PS dhe LSI zyrtarizojnë koalicionin “Aleanca për Shqipërinë Evropiane”

[dardajan]

Fakte dhe jo llafe

1-Sala nuk e di as vete se sa i fuqishem eshte por do ta kuptoje pas zgjedhjeve, arsyeja eshte shume e thjeshte, dhe e dine te gjithe ata qe jane ne Shqiperi, sepse te gjithe ata qe jane futur ne pune nga PD-ja do votojne PD ne te kundert humbasin vendin e punes. Te gjithe ata qe kane bere biznese me PD do votojne PD se do humbasin bizneset. Dhe nuk flitet vetem per ate qe punon por per te votuar e gjithe familja dhe fisi.
2-Nje te mohurit tim ju kerkua nga LSI per te ruajtur vendin e punes te sjelle 10 votues, kurse zyrtaret e larte e kane 50 dhe drejtorat 100 votues nese duan vendin e punes.
Ne Shqiperi nuk votohet me bindje apo me tifozllik atje votohet per interes dhe ai qe ska asnje interes nuk shkon ne votime.

[skender76]

Cfar s'lexon ktu...




Aleanca e PD me LSI nuk ishte normale, por ishte nje marreveshje pas-zgjedhore, ku Edi e pesoi nga mendja e madhe.... nuk e imagjinonte dot se Meta do behej me Salen...

Kurse tani ndryshon puna... e vetmja rruge e LSI per t'marr ndonje vote, eshte rikthimi ne origjine...

Mendoj se Edi ka bere nje gafe te madhe, tregoi edhe njehere se nuk di te beje politike....

Meta tek PS-ja do kete efektin bumerang....



Nese PD do ta menaxhoje situaten sic duhet, mendoj se do jete fitore historike.....

Nuk esht me LSI i vetmi percaktues per fituesin, tashi kemi n'loje Spahiun dhe Topin....


Per mendimin tim, i vetmi qe i ka letrat n'rregull per fitore esht Sala....


Te presim levizjet e rradhes.

[pranvera bica]

... mendoj se ne qender te ketij koalicioni Rama -Meta eshte votimi i tre ligjeve qe jane bere pengese per Salen! Thika eshte me dy presa: Rama voton ligjet me qellimin e vetem qe...nqse fiton zgjedhjet te kete fondet nga Bota ne dispozicion dhe te filloje punen mbare...por per mua " Kali i Trojes", Lirka nuk do te rrije prape rehat, nqse Rama nuk fiton do mburret para Salkes se i siguroi integrimin apo "statusin e kandidatit"...sepse te tre ligjet mbeten te votuara... dhe hyn prape ne qeveri , gjithsesi para e madhe eshte ne loje sidomos nga zoteruesit e djerses 100 vjecare te popullit te gjore qe kane mbushur deri edhe hundet me flori e hane" peshk " e "ngjala"!

[Xinxerfilli]

Kushedi sa do e hedhi kokrren e lotit Brari me Albon me 23 Qershor.

Ska me vjedhje me KQZ. Gjithe nderkombetarer prandaj e bashkuan Meten me Ramen, qe mos beheshin me vjedhje ne mes te dites.

Le ta provoje Berisha ta ndryshoje prape, e hedhin poshte si thes me patate hahahaha

[Xhuxhumaku]

i bi qe KQZ-ja ngel ne dore te grekut jani jani, pastaj.

3+3+1(greku).

po ky me ke do behet?

[Brari]

sipas nje tepelenasi qe fola.. ai tha keshtu..
nashi tha.. qe lsi u bëti me na.. dmth me ruc e edvin.. e kemi te sigurt fitorjen.. sepse tha nashi kqz-ja eshte e jona.. dmth kemi aty shumicen..

qo tha ishte porosi e arvizit tha..
ai e detyroj tha meton te vij te ne tha..

dmth.. usa do edvin bllokmenin krieminister..

keshtu del..

dhe ne fakt i kan dhen shenjat..
vidhe vidhersua.. i nxiti per 21 janare..
dhe arvizi ..mbas 21 janarit hengri nje drek me edvinon e kur duall.. u tha gazetareve.. qy eshte artist.. per edvinon..

sala ka frik te shprehet..

mirpo ne tjeret skemi frik si ai..
troc duhet thene..
usa dhe brukseli duan qe bllokqenerit ta sundojn shqiperine..

..

si dikur..

enverin e donin.. te ish sundimtar..
jo me kot e lejonin sigurimin enverist te instaluar ne nyc te kontrollonte diasporen ne nju jork .. sikurse operativi kontrollonte nje fshat ne kuvelesh..
njesoj fare..

tëmën bre..

..

[Albo]

Edi Rama: Ja pse vendosa të ftoj Ilir Metën

Kreu i Partise Socialiste, Edi Rama ka shpjeguar nepermjet nje shkrimi ne blogun e tij (edirama.al) arsyet se pse vendosi qe te ftonte zyrtarisht LSI-ne per nje koalicion parazgjedhor.

Me poshte lexoni te plote shkrimin e Ramës

Të dashur miq,

I mirëkuptoj të gjithë ata që ndjejnë një shije balte në gojë teksa mesa duket, po mësoheshin me shijen e mjaltit të Rilindjes. Reagimet frenetike mbas shfaqjes së mundësisë së afrimit me LSI-në, të sharat e qesënditë e pafundme, nuk më erdhën të papritura. Mu sikur hovën të tërë në një zhgjëndërr të zhurmshme pas një ëndërrimi që për shumëkënd kishte filluar të njehsohej me realitetin. A thua se gjithë këto kohë s’ishim më në një luftë të mundimshme me të Keqen e Njohur, po në një film romantik ku papritur ikën dritat duke ngjallur revoltën e tërë spektatorëve për filmin e këputur në mes.

Kur shoh tërë ç’vlon në rrjetet sociale sikur unë, zëdhënësi i përditshëm i ëndrrës së Rilindjes, u ktheva befas në vrasësin e pamëshirshëm të saj, dy gjëra më rrotullohen nëpër mend. E para, që ëndrra e Rilindjes funksionon. Sepse nevoja për të marrë frymë lirisht në këtë vend që po mbytet në llumokracinë e Saliut është bërë jetike. Dhe e dyta, që për shkak se ëndrra e Rilindjes funksionon pozitivisht në imagjinatën e shumëkujt, duket sikur plot njerëz e kanë harruar që Rilindjen reale, atë të prekshmen përmes zbatimit të programit, PS mund ta bëjë realitet vetëm përmes pushtetit jo përmes prezantimeve të fushatës.

Jam i bindur se askush, asnjë njeri normal që do ndryshimin në 23 qershor, nuk do ta ndërronte ikjen e Saliut me një ëndërr ende të parealizuar si kjo. E cila rrezikohet seriozisht të avullojë nëse zgjedhjet grabiten përsëri dhe të lerë pas, tek të gjithë pa përjashtim, një zhgënjim shumë më të hidhur sesa qershori 2009 apo 8maji 2011 në Tiranë. Por shumëkush duket sikur nuk do fare ta mendojë këtë. Shumëkujt i duket gabimisht se Saliu është i ikur dhe 23 qershori është vetëm një formalitet. E prandaj edhe u duket krejt gabimisht se ftesa e PS për LSI, është baltë e hedhur në panoramën e shndritshme të ëndrrës.

E përsëris që i mirëkuptoj. Por u them këtu, jo moralistëve bajatë, po të gjithë mbështetësve të sinqertë e të emocionuar negativisht nga ftesa për LSI, se unë e kam për detyrë ndaj tyre, ndaj Partisë Socialiste dhe këtij vendi të cilit i shërbej me pasion, që ta shoh ndryshe 23 qershorin.

Dhe dua ta dini sa më qartë se si e shoh.

Unë 23 qershorin e shoh si ditën kur Saliu do të tentojë në gjithë Shqipërinë 8 majin e Tiranës 2011. S’ka qenë shumicë asnjëherë qysh pas vitit 1992. Është vjedhës zgjedhjesh me damkë ndërkombëtare. Ka përgatitur planin që të vjedhë përsëri. Ka shtetin më të politizuar të kontinentit. Paranë e pistë për korrupsion masiv zgjedhor. Policinë më krahinariste që mund të imagjinohet. Shërbimin sekret të kthyer rishtaz në polici politike. Ka repartet e manipulatorëve të importuar që lëvizin qendër më qendër me karta identiteti fallco. Ka të gjitha vrimat e botës së errët të krimit, prej ku dalin urithët elektoralë që trembin njerëz. Ka për më tepër edhe fukarallëkun e periferive e të fshatit në favor. Po po, fukarallëkun (!) – aty ku komisioneri dorëzohet përpara parash që s’i ka parë kurrë. Aty ku familja e varfër dorëzohet përballë shantazhit të heqjes së ndihmës ekonomike. Aty ku fukarai i pashpresë dorëzohet përpara thesit me miell a një kartëmonedhe se nuk beson më dot në asgjë. Një plan i tërë për ta përmbysur si kala rëre me vota të vjedhura frymën, moralin, rilindjen që sot po përdoren si fjalë të tradhëtuara prej meje, sepse Shqipëria reale e zgjedhjeve nuk ngjan kurrkund me atë që merret me mend edhe prej komentatorëve më të përfshirë në këtë historinë dramatike të zgjedhjeve shqiptare.

Doni më për të kuptuar se pse ky kryeministër në ikje duhet rrethuar politikisht nga një koalicion ku çdokush sot në politikë përveç atij vetë ka jo vetëm të drejtën, po edhe detyrën patriotike të jetë pjesë?

Sepse vetëm duke e lënë pa krahë politikë dhe duke e zhveshur nga çdo lëkurë tjetër përveç asaj të PD, fuqia manipulese e tij bëhet e pamjaftueshme për ta mbytur opozitën me aritmetikën brutale të votave të vjedhura. E kështu edhe ikja e tij bëhet fakt. Përndryshe në 24 qershor programi i Rilindjes kthehet nga instrument politik ndryshimi në letër që s’ka asnjë vlerë. Ndërsa karta “morale” digjet si zakonisht nga zjarri i fitores së vjedhur të radhës, duke nxjerrë një tym të zi pakënaqësie dhe dëshpërimi me opozitën e humbur nën gërmadhat e zhgënjimit popullor.

Ja pse unë besoj megjithë zemër se ardhja sot e LSI-së në koalicion nuk është fundi, po vazhdimi i natyrshëm i një historie të re që ka nisur me projektin e një Rilindjeje Shqiptare. I një historie që kalon nga FITORJA dhe VETEM FITORJA e 23 qershorit, si parakusht për të shkuar më tutje me Rilindjen. Unë vetë besoj po ashtu që LSI nuk do ta pengojë këtë projekt, ashtu siç besoj se nga ky bashkim nuk do të lindë një pjellë e re e të shkuarës, po një qeverisje e mirë për të ardhmen. Por sidoqoftë këtë do ta tregojë koha dhe për këtë çdo dyshim i sotëm është i shëndetshëm e mbajeni në xhep.

Por ju lutem mos harroni se duhet të mundim Saliun dhe ky sot, bashkimi me LSI, është për ne vetëm fillimi i duhur jo fundi i një beteje finale që do të luhet për çdo votë, deri në dekikën e fundit të procesit elektoral. Për të tjerat lidhur me këtë do të kemi kohë të flasim, po edhe të shohim gjithë këto ditë teksa do të rreshtohen forcat.

Lejomëni ta mbyll me një pyetje që për mua është retorike, por për secilin që ende ndjen shijen e baltës në gojë mund të vlejë që të kuptojë psenë e madhe të ftesës sime për LSI-në.

Është pyetja që i kam bërë vetes kohë më parë dhe që më shtyu vendosmërisht drejt këtij bashkimi:

E çfarë do të thoshte pastaj cilido që sot çfarë nuk thotë për këtë “tradhëti” timen, nëse në 24 qershor do të gdhihej me të Keqen e Njohur mbi kokë edhe për katër vjet të tjera?

Ah, se harrova, analistët A, B, C, që nuk lanë gjë pa thënë në emër të moralit nëpër banaqe e uebfaqe më kanë thënë plot gjëra interesante që në tv nuk i thonë, por po ju them vetëm njërën: “Po nuk u bashkove me Ilir Metën ky vend mori fund, sepse do na lini me Saliun edhe katër vjet!”.

Panorama

[Albo]

Koalicioni PS-LSI, Milo: Pres sqarime nga EdI Rama

Kryetari i Partisë Demokracia Sociale, Paskal Milo u shpreh sot nga Bilishti se prêt sqarime nga kreu i opozitës Edi Rama nëdownload (15) lidhje me koalicionin PS-LSI. Milo theksoi se do të mbaj qëndrim pasi të ketë marë këto sqarime.“Koalicioni ndërtohet në bazë të një interesi të përbashkët. Pres informacionet e duhura për të mbajtur qëndrimin. Gjithcka varet nga sqarimet që do të marrim. Do të shohim gatishmërinë e PS për të respektuar kontratën me koalicionin dhe do të shohim, investimin tonë 8-vjecar në këtë parti. Nesër do të zhvilloj një takim me Ramën”, tha Milo.

Panorama

[Albo]

Zogaj, letër lamtumire Ramës: Me LSI bie Opozita e Bashkuar

Preç Zogaj i komunikon Ramës largimin nga koalicioni dhe i numëron 5 premtime politike të rrëzuara nga aleanca me download (4)7LSI. “Me koalicionin PS-LSI bie koncepti i Opozitës së Bashkuar, bie në pjesë të tëra ‘Rilindja’, bie opsioni i aleancës anti-regjim, i tejkalimit të Berishës si mendësi qeverisëse, bie kuptimi i garës elektorale si një përballje midis opozitës dhe qeverisë”

Preç Zogaj i ka dhënë fund “sqarimit” me Edi Ramën, duke u larguar nga koalicioni i majtë. Largimi i paralajmëruar duket i përshpejtuar edhe nga aleanca Meta-Rama, që sipas Zogajt rrëzon konceptin e Opozitës së Bashkuar. Në letrën e “lamtumirës” për Ramën, Zogaj shpjegon arsyet që e kanë mbajtur për 4 vjet në tryezën e opozitës dhe që në kushtet e koalicionit të ri nuk qëndrojnë më. “Në vjeshtën e vitit 2009, rrugët tona politike u takuan në shqetësimin e mospërmbushjes së standardeve zgjedhore në zgjedhjet e atij viti. Aty mori jetë lëvizja ndërpartiake për transparencën e zgjedhjeve dhe, më tej, një opozitë gjithnjë e më e bashkuar, që kishte për qëllim të qëndronte fort përballë qeverisë së tavolinës Berisha-Meta dhe të përgatiste alternativën e fitores në përballjen elektorale me të”, -shkruan Zogaj në letrën për Ramën. Ai ka shtuar më tej se në ditët e saj më të mira, Opozita e Bashkuar ka qenë për vendin fuqia dhe shpresa. “Falë saj, vëmendja dhe ndjeshmëria ndërkombëtare për zgjedhjet u ngritën në nivelet më të larta; mori jetë një alternativë fitimtare, e aftë për të mundur qeverinë Berisha-Meta me frymë, me program, me etikë, me moral, me numra. Përkrah jush dhe kolegëve të tjerë të nderuar opozitarë, kam dhënë edhe unë kontributin tim në aulat e opozitarizmit dhe në media për këto qëllime. Kjo ka qenë dhe mbetet një periudhë e vyer për angazhimet e mia politiko-qytetare. Unë ju falenderoj nga zemra për respektin që keni treguar ndaj meje, edhe pse kam patur statusin e një individi të lirë në këtë tryezë”,- shkruan Zogaj. Në letrën e tij, Zogaj i bën me dije Ramës se Opozita e Bashkuar i kishte të gjitha letrat dhe numrat për të fituar zgjedhjet e vitit 2013, pa qenë nevoja t’i zgjaste paraprakisht dorën një partie qeveritare. “Unë e kam zhvilluar dhe mbrojtur gjatë këtë pikëpamje pranë jush, tashmë pa sukses. Fitorja e zgjedhjeve si opozitë pushoi së qeni bindja juaj. Me argumentin e bashkimit për fitoren, ju i keni drejtuar sot një ftesë për koalicion parazgjedhor LSI-së. Personalisht, duke përshëndetur largimin e LSI-së nga qeveria, do të kisha preferuar votimin veç e veç të kësaj force politike dhe të Opozitës së Bashkuar. Publikut nuk i duhet hequr mundësia të gjykojë me votë, drejtpërsëdrejti, histori politike të rralla si kjo e LSI-së gjatë këtyre katër viteve. Është e drejta juaj të mendoni ndryshe. Është e drejta juaj të ndërtoni koalicionet që i mendoni më të efektshme në funksion të marrjes së pushtetit”, – thotë Zogaj. Megjithatë, politikani shton se ftesa e Ramës për LSI-në prodhon efekte të tjera në rrafshin politik. “Me koalicionin PS-LSI bie koncepti i Opozitës së Bashkuar, ashtu siç e kemi konceptuar e siç ka funksionuar deri tani; bie në pjesë të tëra të strukturës së saj ‘Rilindja’, si emri i alternativës së PS-së; bie opsioni i aleancës anti-regjim, bie opsioni i tejkalimit të Berishës si mendësi qeverisëse, bie kuptimi i garës elektorale si një përballje midis opozitës dhe qeverisë. Fushata dhe termat e saj mbeten për t’u përcaktuar nga e para. E vetmja gjë logjike në këtë zhvillim është bashkimi pragmatist i dy të majtave. Në këto kushte, me historinë politike që kam dhe për shkak të qëndrimeve publike që kam mbajtur për shumë ngjarje të këtyre katër viteve, e konsideroj të përfunduar angazhimin tim në koalicionin tuaj të derisotëm dhe të parinovueshëm vazhdimin në koalicionin tuaj të ri”.Zogaj e përfundon letrën për Ramën me një urim për punë të mbarë dhe suksese.

MAPO

[Albo]

Gjinushi: Meta hyri si hajdut në opozitë, Ngjela: LSI lëvizje politike

Lëvizja Socialiste për Integrim konsiderohet si mish i huaj në opozitë. Kjo të paktën për një pjesë të mirë të aleatëve të download (5)Partisë Socialiste, të cilët duket se kanë mbetur të zhvlerësuarr dhe jashtë loje nga rikthimi i LSI-së në gjirin e opozitës së majtë. Gjinushi, Zogaj e Koçi, thuajse në unison me njëri-tjetrin e kanë konsideruar këtë rikthim një dështim të kauzës opozitare dhe shpërbërje të opozitës së bashkuar.

Në një konferencë për mediat, kryetari i PSD-së, Skënder Gjinushi, theksoi se LSI minimalisht duhet të kishte rrëzuar këtë Qeveri, si borxh ndaj qytetarëve, ndërkohë kjo forcë politike po largohet nga Qeveria si misionare e Berishës. “Të kapur nga ky panik kanë kurajën sot të kërkojnë votat e atyre që vranë më 21 janar dhe votat e atyre që vodhën për katër vjet më radhë. PSD është e bindur se asnjë socialist dhe asnjë i majtë nuk mund të mashtrohet më nga LSI”, – tha Gjinushi. Ai denoncoi LSI-në se po futet si hajdute në shtëpinë e të majtës dhe për këtë arsye duhet përzënë si e tillë. “Roli i PSD-së është që e majta të përfaqësohet nga një e majtë e ndershme e pakorruptuar”, – theksoi Gjinushi. Më i përmbajtur në deklaratën e tij ka qenë kreu i PSV91, Petro Koçi, I cili duke iu referuar pikërisht këtyre zhvillimeve, theksoi se një kalim të tillë e justifikon vetëm rrotacioni i pushtetit. “Mendoj se është një marrëveshje që i krijon një hapësirë më të madhe LSI në elektoratin e majtë dhe mund të rrezikojë elektoratin socialist ose votat për PS-në. E vetmja pikë që mund të justifikojë një veprim të tillë është rrotacioni politik dhe kuptohet që ne kemi bërë gjithçka në këto vite për të realizuar këtë gjë. Nëse Meta është një garant i Berishës për të mos u hetuar nesër, atëherë kemi të bëjmë me një marrëveshje që është në kurriz të drejtësisë dhe në dëm të interesave të publikut. Unë nuk besoj që të jetë kështu”, – tha Koçi. Ndërkohë që më pozitiv për këtë kalim të LSI-së nga qeverisja në opozitë ka qenë kreu i PLD-së, Spartak Ngjela, i cili i kërkoi Metës që ta çojë deri në fund këtë çështje dhe të bashkojë votën për të rrëzuar qeverinë dhe për të krijuar një qeveri teknike deri në zgjedhje. “Qeverisë i humbet legjitimiteti, duhet një qeveri teknike, ndaj Meta ta çojë punën deri në fund. Unë jam pro koalicioneve, ndaj lëvizja e Metës ishte politike”, tha Ngjela.

MAPO