SHBA: Mos na beni t’ju denojme publikisht

[Sami Hyseni]

shiko, paqja vetvetiu nuk vjen, as amerikani e europjani nuk ta sjell, po nuk u perpoqen vete te zotet e punes.
por mendo per ata qe jetojne atje?? si mund te jetojne njerezit nen nje situate konfliktuale te perditeshme???
une i kuptoj edhe ata qe jane viktima, por me vjen keq ta them se nuk ka rruge tjeter per te zgjidhur konfliktet pervec mirekuptimit, e jo gjuhes se urrejtjes.

Sa per te perkujtuar, po te citoj, (se pas citimit nr. 86 te Malsorit, qe duhet te mbete si e vlefshme per ne te gjithe ("shqiptaret nacionaliste"), ne te vertet nuk duhet fare te bisedohet me me ty). Shqiptaret, ne fakt, me shekuj kane tentuar qe permes mirekuptimit ta sjellin Paqen, sic thua ti, e sidomos me serbet, por serbet kurr nuk kane qene te gatshem ta pranojne kete rruge. Perkundrazi, e kane shkele me "cizme policie, ushtarake e krimineli", e me tanke kete "rruge mirkuptimi" qe thua ti.

P.S. Malsor, me fal qe te nderhyna ne fjale.

[jarigas]

me e bukura eshte se te gjithe nacionalistat kane nga nje justifikim. dhe secili mendon se justifikimi i tij eshte me i drejte se i tjetrit.

te gjithe maskarenj jeni. e do ja u shtypim koken ne cdo shtet qe te jeni. dhe cfaredo justifikimi qe te keni.

1)Kush jeni "ju" qe do i shtypkeni kokat "nacionalisteve"??!!
2)E kur thua kete idiotesine ketu, ke parasysh greket apo shqiptaret, "ne çdo shtet qofshin"??!!
3)Si mund te pellase kaq pa turp nje person si puna jote, qe ka turp te shfaqe identitetin e vet??!!

jo. ne asnje menyre.
duhet te jetojme ne harmoni me te gjithe fqinjet tane. duhet patjeter, pasi aty do i kemi githmone. s'kemi nga te shkojme............

p.s. nuk jane sheruar akoma plaget e luftes e ti kerkon paqe me serbine. ngadale ore aqil. mos fluturo me presh............
kush e di cfare paqeje do kerkoje sikur te te kishin vrare apo perdhunuar ndonje familjare.

Ndoshta e kishe fjalen per "bashkejetesen vellazerore", pasi per ate paqesoren, tashme jemi duke e bere, me apo apo dashje, madje siç pohon vete me te drejte, duhet patjeter te bashkejetojme ne paqe!!

[Akili-A]

Jahjaga: Ideja e bashkimit kombëtar i takon shekullit të kaluar.

Presidentja e Kosovës, Atifete Jahjaga ka deklaruar se shqiptarët nuk arritën të krijojnë shtetin tyre kombëtar në baza etnike dhe tani destinacioni i bashkimit të shqiptarëve është Brukseli. Jahjaga ka theksuar se ideja e bashkimit kombëtar i takon shekullit të kaluar dhe shqiptarët në të dy shtetet sovrane duhet të punojnë për integrimin dhe bashkimin e tyre brenda strukturave të Bashkimit Evropian.

“Çështja e bashkimit kombëtar i përket shekullit të kaluar dhe është koncept i shekullit të kaluar. Shqiptarët nuk arritën të krijojnë shtetin kombëtar në baza etnike. Tanimë ne jemi duke jetuar në shekullin e integrimeve, në politikat e integrimeve dhe në politikat ndërtimit të bashkëpunimit dhe raportit të barabartë në mes të shteteve dhe në mes të popujve”, ka theksuar Jahjaga për Albanian Screen.

Presidentja Jahjaga ka thënë se nuk do të ketë ndryshim të kufijve, por vetëm ura të bashkëpunimit mes dy shteteve.

“Sot populli shqiptar, kudo që jeton, jeton i lirë, në trojet e veta dhe qenia kombëtare nuk është e rrezikuar në asnjë moment. Unë e kam thënë edhe herë tjetër dhe është qëndrim zyrtar dhe vullnet zyrtar, dhe vullnet i gjithë popullit dhe i gjithë qytetarëve që: Republika e Kosovës dhe Republika e Shqipërisë, si dy shtete sovrane dhe të pavarura, të integrohen në BE. Destinacioni i bashkimit të të gjithë shqiptarëve do të jetë në Bruksel dhe në kuadër të Bashkimit Evropian. Kufijtë nuk do të ndryshojnë, por do të jenë të hapur për qarkullimin e lirë të njerëzve dhe të mallrave. Do të ketë ura bashkëpunimi, por kufijtë do të jenë të mbyllur për kontrabandën dhe krimin e organizuar dhe nuk ka rrugë tjetër”, ka theksuar Jahjaga. /AS/

[xfiles]

Me duket mua apo dokumenti nuk duket aspak si i shkruar nga departamenti amerikan i shtetit,
duhet ndonje prove burimi serioz perveç nje letre te printuar dhe korrigjuar me boje (gjoja e çensuruar).

[Akili-A]

Me duket mua apo dokumenti nuk duket aspak si i shkruar nga departamenti amerikan i shtetit,
duhet ndonje prove burimi serioz perveç nje letre te printuar dhe korrigjuar me boje (gjoja e çensuruar).

ska perse te habitet dikush. pasi ne leter nuk thuhet as me shume e as me pak, ato qe amerikanet kane shprehur publikisht per 2 muaj rresht. thjesht ndryshon forma por jo permbajtja.

[xfiles]

Per tu habitur eshte serbofilia qe duket sheshit kur lexon letren,
eshte e kuptueshme qe amerikanet nuk duan tone nacionaliste te tepruara, por eshte komplet tjeter gje gjuha flagrante ku viktimizohet serbia se gjoja po i futemi ne punet e brendshme, absurde.

Dhe nje pyetje kisha une si disa parafoles, kush jeni "ju" qe do i shtypni koken nacionalisteve?

[Akili-A]

Halil Matoshi

Pasi që kardiologu Sali Berisha u bë edhe doktor futbolli dhe kontrabandist pasaportash, lëshoi jehona nacionaliste prej këtu e deri në Munih, ai së fundi i hëngri fjalët e veta. Mjaftoi t’ia ngrehte veshin komisionari për Zgjerim i BE-së, Stefan Fyle, dhe Berisha u zbyth nga kursi i fortë nacionalist – që u përpoq t’ua servonte shqiptarëve. Në anën tjetër të Bjeshkëve të Nemuna, patriotët e kafehaneve të Prishtinës shtiren të zhgënjyer që nuk munden ta mbajnë në jetë “Operën e tyre prej sapuni”

Kryeministri shqiptar dr. Sali Berisha e nisi këtë vit (mos qoftë viti i mbrapshtë ‘13) duke bërë tregti flamujsh, kontrabandë pasaportash, për “të doktoruar” edhe në temën e patriotizmit folklorik- futbollistik!?

Nën ndikimet e fuqishme të frymës nacionaliste një “doktor futbolli” në Kosovë po thoshte në një debat televiziv se vetëm Shqipëria mund të ketë kombëtare në futboll, kurse Kosova mund të ketë fillimisht një përfaqësuese e kurrsesi kombëtare, derisa të bashkohemi...
Ai së bashku me një disertacion për futbollin e kishte “blerë” në Tiranë edhe pak theks gjuhe prej Mallakastre dhe mbi të gjitha një “certifikatë prej patrioti”!
“Te dashur miq, ideja e një Lige mbarëkombëtare të futbollit duket se është pritur me entuziazëm në tërësi, por në mënyrë të veçantë nga tifozët kuqezi, si një akt tjetër në rrugën e bashkimit kombëtar. (…) Ne do ta krijojmë atë! Gëzuar!” – shkroi Berisha në faqen e tij në “Facebook”, duke tundur flamurin kombëtar shqiptar me agresivitet, thua se donte t’ua nxirrte fqinjëve sytë me shtizën e tij.
Përderisa analistë, diplomatë e deputetë të Kuvendit të Shqipërisë e quajtën flamurin kosovar “një leckë” ose flamur artificial, teknik, etj.
Nuk zmadhohet forca ikonike e flamurit vetëm duke e shoqëruar atë me retorika nacionaliste dhe me fraza mashtruese parazgjedhore.
Fuqia ikonike e flamurit rritet sa më shumë që qytetarëve u rritet mirëqenia, vetërespekti, sa më shumë që janë të lumtur. Nuk është dukja vizuale e flamurit ajo që shpreh krenarinë e qytetarëve, por është krenaria e tyre ajo që reflekton fuqinë e flamurit...
Sipas Ernest Gelnerit, fuqia dhe prestigji i një kombi varen nga përqindjet e rritjes ekonomike, e jo nga madhësia e hartës që arrin ta lyejë me ngjyrën e vet.
Dhe kryeministri shqiptar u shpreh t’i ketë urdhëruar rrethet e Shqipërisë që do t’i regjistrojnë klubet kosovare. Këto deklarata u dhanë nën ethet e dasmës së 100-vjetorit të shtetit shqiptar, por sapo u harruan ato duke u zhbërë si flluska sapuni, ai shpiku një ide të re edhe më joshëse, edhe më me shumë tru-muskul!

Një pasaportë shqiptare për të gjithë, pra edhe për kosovarët!

Aventurierë si “doktori i futbollit patriotik” nga fillimi këtij shkrimi thanë se Prishtina dhe Trepça kanë marrë vendim të regjistrohen në Tiranë, Kukës a Shkoder... Armand Duka në Prishtinë i nxehu së tepërmi (duke pirë birra “Peja”!) kosovarët – por me t’u kthyer në Tiranë ai çoi selame se “kjo punë s’u bëka dot!
Kjo punë bëhet vetëm nëse krijohen klube të reja shqiptare me emrat e Prishtinës apo Mitrovicës dhe hyjnë në garat e kategorisë së tretë! Por, ato klube nuk do të ishin më kosovare, pra do të ishin “firma” shqiptare dhe s’do të lejoheshin kurrë të luanin në livadhet e blerta të Kosovës!

Përndryshe “na dënuaka” UEFA dhe FIFA!

Avazin e retorikeve nacionaliste Berisha e pati nisur me futbollin!
Pas që kardiologu Sali Berisha u bë edhe doktor futbolli dhe kontrabandist pasaportash, lëshoi jehona nacionaliste prej këtu e deri në Munih, ai së fundi i hëngri fjalët e veta. Kur këto ditë zbarkoi në Tiranë me sebep komisioneri për Zgjerim i BE-së, Stefan Fyle, mjaftoi “t’ia ngrehte veshin” dhe Berisha u zbyth nga kursi i fortë nacionalist – që u përpoq t’ua servonte shqiptarëve.
Kjo retorikë nacionaliste nuk do ta dallonte Berishën nga homologët e tij europerëndimorë po qe se Konferenca e Munihut të ishte mbajtur më 3 shkurt të vitit 1913, mirëpo kryeministri shqiptar tërësisht jashtë kohe po fliste kështu më 2013-n!? Berisha tek flet për një “Shqipëri etnike” harron apo nuk e di se etnia është strukturë që ka dalë nga historia qe një shekull dhe kush normal më nuk e zë ngoje.
Modernistët mund të argumentojnë lehtë se këto origjina etnike janë versione të fabrikuara, të shtrembëruara e madje të shpikura të së kaluarës (Anderson) por, megjithatë, sipas Nicola Guy, në kohën e tyre ato rezultuan të ishin të efektshme për nxitjen dhe ushqimin e lëvizjeve kombëtare.
Sidoqoftë, gjithnjë gjendet dikush që të rri pranë dhe të kthjellon.
Janë këta miqtë e shqiptarëve, sepse armiqve u pëlqen shumë që ta shohin Berishën si luftënxitës dhe çekuilibrues të rajonit.
Nacionalizmit të Berishës po i vjen fundi, hala pa dalë në zgjedhjet e qershorit, duke i mbetur vetëm pështyma e tharë(të) në buzë, por fara që ai mbolli do t’i dëmtojë shqiptarët gjithandej ku jetojnë e veçanërisht në Kosovë.
Burra të dheut, që i thonë vetes, por që s’ia kanë idenë ç‘është shteti as kombi, këtejpari, tashti po thonë: Na zhgënjeu, e paska pasur vetëm për vota!?
Tërheqja e Doktorit nga ideja për t’u dhënë kosovarëve një pasaportë shqiptare e zuri n’zgabim edhe Adem Demaçin edhe disa azganë që patën marrë udhën deri n’Ambasadën e Republikës së Shqipërisë në Prishtinë, për të aplikuar për pasaportën shqiptare, të cilën ata e perceptojë si certifikatë patriotizmi!
Doktori e mori fjalën në Konferencën e NATO-s në Munih më 3 shkurt 2013, për t’u mbajtur “Orë nacionalizmi” burrështetasve europerëndimorë, të cilët derisa ai fliste e shikonin njëri-tjetrin me habi. Dukej ashiqare, askush s’e merrte seriozisht.
Derisa në Tiranë në disa raste ia tërhoqi vërejtjen ambasadori amerikan Arvizu, Berisha tashmë e kishte shndërruar në avaz të përditshëm “teorinë e tij të gjakut dhe truallit”mbi teoritë e kombit dhe shtetit. Unë besoj se nëpërmjet procesit të Bashkimit Evropian kufijtë bëhen të parëndësishëm, por e rrezikshme është ideja, sipas të cilës meqenëse shqiptarët janë të copëtuar në 5 shtete, duhet të shndërrohen në 5 kombe të ndryshme nga njëri- tjetri. Kjo është tërësisht e papranueshme. Kjo do të prodhonte dhe provokonte reagimin e kundërt.
Republika e Shqipërisë është shtet-komb klasik. Kosova është shtet i cili pavarësinë shtetërore e ka arritur në një proces të gjatë zhvillimi e përplasjesh midis nacionalizmit serb dhe atij “kosovar”, duke ngjizur një komb të dalë nga konflikti, për t’iu nënshtruar pastaj një procesi politik të negociimit të pavarësisë, si rast sui generis dhe sipas të drejtës ndërkombëtare jashtë kontekstit kolonial. Kosova e pavarur mësyn afirmimin ndërkombëtar dhe anëtarësimin në Organizatën e Kombeve të Bashkuara, duke e farkëtuar kështu kombin e ri (me tendenca nga një komb shumetnik kosovar), ndërsa shqiptarët kudo tjetër janë pakica kombëtare shqiptare në shtetet përkatëse dhe u takojnë të drejtat civile si qytetarë të barabartë, por pakicave kombëtare, sipas ligjit ndërkombëtar, nuk u takon e drejta e secesionit, as e drejta për të krijuar shtet dhe ata nuk mund të jenë kurrë pesë kombe të ndryshme, sipas “shpikjes” së Berishës.
Berisha s’e ka idenë kush mund të ndërtojë komb e kush jo, ai s’e di fare kuptimin e nocionit komb, sepse i ka mbetur në kokë definicioni i Stalinit dhe më tej për të është ndalur koha, në këtë aspekt! Berisha duket se që nga shkolla, në orët e marksizëm-leninizmit, nuk ka dëgjuar as lexuar gjë mbi konsideratat bashkëkohore rreth etnisë dhe identitetit kombëtar.
Dhe ai nuk e di se sa ka kombe po aq ka edhe teori. Porse, nga të gjitha, njëra (ligjërata nacionaliste) jo që është politically Incorrect, por edhe e papranueshme në fjalorët e diplomacisë moderne evropiane. Diplomacia perëndimore tashmë e ka të qartë tagrin e nacionalizmit të Slobodan Milosheviqit, i cili u tolerua në fillimet e tij dhe solli fatkeqësinë më të madhe njerëzore me të cilën u ballafaqua Evropa pas Luftës së Dytë Botërore, e cila tek sapo kishte hyrë në etapën e zgjerimit drejt pjesëve të sajë juglindore. Nacionalizmi si patologji shoqërore dhe paranojë kolektive së këndejmi në mendësinë e Evropës Nobel shihet si relikt i vendeve primitive të Ballkanit Perëndimor dhe mund të thuhet lirisht se nacionalizmi i shprehur i kujtdo në sytë e secilit evropian të emancipuar duket si ulërimë e historisë, si mësymje plot egërsi.
Nacionalizmi pra nuk i bën shtetet e Ballkanit Perëndimor as më demokratike dhe as më të mirëqena, por i varfëron edhe më tepër ato, ua shter kot energjitë, ua mjegullon të parit, ua errëson mendjen dhe ua topit vizionet për të sotmen dhe të ardhmen.
Shqiptarët në Serbi, Mal të Zi dhe në Maqedoni (shqiptarët në këtë shtet janë pakicë e madhe, prandaj edhe e kanë të drejtën e pjesëmarrjes në shtetkrijim) janë thjesht pakica kombëtare shqiptare, nuk janë kombe, prandaj kombi unik shqiptar është vetëm një prononcim politik, që i shkrep në mendje dikujt për të krijuar dhe nxitur rikthimin e konflikteve.
“Bashkimi kombëtar” tek shumë shqiptarë është shndërruar në etalon të demokracisë dhe zhvillimit ekonomik, duke mos i lënë ata që të shmangen nga mendësia kolektive dhe t’i ndërtojnë fatet e tyre si njerëz të lirë dhe me mundësi të mëdha për sot dhe për nesër.
Hartat e tyre etnike nuk ua mbushin syrin dhe synojnë t’i zmadhojnë ato, duke pandehur se vetëm shtetet dhe kombet e mëdha kanë sukses.
Po ja që e kanë gabim!
Duke bërë fjalë për shtetet e vogla dhe mundësitë e tyre të mëdha, Nicola Guy në librin brilant “Lindja e Shqipërisë”, thotë se edhe një shtet i vogël ka mundësi t’i përmirësojë shanset e mbijetesës së tij. Shtetet e vogla në praktikë kanë më shumë forcë sesa e hetojnë teoricienët e marrëdhënieve ndërkombëtare.
Ku e gjeti tërë atë forcë mbijetese Sllovenia, e cila doli nga shpërbërja e ish-Jugosllavisë dhe u bë shpejt ndër shtetet më të respektuara të BE-së?
Ku e gjetën tërë atë forcë shtetet baltike apo Luksemburgu për mbijetesë.

Po modeli i lakmuar zviceran si mbijetoi?

Po Kosova si ia doli?
Madhësia e vogël zakonisht, sipas Guy, konsiderohet disavantazh, pasi ajo mund ta bëjë shtetin të dobët, të varur nga mbështetja apo patronazhi i shtetit (ve) të fuqishëm, gjë që, për politikëbërësit në fushën e marrëdhënieve me jashtë të shtetit në fjalë lë vend vetëm për një përqindje të vogël gabimi, ajo mund të jetë së këndejmi edhe avantazh. Ajo mund të ndihmojë në ushqyerjen e shpirtit dhe unitetit kombëtar, në shmangien e burokracive të mëdha, po ashtu shteti i madh përfshin edhe një mori pakicash kombëtare që shpesh përdoren si pyka për çarjen e shtetit. Shteti më i vogël, sipas Guy, prandaj siguron një marrëdhënie më të ekuilibruar, ai do të rezultojë më i suksesshëm në shkrirjen ose trupëzimin e interesave të tij kombëtare me ato të Fuqive të Mëdha dhe për rrjedhojë, në sigurimin e mbështetjes së Fuqive të Mëdha për programin e vet kombëtar.
A nuk është rast shkollor mbështetja që mori dhe që merr Kosova?

Ç'është një komb modern?

Nëse e lëmë anash konceptin gjerman të kombit kulturor (linguistik) dhe etninë si bartëse të shtetit, dhe kësaj çështjeje i qasemi nga pikëpamjet moderniste - mbi kombin si konstrukt politik (strukturë e përfytyruar, imagjinare) del se nuk ka komb modern pa kushtetutë moderne (komb i mbështetur në ligj), pa trup të shëndoshë politik (që e shumëzon lirinë në demokraci) dhe pa solidarësi qytetare.
Definicionet e tjera janë ose nacionalsocialiste, ose staliniste!
Berisha i kohëve të fundit, duke i fryrë nxitjes së nacionalizmit, që Evropa pretendon se e ka tejkaluar tashmë, po duket si një elefant në shitoren e porcelanit!
Dhe, duket se Berisha këtë avaz do ta përfundojë me shpërndarjen e “certifikatave të tradhtisë kombëtare” për të gjithë ata kosovarë që e duan shtetin e tyre dhe që mendojnë politikisht

[the admiral]

Ndoshta e kishe fjalen per "bashkejetesen vellazerore", pasi per ate paqesoren, tashme jemi duke e bere, me apo apo dashje, madje siç pohon vete me te drejte, duhet patjeter te bashkejetojme ne paqe!!

nuk me duket se ka bashkejetese paqesore ne veri te kosoves...
sdq si ajo paqesore, ashtu edhe ajo vellazerore do vijne me kalimin e kohes. eshte ne interes te te gjitheve.
kemi edhe shembujt europiane mes popujve qe jane vrare e masakruar per shekuj e sot bashkejetojne ne harmoni.
edhe ne kete do arrijme, por eshte proces qe keron kohe.

[Albo]

Per tu habitur eshte serbofilia qe duket sheshit kur lexon letren,
eshte e kuptueshme qe amerikanet nuk duan tone nacionaliste te tepruara, por eshte komplet tjeter gje gjuha flagrante ku viktimizohet serbia se gjoja po i futemi ne punet e brendshme, absurde.

Dhe nje pyetje kisha une si disa parafoles, kush jeni "ju" qe do i shtypni koken nacionalisteve?

Ne fakt, ajo qe ti quan "serbofili" eshte zemra e problemit. Shqiptareve u ka hyre vetja ne qejf, pasi kane 20 vjet qe sigurine e tyre po ua paguan SHBA: si ne Shqiperi, Maqedoni, Mal te Zi e Kosove. Dhe kjo mbeshtetje e pakursyer e amerikaneve per shqiptaret per nje kohe relativisht te gjate, i ka bere shqiptaret te kujtojne sikur "amerikanet punojne per shqiptaret". Amerikanet nuk punojne per shqiptaret, shqiptaret punojne per amerikanet. Amerikanet nuk nderhyne ne Kosove per te ndalur idene e "Serbise se Madhe" per ta zevendesuar me nje "Shqiperi te Madhe". Amerikanet nderhyne ne Kosove per te ndalur nacionalizmin serb dhe kane 20 vjet qe investojne per sigurine e Ballkanit ne menyre qe te SHKULIN NACIONALIZMIN NGA BALLKANI ME RRENJE! Ky eshte interesi amerikan qe me kohen popujt ballkanike te rindertojne jeten, ekonomite e maredheniet me njeri-tjetrin.

Nese nacionalistet shqiptare behen neser shkak per te prishur planet e amerikaneve dhe provokojne konflikt, brenda nates bombat e avioneve amerikane nuk do te bien me mbi tanket serbe, por mbi kokat e shqiptareve. Ky eshte shansi qe amerikanet dhe evropa po na japin per tu bere njerez: per ti provuar botes se qyteteruar qe edhe ne ndajme me ta te njejtat aspirata e vlera si njerez. Qe jemi popull paqedashes dhe qe kerkojme te ndertojme nje jete me te mire e te integruar si ne Ballkan edhe ne Evrope. Durimi dhe resurset amerikane dhe evropiane nuk jane pa kufi: nese ne zgjedhim nacionalizmin, ne jemi duke refuzuar Evropen e Bashkuar. Nese zgjedhim urrejtjen e luften me fqinjet, ne refuzojme sigurine e trupave te NATO ne Ballkan. As Amerika e as Evropa nuk i ka djemte e tepert qe te vdesin ne mes konflikteve nderetnike ne Ballkan.

Po nuk u beme partnere te besueshem te planeve e perpjekjeve te partnereve amerikane e evropiane, alternativa e vetme eshte largimi i tyre nga Ballkani dhe lenia e shqiptareve ne meshiren e fatit, ashtu sic ishin ne shekullin e kaluar.

Albo

[djaliepirotas]

Po TAP-i dhe NABUCCO? Mos kemi te bejme ketu me nje "goditje" me fushek manovre?