Mitropolia e Korçës reagoi sërish dje në lidhje dramën ‘Shën Maria e Beratit’, duke u shprehur se ka pasur spekulime me deklaratat e saj, ndërsa thekson se distancohet nga opinionet që nuk përcjellin etikë të krishterë, ndërkohë dje Myftinia e qytetit të Korçës është solidarizuar me Mitropolinë duke dënuar fyerjet. Mitropolia e Korçës reagoi duke deklaruar se po keqpërdoret emri i saj dhe një deklaratë që ajo ka bërë përmes zëdhënësit të kësaj mitropolie. “Qëllimi i kësaj deklarate është për të qartësuar edhe një herë qëndrimin e Mitropolisë së Korçës rreth spekulimeve të disa mediave dhe individëve të ndryshëm mbi të ashtuquajturat deklarata të Mitropolisë në lidhje me dramën ‘Shën Maria e Beratit’. E vetmja deklaratë zyrtare e Mitropolisë është ajo që u dha zyrtarisht nëpërmjet zëdhënësit të saj. Çdo spekulim tjetër nuk i përgjigjet të vërtetës”, thuhet në deklaratën e Mitropolisë. “Kërkojmë që raportimet të mos përhapin konfuzion dhe pasaktësi. Gjithashtu është spekuluar me faqe në internet, që janë individuale dhe nuk paraqesin opinionin e Mitropolisë. Ne distancohemi nga çdo opinion që nuk përcjell etikë të krishterë dhe që nuk respekton dinjitetin e çdo njeriu”, thuhet në reagim. Ndërkohë po dje pas reagimeve të Komunitetit Ortodoks dhe Mitropolisë, të cilat sollën dhe pezullimin e shfaqjes në teatrin “Andon Zako Çajupi”, ka reaguar dhe Komuniteti Mysliman. Kreu i këtij Komuniteti në qytetin juglindor, Haxhi Qazim Muçi ka shprehur solidaritetin me Komunitetin Ortodoks dhe Mitropolinë. Myftiu ka shtuar se çdo fyerje ndaj vëllezërve tanë është dhe fyerje ndaj nesh. “Klerikët tanë kanë dhënë kontribut të çmuar për kombin dhe mbarë njerëzimin, prandaj nuk është e drejtë që të ofendohen dhe përbuzen”, thuhet në deklaratën e kreut të Myslimanëve në Korçë. Ndërkohë më tej sqarohet se ata bashkohen me shqetësimin e besimtarëve dhe klerikëve ortodoksë. “Në emër të bashkëjetesës së mirë fetare që ekziston në vendin tonë, solidarizohemi me homologët tanë ortodoksë. Nuk është e drejtë që të ofendojmë me çfarëdolloj forme”, u shpreh Haxhi Qazim Muçi, myftiu i Korçës. Ndërkohë, arsyet se përse u cilësua prej disave fyese për ortodoksët drama mbeten të paqarta. Më së shumti unë u befasova hidhur për këtë gjë që ndodhi. Ishte diçka e papritur, e paimagjinueshme në një vend demokratik, siç është vendi ynë, që ketë tentativë ndërhyrjeje të këtij lloji për të ndaluar një spektakël teatror”, tha në një intervistë për një televizion regjisori Mihal Luarasi. Ky i fundit ka hedhur dyshime se provokimi është kryer nga persona që duan të shkatërrojnë identitetin kombëtar.
Përgjigju Duke Cituar
jer më sot, o të uruar
Postuar më parë nga Kryqi i Paqes
Krijoni Kontakt