Debati i pamundur Berisha - Rama

[Ingenuous]

Kryetari i opozitës thyen bllokadën me mediat oponente, duke e zgjatuar fushatën e tij edhe në territorin “armik” të Blendi Fevziut. Kryeministri Berisha refuzon prej janarit 2012 ftesat për intervista televizive. Si ka ndryshuar raporti i liderëve me ekranet dhe pse një debat Rama-Berisha konsiderohet mision i pamundur

Tiranë Në kërkim të mandatit të pestë si kryeministër, Silvio Berluskoni e zhvendosi betejën në një territor “armik”: në studion e Michele Santoros, kundërshtar i ethshëm i tij. I sprovuar me median, Berluskoni e kishte të qartë se për të ngushtuar hendekun me të majtën, i duhej të bënte një akt “win-win”, përballë një gazetari që kishte ndërtuar karrierë me kritikat kundër tij. Rezultati qe i menjëhershëm: kurba në sondazhe u rrit me disa pikë brenda një nate. Në vendin përballë, në tonin pra, fushata e këtyre zgjedhjeve konsiderohet gjithashtu përcaktuese për fatet politike të Sali Berishës dhe Edi Ramës.

Por ndryshe nga ç’pritej, është Rama ai që ka përqafuar njëfarësoj “terapinë e shokut” të Berluskonit dhe jo Kryeministri, i cili synon mandatin e tretë radhazi në zgjedhjet e 23 qershorit. Lideri i opozitës e ka përmbyllur tashmë raundin e parë të intervistave në studiot televizive, të bojkotuara gjatë prej tij. Në anën tjetër, Berisha nuk është shfaqur përballë një moderatori apo paneli gazetarësh me zë, që prej janarit 2012. Të kuptohemi që në fillim: kryeministri Berisha, ndoca më shumë se Rama, është gjithë ditën në televizor. Ajo që ka ndryshuar, është strategjia e tij e komunikimit me votuesit, në një vend ku zgjedhjet, më shumë se frymë, janë kthyer në matematikë.

Metamorfoza e Ramës

Deri do kohë më parë, qasja e Ramës me median i përngjante një raporti dashuri-urrejtje. Si kryebashkiak i Tiranës e më pas lider i opozitës, Rama shquhej për batuta të hidhura në adresë të gazetarëve apo të pronarëve të mediave, oponentë me të. Për më shumë se 3 vjet, ai nuk vuri këmbë në studion e “Opinionit” e aq më pak në TV Klan. Me Ramën e 2009-s, as që bëhej fjalë se mund të bije dakord për një debat me Berishën kryeministër. Rama i 2013-s duket se po e kërkon me ngulm një përballje të tillë. Me rikthimin në TV-Klan, Rama bëri një mea-culpa të heshtur për qëndrimin e mbajtur prej tij me mediat oponente. Strategjia e tij e re u përforcua përmes një mesazhi vizual dhe verbal, gjatë pritjes së lideri i opozitës organizoi për zgjedhjen e tij si zv.president i Internacionales Socialiste.

Mes gazetarëve, Rama kishte ftuar edhe ata të cilët ai vetë i quajti të afërt me qeverinë. Në këtë pritje, ai artikuloi se PS ka tashmë një qëndrim të ri: nuk do të kenë media të diferencuara, të bojkotuara apo të persekutuara në emër të qëndrimit politik. Njësoj si Berluskoni në Itali, Rama e zgjatoi pak ditë më parë fushatën e tij edhe në territorin “armik” të Blendi Fevziut, në kërkim “të frymës” së fitores, edhe mes radhëve kundërshtare. Në mungesë të sondazheve, nuk dimë ende sa efekt ka pasur në elektorat kjo përballje e liderit të opozitës me gazetarin oponent.

Strategjia “Berisha”

Përgjatë këtij viti dhe në pragun e fushatës zgjedhore, një intervistë televizive me kryeministrin Berisha është kthyer në mision të pamundur. Përgjigjja e tij për moderatorët ka qenë e prerë: Do të respektoj heshtjen në raport me emisionet politike! Në qarqet mediatike, flitet për një strategji të Berishës, e influencuar nga këshillat e kompanisë amerikane të PR-it, që po kuron fushatën e PD. Në një panoramë më të gjerë, duket sikur Berisha ka ndërruar rolet me Ramën, sa i përket marrëdhënies me ekranin. Kryeministri qëndrestar, që sfidonte me debat liderin e opozitës, sot drejton gishtin nga Laura (zëdhënësja e PD).

Po kthen në zakon javor konferencat e gjata për shtyp me gazetarët e po rend si gjithëherë, në takimet fshat më fshat e qytet më qytet me shqiptarët. Edhe pse kërkon një mandat të vështirë, Berisha nuk duket aspak i mikluar nga spektakli i bujshëm që miku i tij Berluskoni bëri përtej Adriatikut, për të pranuar fjala vjen një hard-talk në “Top Story”-n e Sokol Ballës. Aleancat dhe llogaritë elektorale duket se janë fokusi i tij i vërtetë në këtë fushatë zgjedhjesh. Ndaj edhe rruga e tij drejt mandatit të tretë kalon paralelisht me debatetet televizive dhe kithët me kërkesën e Ramës për një debat televiziv.

Nga Aleksandra Bogdani
Gazeta Mapo

[xhori]

cfar gazetaresh qe kemi mor aman o e bejne nga padija o nuk e di se cfar, rama ka shkuar te fevziu shume me perpara se berlusconi te shkonte te santoro, dmth berlusconi imitoi ramen

[Fehmikaciu]

cfar gazetaresh qe kemi mor aman o e bejne nga padija o nuk e di se cfar, rama ka shkuar te fevziu shume me perpara se berlusconi te shkonte te santoro, dmth berlusconi imitoi ramen

Une mendoj se jemi larg demokracis,kur keta dy bura nuk jan ne gjendje te diskutojne,athere qka pritet prej neve,dikush kutu eshte plotsishte i injoruar ose nuk i respekton regullat e lojes qe kerkon demokracia shqipetare.
Thojn dikur Ahmet Zogu demokracin e mbante me pendrek te demokracis,kurse Enver Hoxha me kampe te punes se Dhunshme,dikush ndoshta do te me pyet se q'far demokracie ka pasure ne kohe te Enverit?,pergjigjja do te ishte se edhe kjo metod ka qen forme e demokracis popullore qe populli e ka aplikuare si forme te jeteses.

[Ingenuous]

Eshte strategji terheqja nga emisionet politike pothuajse te dala jashte loje. Mbahet deri diku Opinioni i Fevziut ndersa emisionet e Balles, Xhunges e ndonje tjetre jane emisione ku ngrihen lart "flamujt e kongresit". Aty ose behet propagande ose ben monologje Rama.

Berisha ka zhvendosur komunikimin me qytetaret ne salla dhe fb, ndersa me gazetaret ne konferenca shtypi te drejtperdrejta ku mund te behet cdo pyetje. Mundet qe me afrimin e zgjedhjeve te ndryshohet kjo taktike ne komunikim por e gjitha eshte strategji. Ndersa sa per debatin me Ramen, Berisha e ka lutur cdo dite ne zgjedhjet e 09, nuk pranoi, ashtu sic nuk pranoi me Bashen ne 11.

Berisha Ramen e hudh ne tuc ne cdo debat dhe kete e dine ne kampin e Rames prandaj nuk jane shume entuziaste per kete (degjoni edhe se si fliste ne Opinion per nje debat te mundshem Prec Zogaj). Neser po te dale dhe te thote Berisha qe po, shume mire te bejme debat, Rama ka per ti bere bisht si ne 09. Gjithsesi Berisha eshte i sigurte ne fitore prandaj nuk i intereson per momentin te beje nga keto "akrobacite" qe thote Cili.

Berisha ka dhene prova qe di te debatoje, Rama s'njeh debat, keshtu qe Berisha nuk preferon me humb kohe me psikopate, qe i premton Shkodres qe do ta beje si fotot e Marubit.....