Interviste me balerinin Hermes Nikaj

[Albo]

INTERVISTA/ Flet balerini, moderatori, modeli Hermes Nikaj

Nuk jam dashuruar marrëzisht pasi dashuria sot është interes

Patjetër që kam miq dhe homoseksualë

Albert ZHOLI

Hermes Nikaj u lind në Tiranë. Që i vogël ishte i apasionuar pas aparatit dhe ëndrrës për të qenë një Model. Është vetëm 21 vjeç dhe deri më tani ka arritur t’i realizojë të gjitha qëllimet që i ka vënë vetes. Pasioni më i madh i jetës së tij është pasarela, por nuk ngelen pas baleti, aktrimi dhe udhëtimet në vende të ndryshme të botës. Hermes Nikaj është nipi i këngëtares së njohur Pavlina Nikaj, e cila në vitet '50-'70 së bashku me Anita Taken u bënë mjaft të dashura për publikun shqiptar. Ai është pasardhës i një familje artistësh dhe pikërisht nga gjyshja ka trashëguar dashurinë për artin dhe të bukurën në tërësi. Hermesi ka përfaqësuar Shqipërinë në shumë evente dhe kompeticione mode duke marrë vlerësime për tiparet dhe fizikun e tij të veçantë, të cilin e përkufizuan të tipit latin. Gjithashtu, ka pozuar për koleksione veshjesh të firmave të ndryshme, duke u bërë pjesë e katalogëve përkatës. Hermes Nikaj, modeli shqiptar tashmë i njohur në Itali & Greqi ka arritur të bëhet imazh i disa firmave më të njohura në industrinë e modës dhe setet e tij fotografike shkëlqejnë, jo vetëm në gazetat dhe revistat më prestigjioze në Shqipëri, por në mbarë botën. Tashmë u bënë 3 vjet që Hermesi po merret me modeling dhe aktualisht është pjesë e Agjencisë Icon, si model. Por është pikërisht pjesëmarrja në emisionin Aldo Morning Shovv (një prodhim i Tv Klan), ajo që e ka bërë Hermesin të njohur për gjithë publikun shqiptar. Tashmë u bënë 6 muaj që ai i është bashkuar stafit dhe është kthyer në një yll të vërtetë mediatik.

-Kur dhe ku ka filluar të kërcejë, modeli Hermes dhe kush e ka zbuluar si talent?

Gjithçka ka nisur në Milano, ku unë kam studiuar në shkollën e baletit. Më pas fillova të merresha dhe me modeling. Isha vetëm 17 vjeç kur jam bërë pjesë e një agjencie mode shumë të njohur : Fashion & Design. Mungesa e dokumenteve më detyruan të kthehem.

-Krahas baletit ju jeni aktivizuar si model. Kush jua nxiti këtë dëshirë. Ku e bëtë performancën e parë në cilën pasarelë?
Patjetër që po, që i vogël isha i apasionuar pas aparatit dhe ëndrrës për të qenë një Model. Sigurisht, me punë arrihet gjithçka. Familja ka qenë një shtysë drejt këtyre talenteve, veçanërisht gjyshja, e cila ka qenë këngëtare : Paulina Nikaj.


Ku jeni përgatitur si balerin?
Në shkollën e baletit në Milano kam mësuar gjithçka mbi baletin, zhanret dhe koreografinë. Ka qenë një eksperiencë shumë e mirë për mua dhe që më ka shërbyer.

Në fillim si model me disa foto për sete. Imazh i kujt firme ishit?

Në moshën 17- vjeçare nisa bashkëpunime me disa fotografë për sete të ndryshme fotografike. Gjithashtu, kam pozuar për koleksione veshjesh të firmave të ndryshme, duke u bërë pjesë e katalogëve përkatës.

Ku e keni përfaqësuar Shqipërinë?
5. Unë kam përfaqësuar Shqipërinë në disa evente dhe kompeticione mode. Përmend këtu spektaklin “Java e Modës” (Maj-2009), ku unë përzgjidhem për të përfaqësuar Shqipërinë. Këtu u vlerësova për fizikun dhe tiparet e mia, të cilat u vlerësuan “Look i tipit Latin”.

Cilët janë aktorët shqiptarë që preferoni?

Margarita Xhepa & Tinka Kurti

Aktualisht me se merret Hermesi?

Tashmë u bënë 6 muaj që jam pjesë e Aldo Morning Shovv , një reality shovv nga e hëna në të premte. Unë prezantoj një rubrikë shoubizi gjithashtu, trajtoj dhe probleme të ndryshme sociale.

Për cilat firma punoni si imazh?
D & G, Cavalli, Icon-Agency etj..

Njëkohësisht mendoni të filloni dhe aktrimin?
Po sigurisht, aktrimi është një tjetër talent imi dhe unë ndjehem “OK”.

A është i dashuruar Hermesi?

Për momentin jam Single. Sa i përket femrave të sotme janë materialiste dhe shkojnë pas interesit.

Ku ndiheni më mirë në aktrim, modeling apo balet?

Të gjitha nga pak, kanë rëndësinë e vet: aktrimi, modelingu, baleti & palestër intensive.

Përdorni alkool?
12. Zakonisht nuk jam i dhënë pas alkoolit, vetëm me raste apo sebepe, ndërsa cigare, po.

Jeni dashuruar ndonjëherë marrëzisht?

Nuk jam dashuruar asnjëherë dhe mendoj se në ditët e sotme çdo gjë është interes,
Si duhet të jetë femra juaj e preferuar?

Sigurisht një femër e shkolluar dhe sexy.

E keni menduar ndonjëherë bashkëjetesën

S’e di. Di të them që deri tani nuk kam bashkëjetuar, por jam pro bashkëjetesës.

A keni miq homoseksualë dhe cili është mendimi juaj për ta?

Patjetër që kam miq edhe homoseksualë. Ata janë pjesë e shoqërisë shqiptare dhe janë njësoj si të tjerët. Mendimi im është “OK” dhe jo paragjykues. Po pse mos ti kem shok? (qesh)

Nipi i këngëtares së njohur Pavlina Nikaj, si ndiheni?
Jam vërtet krenar që kam mbiemrin Nikaj. Gjyshja është njeriu më i shtrenjtë për mua dhe suksesi im i dedikohet asaj.

[Albo]

Intervista : Flet Balerini , Top ~ Modeli & Prezantuesi i njohur televiziv , Hermes Nikaj .

Ja cilat janë tendencat e fundit të sezonit dimëror !

Nga Albert ZHOLI

... I apasionuar pas pasarelave dhe ëndrrës për të qënë një Model, Hermes Nikaj, nipi i artistes së njohur Pavlina Nikaj, e cila në vitet ’50-’70, së bashku me Marjana Dajën u bënë mjaft të dashura për publikun shqiptar, sot është një ndër imazhet më të kërkuara në botën shqiptare të modës, por edhe jashtë vendit. Është i qeshur, mjaft i dashur dhe me direktiva të qarta për sa i përket botës së modës. Mes fjalëve të tij , duket qartë një djale me ambicie, mjaft i kujdesur në ato që thotë dhe që nuk pranon të adhurojë askënd, përvec punës së tij . Ne një intervistë ndryshe si më parë , Hermesi , i njohur dhe nga programi i popullarizuar i Tv Klan, “Aldo Morning ” flet ekskluzivisht për "Telegraf" për pjesëmarrjen në Javën e Modës për veshjet dimërore në “TEG”, tendencat e sezonit, pasionet e tij jashtë modelingut dhe angazhimet e momentit . Në intervistën e mëposhtëme do të mund të lexoni gjithcka, mbi jeten aktuale të bukuroshit Hermes Nikaj .

1. Para disa ditësh në ambientet e qendrës tregtare “TEG” u zhvillua Java e Modës për veshjet dimërore. Pjesë e këtij eventi ishit dhe ju, si u ndjetë?
Pikërisht, para disa ditësh u mbajt Eventi "Java e Modës" , nje spektakël i zhvilluar në ambjentet e TEG, një prej qëndrave më të mëdhaja tregtare në kryeqytet , ku pjesëmarrës isha dhe unë duke sfiluar për veshjet e ndryshme të sezonit dimëror e duke u bërë pjesë e katalogëve përkatës. U ndjeva shkëlqyer, teksa parakaloja në sfilatë duke mbajtur në trup veshjet e markave më të njohura sot per sot.

2. Cilat ishin tendencat e këtij sezoni vjeshtë- dimër?
Tendencat e dimrit nuk njohin limite këtë sezon. Ato që i karakterizonin koleksionet ishin ngjyra pa fund, dizenjot mesdhetare e ato latine. Mesa duket koleksioni i Guçi-t e i D&G ishin mjaftueshëm frymëzues për pasuesit të cilët sollën një mori ngjyrash e modelesh ekstravagante këtë sezon dimëror . Celio besnik si gjithmonë , pa ndryshime të mëdha kishte sjellë një koleksion mjaft maskilist duke përdorur ngjyrat e tokës dhe grinë . Roço Baroço të kujtonte koleksionet e Gabanna-s para dy viteve, duke mbizotëruar e bardha dhe tyli. Cortefiel solli një shpërthim me ngjyra elektrike dhe dizenjo pafund.

3. Tashmë prej disa vitesh jeni një ndër modelët më të kërkuar në tregun shqiptarë. Si i kujtoni fillimet tuaja?
Fillimet e mia në Modeling në fakt kanë qënë të hershme . Prej 4 vitesh merrem me Balet & Modeling dhe mendoj se, sot jam profesionist në këtë fushë . Unë kam përfaqësuar Shqipërinë në shumë evente dhe kompeticione mode duke marrë vlerësime për tiparet dhe fizikun tim të vecantë , te cilin e përkufizuan të tipit latin. Gjithashtu, kam pozuar për koleksjone veshjesh të firmave të ndryshme, duke u bërë pjesë e katalogëve përkatës. Tashmë u bënë katër vjet që po merrem me balet & modeling dhe aktualisht jam pjesë e Agjencisë Icon, si Model.

4. Nëse një ditë do të kishit një ofertë për tu larguar nga Shqipëria për të ndjekur rrugën e modelimit. Do të pranoje?
Ofertat kanë qënë të shumta, por i kam refuzuar pasi nuk qëndroj dot larg familjes time të dashur duke qënë se jam dhe djalë i vetëm .

5. Përveç modelimit cilët janë pasionet e Hermesit?
Pasioni më i madh i jetës time janë pasarelat, por nuk ngelet pas baleti, televizioni, aktrimi dhe udhëtimet në vende të ndryshme te botës.

6. Si janë raportet tuaja me modelët e tjerë me emër në Shqipëri dhe a shikoni konkurrencë mes njëri-tjetrit?
Sigurisht që konkurrenca është e madhe, por falë punës dhe arritjeve të mia , sot emri im është një ndër më të lakuarit sa i përket modës dhe televizionit

7. I ri në moshë dhe me sukses mbi supe, ky quhet guxim ?
Edhe guxim, edhe punë, edhe ëndërr, edhe një horizont drejt të ardhmes time. Përqindja e guximit është e madhe por 100 % është puna ime, pasi ëndrra tashmë po bëhet realitet .Më pëlqen të qëndroj tek e para, pasi po nuk guxove nuk arrin të mësosh as suksesin, as dështimin. Njeriu mundohet t'i ketë të dyja këto gjëra dhe mes tyre të bëjë një balancë të ndershme .

8. Kë konsideroni mikun apo mikeshën më të mirë?
Mikesha ime më e mirë është Parukjerja ime e dashur, Merita së cilës i tregoj gjithcka dhe më këshillon pafund.

9. Si vishesh në jetën e përditshme ? Po veshjet e femrave shqiptare si të duken ?
Veshja ime është gjithmonë në varësi të programit ditor që kam. Nësë është një ditë shkolle , normalisht i veshur sport & praktike. Nëse programi ditor kërkon dicka më klasike apo moderne , sigurisht që i përshtatem eventit. Nëse flasim për femra që janë imazhe mediatike, them se i kapin tendencat, pasi vajzat e ekranit janë të mirëinformuara. Nëse flasim për vajzat e vogla, e teprojnë pak më veshjen e paradites ose në shkollë. Mendoj së është bukur t'i shikosh pa grim. Vitet e fundit tendenca po ndryshon, ama mendoj se duhet shumë kujdes në kombinimin e veshjes me stilin qe të përket, dhe ditës që kemi përpara.

10. Modelingu për ju është pasion, profesion apo biznes ?
Modelingu nis në të gjithë globin si një Pasion. Koha më pas të tregon nëse mund të kthehet në një profesion të mirëfilltë. Mundësitë për modelingun e një vendi të vogël dhe me shumë problematika si Shqipëria, janë të kufizuara. Rrallë herë moda merr prioritet dhe kjo është e kuptueshme. Por, pa diskutim që jemi në një situatë më të mirë se 5 apo 10 vite më parë. Sot ka më shumë aktivitete, më shumë sfilata, dhe kjo bën që gjithsecili të ketë më shumë mundësi.

11. Cilat janë projektet tuaja gjatë këtij fillimi vitit?
Projektet e mia sigurisht që lidhen me Televizionin . Shpresoj qe ti rikthem sërish programit të mëngjesit në Televizionin Klan "Aldo Morning" , në të cilin mungoj prej pak muajsh. Gjithashtu dhe studimet e larta zënë një pjesë mjaft të rëndësishme në formimin tim. Këtë vit diplomohem për Gjuhë të Huaja dhe më pas dua të vazhdoj një master të përgjithshëm për Gazetari. Kam shumë surpriza, më ndiqni !