JAM MUSLIMAN DHE MË SHQIPTAR SE TI, O JOBESIMTAR (Samidin Xhezairi)

[Shtimjanii]

JAM MUSLIMAN DHE MË SHQIPTAR SE TI, O JOBESIMTAR

Është për t’u habitur kur të këshillon ai që s’ka frikë Zotin!
O i humbur, fjalët që mohojnë Zotin s’janë këshillë, por sharje.
O jobesimtar, s’të takon të shesësh mend për atdhe-mëmëdhe dashuri, kur ti je tërësisht i kufizuar në mendësinë tënde.
Fillimisht m’i trego sukseset tua që të mësoj nga to.
Mjaftohesh me fjalë, ku janë ato punë të dobishme që i bëre, pse s’vërehen, ku ishe më 1998-99, 2000, 2001, tani ku je?!

“Patriotizmi” yt i kufizuar vetëm në internet dhe gazetat e dreqit, ku përplot mllef je aktiv në sharjen e shqiptarëve musliman.
Së paku një herë të shohim trimërinë tënde, tregohu i guximshëm aty ku dëshmohen burrat, dil jashtë të luftosh shkaun.
Jo, ti nuk e lufton llojin tënd, i njëjti brumë, s’dalloni nga njëri-tjetri, zemër sëmurë si jeni, ju pengon besimi im në Zot (All-llah).

Padyshim që lloji yt prej sahanlëpirësi është pengesa kryesore e çështjes kombëtare, ti i përkulesh të ligut edhe kur ai punon në dëm të vëllezërve tu.
Kthjellohu, të jesh i sigurt, unë sërish ta fali, me shpresë që dikur udhëzohesh. Fillo t’i kuptosh gjërat drejtë, shkaun e ke armik.

Zoti im dhe i yti përmes Kur’anit dhe Pejgamberit më urdhëroi shtimin e diturisë, luftën vetëmbrojtëse dhe urtësinë, madje të sillem mirë me ty edhe kur ti më rëndon për shkak të besimit tim.

O ju të padrejtë i frikësohem ledhatimit tuaj, ndërsa ofendimet vetëm se më forcojnë dhe më shtohet dashuria për All-llah.
Më mjafton All-llahu si vëzhgues i punës dhe fjalës sime, s’më duhet respekti yt dhe s’do ta kesh respektin tim, nuk i pasoj teket tua që s’janë në përputhshmëri me detyrimet që i kemi para Zotit.

O besimtarë krenohuni që jeni Musliman.
- Zoti juaj është një Zot i vetëm! S’ka zot tjetër, përveç Atij, të Gjithëmëshirshmit, Mëshirëplotit! Kur’an 2:163.

Ruaju dreqit i cili të nxit që të turpërohesh me përkatësinë tënde fetare, përndryshe i turpëruar mund të përfundosh në xhehenem.

Besimtar, bëhu gati t’u përballosh sulmeve të mosbesimtarëve.
Ata s’ndalen, vështirë se ndryshojnë për të mirë, është mase e qartë, padrejtësia ka frikë drejtësinë.
Sharjen e ultë të mos ja kthesh njëjtë, ruaju të mos bëhesh si ai.
Zoti të tha vepro drejtë, në zemrat tona s’ka vend për urrejtje.
All-llahu është me durimtarët, vazhdo me urtësi edhe atëherë kur janë mosmirënjohës, e prej tyre ka mjaftë; përndryshe e largon më tepër, e largove, s'do ta afrosh aty ku ti ndihesh afër.

Thuaj: “Ah, sa mirë që jam Musliman, ndjenjë e fortë, gëzim i papërshkrueshëm, Insha All-llah s’vonon dita kur të gjithë ta kenë kuptuar çfarë kënaqësie është të jetosh jetën Islame.”

- O besimtarë! Pranojeni Islamin me të gjitha rregullat e tij dhe mos shkoni gjurmëve të djallit, se ai është armiku juaj i përbetuar. Kur’an 2:208.

Mburru që je Musliman, bëhesh më i guximshëm.
Ti e di që shpërblehesh me Xhennet kur në emër të Zotit e mbron atdheun-mëmëdheun.
Sa më afër All-llahut për aq shumëfishohet vullneti për ta luftuar padrejtësinë kudo dhe sido çoftë ajo.

- Midis besimtarëve ka të atillë që e kanë mbajtur besëlidhjen me Allahun. Disa prej tyre kanë vdekur, kurse të tjerët presin pa ndryshuar asgjë nga besnikëria e tyre. Kur'an 33:23.

Samidin Xhezairi (Komandant Hoxha, Prizren) 04.05.2012
www.facebook.com/samidin.xhezairi