17 shkurt 2013: Kosova feston 5 vjetorin e pavarësisë

[jarigas]

.....
Gjithashtu kam pasure edhe grupe te Serbeve nga ajo ane,me ka ba pershtypje interesimi i tyre per njohuri,ne lemejte e teknikes se re,si dhe manipulimi i tyre nga politikanet e tyre,dhe paknaqesia e jetes se tyre per shkak te varferis .
Si njera pale ashtu edhe tjetra me halle dhe me derte,me shpres se dote behet mire,por nje eshte e vertete,se hendeku i ndasise eshte i madhe,dhe sigurishte eshte nje gjendje e papranueshme per te gjithe,si do te zgjidhet situata nvaret nga politikanet,por mje eshte e sigurte ,sa kam mundur me vrejt te dyja palet kuptohet eshte per te ardhur keq.

Me kujton filmin "Red thin line".........Fehmi i dashur, asnje person tjeter ne kete forum, nuk do te mund te ishte me i dlire, i paanshem, njerezor dhe i njerezishem sesa ti!! Ke pershkruar nje tablo kaq te qarte te situates ne te cilet gjenden dy popullsite fqinje, saqe meriton nje duartrokitje prej meje.....!!
Tu rrit'te ndera!!

[iliro]

Urime popullit shqiptar te kosoves.
Uroj sa me pak percarje midis Shqiptarve, une jam nga shqiperia por kam vene re kohet e fundit shume percarje.

[Antiproanti]

Pesë vjet rritje korrupsioni

Udhëheqës shtetërorë të Kosovës që nga shpallja e pavarësisë nuk kanë hezituar asnjëherë të deklarohen se po punojnë në luftimin e korrupsionit në vend. Përveç deklaratave dhe formimit të shumë institucioneve që luftojnë këtë dukuri, shumë pak është bërë në këtë drejtim, vlerësojnë shoqëria civile.

Avni Zogiani nga organizata “Çohu” ka thënë...
...dështimi kryesor në luftimin e kësaj dukurie është fakti që Parlamenti është gati i pafuqishëm në raport me degët tjera të pushtetit sidomos ekzekutivit dhe të gjyqësorit. “Kjo praktikisht bën që institucioni kryesor nga i cili do të duhej të buronte llogaridhënia në këtë rast Parlamenti mos të ketë këtë rol për shkak se është i pafuqishëm në raport me degët tjera të pushtetit” ...

Ariana Qosaj- Mustafa nga KIPRED mendon...
...arsyeja kryesore në këtë drejtim është mungesa e vullnetit politik për të luftuar korrupsionin. ...
Qosaj Mustafa fajëson edhe opozitën në këtë drejtim pasi që sipas saj nuk kanë qenë të zëshëm dhe nuk kanë ushtruar shumë presion mbi qeverinë për luftimin e kësaj dukurie. ...
“Qe një vit është dorëzuar raporti i liberalizimit të vizave ku është kërkuar hartimi dhe miratimi i strategjisë kundër korrupsionit dhe ligjeve tjera që luftojnë këtë dukuri por ato janë bërë një dit para se të vjen raporti. Kjo tregon mungesë të vullnetet për të luftuar sepse është tendencë që të zhagitet dhe të mos shkohet drejtpërdrejtë në zbatim”

Petrit Zogaj nga Lëvizja “Fol” ka thënë...
pozicioni i Kosovës nëpër raportet ndërkombëtare sa i përket qeverisjes se mirë dhe sundimit të ligjit tashmë dihet dhe se ky pozicion sipas tij është jashtëzakonisht i keq...
“Në pesë vitet e fundit, PDK-ja është partia më e madhe qeverisëse, parti e cila ka ardhur në pushtet më sloganit “zero tolerancë’ ndaj korrupsionit, kemi parë që korrupsioni vazhdon të mbetet në nivele shqetësuese. Nëse një agjendë e tillë do të ishte serioze para pesë viteve, ne, sot do të kishim një gjendje tjetër, pra të mirë të qeverisjes demokratike dhe llogaridhënëse”...

...Ndërsa sipas tij për ta ndryshuar këtë gjendje, do të duhet të ketë një vullnet politik, gjë që sipas tij pak ka mundësi të ndodhë.

http://www.zeri.info/artikulli/335/p...je-korrupsioni

[Norça.li]

Kur i pashe keto videot e 'parakalimeve' me erdhi shume keq se cfare eshte prezantuar me kete rast.
Merreni me mend nese paralel me kete 'parakalim' te kishin parakaluar edhe keta mafiozet ne pushtet, me xhipat e zi, te blinduar dihet..., athua cili do "t'i kishte tre pikat ne 'stadium'" ?

Sa poshte kemi ra, per Zotin!


P.S. Sic kish thene ai "llaposhi": kishin munguar dhe nja dy-tre IMT traktora

*

[Bajraku]

Vikendi RTK 7 - Banoret e Tiranes rreth Kosoves Sa dijne ? Ka persona qe mendojne se Kryeparlamentari i Kosoves eshte Ramadan Krasniqi Dani apo Himnin e kendon Shkurte Fejza
Rita ORA esht presidentje e Kosoves.

[Antiproanti]

Gangsterët institucionalë!

Parada e Forcave të Sigurisë dhe të Policisë së Kosovës, e cila parakaloi të dielën, me rastin e pesë vjetorit të shtetësisë, të përshëndetur me duartrokitjet e qytetarëve, për pak sekonda kur heq nga mendja ngjarjet skandaloze që na janë përplasur për fytyre nga shteti real me ambient gangsterësh të institucionalizuar, edhe mund të ngjallte një entuziazëm të të qenit shtet!


Përballë qytetarëve kishin ngritur kokën lart ata që mburreshin për arritjen e kësaj shtetësie, zyrtarët e institucioneve të Kosovës, të cilët numëruan të arriturat që paska mbërritur Kosova. Në fjalimin e saj, sigurisht edhe kësaj here të shkruar nga dikush tjetër, presidentja e Kosovës, Atifete Jahjaga, foli për kapacitetet e Kosovës në sektorin e rendit dhe sigurisë. Bile mori guximin që të flasë në emër të ndërkombëtarëve, se sa të kënaqur qenkan ata sot me investimet e tyre në këtë fushë.

Kryeministri i Kosovës, Hashim Thaçi, sërish shprehu përkushtimin e Qeverisë për ndërtimin e shtetit stabil, për të përmirësuar jetën e qytetarëve. Të dy këta zyrtarë nuk harruan të falënderojnë qytetarët e Kosovës, në kurriz të së cilëve po ndërtohet pasuria e pushtetarëve, vëllezërve të tyre, kushërinjve, nipave, tezakëve... por jo shteti demokratik që siguron mirëqenie për ta.
Pesë vjet më parë, po këtyre qytetarëve iu premtua: rritje e investimeve të huaja, zvogëlim i papunësisë, prosperitet dhe ditë më të mira që do t’i nxjerrin nga skamja dhe paperspektiva.


Por çfarë u zhvillua ekonomikisht gjatë këtyre pesë vjetëve në Kosovë?

Investimet direkte të huaja në vitin 2007 kanë qenë 440.7 milionë euro, kurse në gjashtëmujorin e parë të vitit 2012 investimet kanë rënë në 86.2 milionë euro. Nëse krahasohet gjashtëmujori i parë i vitit 2012 me periudhën e njëjtë të një viti më parë, Kosova del të ketë pësuar rënie prej 53.4 për qind të investimeve të huaja. Këto të dhëna tregojnë se investitorët e huaj i mblodhën plaçkat për t’ia mbathur nga Kosova.

Gjatë këtyre viteve papunësia nuk u zvogëlua as nuk stagnoi, por u rrit në mbi 40 për qind, pësuam një rritje të inflacionit në vazhdimësi deri në 30 për qind, çmimet e produkteve bazë nëse krahasohen me pesë vjet më parë janë shtrenjtuar pa mëshirë, faturat e rrymës janë dyfishuar, asetet e Kosovës janë zhvlerësuar duke u dhënë turqve në “Aksham Pazar” derisa investitorët potencialë perëndimorë ikën.

Konferenca e donatorëve, e cila u promovua me të madhe u shfrytëzua më shumë për promovim politik sesa për interesin e qytetarëve të Kosovës. Deficiti marramendës tregtar vazhdon të shënojë rritje bashkë me ngufatjen e prodhuesve vendorë dhe moszhvillimin e sektorit privat të vend.Me plot gojë u luftua korrupsioni, por si për çudi, brenda pesë vjetëve u shtuan milionerët që zyrtarisht marrin vetëm paga në institucionet e Kosovës. Ata që dikur s’kishin gjë, sot janë të evidentuar në Agjencinë Kundër Korrupsionit (AKK) si milionerë, dhe kryelartë parakalojnë nëpër institucione të pandëshkuar për keqpërdorimin e pozitave që ua ka dhënë pushteti.

Skandal pas skandali, sa vetëm mbinin duke bërë të zbehen rastet e mëparshme. Ato që mbetën në kujtesë janë: vjedhja në dhomën e dëshmive dhe e arit brenda Policisë së Kosovës, skandali me 1.4 milionëshin e pasaportave, 1 milionë dollarë që aq lehtë dolën të jenë falsifikuar në mes të Kosovës, ish-shefi i Taskforcës kundërkorrupsion cili doli të jetë vetë i korruptuar... e sa e sa raste të tjera, të cilat kanë shpërthyer, por kanë kaluar duke u zëvendësuar me rastet e reja skandaloze.

Nuk kanë munguar ata të cilët folën haptazi për sistemin e instaluar me vjedhje në pushtet, por që instrumenti i mirësofistikuar eliminoi kundërshtarët.
E sot, Kosova vazhdon të udhëhiqet nga ata që na shfaqen me kollare dhe orë “Rolex”-i, të cilët mbajnë njëri-tjetrin nën presionin e shantazhit, duke funksionuar ngjashëm me sistemin e njohur të bandave kriminale.

Këta nuk vodhën vetëm paranë publike, ata janë edhe vjedhës votash, sekserë, kërcënues. Të tillë mund të ekzistojnë edhe në vende ku shteti ligjor i përndjek duke i luftuar në vazhdimësi. Por, në Kosovën tonë shtet, tash pesë vjet, këta persona janë pjesë e institucioneve të rëndësishme shtetërore.
E pushteti i këtij tabori është duke u siguruar i shndërruar në sistem paternalist, ku me rregulla të pashkruara legjitimohen skandalet. Rrethi i nënshtruar u përmbahet nga frika e shantazhit, e kështu edhe më tej krijohet komoditet për ata që tash sa vjet po na shtrojnë rrugën drejt humnerës.
http://www.zeri.info/artikulli/372/g...institucionale

[MARGUS]

Gezuar 14 vjetorin e clirimit dhe 5 vjetorin e pavaresise popullit te Kosoves!

Ne dite te tilla, ne kremtojme lirine tone si popull. Po, eshte e vertete qe Kosova ka kaluar e po kalon shume sfida e problem. Po, eshte e vertete qe populli i Kosoves eshte zhgenjyer ndjeshem me klasen e vete politike dhe pushtetaret e vete ne keto 5 vjet. Por kjo nuk duhet te na shtyje te humbim besimin dhe shpresen tek nje e ardhme me e mire per Kosoven. Cdo popull ne fillimet e rruges se tij te shtetformimit asnjehere nuk e ka patur te lehte. Por kjo nuk duhet te na pezmatoje qe te humbasim shpresen tek nje Kosove shtet i pavarur, nje Kosove shtet demokratik, nje Kosove e respektuar e integruar si ne Ballkan edhe ne familjen evropiane.

Ne kete dite ne duhet te kujtojme brezat para nesh, sakrificat e tyre, vuajtjet e tyre, ne menyre qe te mund te mesojme te vleresojme sic duhet lirine dhe paqen qe ky brez shqiptaresh ne Kosove gezon prej 2 dekadash tashme. Brezat para nesh, e enderronin kete dite. Ne e jetojme kete dite. Mos e harroni kete gje pasi kjo do t'iu beje te kuptoni se sa te bekuar jeni si brez te jetoni ne kete epoke e ne kete Kosove te pavarur. Ne kete dite ne tregojme edhe mirenjohjen e popujve qe na erdhen ne ndihme ne oren me te veshtire te historise. Mirenjohje qe duhet ta tregojme ne nje respekt e bashkepunim ne rritje si me NATO, BE dhe SHBA. Prej 14 vjetesh NATO eshte duke siguruar paqen dhe sigurine e Kosoves, dhe per kete te gjithe duhet te jemi mirenjohes. Prej 14 vjetesh OKB, BE, SHBA jane impenjuar ne procesin shtetformues ne Kosove si ne asnje vend tjeter te botes. Ka plot provinca e krahina ne bote qe jane ne pozita te ngjashme me Kosoven, por qe nuk kane marre vemendjen dhe mbeshtetjen nderkombetare sic e mori Kosova. Mos e harroni kete gje pasi nuk do te kishim as nje Kosove te lire, as nje Kosove ne paqe, e as nje Kosove te pavarur pa ndihmen e mbeshtetjen konkrete te popujve partnere qe na kane ndihmuar ne cdo hap te ketij procesi.

Ne te njejten kohe, nuk duhet te tregohemi naive: Kosova perballet me sfida te medha. Dy sfidat me te medha te Kosoves jane sfida qe presin vete popullin e institucionet e Kosoves t'iu japin zgjidhje: korrupsioni dhe kriminaliteti ne Kosove eshte ne nivele shume te larta. Pushtetaret u pelqen ta luftojne kriminalitetin dhe korrupsionin me fjale, por nga ana tjeter ata vete direkt apo indirekt jane te inkriminuar ne keto afera kriminale e te jashteligjshme. Kjo eshte e papranueshme per popullin e Kosoves pasi po mban peng jo vetem procesin shtetformues ne Kosove, po mban peng edhe procesin e integrimit evropian te Kosoves: liberalizimin e vizave dhe pranimin me te drejta te plota ne BE. Sfida tjeter e madhe e Kosoves eshte nje sfide e jashtme, arritja e nje mareveshje miqesie me fqinjin verior qe garanton sigurine dhe paqen ne Kosove. Populli i Kosoves meriton jo vetem lirine por edhe paqen. Paqja dhe siguria e Kosoves nuk duhet te ndihet e kercenuar nga vala e rradhes se nacionalizmit serb. Ashtu si stabiliteti i Kosoves do te jete gjithmone i kercenuar nga ndikimi i Serbise mbi minoritetin serb ne Kosove qe deri me sot nuk eshte integruar sa duhet ne jeten e vendit por sfidon autoritetin e institucioneve te Kosoves. Dialogu i ndermjetesuar nga partneret tane (SHBA + BE) ka filluar, dhe le te shpresojme se do te arrihet nje mareveshje ku edhe Serbia e kupton qe mbajtja peng e te ardhmes se Kosoves, mban peng vete integrimin e Serbise ne BE.

Ata qe nuk njohin e respektojne pavaresine e Kosoves nuk jane vetem te huaj, jane edhe zera nacionalistesh shqiptare. Degjoj e lexoj shpesh ne faqet e gazetave, ne ekranet e televizioneve, ne faqet e ketij forumi qe flasin per "Shqiperine e Madhe" apo "Shqiperine e Bashkuar" apo "Shqiperine Natyrale". Fjale qe tingellojne bukur apo jo? Por ato fjale fshehin nje ogur te keq per popullin e Kosoves. Te gjithe ata qe shprehen ne kete menyre jo vetem qe kane humbur besimin ne nje Kosove te pavarur, por minojne ekzistences e nje Kosove te pavarur. Me pak fjale ata jane duke thene: "Nuk na duhet nje Kosove e pavarur e demokratike, na duhet nje Shqiperi e Bashkuar!" Mos bini pre e ketyre provokimeve te sponsorizuara nga interesa te huaja e te erreta qe nuk duan te shohin dy shtete shqiptare demokratike ne Ballkan, nuk duan te shohin shqiptaret te integruar ne Evrope. Keta zera jane ata qe duan ti mbajne peng te ardhmen e shqiptareve, keta jane ata qe nuk duan qe shqiptaret te ecin perpara por mbrapa. Keta jane ata qe perdorin thirrje nacionaliste te shekullit te kaluar si nje menyre per te shkaterruar te gjitha arritjet e shqiptareve si faktor ne Ballkan ne keto 100 vjetet e fundit.

Une nuk e kam humbur besimin tek Kosova dhe populli i Kosoves. Optimizmi dhe besimi im tek Kosova buron nga fakti se pasuria me e madhe e Kosoves jane rinia e Kosoves. Sot ne Kosove ka 14 vjecare qe nuk kane jetuar nje dite te vetme te jetes se tyre nen diktature apo ne lufte. Keta jane brezi i ri i lirise e paqes ne Kosove. Keta jane arsyeja perse gjithe keto sakrifica e pune behet ne Kosove. E gjitha behet per ta. Qe ata dhe femijet e tyre te mos digjen nga flaket e luftes; qe ata e femijet e tyre te arrijne potencialin e tyre te plote njerezor qe nuk e pengon e frenon asgje. Shpresh brezat e vjeter ne Shqiperi e ne Kosove nuk e kuptojne kete gje pasi ata nuk u linden e rriten ne kohe paqeje, u linden e rriten ne kohe lufte. Dhe kjo ka lene pasojat e veta ne mentalitetin e tyre. Keshilla ime per gjithe popullin e Kosoves eshte: kush shikoni politikane te korruptuar ne majat e pushtetit ne Kosove, mos pranoni status-quo por kandidoni ne zgjedhje. Kosova nuk duhet te mbahet peng nga politikane te korruptuar e inkriminuar e te paafte per te zgjidhur problemet e Kosoves. Kur shikoni korrupsion e akte kriminale ne shoqerine tuaj, mos heshtni por ngrini zerin tuaj ne media e ne shoqeri, pasi krimi e korrupsioni jane sfida e kohes sone. Keto te dyja mbajne peng nje jete me te mire per 2 milion shqiptare ne Kosove. Dhe mos lejoni sharlatanet e tellallet e paguar qe t'iu mashtrojne nen petkun e nacionalizmit te shekullit te kaluar. Bashkimi i shqiptareve nuk ka per te ardhur as me lufte e as me fjale, ka per te ardhur me pune. Dhe nje Kosove e pavarur me nje shtet demokratik te konsoliduar qe zgjidh hallet e popullit te Kosoves dhe integrohet ne familjen evropiane, eshte investimi me i madh kombetar per bashkimin e shqiptareve. Nga ana tjeter, deshtimi i pavaresise se Kosoves, do te ishte goditja me e madhe qe aspiratat tona kombetare si popull do te merrnin.

Po ju le me fjalet e nje prej rilindasve tane, Naim Frasherit, qe i shkruajti keto fjale me shume se 100 vjet me pare: "Pune pune nate e dite, qe te shohim pakez drite!" Le te punojme te gjithe se bashku qe Kosova te jete jo vetem e lire por edhe ne paqe, edhe e zhvilluar e integruar ne familjen evropiane.

Albo

FLM.Albo! 5*

[starbright]

Urime edhe nje pafundesi vitesh pavarsi!

[ARIANI_TB]

[ARIANI_TB]

Se Kosova eshte ne nje situate te palakmuar si nga aspekti Socio – Ekonomik, e vecmas nga aspektin Politik te gjithe jemi te pajtimit, si popull, si shoqeri civile, si ojq, si klase intelektuale etj.

Qe te gjithe jemi ne dijeni dhe pajtohemi se kemi papunesine me te madhe ne rrajon me rreth 45% te papune, ndonese edhe me teper. Pajtohemi se varferia tek popullata vetem sa rritet e shtohet. Pajtohemi se Ekonomia e Kosoves eshte ne gjendje te mjerushme, natyrisht per shumicen e popullit, sepse per nje pjese te politikaneve respketivisht pushtetareve nuk ka krize ekonomike.
Pajtohemi se korrupcioni, hajnia e krimi i organizuar ne cdo sfere te sistemit shteteror eshte ne shkalle shume te larte. Jemi te pajtimit se ne Kosove nuk funksionojne ligjet e as drejtesia.

Ndersa sa i perket aspektit Politik, interesat shteterore e kombetare te Kosoves e Shqiptareve jane te demtuara shume. Qe pas perfundimit te luftes se fundit ne Kosoves e kendej, Shqiptareve i mohohet e drejta per VETEVENDOSJE dhe REFERENDUM, sikurse qe keto te drejta i kane edhe popujt e tjere ne rajon e me gjere. Gjithashtu Shqiptareve, si populli me i pambrojtur ne Ish Jugosllavi, ju eshte mohuar e drejta te kete Ushtine e tije sikurse popujt e tjere te rajonit. Edhe sot e kesaj dite e drejta te kemi Ushtrine tone na mohohet. Padrejtesi karshi Shqiptareve eshte edhe vet Pakoja e Ahtisarit, e cila pako ndan Kosoven ne dy etni. Ne ate Serbe dhe ate Kosovare (Shqiptare, Boshnjake, Egjiptiane, Turke, Hashkalinje etj) sepse po lexoni kete pako, asnejhere nuk permenden Shqiptaret si Komb. Me kete Pako te Ahtisarit eshte ndare edhe Qyteti i Mitrovices. Gjithashtu me kete Pako te Ahtisarit jane bere komuna te reja siq jane Gracanica e cila para 2008 ishte pjese perberse e Prishtine, e po ashtu komune ne vete u krijua edhe Parteshi e cila ishte pjese e Gjilanit. Me kete Pako te Ahtisarit me shume te drejta kane minoritet e sidomos minoriteti serb ne Kosove, sepse ju jane dhuruar 10 ulse ne Parlament te Kosoves, si dhe asnje ligj qe eshte ne interes shteteror te Kosoves dhe Shqiptareve nuk mund te zbatohej pa mirratimin e shumices se pakices serbe ne kete kuvend. Ka edhe shume padrejtesi tjera te cilat po i servohen Shqiptareve, e te cilat padrejtesi po pergaditen ne kuzhinen e Beogradit, po aprovohen ne kuzhinat nderkombetare, dhe ku per fat te keq per shkaqe te ndryshme dhe te njohura keto padrejtesi po zbatohen nga kuzhina e Prishtines.

Pra edhe pse Shqiptaret permes luftes se fundit me ane te UCK-se dhe me ndihmen e miqeve tane nderkombetar sidomos SHBA-ve dhe miqeve tjere te BE-se me sukses shkeputem Kosoven nga ktheltrat e shtetit shovenist serb. Por per fat te keq edhe sot e 14 vjet pas perfundimit te luftes, e sidomos 5 vjet se Pavaresise deklarative te Kosoves, ende nuk e kemi larguar Serbine nga Kosova. E kjo per fat te keq ende po vazhdohet me ane te ketyre bisedimeve te perhershme e pa kushte me Serbine, dhe per ceshtje e rregullim te brendshem te Kosoves.

Per te gjitha keto jemi ne dijeni, te gjitha keto i flasim ne kafene, ne debate te ndryshme televizive, ne vende te ndryshme etj. Qe te gjithe ne si popull, si shoqeri civile, si ojq, si klase intelektuale, ankohemi, debatojme, kritikojme qeverine etj per kete situate te brishte ne te gjitha aspektet, por asnje nga ne nuk rreagojme me veprime konkrete per te ndryshuar kete situate te palakmuar.

Mendoj se vetem me ankesa, se vetem me debate televizive, vetem me kritika, me vetem protesta 1 ne cdo muaj apo 1 ne cdo gjashte muaj, e me protesta 1 oreshe nuk do ndryshojme asgje. Prandaj para nesh jane vetem dy rryge te mundshme. Rruga e pare eshte kjo e tanishmja te qendrojme neglezhent duke mos bere asgje si kolektiv, ku ankesat, debatet e kritikat ti kemi si justifikim per mos veprimeve konkrete. Apo rruga e dyte eshte qe me ane te veprimeve konkrete – protestave kolektive mbar popullore, protestave per cdo dite nga tete ore ne dite, te ndryshojme kete situate te mjeruar si nga aspekti socio – ekonomik, e si nga ai politik, e ku te gjithe jemi te pajtimit se Kosova eshte ne qorrsokak. Andaj e tera mvarret nga ne POPULLI, nuk mvarret as nga Qeveria, as nga Pushtetaret, as nga Serbia e Nderkombetaret, por pikerisht mvarret nga NE se si duam te jetojme. Duam te jetojme ne kete gjysme lirie me enderra e iluzione se kinse jemi shtet I pavarur dhe sovran. Apo me te vertete duam te jetojme ne Liri, Pavaresi e Sovranitet te Plote sikurse jane edhe popujt tjere.