dhënë të gjitha mësimet e nevojshme për të mos përsëritur gabimet që në këto 8 vjet i kanë kushtuar Shqipërisë u kanë kushtuar shqiptarëve, i kanë kushtuar të majtës shqiptare si e tërë. Sali Berisha dhe PD s’kanë qenë asnjë ditë shumicë në popull. Por prej 8 vjetësh kanë ushtruar një pushtet të marrë falë ndarjes sonë, apo manipulimeve të lehtësuara nga ndarja jonë. Prandaj do të ishte jo vetëm krejt e panatyrshme, por edhe e pafalshme përpara Shqipërisë dhe historisë që sot, ne, Partia Socialiste e Shqipërisë, të mos bënim gjithçka kemi në dorë për të rihapur rrugën e bashkimit që siguron votën e shqiptarëve në 23 qershor, duke ia kthyer shumicës reale të popullit, të drejtën e qeverisjes së vendit”, shprehet Rama.

Edi Rama i dërgoi edhe një mesazh artyre të cilët janë skeptik apo kundërshotjnë koalicionin me LSI-në.

“Nuk pres që sot të gjithë të më jepni të drejtë. Pres vetëm që të kuptoni se unë dua të fitoj për të gjithë ju dhe kjo është rruga e fitores që na jep pushtetin jo për vete, po për t’i ndryshuar gjërat. Le të shkojmë përpara, pa asnjë ngurrim, sepse ne jemi Partia Socialiste dhe jemi bërë për të fituar, jo për të ngurruar atëherë kur duhet të udhëheqim”, theksoi Rama.

Ftesa për koalicion drejtuar Ilir Metës erdhi pas një mbledhje të 21 antarëve të kryesisë së PS, ku i vetmi zë që ka kundërshtuar këtë zhvillin në të majtën shqiptare ishte deputeti Erjon Braçe. Sakaq ish-kryeministri socialist Pandeli Majko i cili një ditë më parë në Facebook la të kuptohet se ishte kundra koalicionit me LSI-në nuk u prononcua sikurse edhe deputeti Namik Dokle. Por Ben Blushi dhe Saimir Tahiri nuk ngurrojnë ta shprehin optimizmin e këtij zhvillimi.

Asllan Dogjani: Largohem nga PS, do të kandidoj i pavarur
Deputeti Asllan Dogjani deklaroi për mediat pas takimit të grupit parlamentar të Partisë Socialiste se ka vendosur të largohet nga kjo parti dhe të kandidojë si i pavarur në qarkun e Kukësit.

“Deklaroj të shkëputen ose më detyron të largohem nga Partia Socialiste kryetari Edi Rama. Largimi ka të bëjë me mungesën e demokracisë së brendshme në parti. Vendos të kandidojë si i pavarur në Kukës”, tha Dogjani.

Në Partinë Socialiste shumë gazetarë pritën për komente mbi aleancën e kësaj partie me LSI, por deklaratat nuk kanë ardhur ende.

Top Channel

[xhori]

po e tregojme edhe njehere qe jemi fare e keqe qe mendojme per xhepat tane dhe jo te miren e popullit, kete fakt e treguan edhe zgjedhjet ne maqedoni ku shqiptaret u hengren me njeri tjetrin