Kryetari i Bashkise se Kavajes, Elvis Rosh arrestohet, dhunoi trajnerin e Tiranes

[Brari]

Vëzhguesi i FSHF: Pashë Elvis Roshin kur goditi trajnerin e Tiranës në stadium
9


Aktualitete Martë, 12 Mars, 2013 | 09:15 am


Elvis Roshi. Majtas, kryebashkiaku i Kavajës duke hyrë në fushë gjatë ndeshjes Besa-Tirana

Dhori Prifti sqaron ngjarjen: Isha unë ai që i ndava dy palët.

Vëzhguesi i FSHF-së: Ja si e goditi Roshi Deden.

“Kryebashkiaku e qëlloi me shuplakë. Dede s’reagoi fare”

Dhori Prifti, ish-gjyqtari i shquar shqiptar, ka ndërhyrë dhe më pas e ka larguar kryebashkiakun e Kavajës, Elvis Roshin, në momentin që ky i fundit goditi Nevil Deden. 63-vjeçari ka qenë vëzhguesi i FSHF-së, i dërguar për ndeshjen e luajtur në Kavajë të dielën. Atij ndoshta nuk i lejohet që të japë argumente për ecurinë e një ndeshjeje në media, por duke qenë se rasti në fjalë i kaloi përmasat sportive dhe kemi të bëjmë me një kryebashkiak të arrestuar, Prifti pranoi që të prononcohej për “Panorama Sport”, duke sqaruar në rolin e dëshmitarit të ngjarjes, atë që ka ndodhur.
Z. Prifti, ku ishit ju kur ndodhi incidenti?
Isha në korridor. Isha unë ai që ndërhyra mes të dyve dhe u përpoqa të ulja tensionin.
Çfarë ndodhi aty?
Pati tension. Tension i madh dhe i panevojshëm. U ndjeva keq, sepse deri në atë moment po shijonim një ndeshje futbolli relativisht të mirë.
Si hyri kryebashkiaku Roshi në ambientet e brendshme?
Këtë nuk e kuptova. U interesova pas ndeshjes, por nuk e mora vesh.
Na sqaroni pak çfarë ndodhi saktësisht aty?
Sapo kishte përfunduar pjesa e parë. Lojtarët dhe arbitrat kishin hyrë në dhomat e tyre, ndërkohë që trajnerët hynë pak më vonë. Në momentin që Dede po u drejtohej dhomave të zhveshjes, hynë disa persona, mes të cilëve edhe Roshi, por që unë me sinqeritet u them se nuk e njihja. Isha disa metra larg dhe i pashë se u drejtuan vrullshëm drejt Nevil Dedes. Nuk e di nëse e shanë apo e kërcënuan. Thjesht u nisa me vrap për t’i ndarë dhe për t’i qetësuar.
Deden e goditën, apo jo?
Po, e goditën me shuplakë. Këtë e pashë vetë.
Ju e keni pasqyruar këtë në raportin tuaj?
Po, sigurisht që e kam pasqyruar. Të jeni të bindur se gjithçka pashë unë aty, e kam pasqyruar.
Të rikthehemi te ngjarja. Dede si reagoi kur e gjuajti Roshi me shuplakë?
Nuk reagoi fare. Të them të drejtën, tani që e kam risjellë disa herë në mend atë skenë, mua më la përshtypjen e një njeriu shumë fisnik.
Në ç’kuptim?
Nuk reagoi fare, por nuk ishte as i trembur. Qëndroi serioz, pa folur, pa reaguar fare. Nuk tha asnjë fjalë.
Po më pas çfarë ndodhi?
U grumbulluan shumë njerëz, si zakonisht, dhe u përpoqëm të largonim ata që kishin hyrë pa leje.
Po policia çfarë bënte?
Ndërhynë edhe ata. Bënë të mundur nxjerrjen jashtë të personave që kishin hyrë pa leje.
Sa persona kishin hyrë pa leje?
Mendoj shtatë ose tetë, por nuk e kam edhe aq të qartë. Thjesht u hap dera edhe ata vërshuan menjëherë drejt trajnerit të Tiranës.
Njihnit ndonjë nga ata?
Jo, jo, nuk njihja asnjërin. Madje as kryetarin e Bashkisë nuk e njohja, më vonë e mora vesh se kishte qenë ai.
Pala kavajase pretendon se Nevil Dede ka qenë provokues gjatë pjesës së parë. E vërtetë është kjo?
Jo, unë nuk mendoj kështu. Po e përsëris edhe një herë, Dede u tregua burrë nga fillimi deri në fund. Madje ishte ai që ngulmoi që Tirana të dilte në fushë në pjesën e dytë, pasi shefi i klubit (Tagani) nuk donte.
A mund të jeni pak më i qartë?
Pas incidentit, shefi i klubit të Tiranës (Tagani) nuk dëshironte që skuadra të dilte në fushën e lojës. Ai pretendonte se ishte cenuar rëndë Tirana dhe nuk donte që ekipi të dilte në fushë. Ndërkohë, Dede i kërkoi disa herë se nuk ishte mirë që të mos luanin dhe i kërkoi që të mos braktisej ndeshja. Mendoj se nëse u luajt ndeshja, kjo ndodhi edhe prej Dedes.
Gjatë përplasjes së Roshit me Deden ju pësuat ndonjë gjë, patët ndonjë konfrontim me ndonjë person?
Jo, jo, me asnjë. Thjesht ndërhyra për të qetësuar situatën.
A ju ka ndodhur ndonjëherë tjetër të shikoni skena të tilla?
Jo, nuk më ka ndodhur kjo.
Sipas jush, përse Roshi e sulmoi Deden?
Nuk di ta them. M’u krijua përshtypja sikur kishte ndonjë inat të vjetër, por më pas mora vesh se ata nuk njiheshin fare me njëri-tjetrin. Gjithsesi, nuk mund të analizoj këtë, sepse nuk është një gjë që më përket mua.
Ju thoni se keni pasqyruar gjithçka në raportin tuaj. Po nëse do ta kishit ditur se kjo ngjarje do të merrte përmasa të tilla, a do të kishit bërë të njëjtën gjë?
Do të kisha bërë 100 herë të njëjtën gjë. Unë kam bërë detyrën time. Kam raportuar atë që kam parë dhe kam burrërinë t’ju them se nuk i kam hequr asnjë presje situatës. As kam gënjyer për ndonjë gjë.

“Goditja e Dedes, ka dëshmitarë”

Avokati, letër Adriatik Llallës: Kryebashkiaku të lirohet, arrestimi është kryer në shkelje të ligjit.


Roshi gjatë arrestimit nga RENEA

Prokuroria e Kavajës: Sot, vendimi për arrestin ose lirinë e Roshit
Prokuroria e Kavajës ka marrë në pyetje dje persona në cilësinë e dëshmitarëve okularë, të cilët kanë pohuar se kryetari i Bashkisë së qytetit, Elvis Roshi, ka goditur me grusht trajnerin e Tiranës, Nevil Dede. Lajmi është bërë i ditur nga burime të Prokurorisë, të cilat thanë dje se “janë marrë deklarime nga disa persona që kanë qenë të pranishëm, të cilët pohojnë goditjen ndaj trajnerit të Tiranës duke identifikuar si autor të sulmit kryebashkiakun e Kavajës”. Burimet nga grupi i hetimit kanë pohuar se ditën e djeshme kanë kryer një sërë veprimesh hetimore si pyetja e dëshmitarëve dhe administrimi i disa provave të tjera. Në lidhje me trajnerin e Tiranës, Nevil Dede, mësohet se ai është dërguar në spital, ku ka marrë mjekim. “Jemi duke pritur raportin nga spitali për shkallën e dëmtimit që ka pasur zoti Nevil Dede në cilësinë e kallëzuesit”, thanë burimet nga grupi i hetimit. Sipas tyre, në përfundim të veprimeve hetimore të kryera ditën e djeshme, sot do të merret vendimi lidhur me fatin e mëtejshëm të kryebashkiakut të Kavajës. Proceduralisht dy janë mundësitë: që Prokuroria të urdhërojë lirimin nga paraburgimi për Elvis Roshin dhe ndjekja penale për “kanosje e goditje për shkak të detyrës” dhe “kundërshtim të punonjësit të Policisë” të vazhdojë në gjendje të lirë, ose dërgimi i çështjes në gjykatë me kërkesën për caktimin e një mase sigurie.
Avokati: Të lirohet
Avokati i kryebashkiakut të Kavajës ka kërkuar dje që Prokuroria të lirojë klientin e tij pa humbur kohë. Me anë të një letre drejtuar prokurorit të Kavajës Besnik Muçi dhe prokurorit të Përgjithshëm Adriatik Llalla, mbrojtësi ligjor i Elvis Roshit e cilësoi arrestimin të paligjshëm. “Arrestimi është kryer jo vetëm në kundërshtim me të drejtat e njeriut, por oficeri i Policisë Gjyqësore ka shkelur ligjin kur ka plotësuar në procesverbal se kryebashkiaku i Kavajës është arrestuar në kushtet e flagrancës”, shkruan avokati në letrën dërguar Prokurorisë. Ai thekson se Roshi ka shkuar vetë në komisariat për të dhënë shpjegime në lidhje me ngjarjen. “Arrestimi është bërë me urdhër të drejtpërdrejtë të ministrit të Brendshëm, i cili nuk ka asnjë autoritet procedural për të ndikuar në hetimin e një çështjeje konkrete dhe, për rrjedhojë, duhet të jetë objekt hetimi nga ana e këtyre institucioneve”, është shprehur avokati Plarent Ndreca.

Prokuroria merr në pyetje kryebashkiakun e Kavajës
“Roshi është i qetë, s’e pranojmë akuzën”
TIRANE – Një prokuror i Kavajës ka marrë në pyetje mbrëmë në Tiranë kryebashkiakun Elvis Roshi. Dhimitër Ylli, prokurori i çështjes, në prani edhe të avokatit Plarent Ndreca, ka marrë deklarimet e para të kreut të Bashkisë së Kavajës në lidhje me ngjarjen e ndodhur të dielën në stadiumin e këtij qyteti. “Ishte një seancë pyetjesh me prokurorin, ku ne dhamë qëndrimin tonë për arrestimin dhe për faktin që ka ndodhur. Arrestimi pohojmë se ka qenë i paligjshëm, ndërsa për faktin, në stadium ka pasur një provokim nga ana e trajnerit të Tiranës Nevil Dede, që u është adresuar me grusht tifozëve të Kavajës. Për shkak të acarimit të tifozëve, kryetari i Bashkisë ka zbritur nga tribuna për të qetësuar situatën”, tha avokati i Elvis Roshit, Plarent Ndreca. I pyetur në lidhje me gjendjen e klientit të tij në paraburgim, avokati tha se “Elvis Roshi është i qetë, ai nuk ka shfaqur asnjë pretendim për dhunë apo për keqtrajtim, gjithçka ka qenë sipas rregullave”, tha avokati.

Protesta te Komisariati, punonjësit e Bashkisë, “në arrest” në Kavajë
Katër nëpunës të Elvis Roshit mbahen ende në Polici
Kavajë – Prokuroria pritet të vendosë sot edhe fatin e shtatë personave që u arrestuan nga policia gjatë protestave te Komisariati i Kavajës mbrëmjen e së dielës, pas ndalimit të Elvis Roshit. Policia e Kavajës e ka dërguar çështjen në Prokurori në lidhje me ngjarjen, ndërsa organi i akuzës ka pohuar se do të vlerësojë sot nëse do të caktojë masë sigurie ndaj personave të ndaluar mbrëmjen e së dielës. Në lidhje me konfliktin, i cili ka nisur gjatë përfundimit të pjesës së parë, janë arrestuar në kushtet e flagrancës edhe 7 shtetas për konsumim të veprave penale të “grumbullimit të paligjshëm”, “mosbindje ndaj punonjësve të Policisë”, “kundërshtim të punonjësve të Policisë”, “mosbindje ndaj punonjësve të Policisë”. Të arrestuarit ishin: Abdulla Mersin Tafa, 47 vjeç, banues në Kavajë; Astrit Vesel Veliu, 40 vjeç, me detyrë shofer pranë Bashkisë Kavajë; Osman Isuf Tabaku, 56 vjeç, kryeplak; Gazmend Nevruz Demrozi, 38 vjeç, me detyre drejtor i Policisë Bashkiake pranë Bashkisë Kavajë; Shkëlqim Abdurraman Nasufi, 28 vjeç, punonjës Bashkie; Erjald Sokrat Kostrica, 31 vjeç, me detyrë elektricist në Bashkinë Kavajë; Ruzhdi Fejko Aliu, 47 vjeç, banues në Kavajë.



Rama: Roshi të kërkojë ndjesë, por policia tregoi epsh politik
Kryesocialisti Rama dënoi dje si sjelljen e kreut të Bashkisë Kavajë, Elvis Roshi, ashtu dhe veprimet e policisë, që sipas tij kishin sfond politik. “S’ka pikë dyshimi se në qoftë se Elvis Roshi, kryebashkiaku i Kavajës, është grindur me duar pas ndeshjes me Nevil Dedën, trajnerin e Tiranës, kjo është e pajustifikueshme. Një personi publik, aq më tepër një qytetari të parë, nuk i lejohet të sillet si tifoz i dalë duarsh prej etheve të një ndeshjeje. Gjithnjë nëse kështu ka ndodhur, qytetari i parë i Kavajës duhet t’i kërkojë ndjesë publikisht skuadrës mike dhe vetë publikut. Fatkeqësisht, lajthitje të kësaj natyre janë bërë të herëpashershme në stadiumet tona dhe ndjesa publike e Elvis Roshit do të ishte një hap i duhur, drejt ndryshimit të domosdoshëm të klimës ku luhet futbolli në Shqipëri”, shkruan Rama në blog-un e tij personal. Rama dënon mënyrën se si veproi policia dhe forcat e saj speciale ndaj protestuesve në Kavajë. “Është e patolerueshme sjellja brutale e policisë me kryebashkiakun e Kavajës! Një dyndje trupash policore, përfshirë edhe forcat speciale që u turrën masivisht nga Tirana drejt Kavajës, me një zell që s’e tregojnë as kur krimi sharron me plumba komisarët. Reagim policor me epsh politik për të goditur publikisht një kundërshtar, i cili i është bërë halë në sy pushtetit qysh se përzuri me votën e popullit Sali Berishën nga bastioni i prapambetjes njëzetvjeçare. E sikur të mos mjaftonte rrethimi me mure policësh i Komisariatit ku Elvis Roshi kishte shkuar krejt normalisht me këmbët e veta, RENEA godet e gjakos njerëz të mbledhur aty spontanisht për të pritur kryebashkiakun”, shkruan Rama.

Kryebashkiaku në qeli më vete
Tirane – Mëngjesin e djeshëm, kryetari i Bashkisë së Kavajës, Elvis Roshi, e ka pritur në një nga qelitë e reja të paraburgimit të Policisë së Tiranës. Ai është mbajtur në një qeli me vete pa praninë e personave të tjerë, ndërsa në korridor qëndronte gjatë gjithë natës një efektiv policie. Një oficer i dytë qëndronte në shërbim roje në pjesën e jashtme të dhomës së izolimit, e cila ndahej nga korridori i qelisë së Roshit prej një porte hekuri. Dje në mëngjes, kërkesa e parë e kryebashkiakut të Kavajës për policin e turnit që bënte shërbim aty ka qenë marrja e gazetave. Elvis Roshi ka kërkuar të njihej me çfarë kishin shkruar mediat në lidhje me ngjarjen e ndodhur të dielën në stadiumin e Kavajës. Më pas, rreth orës 08:30, atij i është servirur ushqimi i mëngjesit, një turli me mish dhe bukë.

Precedentët e Roshit, dhunë në autostradë
Kryetari i Bashkisë së Kavajës, Elvis Roshi, ka pasur një precedent dhune vite më parë në autostradën Tiranë-Durrës. Ai ka dhunuar tre qytetarë pas një keqkuptimi të ndodhur në rrugën Tiranë-Durrës. Çështja është hetuar nga Policia dhe Prokuroria, por duke qenë se ishte klasifikuar plagosje e lehtë, hetimi është mbyllur për shkak se personat e dëmtuar kanë tërhequr kallëzimin e bërë ndaj Elvis Roshit. Ngjarja kishte ndodhur pak kohë pas zgjedhjes së Elvis Roshit si kryetar Bashkie në Kavajë. Ai kishte qenë duke udhëtuar nga kryeqyteti në drejtim të Durrësit për të shkuar më pas në Kavajë. Gjatë rrugës ka pasur probleme me një automjet që nuk i ka hapur menjëherë rrugën dhe më pas e ka parakaluar. Për rrjedhojë, Elvis Roshi ka nisur një konflikt duke i zënë rrugën drejtuesit të mjetit, të cilin e ka zbritur nga makina. Në prani të gruas dhe të djalit, shoferi i mjetit është rrahur dhe më pas është ushtruar dhunë edhe ndaj bashkëshortes dhe të birit. Ata bënë padi në Polici dhe për këtë çështje filloi hetimi, ndërsa procesi vazhdoi gjatë, derisa tre personat tërhoqën denoncimin që kishin bërë. Ndodhur në këto kushte, duke qenë se akuza ishte dëmtime të tjera me dashje, Prokuroria e Tiranës vendosi pushimin e hetimeve. Pushimi i hetimeve për Elvis Roshin është bërë për shkak të tërheqjes së padisë nga ana e personave të dëmtuar. sipas ligjit ngjarjet e tilla që konsiderohen si dëmtime të tjera me dashje ndiqen penalisht vetëm mbi bazën e ankesës që bën i dëmtuari akuzues. Nëse personi heq dorë, çështja automatikisht pushohet.

(Artikullin e plote e lexoni sot ne Panorama)

JETMIR HALILAJ & TRAZHGIM SOKOLAJ


panorama

[mario_kingu]

puna qendron qe ky njeri e ka bere se ka bere kete i takon policis shqiptare ta vertetoj
por nuk mund te arestosh nje bashkiak edhe ta mbash ne qeli siku ka vrar kjo eshte makaber
Nese ky viktima vertet e ka bere do perballet me ligjin shqiptar por jo te arestohesh si nje qen

Politika eshte per ti .....

[[Asteroid]]

Nje kryetar bashkie duhet te jet shembull i mire qytetarie dhe jo pasqyrues i dhunes

[Albo]

Roshi, “i izoluari” VIP ne qeline per femrat

Klodiana Kotorri

Kryetari i Bashkise se Kavajes, Elvis Roshi vazhdon te qendroje ne qelite e Drejtorise se Policise ne Tirane, qe kur forcat RENEA e transportuan mbremjen e se dieles pas arrestimit per kanosje dhe goditje per shkak te detyres. Ai u vendos ne nje qeli me vete, pikerisht ne qeline per femrat e sapo inauguruar ne Policine e Tiranes. Kjo sipas burimeve per shkak te kushteve me te mira qe paraqet kjo qeli. Mengjesin e djeshem, kryebashkiaku ka kerkuar gazetat e te henes. Te “i izoluarit” VIP iu ofrua i njejti ushqim qe iu ofrohet te shoqeruarve apo arrestuarve ne polici. Supa dhe turli mishi iu servir paraditen e djeshme kryebashkiakut ndersa per te pire, bidone me uje pa gaz, pa tape. Burimet policore thane se transferimi nga ambientet e izolimit te Kavajes, eshte kryer per shkak te sigurise dhe kushteve me te mira te trajtimit, qe ofrojne birucat ne drejtorine e Tiranes. Deri ne oret e pasdites se djeshme kryebashkiaku i Kavajes, Roshi, nuk ka pranuar te jape deklarimet e tij me shkrim per ngjarjen, pa qene prezent avokati i tij. Nderkohe, qe pasditen e se henes, prokurori e ka marre ne pyetje kryebashkiakun ne prani te avokatit, Plarent Ndreca. Marrja ne pyetje ka perfunduar rreth ores 18:30 ndersa avokati deklaroi se kerkoi nga prokurori shpalljen te paligjshme te arrestimit te Roshit. Ky i fundit nuk ka pranuar akuzen e policise. Ka pasur nje provokim nga kallezuesi, ka reaguar tifozeria, zoti kryebashkiak eshte perpjekur te qetesoje situaten. “Nuk ka pasur asnje konfrontim fizik me kallezuesin. Arrestimi eshte krejtesisht i paligjshem. Gjykojme qe edhe Nevil Dede, eshte ndaluar nga policia per te bere nje kallezim penal. Nisur nga menyra se si eshte bere arresti kur ai ka shkuar vete ne komisariat, besoj qe ka nje ndikim politik”, tha avokati, Plarent Ndreca. Nderkohe, prokuroria do te kryeje disa veprime hetimore dhe mesditen e se martes, do te vendoset nese do te lirohet Elvis Roshi apo do te dergohet para Gjykates se Kavajes, per caktimin e nje mase sigurie. Burime nga prokuroria thane se do te ka ende persona te tjere, qe do te merren ne pyetje per te sqaruar ngjarjen, si dhe do te verifikohen tabulatet telefonike. Kryebashkiaku, sipas policise, eshte vendosur i vetem ne birucen e femrave ne Drejtorine e Policise ne Tirane dhe nuk eshte lejuar te takoje te afermit.

Incidenti ne stadium, Roshi kanosi trajnerin

Incidenti ndodhi ne pushim te ndeshjes Besa-Tirana, e luajtur ne stadiumin e Kavajes pasditen e se dieles. Kryebashkiaku Elvis Roshi, sipas denoncimit te teknikut te Tiranes, Nevil Dede, ka zbritur ne dhomat e zhveshjes dhe pasi ka fyer dhe kercenuar me jete, e goditi me grushte pa asnje shkak. Me gjithe incidentin, kryeqytetasit dolen ne fushen e lojes ne pjesen e dyte, edhe pse me 7 minuta vonese. Takimi perfundoi 2-1 per kavajasit. Dede beri denoncim pas perfundimit te ndeshjes ne komisariat, kurse Roshi u paraqit per sqarime dhe u shoqerua. Pas disa oresh, iu komunikua ndalimi per akuzat e “kanosjes” dhe “kundershtimit te punonjesve te policise”, gjithashtu dyshimi per goditje te trajnerit Dede. Pas tensionimit te situates para komisariatit nga protestat, policia shperndahu qytetaret, kurse Roshi u transferua ne drejtorine e Policise Tirane.

Noka: Nuk e urdherova une arrestimin

Ministri i Brendshem Flamur Noka, komentoi dje rastin e kryebashkiakut te Kavajes. Noka, i pyetur mbi arrestimin e kryetarit te Bashkise se Kavajes, tha se arrestimi i Roshit, nuk eshte politik. “Nuk kam urdheruar arrestimin e kryebashkiakut te Kavajes, Elvis Roshi. Pretendimi per inskenim, i kryebashkiakut te Kavajes, Elvis Roshi, eshte nje perralle”, deklaroi Noka. Nderkohe, qe nga ana tjeter Elvis Roshi, pretendon se arrestimi i tij nga policia eshte bere per qellime politike. Nga ana e tij, Avokati i Popullit, Totozani ka deklaruar se po vleresohet ngjarja. “Kam derguar dje ne Kavaje dy komisionere per te vleresuar konfliktin Dede-Roshi. Kemi marre kontakt me kryebashkiakun e Kavajes, Roshi dhe po mbledhim fakte”, vleresoi Totozani.

Partia e Punes

Incidenti i ndodhur ne Kavaje, ka sjelle dhe reagimin nga Partia e Punes e Riorganizuar, me kryetar Marko Dajtin. Ne nje deklarate per mediat te PPR-se, thuhet se goditja e qytetareve nga zyrtaret e zgjedhur nga populli, eshte nje akt i papranueshem. “PPR rikujton se ne kohen kur ishte ne pushtet Partia e Punes me shokun Enver Hoxha ne krye, raste qe nje kryetar komiteti te godiste njerezit ne stadium apo te hynte me veture ne fushe, as mund te imagjinoheshin, ndersa sot, deputete e kryebashkiake, i kane shnderruar fushat sportive, ne rezervate gjuetie”, thuhet ne reagimin e PPR.

KJ

[Albo]

RRËFIMI I TRAJNERIT TË TIRANËS: ROSHI MË GODITI PA SHKAK, E PANË TË GJITHË

“Ishim poshtë në tunel kur erdhi kryetari i Bashkisë së Kavajës, Elvis Roshi, duke më sharë dhe duke më kërcënuar”. Trajneri i Tiranës, Nevil Dede, tregon për gazetën "Panorama" ngjarjen e rëndë në stadiumin e Kavajës, që çoi në arrestimin e kryebashkiakut. Sipas Dedes, Elvis Roshi e ka goditur në sy të shumë personave të tjerë, përfshi disa policë dhe përfaqësuesi të Federatës së Futbollit. “U cenua një klub i madh si Tirana, u njollos futbolli ynë”, ka deklaruar Dede pas ngjarjes. Ai ka bërë kallëzim në Polici për ngjarjen e rëndë në Kavajë.
Nevil, çfarë ndodhi në Kavajë?
Ishte pushimi i ndeshjes dhe lojtarët po hynin në dhomat e zhveshjes. Ishim poshtë në tunel kur erdhi kryetari i Bashkisë së Kavajës, Elvis Roshi, duke më sharë dhe duke më kërcënuar.
Pse po ju shante?
Nuk e di, as që e njoh fare atë. U përpoqa të shmangem dhe për një moment mendova se mos ndoshta është pasioni i një tifozi të skuadrës së tij. E papranueshme ishte gjithsesi sjellja dhe fjalori i tij, por nuk i kushtova shumë rëndësi dhe u përpoqa të shmangem.
Çfarë ndodhi më pas?
Vazhdoi me këtë sjellje skandaloze gjersa më goditi. Më goditi mua dhe një anëtar të stafit.
Nuk kishte njerëz të tjerë aty që të ndërhynin?
Kishte njerëz të tjerë dhe policë që ndërhynë menjëherë. Aty ishin edhe vëzhguesi me delegatin. Të gjithë e panë se çfarë ndodhi.
A mendoni se ka pasur ndonjë inat të vjetër Roshi me ju, apo ishte thjesht spontane?
Nuk di se çfarë të mendoj. Unë nuk e njoh fare atë (Roshin), por di t’ju them se ky njeri cenoi postin e trajnerit, cenoi klubin Tirana dhe futbollin shqiptar. Nuk mundet kurrsesi që një njeri me statusin e kreut të Bashkisë të hyjë në tunel dhe të sillet ashtu me trajnerin e një skuadre futbolli. Nuk mendoj se qyteti i Kavajës meriton të përfaqësohet nga një njeri i tillë. Unë kam miq në Kavajë, kam luajtur shumë herë në këtë qytet, por kurrë më parë nuk më kishte ndodhur kjo. Unë dhe gjithë shqiptarët e dimë se sa futbolldashës është ky qytet, ndaj nuk e meriton një njollë të tillë.
Çfarë ndodhi pasi ju goditën?
Asgjë, u trondita, u zemërova shumë. Po e përsëris edhe një herë: u cenua rëndë pozicioni i trajnerit, klubi Tirana dhe i gjithë futbolli.
Ju thatë se keni bërë kallëzim në Polici…
Po, bëra kallëzim. Nuk tolerohet askush që bën një gjest të tillë.
A u përballët sërish me Roshin në Komisariatin e Kavajës?
Po, e pashë që erdhi edhe ai. Nuk më intereson se çfarë tha. Më intereson që drejtësia të vihet në vend.
Po klubi a ka bërë padi?
Nuk e di, unë mund t’ju them vetëm për veprimet që kam ndërmarrë unë.
Po në fund të ndeshjes pati probleme?
Jo, nuk pati ndonjë problem. Thjesht u takova me presidentin e Besës, Nexhat Bizhdili, i cili më kërkoi disa herë të falur për atë që kishte ndodhur.
A ndikoi ky incident në pjesën e dytë?
Nuk di ta them këtë. Unë nuk mund ta përdor si alibi për humbjen atë që ndodhi në tunel, por as nuk mund të mohoj se pas atij incidenti shumë gjëra nuk ishin më normale. Nuk mendoj se mund të flitet për futboll kur dikush vjen e të godet pa asnjë shkak, kur je duke ushtruar detyrën. Pa dyshim që nuk isha i qetë dhe nuk e di nëse kam bërë zgjedhjet e duhura apo jo.

NGJARJA
Akt i rëndë ndodhi ditën e dielë në ndeshjen e zhvilluar në Kavajë mes Besës vendase dhe Tiranës, në kuadër të javës 18-të të Superligës. Gjatë pushimit midis pjesës së parë dhe të dytë, kryetari i Bashkisë së Kavajës, Elvis Rroshi, ka zbritur në dhomat e zhveshjeve dhe ka goditur trajnerin e Tiranës, Nevil Dede.
I menjëhershëm ka qenë reagimi i klubit bardheblu dhe vetë trajnerit Nevil Dede, të cilët kanë bërë kallzim penal për të dyshuarin.

ARRESTIMI
Pas kallzimit nga sherbimet e Komisariatit të Policisë Kavajë u mor masa e arrestit ndaj Kryetarit të Bashkisë Kavajë shtetasit Elvis Rroshi, 38 vjeç, për konsumim e veprave penale “Goditjes për shkak të detyrës”, “Kundërshtim të punonjësve të policisë” dhe “Mos bindje ndaj urdhërit të punonjësve të policisë”.

Konflikti, sqaron policia, ndodhi gjatë zhvillimit të ndeshjes së Superligës Besa -Tirana, ku shtetasi Elvi Rroshi dyshohet se ka qëlluar trajnierin e Tiranës shtetasin Nevil Dede, duke e kërcënuar këtë të fundit me jetën.

Shtetasi Nevil Dede, ka depozituar pranë Komisariatit të Policisë Kavajë, një kallzim penal në ngarkim të shtetasit Elvis Rroshi.
Ndërkohe në lidhje me këtë konflikt, i cili ka nisur gjatë përfundimit të pjesës së parë, janë arrestuar në kushtet e flagrancës edhe 7 shtetas për konsumim të veprave penale të “Grumbullimit të paligjshëm”, “Mos bindje ndaj punonjësve të policise”, “Kundërshtim të punonjësve të policisë”. Të arresturit e tjerë mësohet të jenë, Abdulla Mersin Tafa, 47 vjeç, banues në Kavajë, Astrit Vesel Veliu, 40 vjeç, me detyrë shofer pranë Bashkisë Kavajë, Osman Isuf Tabaku, 56 vjeç, Kryeplak, Gazmend Nevruz Demrozi, 38 vjeç, me detyrë Drejtor i Policisë Bashkiake, pranë Bashkisë Kavajë, Shkelqim Abdurraman Nasufi, 28 vjeç, punonjes bashkie, Erjald Sokrat Kostrica 31 vjeç, me detyre elektriçist në Bashkinë e Kavajës, si dhe Ruzhdi Fejko Aliu, 47 vjeç, banues në Kavajë.

Ky është veprimi i radhës i dhunës që vjen nga tribuna, teksa një ditë më parë ishte një tjetër kryebashkiak, ai i Gramshit, që hyri me makinë në fushën e lojës, ndërkohë që pohoi me gojën e tij se do ta vriste gjyqtarin po të ballafaqohej me të

(er.nu/d.b/BalkanWeb)

[Albo]

Vëzhguesi i FSHF: Pashë Elvis Roshin kur goditi trajnerin e Tiranës në stadium

TIRANE-“Kryebashkiaku e qëlloi me shuplakë. Dede s’reagoi fare” .Dhori Prifti, ish-gjyqtari i shquar shqiptar, ka ndërhyrë dhe më pas e ka larguar kryebashkiakun e Kavajës, Elvis Roshin, në momentin që ky i fundit goditi Nevil Deden. 63-vjeçari ka qenë vëzhguesi i FSHF-së, i dërguar për ndeshjen e luajtur në Kavajë të dielën. Atij ndoshta nuk i lejohet që të japë argumente për ecurinë e një ndeshjeje në media, por duke qenë se rasti në fjalë i kaloi përmasat sportive dhe kemi të bëjmë me një kryebashkiak të arrestuar, Prifti pranoi që të prononcohej për “Panorama Sport”, duke sqaruar në rolin e dëshmitarit të ngjarjes, atë që ka ndodhur.
Z. Prifti, ku ishit ju kur ndodhi incidenti?
Isha në korridor. Isha unë ai që ndërhyra mes të dyve dhe u përpoqa të ulja tensionin.
Çfarë ndodhi aty?
Pati tension. Tension i madh dhe i panevojshëm. U ndjeva keq, sepse deri në atë moment po shijonim një ndeshje futbolli relativisht të mirë.
Si hyri kryebashkiaku Roshi në ambientet e brendshme?
Këtë nuk e kuptova. U interesova pas ndeshjes, por nuk e mora vesh.
Na sqaroni pak çfarë ndodhi saktësisht aty?
Sapo kishte përfunduar pjesa e parë. Lojtarët dhe arbitrat kishin hyrë në dhomat e tyre, ndërkohë që trajnerët hynë pak më vonë. Në momentin që Dede po u drejtohej dhomave të zhveshjes, hynë disa persona, mes të cilëve edhe Roshi, por që unë me sinqeritet u them se nuk e njihja. Isha disa metra larg dhe i pashë se u drejtuan vrullshëm drejt Nevil Dedes. Nuk e di nëse e shanë apo e kërcënuan. Thjesht u nisa me vrap për t’i ndarë dhe për t’i qetësuar.
Deden e goditën, apo jo?
Po, e goditën me shuplakë. Këtë e pashë vetë.
Ju e keni pasqyruar këtë në raportin tuaj?
Po, sigurisht që e kam pasqyruar. Të jeni të bindur se gjithçka pashë unë aty, e kam pasqyruar.
Të rikthehemi te ngjarja. Dede si reagoi kur e gjuajti Roshi me shuplakë?
Nuk reagoi fare. Të them të drejtën, tani që e kam risjellë disa herë në mend atë skenë, mua më la përshtypjen e një njeriu shumë fisnik.
Në ç’kuptim?
Nuk reagoi fare, por nuk ishte as i trembur. Qëndroi serioz, pa folur, pa reaguar fare. Nuk tha asnjë fjalë.
Po më pas çfarë ndodhi?
U grumbulluan shumë njerëz, si zakonisht, dhe u përpoqëm të largonim ata që kishin hyrë pa leje.
Po policia çfarë bënte?
Ndërhynë edhe ata. Bënë të mundur nxjerrjen jashtë të personave që kishin hyrë pa leje.
Sa persona kishin hyrë pa leje?
Mendoj shtatë ose tetë, por nuk e kam edhe aq të qartë. Thjesht u hap dera edhe ata vërshuan menjëherë drejt trajnerit të Tiranës.
Njihnit ndonjë nga ata?
Jo, jo, nuk njihja asnjërin. Madje as kryetarin e Bashkisë nuk e njohja, më vonë e mora vesh se kishte qenë ai.
Pala kavajase pretendon se Nevil Dede ka qenë provokues gjatë pjesës së parë. E vërtetë është kjo?
Jo, unë nuk mendoj kështu. Po e përsëris edhe një herë, Dede u tregua burrë nga fillimi deri në fund. Madje ishte ai që ngulmoi që Tirana të dilte në fushë në pjesën e dytë, pasi shefi i klubit (Tagani) nuk donte.
A mund të jeni pak më i qartë?
Pas incidentit, shefi i klubit të Tiranës (Tagani) nuk dëshironte që skuadra të dilte në fushën e lojës. Ai pretendonte se ishte cenuar rëndë Tirana dhe nuk donte që ekipi të dilte në fushë. Ndërkohë, Dede i kërkoi disa herë se nuk ishte mirë që të mos luanin dhe i kërkoi që të mos braktisej ndeshja. Mendoj se nëse u luajt ndeshja, kjo ndodhi edhe prej Dedes.
Gjatë përplasjes së Roshit me Deden ju pësuat ndonjë gjë, patët ndonjë konfrontim me ndonjë person?
Jo, jo, me asnjë. Thjesht ndërhyra për të qetësuar situatën.
A ju ka ndodhur ndonjëherë tjetër të shikoni skena të tilla?
Jo, nuk më ka ndodhur kjo.
Sipas jush, përse Roshi e sulmoi Deden?
Nuk di ta them. M’u krijua përshtypja sikur kishte ndonjë inat të vjetër, por më pas mora vesh se ata nuk njiheshin fare me njëri-tjetrin. Gjithsesi, nuk mund të analizoj këtë, sepse nuk është një gjë që më përket mua.
Ju thoni se keni pasqyruar gjithçka në raportin tuaj. Po nëse do ta kishit ditur se kjo ngjarje do të merrte përmasa të tilla, a do të kishit bërë të njëjtën gjë?
Do të kisha bërë 100 herë të njëjtën gjë. Unë kam bërë detyrën time. Kam raportuar atë që kam parë dhe kam burrërinë t’ju them se nuk i kam hequr asnjë presje situatës. As kam gënjyer për ndonjë gjë.

(d.b/GazetaPanorama/BalkanWeb)

[Albo]

Roshi në Kavajë, pritet masa e sigurisë. Dede: Keqardhje që ngjarja mori ngjyra politike

TIRANE - Pas 48 orësh në drejtorinë e Policisë së Tiranës, Kryetari i Bashkisë së Kavajës, Elvis Roshi nën masa të rrepta sigurie la ambientet e policisë dhe mbërriti në Kavajëë për seancën e gjyqit.

Burime për "News24" bënë të ditur se Roshi u dërgua në Tiranë menjëherë pas pak orësh kur u shoqërua në komisariatin e Kavajës, ditën e dielë. Para këtij komisariati të dielën u mblodhën tubime me protestuar që kërkuan lirimin e Roshit, ndaj u vendos që ai të dërgohej në Drejtorinë e Policisë së Tiranës. Me 3 automjete policie, Elvis Roshi është nisur në Kavajë, ku një seancë gjyqësore në këtë qytet do përcaktojë nëse kryerbashkiaku do të lirohet me kusht apo do të qëndrojë në paraburgim.

Pas incidentit me trajnerin e ekipit të futbollit, Tirana, Nevil Dede, dosja e kryetarit të Bashkisë së Kavajës, Elvis Roshi kaloi sot në Gjykatën e këtij qyteti ku kryebashkiaku pritet të përballet me akuzën e kundërshtimit dhe mosbindje të forcave të rendit.

Elvis Roshi mbërrin në Gjykatën e Kavajës
Gjykata e Kavajës pritet të japë masën e sigurisë ndaj kryetarit të Bashkisë së Kavajës, Elvis Rroshi. Ai u transportua pak çaste më parë nga Drejtoria e Policisë së Tiranës drejt Gjykatës së Rrethit Kavajë, ku do të zhvillohet edhe seanca gjyqësore e vlerësimit të masës së sigurisë për të.

Ende nuk dihet se cili do te jetë qëndrimi i Prokurorisë në këtë çështje, nëse do të kërkojë arrest me burg për kryebashkiakun e Kavajës apo hetim në gjendje të lirë për të, pas akuzave të ngritura për goditje për shkak të detyrës, si edhe mosbindje të urdhrit të policisë.
Ndërkohë, qytetarë të shumtë të Kavajës po protestojnë para gjykatës, për lirimin e Elvis Roshit.

Dede: Keqardhje që incidenti mori ngjyra politike
Trajneri i ekipit të futbollit të Tiranës, Nevil Dede në një deklaratë për media u shpreh se i vjen keq që incidenti me kryebashkiakun e Kavajës mori ngjyra politike. Dede tha se ai vetëm sa denoncoi rastim, me qëllim që mos të përsëriteshin incidente të tilla në stadiume. Trajneri i Tiranës tha gjithashtu se ekipi i Tiranës nuk e ka në moral e traditë të kërkojë pikët e skuadrave të tjera.
“Klubi i futbollit Tirana nuk e ka në moral dhe në traditë të kërkojë pikat e ndeshjes me Besën, për të vetmin fakt sepse brenda fushës u luajt futboll i vërtetë. Ne denoncojmë fenomenin dhe gjithashtu duam të jemi të fundit, e ndërkohë nëpërmjet emrit tonë të madh e të rëndë në futbollin shqiptar të bëjmë ndryshimin e duhur për hir të sportit, investimeve serioze, korrekte dhe të pastra. Unë personalisht si trajner i Tiranës e quaj kapitull të mbyllur dhe jo personal. Gjithashtu, më vjen shumë keq që ky incident ka marrë ngjyra politike. Më intereson vetëm ekipi dhe kundërshtari i radhës Flamurtari. Faleminderit Nevil Dede”

Rrëfehet kryebashkiaku Roshi: E vërteta e incidentit në Kavajë
"Arrestimi im ka prapavijë politike. E urdhëroi ministri Flamur Noka...”. Elvis Roshi, kreu i Bashkisë së Kavajës, i cili ndodhet në qelitë e paraburgimit në Drejtorinë e Tiranës pas incidentit që pati me trajnerin e klubit sportiv “Tirana”, Nevil Dede, këmbëngul se urdhrin për arrestimin e tij e dha ministri i Brendshëm dhe se bëhet fjalë për një inskenim politik. Pas një seance të gjatë pyetjesh përballë prokurorit Ylli Dhimitri në prani edhe të avokatit Plarent Ndreca, ku dha versionin e tij lidhur me ngjarjen e ndodhur në Stadiumin e Kavajës, kryebashkiaku Roshi vendosi të rrëfehet në një intervistë për “GSH”. Përmes avokatit, kryebashkiaku Roshi deklaroi se i dënon aktet e dhunës në sport dhe se do të kërkonte falje nëse do ta kishte goditur Nevil Deden...
Z.Roshi, përse u konfliktuat me trajnerin e klubit sportiv “Tirana”, Nevil Dede?
Nuk jam konfliktuar fizikisht me trajnerin e “Tiranës”, Nevil Dede. Ka pasur një veprimtari timen për të qetësuar situatën, pasi trajneri bëri një gjest antisportiv dhe provokues për të gjithë stadiumin.
Mund të na thoni për çfarë gjesti bëhet fjalë?
Ngriti grushtin si simbol komunist, për të nënkuptuar se qyteti i Kavajës është qytet komunist.
Përmes avokatit, jeni shprehur mbrëmjen e kaluar se urdhrin për arrestimin tuaj e ka dhënë ministri i Brendshëm, Flamur Noka. Nga niseni që bëni një deklaratë të tillë?
Kam qenë prezent në sherrin që ka bërë shefi i Komisariatit, Urim Rexhepi me ministrin e Brendshëm Noka, i cili i ka kërkuar drejtpërdrejt arrestimin tim.
Deri në atë moment kam qenë i lirë, në zyrën e shefit të Komisariatit duke shpjeguar ngjarjen, pasi jam paraqitur me vullnetin tim të plotë për të dhënë versionin tim për ngjarjen, pasi mësova se ndaj meje ishte bërë një kallëzim.
A ka prapavijë politike arrestimi juaj?
Nisur nga ky fakt që sapo thashë, duket qartë që ka një nxitje politike. Veprimet e policisë nuk kanë spunto ligjore, por kanë shfrytëzuar një situatë të stisur për të diskretituar figurën time, si kryebashkiak i Kavajës dhe si një nga kryebashkiakët më të suksesshëm të vitit të kaluar.
Mendoni se trajneri Nevil Dede është përdorur nga policia për të bërë denoncim ndaj jush, sikurse deklaroi dhe avokati juaj?
Nga analizimi që u bëhet gjithë veprimtarisë së policisë dhe informacioneve që vijnë nga dëshmitarë okularë, duket që trajneri i “Tiranës” është përdorur nga policia për të plotësuar skenarin e hartuar po nga ata.
Cili është qëndrimi juaj lidhur me aktet e dhunës në futbollin shqiptar, që për fat të keq kanë qenë të shumta?
Sigurisht që janë vepra të dënueshme dhe arsyeja përse unë zbrita te lojtarët dhe u përpoqa të qetësoja situatën, ishte gjesti antisportiv i një trajneri të një klubi të mirënjohur, gjet ky i papranueshëm në ambientet sportive, e për më tepër i bërë nga një drejtues i një ekipi me emër dhe histori në futbollin shqiptar.
Kryesocialisti Edi Rama reagoi në rrjetin social “Twitter”, ku pasi dënoi rëndë arrestimin, u shpreh se ju duhet të kërkoni falje nëse e keni goditur trajnerin. Do ta bënit një gjest të tillë?
Sigurisht që do e bëja në rast se do ta kisha goditur Nevil Deden. Por për sa kohë nuk ka ndodhur një gjë e tillë, nuk kam sesi të kërkoj falje, pasi nuk e kam kryer një gjest të tillë. (Intervista nga Klodiana Lala, GazetaShqiptare)

(d.b/er.nu/BalkanWeb)

[Albo]

Reagon Rama: Nëse është grindur me duar Roshi duhet të kërkojë ndjesë publikisht

Kryetari i Partisë Socialiste Edi Rama ka reaguar lidhur me konfliktin mes Kryetarit të Bashkisë së Kavajës dhe Tranierit të Tiranës. Në blogun e tij edi ramaRama shprehet se Kryetari i Bashkisë duhet ti kërkojë falje publike skuadrës mike. ” S’ka pikë dyshimi se nëqoftëse Elvis Roshi, kryebashkiaku i Kavajes, është grindur me duar pas ndeshjes me Nevil Dedën, trainerin e Tiranës, kjo është e pajustifikueshme. Një personi publik, aq më tepër një qytetari të parë, nuk i lejohet të sillet si një tifoz i dalë duarsh prej etheve të një ndeshjeje. Gjithnjë nëse kështu ka ndodhur, qytetari i parë i Kavajës duhet t’i kërkojë ndjesë publikisht skuadrës mike dhe vetë publikut. Fatkeqësisht lajthitje të kësaj natyre janë bërë të herëpashershme në stadiumet tona dhe ndjesa publike e Elvis Roshit do të ishte një hap i duhur, drejt ndryshimit të domosdoshëm të klimës ku luhet futbolli në Shqipëri, ” shkruan Rama. Por kreu i opozitës e ka cilësuar të pa tolerueshme sjellja brutale të policisë me kryebashkiakun e Kavajes! “Një dyndje trupash policore përfshirë edhe forcat speciale që u turrën masivisht nga Tirana drejt Kavajës, me një zell qe s’e tregojnë as kur krimi sharron me plumba komisarët. Reagim policor me epsh politik për të goditur publikisht një kundërshtar, i cili i është bërë hale në sy pushtetit qyshse përzuri me votën e popullit Sali Berishen nga bastioni i prapambetjes njezetvjeçare. E sikur të mos mjaftonte rrethimi me mure policësh i komisariatit ku Elvis Roshi kishte shkuar krejt normalisht me këmbet e veta, RENEA godet e gjakos njerëz të mbledhur aty spontanisht për të pritur kryebashkiakun. i cili merret në Tiranë dhe mbahet në polici tërë natën në shkelje të gjithë procedurave ligjore, ndërkohë që në Durrës ndodh një vrasje e radhës në rrugët e qytetit dhe e gjithë policia, me në krye ministrin, merret me gjahun politik në Kavajë. Fakti që kryebashkiaku mbahet ende në polici është vetëdiskreditues për qëllimin politik të këtij operacioni skandaloz,” vazhdon më tej Rama. Sipas tij s’ka mundësi ta justifikosh Elvis Roshin nëse ka zbritur në dhomën e zhveshjes së skuadrës mike, për t’u kapur me Nevil Deden pas çfarëdo provokimi publik që mund të ketë bërë ky i fundit. “Por është jashtëzakonisht e rëndë për shtetin e shoqërinë që lufta politike ta degjenerojë deri në këtë fare feje misionin dhe funksionin e Policisë së Shtetit. E cila duke u turrur qorrazi pas Elvis Roshit pa asnjë arsye që lidhet me ligjin e me rolin e saj, na ka dhënë provën e humbjes së toruas së pushtetit në rrugën drejt humbjes së pashmangshme të 23 qershorit. Në Kavajë dhe në gjithë Shqipërinë,” mbyll reagimin Rama.

MAPO

[Albo]

Gjykata e Kavajës liron kryebashkiakun, Roshi

TIRANE- Gjykata e Kavajës e ka cilësuar të paligjshëm arrestimin në flagrancë të kreut të Bashkisë së Kavajës, Elvis Roshi duke e lënë atë të lirë.

Dhjetra qytetarë të Kavajës, mbështetës të kryebashkiakut Roshi janë mbledhur prej minutash para gjykatës, ku presin të përshëndesin lirimin e tij.

Ndërkohë Prokuoria kishte kërkuar masën e sigurisë detyrim paraqitje për kreun e Bashkisë Kavajë, Elvis Roshi.

Roshi eshte transportuar nga dhoma e shoqerimit ne policine e Tiranes per ne drejtim te qytetit te Kavajes, nen masa te rrepta sigurie.

Kryebashkiaku ka qene i arrestuar prej dites se diele, pas denoncimit te bere nga trajneri i ekipit te Tiranes, Nevil Dede per dhune dhe kercenim ndaj tij.

Nje dite me pare, avokati i kryebashkiakut të Kavajës ka kërkuar që Prokuroria të lirojë klientin e tij pa humbur kohë.

Me anë të një letre drejtuar prokurorit të Kavajës Besnik Muçi dhe prokurorit të Përgjithshëm Adriatik Llalla, mbrojtësi ligjor i Elvis Roshit e cilësoi arrestimin të paligjshëm.

“Arrestimi është kryer jo vetëm në kundërshtim me të drejtat e njeriut, por oficeri i Policisë Gjyqësore ka shkelur ligjin kur ka plotësuar në procesverbal se kryebashkiaku i Kavajës është arrestuar në kushtet e flagrancës”, shkruan avokati në letrën dërguar Prokurorisë. Ai thekson se Roshi ka shkuar vetë në komisariat për të dhënë shpjegime në lidhje me ngjarjen.

Burimi: Panorama

[MaDaBeR]

Ky pra eshte programi aq shume i reklamuar i PS, Per Rilindje te Sportit dhe Rilindje Kombetare.