Gjendja Ekonomike mbas luftes ne Irak

[Estella]

A mendoni se gjendja ekonomike do te ndryshoje mbas luftes ne Irak? A do te kete nje ngritje apo ulje?
C'fare ndikimesh do te kete tek vendet e tjera, si Evropa Azia dhe Afrika?

[alvi]

Estella, cfaredo efekti te kete ne Amerike, dhjetefishoje dhe do kesh efektin ne Evrope dhe Azi.
Kur Amerika teshtin, Bota eshte ne krevat me temperature 40.

[Mos_moreee]

nga ana ekonomike iraku i rrenuar eshte, tani pritet permiresim. mendoj se me e rendesishme eshte pyetja c'do te beje OKB-ja me naften qe shkembehet per ushqim, pasi te ndryshohet sistemi? jam e sigurte se borxhin iraku do ta paguaje dhe me interesa madje,po nje tjeter zgjidhje mund te jete me e domosdoshme nese kualicioni arrin te heqe sadamin.
sa per ameriken,shume ekonomiste vleresojne luften e shkurter si menyra me e mire per surplus ekonomik.shpresoj qe mos te behet si lufta ne vietnam (megjithese edhe nje lufte e gjate permireson ekonomine shume me teper se paqja).
kurse evropa,hmmm, evropa nuk do behet kurre nje.me vjen keq per vendet e euros se monedha e njejte mund t'i demtoje shume.

[Tironcja---]

Une mendoj se gjendja ekonomike mbas luftes ne Irak do bjeri duke pasur parasysh gjith demet e luftes, edhe kta e kon deklaruar edhe vet qe do ken Billionas shpenzime, qe ishte edhe nji nga faktoret qe nuk i ndalonte per tu futur ne luft me Irakun me perpara. Nuk e di nqs e keni ven re por ne fakt kto 2 vitet e fundit ekonomija ka ren goxha, edhe do vazhdoj te bjeri. Kta kon von Budget Cuts ne cdo shkoll, edhe kon efekt te madh sidomos ne STATE SCHOOLS.

[Toni222us]

ndikimi i luftes ne irak nuk mund te shikohet tani ne keto momente , por mbas disa vjetesh ,eshte normale qe sot per sot do te kete renie ne ekonomine boterore , por e ardhmja them se do te jete me mire ....... po ti referohesh te shkuares them se mbas nje lufte vjen nje lulzim ekonomie ....... eshte lufta qe ndryshon sistemet shoqerore dhe ndikon ne ecjen perpara te jetes njerzore ndikon ne revolucionet shkencore dhe shoqerore kulturore ect ect si keto ...... por nuk mund te shikosh tani per tani duhet te shikosh te ardhmen per efektet qe mund te sjelli nje lufte ..........lufta ne irak nuk eshte nje lufte kundra thjeshte nje rregjimi diktatorial , por une them se eshte nje lufte per nje rend te ri shoqeror dhe kjo eshte thjesht nje justifikim psh si lufta kunder terrorizmit ect ect si keto me ardhjen e mijvjecarit te ri filloi nje epok e re per njerzimin thjesht i ra per detyre usa _es qe ta drejtoj planetin tone ne kete ne kete sfid te re per te ardhem se as kush nga shtet sot per sot te pakten te aparence nuk kan potencialin e tyre per te qene lider te vertet per te ardhmen .......

ky eshte mendimi im por nuk them se eshte absolut ... respekte

[Estella]

Prej disa ditësh çmimi i naftës në shumë pika karburanti ka zbritur në 65 lekë

Rënia e dollarit ul çmimin e naftës

Në qytetin e Tiranës gjithçka kushton më shtrenjtë, pse jo dhe nafta

Genti Xhaferraj
Çmimi i naftës së importit në tregun vendas, prej pak javësh është ulur në 70 lekë për litër, duke zbritur në nivelet e para disa muajve, në kohën e para krizës së Irakut. Madje, prej disa ditësh, në shumicën e pikave të karburantit jashtë Tiranës, një litër naftë shitet me 65 lekë, nivel ky i harruar prej shumë kohësh. Ulja e çmimeve në tregjet ndërkombëtare që pas përfundimit të luftës në Irak solli uljen në normalitet të çmimeve edhe në tregun shqiptar. Por, ndërsa çmimet në tregjet ndërkombëtare luhaten në nivelet 26-27 dollarë për fuçi që i korrespondojnë çmimit 70-72 lekë për litër tek ne, vërehet se në shumë pika nafta shitet me 65 lekë për litër. Një nga importuesit kryesorë në vend shpjegon se arsyeja e uljes nën 70 lekë për litër është rënia drastike e dollarit ndaj lekut. Dihet që nafta blihet me dollarë në tregun e jashtëm, dhe rënia e dollarit ndaj lekut me rreth 10 pikë në ditët e fundit ka sjellë uljen e çmimit të naftës me pesë lekë për litër. “Nëse dollari do të këmbehej me 130 lekë, thotë Luigj Alia, drejtor i “Kastpetrol”, çmimi me pakicë i naftës në vend do të ishte 70-72 lekë për litër”. Por, në fakt ky çmim (70-72) vërehet thuajse në të gjitha pikat e karburanteve në qytetin e Tiranës. Që prej disa muajsh, që me fillimin e krizës së Irakut, çmimi i naftës në shumicën e pikave të shitjes në Tiranë është gjithmonë 5-10 lekë për litër më i shtrenjtë se në ato jashtë saj. Një specialist në Ministrinë e Energjitikës e konsideron këtë fenomen krejt jonormal dhe të pashpjegueshëm ndryshe, veçse si një abuzim të pastër. “Nuk ka asnjë dyshim se nafta duhet të kushtonte 65-67 lekë për litër”, -thotë ai. “Para disa muajsh, kur dollari ishte 130 lekë, çmimi i naftës ishte 70-72 lekë për litër; tani që dollari ka zbritur në 118 lekë dhe nafta kushton po aq dollarë sa para disa muajsh, është krejt logjike se çmimi në vend duhet të ishte më i ulët se 70 lekë”, -përfundon ai. Ndërkohë ai nuk shprehet lidhur me punën që po kryen grupi i punës i ngritur para dy muajsh me specialistë nga Ministria e Financave, Tatimet dhe Ministria e Energjitikës, grup që kishte për detyrë kontrollin e operatorëve të karburanteve në lidhje me sasinë e detyruar të rezervës dhe ç’është më kryesorja, ndalimin e abuzimeve të mundshme me çmimet në tregun e karburanteve.
Tregjet ndërkombëtare
Çmimi botëror i naftës ra dje pas tre javësh ngritjeje rresht, si pasojë e rritjes së përfitimeve të mundshme të tregtarëve, të cilët janë të paduruar të shohin një rritje të shpejtë të eksporteve të Irakut. Sipas agjencisë “Reuters”, indeksi ndërkombëtar “Brent” i naftës bruto ra me 22 cent, në nivelin 26.12 dollarë për fuçi, duke prekur nivelin më të ulët në pesë javët e fundit. “Ka pasur disa përfitime në rritje, por tregu është absolutisht në ekuilibër të plotë”, -tha Njuman Barakat, një broker (agjent burse) pranë “FIMAT International Bank”. Zyrtarët e ekonomisë irakiane parashikojnë që eksportet do ta marrin veten shumë shpejt, pas rregullimeve të puseve të naftës dhe të naftësjellësve të dëmtuar nga lufta dhe vjedhjet.
Fuçitë e para priten të eksportohen nga pjesa e naftës që ekziston nëpër rezervuaret e padëmtuara, por prodhimi i ri i naftës bruto në mënyrë të vazhdueshme pritet të fillojë shumë shpejt si pasojë edhe e rritjes së shpejtë të kapaciteteve të prodhimit. Ministri irakian i Naftës Thamir Ghadbhan tha se, duke filluar nga fundjava, parashikohej që Iraku të nxirrte 1.4 milionë fuçi në ditë. Kjo shifër është e barabartë me një të katërtën e fuqisë prodhuese të Irakut para luftës me Amerikën. Analistët e industrisë së naftës janë të ndarë, për faktin se OPEC-u mund të shkurtojë prodhimin e 10 vendeve të tjera anëtare, për ta futur Irakun në prodhim. Kjo gjë do të diskutohet në takimin e ardhshëm të OPEC-ut në 11 qershor. Majk Rothman, një ekspert pranë bankës “Merrill Lynch”, -tha se ndoshta një gjë e tillë nuk do të ndodhte. Ai tha: “Në takimin e ardhshëm të OPEC-ut, në 11 qershor, do të shohim shumë fjalime me bazë nevojën e shkurtimit të kuotave. Sinqerisht unë nuk jam dakord sepse me nivelet e inventarëve të naftës nën normalen dhe me shkëmbimin e shtrenjtë të gazit natyror me naftën, rritja e kërkesës për pjesën e mbetur të vitit do të thithë qetësisht rritjen e tepërt të prodhimit irakian”.
Anëtarët e OPEC-ut takohen rregullisht, në përpjekje për të mbajtur prodhimin e naftës në sasi të tilla që çmimi të jetë midis 22 dhe 28 dollarë për fuçi. Këto rregullime bëjnë të mundur që eksportuesit e naftës të kenë të ardhura të konstante dhe vendet importuese të kenë një qëndrueshmëri në çmimin e naftës

Marre nga Shekulli