Me ndihmoni me citate nga librat e shenjte mbi drejtesine

[Fleur Blanche]

Nëse ke nga këto të lashtat, aq më mirë.
Siç e thashë, këto versetet e librave do i përdori sa për reference në ndonjë pjesëz trajtimi, dmth sa më shumë footnote, aq më mirë, kjo pastaj do më jape mundësinë që të përzgjedhi mes tyre. Por kjo s'do thotë që të përjashtoj urdhëresa apo norma që bazohen në besimin "hyjnor"/fetar të çfarëdo besimi qofshin.

Idea e trajtimit pastaj, do ketë të bëjë me atë sesi ana e brendshme e besimit të njeriut, ndikon për mirë që ky njeri të shfaqet në veprimet e tij të përditshme një njeri i moralshëm, i drejtë, me norma etj etj... e si rrjedhim, tërthorazi është një njeri i cili respekton edhe ligjet e vendit të cilit i përket. Është pak a shumë si ato idetë e Shën Agustinit dhe Thoma Akuinit, që i gjejmë si tek filozofia e së drejtës, e drejta publike, kriminalogjia, shteti i së drejtës etj etj...

Më pas, unë personalisht, s'mund të rri dot pa futur krahas kësaj edhe një çik filozofi, si psh mitin e Gygesit që trajton Platoni tek "Republika".

Kjo tema nuk është e imja, por jam duke e ndihmuar dikë tjetër, sepse profesori udhëheqës (i huaj ky zotëria) i kishte rekomanduar edhe aspektin fetar ta përfshinte me këtë qëllim në punim, për këtë arsye iu ofrova unë që t'ia lehtësoja pak këtë pjesën. Por siç thashë ndonjë verset do e përdori vetëm sa referencë, sepse s'më pëlqen që në një temë pjesa nëndarëse të jetë si e prerë me thikë me të tjerat, pavarësisht këndvështrimit të veçantë që trajton. Prandaj, krahas ndonjë citati nga librat e shenjtë, do ndërthuri edhe pak nga ana psikologjike e ndikimit që kanë tek besimtarët normat fetare në të qënit edhe njerëz që respektojnë edhe të drejtën pozitive (pra atë të krijuar dhe miratuar nga organet e shtetit) krahas asaj natyrale (psh ashtu siç e trajton deri diku filozofia e së drejtës) pak nga filozofia siç e përmenda dhe, nga vetë "rregullat morale" që kanë njerëz të tjerë që besojnë në një Krijues.

Psh sa për ilustrim i kësaj që thashë, po citoj pak Albert Pike (se boll rezistova, mbrëmë e citova edhe Hygoin tek pjesa e trajtimit që kam bërë deri tani ) "....the natural form of Masonry is goodness, morality, living a true, just, affectionate, self-faithful life, from the motive of a good man. It is loyal obedience to God's law."
Dmth diçka e tillë, sesi ana shpirtërore e njeriut shfaqet edhe në jetën e përditshme në veprimet dhe mosveprimet e tyre, krahas atyre citateve nga fetë e institucionalizuara.
Gjithashtu duke ndërthurur edhe ndonjë citat nga kurani psh, siç ai që solli toffee mbi drejtësinë tek ai linku, jo vetëm kam mundësinë e citimit si refrencë, por kam edhe hapësirë ta lidhi trajtimin edhe me vetë sistemet juridike botërore ku futet edhe e drejta islamike, ku si kushtetutë, pra si burim i shtetit të së drejtës ata kanë librin e shenjtë siç e quajnë, në hierarki. Meqë javën që vjen kam provim sistemet juridike, e kam edhe më të freskët këtë pjesë :P

Ju falemnderit edhe njëherë për ndihmën!

[~Geri~]

Përshëndetje!

Më duhen disa versete nga Librat e Shenjtë të besimeve të ndryshme, qofshin të krishterë, ortodoksë, protestatë, musliman, hebre, mormon etj etj... dhe për këtë arsye, po iu drejtohem atyre që janë besimtarë ose që s'janë të tillë por, njohin mirë Librat e Shenjtë fetarë, të më gjejnë ca versete të cilat iu drejtohen njerëzve me qëllim që të jenë të drejtë, të moralshëm... dhe disa versete të cilat mund të shihen si norma fetare kundra veprës së vjedhjes/përfitimit të padrejtë të pasurisë së tjetrit. Besoj se jam sadopak e kuptueshme në kërkesën time.

Le të themi, se më duhen për një punim, i cili përveç trajtimit juridik dhe shoqëror që përmban tema, do ketë si pjesë më vete edhe anën pozitive të besimit fetar në ndikimin/edukimin e njerëzve; këtë po ua them që nuk do i keqpërdori versetet të cilat ua kërkova. Këto versete do përdoren thjesht si citate dhe referencë, ndërsa trajtimi sigurisht do jetë vetjak dhe aspak tendencioz siç e thashë më lart, por parë në anën pozitive që përmban.


Duke qenë në pritje të bashkëpunimit tuaj, ju falemnderoj paraprakisht!

P.S: Më duhen sa më shpejt, kështu që kush e ka në mendje të më ndihmojë, ta bëjë këtë veprim brenda mundësive kohore...

Universiteti i Harvardit vendos ajet të Kuranit në hyrje të fakultetit

“O besimtarë! Bëhuni zbatues të palëkundur të drejtësisë, duke dëshmuar në emër të Allahut, qoftë edhe kundër jush ose kundër prindërve dhe të afërmve tuaj. Qoftë i pasur ose i varfër ai (për të cilin dëshmoni), Allahu është për ata vlerësuesi më i drejtë. Dhe mos shkoni pas epsheve tuaja e të shtrembëroni drejtësinë! Nëse ju ngatërroni dëshminë ose i shmangeni asaj, vërtet që Allahu e di se çfarë bëni ju.” (Nisa, 137)

http://www.titulli.com/2013/01/13/un...te-fakultetit/

[Force-Intruder]

Kjo tema nuk është e imja, por jam duke e ndihmuar dikë tjetër, sepse ...

Ahuuuu sa gjate i re... kete te thoshe qe ne fillim leri masonet e Pike (me je bere si ai qe fliste per Vietnamin te "The Big Lebowski"). lol Dmth i bi te te ndihmojme ty qe ti ti besh punen dikujt tjeter. Ncuq mua per vete nuk me duket e drejte.

Megjithate shkurtimisht si e shikoj une ceshtjen... Morali mund te kete me shume se nje themel. Prandaj mund te trajtohet ne dy aspekte:

1. Morali dhe drejtesia e bazuar ne religjon (si nje lidhje e ngushte dhe e domosdoshme JO PER MORALIN, por per vete religjionin. Religjoni pa moral do te ishte nje grupim perrallash e historish te lashta qe akush nuk do t'i besonte)... Ketu hyn gjithcka qe kerkon ti.
2. Morali dhe drejtesia e bazuar ne racionalitet e sekularizem. Ne dashamiresi...eksperience e zakone apo tradita... ne ate qe quhet "common sense".

Principles of religion and morality mund te te ndihmoje http://archive.org/details/principlesofreli00stea
Gjithashtu http://www.scribd.com/doc/73550404/M...olic-Tradition
etj etj

[Fleur Blanche]

I rashë gjatë, vetëm sa për të shpjegur gjitha ato që kam në mendje të trajtoj, kështu që s'ka lidhje fare me atë punën e Vietnamit që, është hera e dytë që ma përmend.

Për këto dy pikat, pajtohem; më pëlqejnë si trajtim, do shoh pastaj se deri ku do shkoj duke i trajtuar sipas asaj vije.

Mora këtë librin nga Libraria e Kongresit (po më vjen të qeshi se m'u kujtua diçka ) sepse ai tjetri më demoralizoi; ndërsa ky që mora ishte disi më konçiz dhe mund ta përdori në ndonjë vend edhe si referencë, se pastaj atë pjesën e trajtimit kam një çik qejf ta bëj edhe si ma thotë truri.

Ato të Solomonit që sollën në temë, më pëlqyen shumë, s'i kisha lexuar më parë se më shumë Solomonin e kam lexuar sipas asaj historisë Hiram Abiff dhe Sol OM On, por këto urdhëresat qenkan vërtetë për këtë punimin. Më duket se në lidhje me Solomonin ekziston edhe një legjendë tjetër fetare në atë lutjen që i ka bërë Zotit që t'i japë një zemër të zgjuar të dallojë të mirën nga e keqja, të drejtën nga e padrejta.... diçka e tillë.

Falemnderit
P.S. S'qenke edhe aq i keq sa kisha menduar... mos të paftë ndonjë sy i keq jarebi! : D

[Force-Intruder]

... mos të paftë ndonjë sy i keq jarebi! : D

Varet kush nga personalitetet e mia e shumfishta shkruan nqs e ke parasysh .... kam vendos qe mos perdor me shume users per secilin personalitet po te shkrujne te gjithe nga i njejti user ne menyre qe te evitohet ngaterrimi...

[Fleur Blanche]

ëhë, e kam parasysh... rrofsh që më në fund ma zgjidhe këtë dilemën e madhe që, më shqetësonte aq shuuumë, sa kisha filluar të të shihja në ëndërr dhe zgjohesha e trembur! brrrr...

[hot_prinz]

Fleur Blanche

a ben edhe ndonje thenje moderne-tradicionale?
Baca Qamil para se me vdeke, rahmet i paste shpirti, ka pase thene: "Buka e huaj, te mbetet ne fyt!".

[xfiles]

E di qe e ka mire Force-Intruder qe nuk i pelqen qe po ben punen e dikujt tjeter, jo se une nuk e kam bere ndonjehere, por eshte e padrejte.
Une te isha ne vendin e atij personit tjeter do perfitoja per te thene te verteten mbi fete dhe moralin, mbi llojet e moralit, le te mos i pelqente atij profit te huaj.

Por sot ndihem i mire, dhe dua te jap nje sugjerim mbi thelbin e trajtimit te moralit dhe rregullave shoqerore nen nje aspekt te veçante, arketipet e karl jung,
feja si nje mjet i deshtuar ne arritjen e nje njerezimi te bashkuar dhe ne harmoni, per shkak se nuk arrin te jete e ekuilibruar, ashtu si individualizmi modern eshte i deshtuar per te njejten arsye,
kalo ne pergjithesimin e sistemeve ideologjike si organizma shoqeror, bej analogjine me organizmat biologjik, arsyeto pse shteti/feja/perandoria/tradita jane si organizma te nje forme te re jete, te nje forme te re egzistence, ende ne nje stad primitiv por gjithesesi forme e re egzistence, sepse ideologjite apo sistemet shoqerore, sapo arrijne nje mase kritike njerezish behen te pavarura nga krijuesit e tyre, behen te pakontrollueshme, tashme eshte feja qe kontrollon dhe manipulon njerezit dhe jo e anasjellta. Idete jane qenie te gjalla me plote kuptimin e fjales, dhe masat ofrojne nje telajo per manifestimin e tyre.

Na fal per rremujen por doja te prekja sa me shume aspekte se mos te frymezon ndonje gje, dhe nese te frymezon ndonje gje mos e perdor per ate personin tjeter por per vete, bej doktoraturen :P

[Fleur Blanche]

Ikso, dy gjëra më janë bërë tejet të zakonshme me ty dhe s'më habisin më:
- e para; ty të duket e drejtë pothuajse çfarëdo që thotë Intruderiiiiiii
- e dyta; ja që në disa gjëra vazhdojmë të kemi të zhvilluar aftësinë telepatike me njëri tjetrin ne dy... psh këtë punën e Jungut e kisha në mendje ta përfshij, por vetëm në atë që ai i quan instinktet fetare... s'kam nerva dhe kohë ta ndërlikoj më tepër, sepse do zgjatem shumë pastaj... dhe do e demoralizoj këdo që ta marrë mundimin ta lexojë.
Gjithashtu, kam në mendje të fus në trajtim edhe Volterin, por ky herë shfaqet kritik i madh, dhe nga ana tjetër thotë të kundërtën në traktatin e tolerancës; sdq nëse e përfshij, do e bëj në të dyja këndvështrimet e tij. Më shumë nga ajo sa the lidhur me dështimin e fesë, unë kisha në mendje gjë tjetër, faktin që edhe pse ka shkaktuar nga njëra anë shumë viktima, që është kritikuar tej mase nga dijetarë të ndryshëm etj etj... vazhdon ende të jetë e pranishme dhe të udhëheqë jetën e miliona njerëzve.
E kam të pamundur të mbaj vetëm një krah dhe të flas vetëm për anët 'pozitive'; do i lë pak hapësirë vetes që të bëhem pak Njësh me Niçen

Sdq, flm, do bëj çmosin ta kryej sonte se pastaj do kap ato librat e mi të fushës, që i ke pa vetë ti sesi i kam këtë sezon

[klajdi wolf]

Duke qenë në pritje të bashkëpunimit tuaj, ju falemnderoj paraprakisht!

P.S: Më duhen sa më shpejt, kështu që kush e ka në mendje të më ndihmojë, ta bëjë këtë veprim brenda mundësive kohore...

Shpresoj qe keto te te ndihmojne!

Kush vjen me një (punë) të mirë, ai (në ditën e gjykimit) shpërblehet dhjetëfish, e kush vjen me (vepër) të keqe, ai ndëshkohet vetëm për të. Atyre nuk u bëhet e padrejtë.[6:160]

Adhurojeni All-llahun e mos i shoqëroni Atij asnjë send, silluni mirë ndaj prindërve, ndaj të afërmve, ndaj jetimëve, ndaj të varfërve, ndaj fqiut të afërt, ndaj fqiut të largët, ndaj shokut pranë vetes, ndaj udhëtarit të largët dhe ndaj robërve. All-llahu nuk e do atë që është kryelartë dhe atë që lavdërohet.[4:36]