Ja pse Rama e propozoi Celibashin për deputet

[mesuesi_1]

Ja pse Rama e propozoi Celibashin për deputet


Diele, 03 Mars 2013 20:37
Shkruar nga Kreshnik Mersinllari




-Ne njesine bashkiake nr.3 Tirane, 1830 qytetare jashte listave



- Ne njesine bashkiake nr.7 Tirane, 1130 qytetare jashte listave



- Bandat e Edi Rames gjate nates manipuluan kutite ne (Ali Demi(



- Ne KQZ nuk u gjenden flete votimi rezerve se u manipuluan



- 500 mije dollare mori Celibashi per manipulimin ne Tirane-Durres

--------------------------------------------------------------------------------



Kandidati i PS-së në Qarkun e Fierit, për zgjedhjet e 23 qershorit, Ilirian Celibashi, ka lidhje të ngushta me Edi Ramën që nga viti 2003. Në 12 tetor të këtij viti , Celibashi I ka dhenë fitoren ish kandidatit për kryetar Bashkie të Tiranës, Edi Ramës nëpërmjet manipulimit të zgjedhjeve. Celibashi, asokohe kryetar I Komisionit Qendror të Zgjedhjeve ka hequr nga listat e zgjedhësve rreth 1/3 e votuesve.

Në 2003 pati me qindra raste që edhe pasi e verefikuan se e kishin emrin në listë, dy ose tre dite para zgjedhjeve, më 12 tetor paradite prape nuk e kanë gjetur, duke e pasur të pamundur të shprehnin vullnetin e tyre politik. Po ashtu, raste te tjera te shkeljeve ishin të natyrës : në një qendër votimi, ka rezultuar pershembull se nga 700 votues të njësisë, janë paraqitur vetem gjysma e tyre. Mirepo, kur është kërkuar që të administrohen fletet e votimit qe kane mbetur bosh, ato kanë munguar. Dyshimi, I verefikuar më vonë ishte seu përdorën duke u mbushur sipas interesave të caktuara, për t'u futur më pas nëpër kuti, si vota për kandidatin e PS-së Edi Rama.



Këto shkelje u vërejtën edhe nga grupet e monitoruesve vendas dhe të huaj. Faktori ndërkombëtar lëshoi kritika të ashpra ndaj kreuttë KQZ-së Ilirjan Celibashi. Pavarësisht kritikave Celibashi e nxorri fitimtar Edi Ramën në ato zgjedhje. Sot,10 vjet mëpas Edi Rama, i këthen borxhin Celibashit që në 2003 e cilësonte si apolitik.



Ja çfarë bëri Celibashi që Rama të dilte fitues i zgjedhjeve

më 12 tetor 2003

Njësia bashkiake numër 2

Numri total i votuesve 45 mijë persona, lejuar për të votuar vetëm 16 mijë.

Votuar 1/3 e popullsisë.

Sipas të dhënave operative, në këtë njësi në QV numër 1716, tek kutia e votimit nuk janë gjendur fletët e papërdorura, nuk janë gjendur fletët e dëmtuara dhe as ato të pavlefshme ndërkohë që nga 772 zgjedhës janë lejuar të votojnë më pak se 330 persona ku diferenca mes Ramës e Ngjelës sigurisht që shkon në favor të Ramës me dyfishin e votave ndërkohë që ky numër nuk korrespondon me diferencën mes subjekteve politike. Vihet re se në QV numër 1712 me 704 zgjedhës është deklaruar se ka një vlefshmëri prej 368 votash ndërkohë që ka mospërputhje të votave reale të numëruara për subjektet dhe kandidatët. Del se numri i votuesve në këtë qendër është më i vogël se fletët e vlefshme. Po kështu në QV numër 1726 me 511 zgjedhës në të cilën kanë votuar vetëm 286 prej tyre, por që pas numërimit del se kanë votuar edhe më pak njerëz me një diferencë prej 7 vetash. Po kështu rasti i QV-së numër 1744 me 503 votues ndër të cilët janë shpallur të vlefshme të gjitha votat e tyre me pjesëmarrje 100%. Ndërkohë nga numërimi i votave del se ka kontestime të palëve për votat e vlefshme dhe në procesverbal është shënuar një 453/485, gjë e cila nuk lë të kuptosh se si mund të jetë një hamendje e tillë vlefshmërie që lëviz nga 453 votat tek 485. Por më e rëndësishme është se fletët e pavlefshme nuk ndodhen gjëkundi. QV numër 1735 me 1065 zgjedhës ka probleme me fletët e votimit të vlefshme, ku diferenca mes votuesve 416 me 393. QV numër 1738 me 866 zjedhës ku kanë votuar vetëm gjysma e tyre janë gjetur më në fund vulat, por sigurisht jashtë kutive të votimit.

--------------------------------------------------------------------------------

Njësia numër 3

Numri i zgjedhësve në këtë njësi arrin në rreth 29 mijë vetë, ndërkohë që janë lejuar për të votuar vetëm rreth 9500 të tillë. Diferenca mes Ramës dhe Ngjelës është rreth 3 mijë vota ndërkohë që mes subjekteve PD-PS është vetëm 1 mijë të tilla. Në qendrën e votimit numër 1752 me 620 votues marrin pjesë vetëm 250 persona, por duke iu referuar fletëve të gjetura në kuti nga KZQV rezultati del me diferencë në votim me më pak se 237 zgjedhës. Në qendrën e votimit numër 1766 me 1296 zgjedhës nuk ka asnjë procesverbal. Për të gjitha qendrat e votimit nga numri 1749 e deri në 1780 asnjë kuti votimi nuk ka fletët e papërdorura, ato të pavlefshme si dhe ato të dëmtuara.



--------------------------------------------------------------------------------



Njësia numër 4

Zona më problematike e evidentuar nga kontestimet dhe verifikimet e KZQV-së. Nga rreth 39 mijë zgjedhës, janë lënë të votojnë vetëm 10 mijë. Kutia e fundit është dorëzuar vetëm para dy ditëve në KZQV pas një ngujimi të 7 komisionerëve tek shkolla 'Bajram Curri'. Konstatimi tregon se në qendrën e votimit numër 1782 me 1638 zgjedhës, kanë votuar vetëm 374. Mungojnë në të gjitha rastet fletët e çdo lloji, por këtu kemi edhe mosfirmosje të procesverbalit nga 2 anëtarë. Qendra e votimit 1783 me 1502 zgjedhës, ku kanë votuar vetëm 531 zgjedhës mungon kodi i sigurisë dhe ka një firmë mangut. Në qendrën e votimit numër 1784 me 1883 votues, kanë votuar vetëm 552 persona, ka një mungesë totale në lista e 150 vetëve. Në qendrën e votimit numër 1785 me 1523 zgjedhës, kanë votuar gjithsej vetëm 473 persona, dhe mungon tabela e rezultateve. Në qendrën e votimit numër 1786 me 1586 votues, kanë votuar vetëm 473 persona dhe mungon tabela e rezultatit si dhe nuk kanë firmosur tre persona të komisionit. Në qendrën e votimit numër 1787 me 985 votues, kanë votuar vetëm 265 vetë. Vazhdojnë problemet në qendrat e votimit me numra nga 1788 e deri tek 1813 me probleme të shumta në mungesë të tabelave të rezultateve, mungesës së firmës së komisionerëve të ndryshëm, përfshirë në raste të shumta edhe kryetarin apo zv/kryetarin, mungesë e kodeve të sigurisë në kutitë e votimit, kontestime të rezultateve të nxjerra pas një votimi të mangët e kështu me radhë. Kjo njësi bashkiake ka patur problemet më të rënda me ecurinë e procesit dhe kryetarja e KZQV-së Liljana Bejleri ka marrë kutitë e votimit në dorëzim me një akt humanizmi ndaj të ngujuarve tek shkolla 'Bajram Curri' duke deklaruar mospërgjegjësinë e saj për gjendjen e kutive të votimit të dorëzuara në KZQV me shumë vonesë.

--------------------------------------------------------------------------------



Njësia bashkiake numër 11 Laprakë

Në njësinë numër njëmbëdhjetë nga 34 mijë zgjedhës kanë votuar 17 mijë të tillë. Në të gjithë qendrat e votimit mungojnë fletët e papërdorura, ato të pavlefshme dhe ato të dëmtuara. Vetëm në një rast janë kthyer si fletë të pavlefshme 13 të tilla. Në qendrën e votimit numër 2001 kutitë nuk kanë proces verbale. Gjithashtu ato nuk kanë kode sigurie. Në qendrën e votimi numër 2006 me 1032 zgjedhës janë lejuar që të votojnë vetëm 153 persona, ndërkohë që tabelat e rezultateve janë dorëzuar dorazi ndërsa ligji përcakton rreptësisht se ato duhen të jenë brenda kutive të votimit. Në qendrën e votimit me numër 2007 me 813 zgjedhës, nga të cilët kanë votuar vetëm 353 të tillë, mungojnë tabelat e rezultateve. Në qendrën e votimit numër 2011 me 814 votues, kanë votuar 306 persona dhe në të cilën mungon tabela e rezultateve, e cila është dhënë dorazi. Në qendrën e votimit numër 2018 mungon procesverbali dhe kodi i sigurisë, nga 1016 zgjedhës kanë votuar vetëm 345. Në qendrën e votimit numër 2026 kutitë e votimi kanë qenë të hapura dhe nuk ka patur asnjë tabelë rezultatesh. Edhe këtu nga 1103 votues kanë votuar vetëm 317.



Po kështu në qendrën e votimit numër 2028 me 884 zgjedhës mungojnë të gjitha sa kemi përshkruar më lart plus tabela e rezultateve dhe të dhënat janë dhënë dorazi në KZQV. Janë lejuar të votojnë vetëm 358 persona. Duhet thënë se në këtë qendër nuk ka asnjë numër të pjesëmarrësve në votime.



Lapraka ka shënuar një rast ekstrem të manipulimit. Në qendrën e votimit numër 2003 të Laprakës është gjetur tabela e rezultateve të qendrës së votimit numër 2007. Kjo ka vënë pikëpyetje mbi faktin se kutitë mund të kenë qëndruar vetëm në një ambient dhe ka hedhur dyshime se ato mund të jenë mbledhur në një ambient të përbashkët ku është punuar me qetësi në to.



--------------------------------------------------------------------------------



Njësia numër 5

Në këtë njësi kanë votuar rreth 14 mijë votues nga 44 mijë të tillë që ka ajo. Në qendrën e votimi numër 1821 mungon procesverbali. Ndërkohë që në asnjë qendër votimi nuk janë kthyer fletët e papërdorura, ato të dëmtuara, ose ato që kanë dalë të pavlefshme. Në asnjë nga procesverbalet nuk është shënuar numri i personave që kanë votuar ose totali i pjesëmarrësve të tyre. Vetëm në qendrën e votimit numër 1845 është paraqitur numri i atyre që kanë votuar dhe që është 159. Ndërkohë që në këtë qendër duhet të kishin votuar rreth 516 votues.



Në qendrën e votimi me numër 1855 me 405 zgjedhës pa asnjë të dhënë tjetër ndërkohë që sipas tabelës së votimit del se kanë votuar rreth 277 persona.



--------------------------------------------------------------------------------



Njësia bashkiake numër 7

Në këtë njësi bashkiake është realizuar një mohim votash për më shumë se tre të katërtat e votuesve. Kështu nga 36 mijë votues janë lejuar që të votojnë rreth 8 mijë persona. Në qendrën e votimit me numër 1883 me 298 zgjedhës ku vlefshmëria e votave nuk shkon më shumë se 24 të tilla. Në qendrën e votimit numër 1900 me 664 zgjedhës, kanë marrë pjesë në votime 253 persona nga të cilat të vlefshme janë 251 vota. Në qendrën e votimit numër 1896 me 1197 zgjedhës nuk ka asnjë të dhënë pasi nuk ekziston fare procesverbali. Në qendrën e votimit me numër 1908, me 952 zgjedhës, pjesëmarrja është 633 persona nga të cilët kanë hedhur vota të vlefshme sipas procesverbalit vetëm 345 persona. Në qendrën e votimit numër 1914 me 907 zgjedhës, procesverbali ka qenë i falsifikuar. Në të gjithë këto qendra nuk ka patur fletë votimi të papërdorura që janë kthyer mbrapa. Ndërkohë në tre qendra votimi bëhet i ditur numri i votuesve, kurse në pesë prej tyre bëhen të ditura votat e vlefshme.



--------------------------------------------------------------------------------



Njësia numër 8

Në total në këtë zonë duhej të votonin rreth 25 mijë zgjedhës, por numri i votuesve ka arritur në rreth 8 mijë persona. Në qendrën e votimit numër 1930 me 1073 zgjedhës rezulton të mungojë procesverbali dhe kodi i sigurisë. Kodi i sigurisë duhet të jetë i shtuar në procesverbalin që futet brenda kutisë së votimit kur mbaron numërimi i votave. Mosshënimi i kodit e bën kutinë lehtësisht të manipulueshme, sepse nëse ke lidhjet e duhura me KQZ mund të marrësh çfarëdo lloj kodi dhe ta rimbyllësh kutinë për t'u dukur çdo gjë në rregull në sipërfaqe. Mungesa e kodeve të sigurisë brenda proces-verbaleve ka qenë e theksuar dhe në shumë raste në kutitë e votimit që dorëzohen brenda KZQV-së dhe po t'i shtohet kësaj edhe mbajtja në ambientet e KQZ-së për disa ditë me radhë të shumë kutive të votimit, atëherë procesi vihet nën reflektim dhe aspak nën siguri. Në qendrën e votimit numër 1931 me 489 zgjedhës, me një pjesmarrje në votim prej 171 vetësh janë deklaruar të vlefshme më shumë se 340 fletë votimi. Në qendrën e votimit numër 1934 me 813 zgjedhës, me 314 pjesëmarrës, s'ka përputhshmëri të numrit të votuesve me fletët e gjetura në kuti.



--------------------------------------------------------------------------------



Njësia numër 10

Përsëri një nga njësitë më problematike. Duhej të merrnin pjesë në votime rreth 18 mijë votues, por nuk ka asnjë të dhënë se cili është numri i atyre që janë lejuar të votojnë. Kjo për arsye se kutitë e 19 qendrave të votimit kanë ardhur në bllok dhe janë lënë pa shoqërues tek korridori i KZQV-së duke mos i dhënë mundësi kësaj të fundit të marrë në shqyrtim dokumentacionin e hollësishëm. Kështu nga të 19 qendrat e votimit mungojnë të dhënat për fletët e pavlefshme, për ato të dëmtuara, për ato të kthyerat si dhe për numrin e votuesve. Vetëm për qendrën e votimit numër 1989 ekziston një e dhënë sipas të cilës nga 590 zgjedhës duket të kenë marrë pjesë 338 persona, por dhe kjo shifër e dalë prej të dhënave që shkruhen sipas votave të deklaruara që kanë marrë kandidatët në këtë qendër votimi, nuk ka asnjë proces verbal apo gjë tjetër ligjore që provon shprehjen e vullnetit të lirë të zgjedhësve.



--------------------------------------------------------------------------------

Njësia numër 9

Në njësinë bashkiake numër nëntë gjithashtu nuk është kthyer pas asnjë nga fletët e votimit të papërdorura, të dëmtuara ose të pavlefshme. Në këtë njësi paraqiten një sërë problemesh përsa u përket kutive të votimit. Kështu në qendrën e votimit numër 1948 kutitë e votimit nuk janë marrë në dorëzim. Në këtë qendër kanë marrë pjesë në votime 282 votues dhe nga këto 92 vota i ka marrë Ngjela, kurse 228 i ka marrë Rama, një numër votash që ka dalë mbi ato që kanë votuar. Po kështu edhe në qendrën e votimit numër 1957 kutitë e votimit nuk janë marrë në dorëzim. Kurse në qendrën 1963 kutitë janë cilësuar si të parregullta nga nuk janë shënuar fare. Në qendrën numër 1970 nuk ka fare tabelë rezultati, ndërkohë që kodi i sigurisë është dorëzuar dorazi, gjë e palejueshme me ligj. Në këtë qendër Rama ka marrë 213 vota, kurse Ngjela ka marrë 135. Në qendrën e votimit numër 1974 kutitë e votimit nuk kanë firma të komisionerëve demokratë. Vetëm në gjashtë raste prej 30 qendrave të votimi bëhet i ditur dhe numri i votuesve, dhe po në gjashtë raste bëhet i ditur numri i atyre votave që kanë rezultuar të vlefshme. Në total në këtë njësi duhej të votonin rreth 30 mijë votues, ndërkohë që aty kanë votuar për dy kandidatët kryesorë reth 10 mijë votues, ose një e treta e tyre. Nga këto të shënuar si të rregullt në process-verbale janë vetëm 1990 votues.


http://ex-press.al/index.php?option=...12:lajme-kryes

[mesuesi_1]

PD: Rama dhe Celibashi vodhën mandatin e Ngjelës


TIRANË, 03 mars 2013- Partia Demokratike ka reaguar menjëherë pasi kryesocialsiti Rama prezantoi ish-kreun e KQZ-së Ilirjan Celibashi si deputetin socialist për qarkun e Fierit.

Në një deklaratë për media, Laura Vorpsi kujtoi se Rama dhe Celibashi vodhën mandatin e Spartak Ngjelës, teksa shtoi se PS do të vijojë të prezantojë si kandidatë për deputetë njerëz me të cilin e lidhin vetëm interesat personale.

“Doli para mediave dhe njoftoi zëvendësimin e Gramoz Rucit si kryelistë në qarkun e Fierit me ish kryetarine KQZ-së, famozin Ilirjan Celibashi me të cilin i vodhi mandatin Spartak Ngjelës, si rival që e kishte për kryetar bashkie. Burime nga selia “mavi” e partisë së re të Ramës bëjnë të ditur se keto ditë, Rama do të paraqesë kandidatë për deputete ish kryeprokuren e pergjithshme Ina Rama e cila e mbrojti atë si avokate, nga hetimi si kryeorganizatori i puçit të 21 janarit. Listës së kandidatëve do ti shtohet Dhori Sollaku me urdhër të prerë të organizatës kriminale “Hakmarrja për Drejtësi” që sundon mbi Z. Rama. Keshtu mesa duket partia e re e Edi Rames perveç 99-shave dhe Mjaftuceve do përfaqësohet më shumë se kurrë nga bota e krimit dhe mbrojtësit e saj”, u shpreh Vorpsi.
.

http://www.durreslajm.com/politike/p...e-ngjel%C3%ABs

[Brari]

Lista e PS, Rama prezanton Kodhelin në qarkun e Lezhës
9
1

Politikee Enjte, 7 Mars, 2013 | 10:49 am


Grupi Parlamentar i PS

Partia Socialiste është përfshirë nga lëvizjet e deputetëve aktualë nga qarqet ku kanë kandiduar në 2009-n. Dje, Rama gjatë takimit që ka pasur në qytetin e Laçit, ka prezantuar anëtaren e Kryesisë Mimi Kodheli si drejtuese të fushatës në qarkun e Lezhës, duke e pozicionuar kështu në krye të listës së kandidatëve për deputetë. Burime pranë PS-së së Lezhës pohuan se kjo zhvendosje e Kodhelit nga Shkodra, ku ajo është e deleguar e Kryesisë, në Lezhë, i ka lënë të habitur pasi nuk ishte zhvilluar asnjë konsultim paraprak me ta. Por burime nga Partia Socialiste pohojnë se do të vazhdojnë lëvizjet e deputetëve aktualë nga qarqet e tyre. Mësohet se sekretari i Grupit Parlamentar të PS-së, Taulant Balla, do të jetë në listën e kandidatëve të qarkut të Tiranës. Ndërkaq në Tiranë, kryesisht në zonat informale të saj, aty ku ka dhe shumë të ardhur nga veriu i vendit, është duke punuar prej kohësh deputeti i qarkut të Dibrës, Sadri Abazi, i cili mësohet se do të jetë pjesë e listës së kryeqytetit. Në Tiranë, kryesocialisti do të kandidojë dhe kryetaren e Forumit Socialiste të Gruas, Olta Xhaçka, e cila u zgjodh deputete në 2009-n në qarkun e Korçës. Në listën e kandidatëve të qarkut të Korçës duket se do jetë Erion Veliaj. Eglantina Gjermeni nga Tirana ka kaluar në qarkun e Durrësit, ndërsa në qarkun e Elbasanit është përfshirë dhe deputeti Bashkim Fino, i cili në 2009-n u zgjodh në qarkun e Fierit, duke mbuluar rrethin e Lushnjës. Por në Partinë Socialiste nuk kanë munguar as prurjet e reja, të cilat ndryshe nga çdo palë zgjedhjesh në Shqipëri që prej 1992, janë prezantuar paraprakisht nga kryetari i Partisë, duke marrë në këtë mënyrë dhe mandatin e PS si deputetë, për shkak të pozicionit të tyre në listën e kandidatëve. Vexhi Muçmata, ish-kreu i Prokurorisë së Tiranës, tani prokuror i thjeshtë, është caktuar nga kryesocialisti për të kandiduar në qarkun e Kukësit.


Lista e kandidateve te PS
Emrat e rinj për kandidatë
Alfred Peza, Peqin
Parid Cara, Kavajë
Vexhi Muçmata, Kukës
Ilirjan Celibashi, Fier
Shkëlqim Cani, Dibër
Erion Veliaj, Pogradec


Zhvendosjet
Mimi Kodheli, Lezhë
Eglantina Gjermeni, Durrës
Bashkim Fino, Elbasan
Olta Xhaçka, Tiranë
Sadri Abazi, Tiranë
Taulant Balla, Tiranë
Valentina Leskaj, Vlorë
Ben Blushi, Elbasan

ARISTIR LUMEZI



panorama

.