Kryepeshkopi Anastas merr urdhrin “Gjergj Kastrioti Skënderbeu”

[Albo]

Presidenti Topi dekoron udhëheqësit e komuniteteve fetare tradicionale

Kryepiskopit Anastas i jepet Urdhri “Gjergj Kastrioti Skënderbeu” për kontributin dhe veprimtarinë e vyer në ringjalljen e besimit shpirtëror dhe shpresës...



Të hënën e ndritshme pas Pashkëve, më 5 prill (2012), si një vazhdim i festimeve, në Pallatin e Brigadave u zhvillua një ceremoni mjaft mbresëlënëse. Presidenti i Republikës, Prof. Dr. Bamir Topi dekoroi katër udhëheqësit më të lartë të komuniteteve fetare tradicionale, Kryetarin e Bashkësisë Myslimane, Haxhi Selim Muçën, Kryepisko- pin e Tiranës, Durrësit dhe të gjithë Shqipërisë, Fortlum- turinë e Tij Anastasin, Kryegjyshin Botëror të Bekta- shinjve, Haxhi Dede Reshat Bardhin dhe Arqipeshkvin Metropolit të Tiranës e Durrësit dhe Kryetar i Konfe- rencës Ipeshkvnore Katolike, Imzot Rrok Mirditën, me Urdhrin e lartë “Gjergj Kastrioti Skënderbeu”.

Në ceremoni merrnin pjesë përfaqësues të komuniteteve fetare, personalitetet më të larta të institucioneve të pavarura dhe të trupit diplomatik të akredituar në vendin tonë etj.



Para dorëzimit të Urdhrit të lartë, Presidenti Topi iu drejtua me një fjalë përshëndetëse të dekoruarve dhe të pranishmëve në këtë ceremoni duke u shprehur:

Është gjithnjë një nder dhe privilegj për mua të tregoj dhe të lartësoj një vlerë të veçantë të popullit dhe vendit tim: bashkëjetesën mes feve historikisht tradicionale përfshirë edhe disa grupe më të vogla që ushtrojnë besimin e tyre në përputhje me standardet e lirisë dhe të drejtave universale. Kjo bashkëjetesë e kultivuar në dekada dhe shekuj ka në themel vlerën e besimit që i bashkon njerëzit pavarësisht se si ia drejtojnë ata lutjet e tyre Zotit të përbashkët. Kjo bashkëjetesë është atribut i bashkësive fetare përfaqësuese, që predikojnë me urtësi dhe përkushtim besimin e tyre, por ajo çfarë është po aq e rëndësishme - është edhe bashkëjetesa e individëve, e qytetarëve shqiptarë.



...Gjatë krizave dhe traumave shoqërore në etapa të ndryshme të tranzicionit, i kemi parë përfaqësuesit e këtyre bashkësive duke u shndërruar në kolona të paqes sociale. Përfitoj nga ky rast, që t’i përshëndes dinjitarët e nderuar fetarë, Haxhi Selim Muçën, Fortlumturinë e Tij Janullatos, Imzot Rrok Mirditën, Haxhi Dede Reshat Bardhin - këta udhëheqës shpir- tërorë e largpamës, punëtorë të palodhur të dialogut shoqëror e ndërfetar, kontribuues të pa- lodhur në zhvillimet demokrati- ke të vendit.

Akordimi i Urdhrit të lartë që mban emrin e Prijësit tonë të madh përbashkues Gjergj Kastrioti Skënderbeu më jep kënaqësi të veçantë dhe mundë- sinë të shpreh nderimin dhe vë- mendjen shtetërore për aktivi- tetin tuaj në shërbim të Fjalës së Shenjtë dhe Shqipërisë.

Më pas Sekretari i Përgjithshëm i Institucionit të Pre- sidentit, lexoi motivacionin e dekreteve të dekorimit, ndërsa Presidenti dorëzoi Urdhrin. Në diplomën e Urdhrit, dorëzuar Kryepiskopit Anastas, ishte shkruar: “Për kontributin dhe veprimtarinë e vyer në ringjalljen e besimit shpirtëror dhe shpresë për një të ardhme më të mirë, për ringritjen e institucioneve të kultit, si dhe për forcimin e pasurimin e mëtejshëm të harmonisë, tolerancës dhe bashkëjetesës ndërfetare të popullit shqiptar”.

Në fjalën e falënderimit Kryepiskopi Anastas tha:

Faleminderit nga zemra për nderin... Të gjithë ne, komunitetet fetare tradicionale, përpiqemi jo thjesht të mbështesim tolerancën, por të mbështesim mirëkuptimin dhe bashkëpunimin vëllazëror midis nesh. Ju duhet ta dini z. President, që në kohët e vështira që ka kaluar vendi këta 18 vjet, në kohëra krizash ne kemi theksuar se vaji i fesë nuk duhet për të ndezur më shumë flakën e konflikteve, por të jetë gjithnjë për të shëruar plagët dhe për të ndihmuar paqen.

Ne përpiqemi të krijojmë në Shqipëri një shembull që mund të eksportohet këtu në Ballkan, që përballohet me shumë vështirësi, por dhe që të jetë një mesazh për gjithë botën. Ne po punojmë për shek. XXI, për një botë të mirëkuptimit, të paqes dhe të dashurisë.

Ne ju jemi mirënjohës se gjithë këto vite prania juaj ishte shumë domethënëse për ne dhe për të gjithë vendin... Me gjithë zemër ju urojmë nisma krijuese...!

Th. DH.

Ngjallja,
Prill 2010

[ilia spiro]

Duket pak e habitshme ne fillim pse eshte perseritur ky lajm i para 3 vjeteve. Por sulmet ndaj Kryepiskopit, Kishes Orthodhokse, shenjtoreve tane, jane shtuar shume kohet e fundit, mbi bazen e parimit "shpif, shpif, se dicka do te mbetet", gje qe na detyron te perserisim vazhdimisht meritat e tij, edhe pse kjo mund te duket monotone dhe e merzitshme. Eshte detyra jone mbrojtja e Tij.