Informacione dhe kuriozitete rreth shendetit

[[Asteroid]]

Rezultate befasuese në një studim mbi ankthin

Kush ndjehet i shqetësuar nga anthi dhe struket, tërhiqet, shmanget duke u fshehur nga bota, nuk është vetëm. Mbi 40 milionë amerikanë (18 % e popullsisë së rritur) thonë se kanë ndjenja ankthi. Megjithatë, studimet e fundit kanë arritur në disa përfundime të habitshme në lidhje me atë që shkakton ankthin në radhë të parë.

Çdo njeri është i lindur me një përgjigje natyrale ndaj stresit dhe ankthit. Por si çdo mekanizëm tjetër, edhe mekanizmi i kontrollit të ankthit ka difekte. Nëse një pjesë e këtij mekanizmi shkon keq, i tërë sistemi mund të dalë jashtë kontrollit.
Në kohët parahistorike, njerëzit kishin nevojë për nivel të lartë kontrolli të ankthit (ata reagonin duke u fshehur a duke u ngjitur në pemë) për t’u ruajtur a mbrojtur nga rreziqet natyrore a të mjedisit – kafshë të egra rivale e mishëngrënëse ndodheshin kudo – mbijetesa e tyre vihej vërtetë në pikëpyetje.
Por në kohët moderne mënyrat e mbijetesës jane ndryshe, i njëjti mekanizëm për t’u mbrojtur ka evoluar dhe njerëzit përgjigjen duke u bërë nervozë, kur parandjenë ndonjë rrezik sado të vogël, ose atmosferë të pakëndshme. Sa herë i thotë njeriu vetes “nuk ka asgjë për t’u shqetësuar, cështja nuk është ‘jetë-a-vdekje’, por ankthi prapseprap e grryen përbrenda.
Një grup shkencëtarësh amerikanë thotë se shkaku i shqetësimit është niveli i ulët i dy substancave në trup – GABA dhe Serotonin, që janë zbutës natyrorë të ankthit dhe stresit. Gjatë 18 muajve të fundit, shkencëtarët në një laborator në Nju Jork kanë kryer prova me 3 bimë, duke krijuar një substancë të kombinuar, e cila mund të luftojë ankthin, pasi rrit nivelet Serotonin dhe GABA në trupin e njeriut.
Rezultati? Personi ndjehet më i lehtësuar, më pak i shqetësuar dhe ankthi zhduket. Me kalimin e kohës, substanca, e quajtur A2X, ndihmon gjithashtu për të qetësuar përgjigjen natyrale të trupit ndaj stresit.

Provat klinike kanë treguar se A2X nuk krijon efekte anësore.
Megjithëse studimi është kryer nën kujdesin e Administratës së Ushqimeve dhe Barnave (FDA), ajo nuk e ka miratuar dhe as nuk e ka hedhur poshtë përdorimin e kësaj substance, pasi FDA vlerëson vetëm ushqimet dhe barnat, por jo shtojca si A2X ose produkte të ngjashme. Për këtë arsye, A2X nuk shitet në farmaci, sepse nuk është e destinuar për të diagnostikuar, parandaluar, trajtuar a kuruar ndonjë sëmundje, nuk konsiderohet ilac. A2X ofrohet në numër të kufizuar në formë mostrash për publikun në dyqane bimësh mjekesore ose barnash plotësues dietikë.

[[Asteroid]]

SHBA – Vdekjet nga kanceri në rënie

Të dhëna të reja konfirmojnë se shkalla e përgjithshme e vdekjeve nga kanceri në Shtetet e Bashkuara është duke u ulur. Në vitin 2009, rastet e vdekjes nga kanceri ranë 20 përqind në krahasim me vitin 1991, kur vdekjet nga kjo sëmundje shënuan kulmin.

25 për qind e vdekjeve në Shtetet e Bashkuara ndodhin për shkak të kancerit. Por shifrat e fundit nga Shoqata Amerikane e Kancerit tregojnë se sëmundja e ka humbur disi kontrollin e saj – rastet e vdekjeve vazhdojnë të pakësohen për 4 llojet kryesore të kancerit; të mushkërive, zorrës së trashë, të gjirit dhe prostatës. Përmirësime më të mëdha në mbijetesën kanë ndodhur për leukiminë dhe Limfomës-Hodgkin.
Edhe numri i rasteve të reja të kancerit është në rënie; megjithëse vihet re një rritje përsa i përket melanomës së lëkurës dhe kancereve në mëlçi, tiroide dhe pankreas. Gjatë dekadës së fundit rastet e kancerit pankreatik mes burrave dhe grave janë rritur ngadalë.
Studimi parashikon se në vitin 2013, në Amerikë do të ketë përafërsisht 1 milion e 700 mijë raste të reja kanceri dhe 600 mijë vdekje nga kjo sëmundje
Shoqata amerikane e Kancerit thotë se këto shifra mund të përmirësohen më tej nëpërmjet edukatës shëndetësore në parandalimin e kancerit për të gjithë segmentët e popullsisë - me theks të veçantë në shtresat e varfëra dhe pakicat.

[[Asteroid]]

E-Cigaret, më shumë të mira apo të këqia?

Shumë njerëz besojnë se cigaret elektronike apo E-Cigaret janë më pak të dëmshme sesa cigaret me duhan.
Një studim i ri tregon se ekzistojnë ide të gabuara se çfarë mund dhe nuk mund të bëjnë ato – mbi rreziqet ose përfitimeve e tyre dihet shumë pak.
Është quajtur cigare elektronike, por duket si cigare e vërtetë – ajo përmban një substancë të lëngshme që krijon avuj nikotine dhe jo lëndë të tjera të dëmshme që gjenden në cigaret e duhanit.
Një studim i publikuar në revistën amerikane të shëndetit publik, konstaton se shumë të rinj besojnë se këto zevendësuese të cigareve të duhanit, mund të jenë më të dobishme sesa thuhet se janë
Shkencëtarët analizuan të dhëna duke pyetur a vëzhguar rreth 2 mijë e 500 persona të moshave 20 – 28 vjeçare për të parë se sa i njihnin ata këto cigareve
Rezultatet treguan se gati 70 për qind e pjesëmarrësve ishin në dijeni rreth cigareve elektronike; mes këtij grupi, 45 për qind mendonin ato mund të ndihmonin për të lënë cigaren me duhan; 52 për qind besonin se e-cigaret ishin më pak të dëmshme; dhe 27 për qind thanë se këto lloj cigaresh e bënin personin më pak të varur nga nikotina në krahasim me personat që pinin cigare të zakonshme.
Por studiuesit paralajmërojnë se rreth rrezikut të cigareve elektronike dihet shumë pak, dhe se nuk ka dëshmi të mjaftueshme për të mbështetur ndonjë përfitim prej tyre.

[[Asteroid]]

Hierarkia e Humbjes ne Peshe

1. Ushqimi ne menyren e duhur

Nuk ka asgje qe ju mund te beni per te kompensuar nje diete te keqe. E thene ndryshe ju duhet te krijoni nje deficit ne sasine e kalorive duke ngrene ne te njejten kohe mjaftueshem proteine dhe yndyrna te domosdoshme. Nuk ka asnje menyre tjeter per kete.

2. Eshte shume e rendesishme. Nese nuk jeni aty ku doni, ose nuk po perparoni atehere vendi i pare ku duhet te fokusoheni eshte tek ajo cfare fusni ne goje.

3. Aktivitete qe djegin kalori, mbajne/zhvillojne masen muskulare dhe rrisin metabolizmin
Sasia e kalorive te djegura gjate nje dite percaktohet nga ritmi yne metabolik ne momente qetesie (RMR). Sasia e kalorive te djegura jashte RMR, qofte nepermjet ushtrimeve fizike apo efektit termik te ushqimit, eshte nje kontribues i vogel ne sasine e pergjithshme te djegjes se kalorive ne dite. Ne gjithashtu dime qe RMR eshte nje funksion qe lidhet gjeresisht me sasine e muskujve qe kemi, dhe sa shume i vendosim ato ne pune. Prandaj, shtimi aktiviteteve cka nxit ose mban masen muskulare do ta bej po ate mase te punoj me shume dhe te rrisi ritmin metabolik. Ky eshte prioriteti yne numer nje ne krijimin e programeve per djegjen e yndyres. Per fat te mire, ata njerez te cilet jane thjesht te interesuar ne mbarevajtjen e performances dhe nuk shqetesohen nese kane pak me teper yndyre, rritja e mases muskulare dhe metabolizmi nuk interferon me rritjen ne performance.

4. Aktivitete qe djegin kalori dhe rrisin metabolizmin
Niveli tjeter ne programin e humbjes se peshes do ishte nje aktivitet i ngjashem. Jemi akoma duke kerkuar aktivitete qe hane kalorite dhe rrisin Konsumimin e Oksigjenit Pas Ushtrimeve (EPOC). EPOC eshte percaktuar shkencerisht si “rikthimi i meparshem i ritmit metabolik ne nivelet para ushtrimeve” dhe “mund te kerkoj disa minuta per ushtrime te lehta dhe disa ore per intervale te veshtira.” Me pak fjale, metabolizmi juaj qendron i larte pasi ndaloni ushtrimet, sa larte shkon dhe sa shume qendron varet shume nga intensiteti i ushtrimeve.

[[Asteroid]]

Shpresa të reja për të sëmurët me Alzheimer

Një nga karakteristikat kryesore të sëmundjes Alzheimer është prodhimi në truri i një molekule toksike e njohur si beta amyloid. Qelizat Microglial, mbrojtës të sistemit nervor, nuk janë në gjendje për t’a eliminuar këtë substancë, e cila formon depozitat quajtura pllakëza senile apo të plakjes.

Shkencëtarë nga Universiti Laval dhe studiues në qendrën kërkimore CHU deQuébec, pas 10 vjetë pune në laborator, kanë identifikuar një molekulë që stimulon aktivitetin e qelizave imune të trurit. Molekula, i njohur si MPL (lipidet monophosphoryl A).
Tek minj me simptomat të Alzheimerit, injeksione javore të molekulës MPL gjatë një periudhe 12 javëshe eliminoi deri në 80% pllakëzat senile. Përveç kësaj, provat e aftësisë së minj për të mësuar detyra të reja treguan përmirësim të rëndësishëm në funksion njohës gjatë së njëjtës periudhë 12 javore.
Studiuesit shohin dy përdorime të mundshme të molekulës MPL. Ajo mund të administrohet me injeksion intramuskular për njerëzit me Alzheimer për të ngadaluar përparimin e sëmundjes. Ose mund të përfshihet në një vaksinë të caktuar për të stimuluar prodhimin e antitrupave kundër beta amyloidit. Vaksina mund të jepet për njerëzit që tashmë kanë sëmundje për të stimuluar imunitetin e tyre natyror, por mund të administrohen edhe si një masë parandaluese për njerëzit me faktorët e rrezikut për sëmundjen Alzheimer, thuhet në studim.

[[Asteroid]]

Truri dhe bindjet kundërthënëse

Shpesh bëhet pyetja se si njerëzit inteligjentë dhe të edukuar mund të besojnë se evolucioni është mit, se ngrohja globale është shaka, se vaksinat shkaktojnë autizëm, apo sistem ideologjik – i njohur për krime – ka qenë i mirë. Këto kundërthënie, shkencëtarët i shpjegojnë me atë që e quajnë logjike e shpërndarë në pjesë të izoluara të trurit, të krahasuara me dhomat e papërshkueshme nga uji të një anijeje.

Koncepti i funksioneve të trurit të fragmentuar, që veprojnë në bashkërendim apo në konflikt, ka qenë thelbi i psikologjisë evolucionare që në fillim të viteve 1990. Sipas kësaj ideje, gjithkush është hipokrit, dhe se truri ka evoluar si një organ për zgjidhjen e shumë problemeve njëherësh; si një thikë zvicerane, ose si një iPhone për shumë veprime njëherësh. Si në këto pajisje, thonë shkencëtarët, edhe në tru shumë-funksionësh, nuk ekziston ‘e vetmja’ që krijon besime të brendshme të lira nga konflikti. Në fakt, truri është një koleksion pjesësh të ndryshme, që ndërveprojnë shpesh në konflikt me njëra-tjetrën. Një pjesë që e shtynë njeriun drejt ushqimeve të ëmbla dhe të yndyrshme në afat të shkurtër, është në konflikt me atë pjesë të trurit vëzhgon imazhin e trupit dhe shëndetit në afat të gjatë. Çdo pjesë e trurit është në konflikt për konkurrencë me njëra tjetrën, siç p.sh. pjesa për altruizëm me atë për kopraci, ose pjesa e trurit për të thënë vërtetën me pjesën për të gënjyer.
Ky fragmentim i trurit ndikon, kur teoritë e reja shkencore bien në kundërshtim me besimet e vjetra dhe naive. Studimet kanë treguar se të rejat shkencore pranohen më lehtë kur ato janë pajtohen me besimet e mëparshme naive, ndërsa deklaratat kontradiktore shkencore përpunohen më ngadalë dhe me më pak saktësi, duke sugjeruar se “teoritë naive nuk jepen lehtë përballë një teorie shkencore reciprokisht të papajtueshme, dhe bashkëjetojnë me këtë teori për shumë kohë.
Përveç kësaj, logjika e ndarjes së trurit në dhoma të mbyllura, ndikohet nga emocionet morale, të cilat e çojnë njeriun të shtrembërojnë të dhënat dhe provat nëpërmjet një procesi të quajtur arsyetimi i motivuar. Preferenca politike, për shembull, motivon ithtarët të gënjejnë, qoftë edhe duke heshtur, për të mohuar ato që vërtetohen nga faktet mbizotëruese.
Ç’duhet bërë për shembjen e mureve që ndajnë këto “dhoma” të logjikës në tru? Formulë të vetme nuk ka. Por, shkencëtarët rekomandojnë qëndrimin sa më larg informacioneve të gabuara, thash-e-themeve, zhurmave të kota dhe njerëzve që gënjejnë.

[[Asteroid]]

Në ç’mënyrë truri percepton botën?

Pesë shqisat – shikimi, dëgjimi, prekja, shija dhe nuhatja – si 5 mënyra të ndryshme për të perceptuar botën, duket sikur veprojnë të pavarura. Në fakt, ato bashkëpunojnë ngushtë për të mundësuar mendjen që të kuptojë më mirë ç’ndodh rreth saj, thuhet në një shkrim të revistës “Scientific American”
Në disa raste, një ndjenjë e fshehtë mund të ndikojë në atë që njerëzit mendojnë. Kur informacioni pamor përplaset me atë dëgjimor, ndjenja e përftuar nga shikimi është më e fortë dhe ndryshon ndjenjën e përftuar nga dëgjimi. Kur një ndjenjë humbet, një tjetër merr nxitje. Për shembull, njerëzit të cilët janë të verbër mund ta stërvitin shqisën e dëgjimit për të luajtur rol te dyfishtë. Personi që është i verbër dhe i shurdhër mund të përdorë prekjen për të interpretuar të folurit.
Sinjalet e shqisave duhen gjithashtu të takohen rregullisht në tru për të siguruar që përshtypjet e njeriut për botën jenë të sakta. Aftësia për të perceptuar emocionet e të tjerëve mbështetet në kombinimin e informacioneve nga tingujt, pamjet dhe madje edhe nuhatja. Sistemet perceptuese, veçanërisht aroma, lidhen me kujtesën dhe emocionet, ndërsa përplasja mesazheve të dërguara nga shqisat në tru ofron disa nga nxitjet më fantastike për iluzione, shpikje dhe art. Kjo mënyrë perceptimi quhet synesthesia.
Njerëzit zakonisht dallojnë pamjet që shohim dhe tingujt që dëgjojnë. Por në disa raste, ato mund të ndërthuren. Gjatë perceptimit, truri integron informacionet që merr nga veshët me ato të syve. Kjo bën që njeriu i cili merr informacionin duke parë, mendon se e ka dëgjuar.
Balenat, mes kafshëve të tjera, lëshojnë tinguj – jo për të komunikuar me balena të tjera, por për të “parë”. Për të identifikuar dhe gjetur një objekt, ato ndjekin gjurmët e valëve zanore që përplasen me objektin dhe kthehen në jehonë. Ky sistem shqisor quhet “eko-lokacion”. Edhe pse shumica e njerëzve vetëm mund të imagjinojë pamjet kur dëgjojnë tinguj, disa njerëz të verbër kanë arritur për të zotëruar një formë eko-lokacioni; nga mërmëritja dhe përplasjeve e tingujve, këta individë mund të përdorin veshët e tyre për t’u orientuar.
Njerëzit, të cilët janë të shurdhër-të verbër, përdorin shqisa të tjera si prekjen për të levizur dhe për të kuptuar botën për rreth. Disa përdorin Metodën Tadoma – duke prekur buzët e një personi që flet. Kjo metodë filloi të përdorej për herë të parë në vitin 1920. Nëse mësohet në moshë të hershme, metoda Tadoma mund të ndihmojë një fëmijë të verbër-të shurdhër që të mësojë të flasë. Për shkak se kjo metodë është jashtëzakonisht e vështirë për t’u mësuar, nga viti 1950 filloi të humbasë terren përballë gjuhës me shenja si metodë mësimore mbizotëruese. Sot, shumë pak njerëz në botë përdorin ende metodën Tadoma.
Njerëzit me synesthesia kanë një lidhje të veçantë mes shqisave, në të cilat aktivizimi i një kuptimi vetvetiu shkakton një tjetër. Ata mund të shohim ngjyra, kur dëgjojnë zhurma. Synesthesia mendohet të jetë gjenetike dhe studimet e fundit tregojnë se synesthesia mund të jetë një avantazh evolues. Studimet kanë treguar se njerëzt që merren me art janë 7 herë më të prirur t’a perceptojnë botën nëpërmjet mënyrës synesthesia.

[[Asteroid]]

Depresioni dimëror mbetet ende mister

Një ndjenjë trishtimi vjen mbi njerëzit në fund të vjeshtës, së bashku me gjethet e fundit, ngricat e mëngjesit, dhe diellin që perëndon më herët çdo ditë. Disa mund të thonë se një çaj nxehtë dhe një pallto e ngrohtë mund të jenë të gjitha që nevojiten për të përballuar dimrin e ftohtë, por për shumë njerëz, dimër do të thotë depresion dhe melankoli.

Depresioni dimëror është ende një mister për shkencëtarët të cilët e studiojnë atë. Shumë gjëra të tilla si, kimikate të trurit, jone të ajrit, dhe gjene të trupit duket se përfshihen. Por shkencëtarët janë të një mendimi se njerëzit që vuajnë nga depresioni dimëror – i njohur gjithashtu si “çrregullim emocional stinor”, kanë një gjë të përbashkët; ata janë veçanërisht të ndjeshëm ndaj dritës, apo mungesës së saj.
Shumë studime kanë treguar se njerëzit me çrregullim emocional stinor ndjehen më mirë pas ekspozimit në dritë. Kjo duket mjaft e thjeshtë; në zonat malore, ditët e dimrit janë më të shkurtra, kështu që njeriu ekspozohet më pak në diellit. Në këto raste ekspertët rekomandojnë dritën të artificiale për të zevendësuar dritën e diellit. Por të tjerë thonë se kjo është në fakt shumë më komplekse, pasi nuk është vetëm çështje e gjetjes së dritës, por edhe që drita të merret në kohën e duhur – dhe koha më e rëndësishme për të marrë dritë është në mëngjes.
Shkencëtarët mendojnë se çrregullim emocional stinor ndodh për shkak të një ndryshimi në mospërputhjen e orës së zakonëshme me orën e brendshme të trupit. Për shembull, ora në mur mund të thotë se është koha për të marrë dritë, por ora e brendshme e trupit thotë se është koha për pushim a gjumë.
Në shumë vende që respektojnë ndryshimin e orës (Kursimin e Kohës Ditore), mund të mendohet se duke kthyer akrepin një orë prapa, kjo do t’i keqësonte simptomat e çrregullimit emocional stinor, sepse dielli lind një një orë më herët. Por në fakt, studimet kanë treguar se ndodh e kundërta, pasi njeriu zgjohet para agimit dhe dielli nuk e gjen në shtrat.
Të tjera studime thonë se çrregullimi emocional stinor është kryesisht problem biologjik dhe nuk lidhet me kohën. Në Fairbanks të Alaskës, për shembull, gjatë dimrit, koha nga agimi në muzg zgjat vetëm 4 orë, dhe me kaq pak rreze dielli, duket sikur askush nuk mund t’i shpëtojë depresionit dimëror. Por të dhënat tregojnë se vetëm rreth 9 për qind e banorëve në Fairbanks vuajnë nga çrregullim emocional stinor, dhe mendohet se është qëndrimi aktiv një kusht që i bën ata të shmangin depresionin në dimër. Shkencëtarë të tjerë ofrojnë shpjegime të mundshme se banorët në zona të ftohta mund të jenë të predispozuar gjenetikisht për të qenë më pak të ndjeshëm ndaj depresionit.
Shkencëtarë në Institutin Kombëtar të Shëndetit Mendor (SHBA), kanë propozuar një shpjegim të ri për çrregullim emocional stinor, që mund të rrjedhë nga sasia e lartë e melatonin në tru (kur gjëndrat pompojnë shumë melatonin, njeriu ndjehet i përgjumur), dhe rekomandojnë që në rastet kur melatonin është fajtori kryesor, terapi të lehta me barna për kontrollin e nivelit të melatonin mund të jenë të efektshme.
Shkencëtarë të tjerë në Kanada, aktualisht, janë duke studiuar rolin e kimikateve të trurit si, serotonin dhe dopamine, të cilat dihen se ndërveprojnë me ritmin cirkadian që lidhet me orën biologjike.
Disa ilaqet kundër depresionit si Prozac dhe Paxil përdoren për disa raste të çrregullimit emocional stinor, por këto janë parë si barna tepër të forta dhe të panevojëshme për një çrregullim të tillë.
Terapia me jone negative është provuar si një mënyrë tjetër e re për të trajtuar çrregullimin emocional stinor. Kjo terapi përfshin drejtimin e një rryme jonesh të ngarkuara negativisht në shtratin e posaçëm të një pacienti. Zbulimi se densiteti i lartë i joneve negative (jo jonet të njëjta me ato të prodhuara nga filtrat e ajrit në shtëpi) ndihmon njerëzit me çrregullim emocional stinor, ndodhi aksidentalisht gjatë një studimi rreth diçkaje tjetër, dhe një studim i dytë, gjeti se kjo terapi është e dobishme.
Dihet se ajrit është plotë jone negative në pranverë, dhe jo në dimër. Por kjo nuk mund të të shpjegojë se si punon terapia me jone. Deri tani një përgjigje nuk ka, por shkencëtarët janë të bindur se terapia me jone është e efektshme.

[[Asteroid]]

Kanceri në zorrë dhe gabimet gjenetike

Disa të gabimet rralla në dy gjene të ADN-së lidhen ngushtë me kancerin e zorrëve.
Shkencëtarë nga universiteti i Oksfordit renditen të gjithë gjenet e ADN-së të 20 personave nga familje me histori të kancerit të zorrëve. 8 nga 20 personat kishin zhvilluar kancer në zorrë, ndërsa pjesa tjetër kishte një kushëri të parë parë me këtë sëmundje. Rezultatet e studimit që u publikuan në revistën Nature Genetics, tregojnë se të gjithë ata që kishin një të metë në gjenet POLE dhe POLD1 u prekën nga kanceri në zorrë ose kishin shenja parakanceroze.
Për të konfirmuar rezultatet, shkencëtarët vëzhguan për të meta të këtyre dy gjeneve në 4 mijë persona me kancer të zorrëve, dhe në rreth 7 mijë të tjerë pa këtë sëmundje.
Tek njerëzit pa kancer të zorrëve, nuk u gjet asnjë nga gabimet gjenetike, ndërsa një defekt në gjenin POLE u gjet tek 12 persona në grupin e njerëzve me kancer të zorrëve, dhe tek 1 person që kishte defekt në gjenin POLD1.
Studimi gjithashtu sugjeron se të metat në gjenin POLD1 mund të shtojnë rrezikun për kancer në mitër dhe kancer në tru, pasi 7 persona në studim u diagnostikuan me kancer në gji dhe 1 person u prek nga 2 tumore në tru.
Autorët thonë se këto gabime gjenetike janë te rralla, por nëse një person i trashëgon, gjasat për kancer në zorrë janë të larta. Nga analizimi i personave me histori familjare me këtë kancer, mjekët mund të identifikojnë ata që janë në rrezik të lartë dhe keshtu mund të përpiqen për të parandaluar sëmundjen duke përdorur kolonoskopy dhe metoda te tjera.
POLE dhe POLD1 janë 2 gjenet e përfshira në proceset që riparojë ADN-në. Nëse këto gjene nuk funksionojnë siç duhet, ADN-ja e një personi mund të dëmtohet, duke çuar në ndryshime gjenesh që shkaktojnë kancerin e zorrëve.
Sipas autorëve, studimi gjithashtu tregon se shkencës i mbetet ende shumë për të mësuar në lidhje me gjenet që rrallë gabojnë, dhe se në ç’mënyrë këto gabime rrisin rrezikun e një personi nga kanceri i zorrëve.

Vazhdon ------->

[[Asteroid]]

Sa kushton një alergji?

Kostoja e një alergji ushqimore për një fëmijë në Shtetet e Bashkuara është mesatarisht 4 mijë dollarë në vit, thuhet në një studim nga shkencëtarë pranë universitetit Northwestern në Çikago.
Ajo që duket e pazakontë është se është se shumica e kostos nuk vjen nga kujdesi i drejtpërdrejtë mjekësor, por nga prindërit të cilët kujdesen për fëmijën e tyre alergjikë.
Në raste të tilla, prindërve u duhet shpesh të ndryshojnë punën ose të punojnë me orar të reduktuar për t’u kujdesur mjaftueshëm për një fëmijë alergjik. Kjo u kushton atyre rreth 2500 dollarë në vit. Shumë prindër në sondazh thanë se atyre u ishte dashur të linin punën ose ishin pushuar nga puna për shkak të problemeve që lidheshin me alergjinë e fëmijëve të tyre.
Mbi të gjitha, studimi përllogarit se kostoja e përgjithëshme ekonomike e kujdesit për fëmijët alergjikë në Shtetet e Bashkuara kap shumën prej 25 miliardë dollarësh në vit.