Serbia heq lapidarin e Shqiptarëve në Preshevë

[Dar_di]

Xhandarmëria serbe e hoqi lapidarin e UÇPMB-së

Forca të mëdha speciale të xhandarmerisë serbe sot në orën 07.00 të mëngjesit kanë larguar lapidarin e dëshmorëve të UÇPMB-së të vendosur në qendër të Preshevës.

Për realizimin e këtij operacioni ishin angazhuar forca të mëdha policore serbe.

Nga ish tregu i vjetër e deri tek rruga që shpie deri tek qendra, në rrugën “Ramiz Sadiku” nga rruga e fshatit Rahovicë deri tek qendra dhe ajo që shpie rrugës për Gjilan, të gjitha rrugët kanë qenë të bllokuara nga mijëra forca speciale, transmeton Presheva.com.

Xhandarmëria e largoi dhe mori me vete lapidarin duke e dërguar në lokacion të panjohur dhe pastaj u largua nga qendra e Preshevës.

Telegrafi

[Dar_di]

HEQJA E LAPIDARIT NË PRESHEVË

http://www.livestream.com/titulli/vi...d-cf37ca4aa937

http://www.livestream.com/titulli/vi...e-f73f35ec6ce4

[Edvin83]

20 Janar 2013 - 09:16 | LAJME

Preshevë, xhandarmëria serbe heq lapidarin e dëshmorëve të UÇPMB-së



PRESHEVE - Forcat speciale të xhandarmerisë serbe sot në orën 7:15 minuta të mëngjesit kanë larguar lapidarin e dëshmorëve të UÇPMB-së të vendosur në qendër të Preshevës Sipas mediave serbe, heqja e lapidarit nuk ka shkaktuar incidente.

Mediat serbe raportojnë për 200 pjesëtarë të xhandarmërisë serbe të kenë qenë roje të mjeteve të rënda që shkulën lapidarin nga sheshi para komunës për ta ngarkuar në një kamion. Sipas mediave serbe, sheshi i Preshevës tashmë është tërësisht i pastruar dhe nuk ka shenja seaty ka ekzistuar ndonjë përmendore. Momentalisht nuk dihet se ku është dërguar lapidari.

Kryeministri serb dhe ministri i Brendshëm, Ivica Daçic ka deklaruar se pas skadimit të të gjitha afateve ligjore, me urdhër të Ministrisë së Drejtësisë, pjesëtarët e xhandarmërisë e kanë hequr lapidarin e vendosur në mënyrë jolegale në Preshevë.

"Serbia ka treguar durim të mjaftueshëm, por edhe ka dërguar mesazh të fuqishëm se ligji duhet të respektohet dhe se askush nuk është më i fortë se shteti”,- ka thënë Daçic.

Sipas medieve serbe, në mbledhjen e udhëheqjes të dy shoqatave të veteranëve të luftës të UÇPMB-së, është vendosur që të propozohet zhvendosja e lapidarit të UÇPMB-së nga sheshi i Preshevës në oborrin e xhamisë, ose të Shtëpisë së Kulturës së këtij qyteti.
Sot në orën 11:00 në një mbledhje të caktuar me liderët e 6 partive politike të shqiptarëve të Luginës, do të prezantohet ky vendim, transmeton gazeta serbe Blic. Pritet që pas kësaj mbledhjeje të njoftohet Qeveria e Serbisë dhe nga ajo të kërkohen disa ditë për zbatimin teknik të këtij vendimi.

Lajmin e transmetuar nga mediat serbe, të cilat duke ju referuar burimeve të OVL të UÇPMB-së, kanë folur për një marrëveshje për zhvendosjen e lapidarit tek xhamia apo oborri i shtëpisë së kulturës, e ka hedhur Jonuz Musliu, lideri i PLD-së dhe ish-drejtor politik i UÇPMB-së, duke i quajtur këto vetëm spekulime.

(er.nu/BalkanWeb)

[ExTaSy]

[Boy_XL]

Nga Express 20 Janar 2013 10:59

Xhandarmëria serbe ka larguar lapidarin e UÇPMB-së sot në orët e hershme të mëngjesit. Gjatë aksionit nuk ka pasur ndonjë incident. Mediat lokale e kanë përcjellë nga afër aksionin e xhandarmërisë serbe, derisa nuk ka pasur ndonjë veprim rezistence nga banorët lokalë.

Afro 150 pjesëtarë të xhandarmerisë, pak para orës 7 të mëngjesit, e kanë rrethuar sheshin në qendër të qytetit, ku gjendej përmendorja, e kanë mbuluar me një thes të bardhë të plastikës dhe e kanë ngarkuar në kamion, i cili i përcjellur nga 20 makina të policisë, është larguar nga Presheva.

Gjatë këtij operacioni ishte i pranishëm edhe komandanti i xhandarmerisë së Serbisë, Bratisllav Dikiq, i cili nuk ka dashur të prononcohet për media.

Nga ana tjetër, në njoftimin e qeverisë së Serbisë, theksohet se “përmendorja e ngritur në mënyrë ilegale”, sot është larguar nga qendra e Preshevës dhe se aksioni ka kaluar pa incidente.

[Dar_di]

Reagime të ashpra, por kërkohet gjakftohtësi

Drejtuesit e institucioneve të Kosovës dhe atyre në Shqipëri kanë reaguar ashpër ndaj heqjes së lapidarit të dëshmorëve të UÇPMB-së, nga ana e policisë dhe xhandarmërisë serbe, të dielën, në Preshevë. Ata e kanë vlerësuar si një veprim qyqar të Beogradit, duke vlerësuar se kjo dëshmon se pushteti aktual i Serbisë nuk ka ndryshuar asgjë nga mentaliteti i Sllobodan Millosheviqit. Sidoqoftë, drejtuesit shqiptarë kanë bërë thirrje për gjakftohtësi. OSBE-ja thotë se një kompromis ishte gati të arrihej.

(E plotësuar) Presidentja e Kosovës, Atifete Jahjaga, ka vlerësuar se heqja e përmendores është në kundërshtim me të drejtat themelore të njeriut dhe me Kartën Evropiane për Vetëqeverisjen Lokale.

“Heqja e përmendores nuk është në përputhje me vullnetin e qytetarëve të Luginës së Preshevës, të shprehur nëpërmjet institucioneve të kuvendeve komunale, që janë institucione legjitime dhe legale. Kjo tregon mungesën e gatishmërisë që nëpërmjet dialogut të gjendet zgjidhja si një mekanizëm tashmë i dëshmuar demokratik”, thuhet në reagimin e Zyrës së Presidentes.

Presidentja e Kosovës bën thirrje për qetësi dhe për krijimin e një klime të mirëbesimit që do të rivendoste dialogun me qëllim të gjetjes së një zgjidhjeje të pranueshme.

Edhe Qeveria e Kosovës ka shprehur indinjatën e saj të thellë për “veprimin e shëmtuar” të heqjes me forcë të Memorialit për luftëtarët e UÇPMB-së në qendër të Preshevës. Prishtina iu bën thirrje shqiptarëve që të mos i përgjigjen këtij “provokimi qyqar” të Serbisë.

“Ky veprim i Qeverisë së Serbisë është një dëshmi tjetër se urrejtja kundër shqiptarëve që jetojnë në Luginën e Preshevës është ende gjallë dhe se ajo po ushqehet me veprime të tilla të pasardhësve të politikës gjenocidale të Millosheviqit”, thuhet në një deklarate për shtyp.

Ky akt i Qeverisë së Serbisë, sipas Prishtinës, e rrezikon gjithashtu seriozisht procesin e dialogut për normalizimin e marrëdhënieve ndërmjet Kosovës dhe Serbisë, dhe përgjegjësia direkte bie mbi Serbinë.

Kryetari i Kuvendit të Kosovës, Jakup Krasniqi, po ashtu ka dënuar heqjen e lapidarit të dëshmorëve të Ushtrisë Çlirimtare të Preshevës, Medvegjës dhe Bujanocit (UÇPMB).

Krasniqi vlerëson se ky veprim qyqar i Beogradit, dëshmon edhe njëherë se pushteti aktual i Serbisë nuk ka ndryshuar asgjë nga logjika, mentaliteti dhe veprimet e pushtetit të Sllobodan Millosheviqit. “Veprimet e tilla nuk i kontribuojnë paqes dhe stabilitetit në rajon, e as procesit të bisedimeve për normalizimin e marrëdhënieve ndërmjet dy vendeve. Kjo është edhe një dëshmi se Beogradi vazhdon të jetë prodhues i destabilitetit, nxitës i konflikteve dhe urrejtjeve ndërmjet kombeve”, thuhet në deklaratë.

Pas situatës së krijuar, kryetari Krasniqi bën thirrje për gjakftohtësi, në mënyrë që shqiptarët e kësaj treve të mos bien pre e provokimeve të Beogradit, sado të dhimbshme qofshin ato.

Qeveria e Republikës së Shqipërisë, gjithashtu, e ka dënuar aktin e largimit me autoblinda, mitraloza dhe terror, nga autoritetet e Beogradit, të përmendores së heronjve të kombit shqiptar në Luginën e Preshevës, që ranë për t’u bërë të pavdekshëm në luftë për liri e dinjitet njerëzor dhe kombëtar, kundër regjimit barabar të Millosheviqit.

Qeveria shqiptare e konsideron këtë një dëshmi tjetër të albanofobisë së autoriteteve zyrtare të Beogradit, që dëshmon qartë se trashëgimia raciste antishqiptare e Slobodan Milloshevicit është e gjallë dhe dominon politikën zyrtare të Beogradit.

Me këtë akt të rëndë, autoritetet e Beogradit kanë shkelur haptas ligjet dhe konventat ndërkombëtare, si Konventën Evropiane të të Drejtave të Njeriut dhe Konventën Evropiane të të Drejtave të Minoriteteve të Këshillit të Evropës, si dhe Kartën Evropiane të Autonomisë Rajonale dhe Lokale të Kongresit të Autoriteteve Lokale të Evropës, të cilat Serbia i ka firmosur dhe është e detyruar t''i zbatojë.

Qeveria shqiptare vlerëson dhe mbështet plotësisht qëndrimin e matur të autoriteteve vendore dhe qytetarëve shqiptarë të Luginës së Preshevës ndaj terrorit serb dhe i siguron ata se Shqipëria ka mbështetur dhe do mbështesë, pa asnjë lëkundje, liritë dhe të drejtat njerëzore dhe kombëtare të shqiptarëve në Luginën e Preshevës, të cilat, nuk mund të kenë, në asnjë rast, standarde të tjera nga ato që kërkohen nga Beogradi për serbët në Mitrovicën e Veriut.

Ndër të parët që ka reaguar, pas heqjes së lapidarit, të dielën në orët e hershme të mëngjesit, ka qenë deputeti socialist, Pandeli Majko, ish-kryeministër i Shqipërisë në kohën e luftës në Kosovë. Ai ka thënë se ky akt po rivret ata që u vranë nga regjimi i Milosheviqit dhe “vërteton se në Beograd qeverisin po ata që zhytën Ballkanin në gjakderdhjen e ndarjes së ish-Jugosllavisë”.

Majko ka theksuar se xhandarmëria serbe hoqi një “copë gur”, por ringritën historinë që shkruan ata djem që dhanë jetën për popullin e tyre. “Kush mund të vendosë një tufë me lule tek vendi i lapidarit të hequr do t’i isha mirënjohës. Lavdi dëshmorëve të kombit! Ata ishin edhe dëshmorët e mi!”, ka shkruar ish-kryeministri, në rrjetin social “Facebook”.

Veprimin e kanë dënuar dhe partitë politike të Kosovës. LDK-ja e vlerëson këtë akt si një mjet presioni ndaj shqiptarëve të mbetur në Preshevë, Bujanoc dhe Medvegjë, ndaj i bën thirrje bashkësisë ndërkombëtare që ta shtojë kujdesin për qytetarët e atjeshëm shqiptarë, të cilët janë më të shtypurit dhe më të diskriminuarit në Evropë.

OSBE: Një kompromis ishte gati të arrihej

Ushtruesja e detyrës së shefes së misionit të Organizatës për Siguri dhe Bashkëpunim në Evropë (OSBE) në Serbi, Paula Thiede, ka shprehur keqardhje që negociatat për gjetjen e zgjidhjes së kompromisit për “monumentin kundërthënës” në Preshevë, ishin dobësuar nga largimi i monumentit nga ana e qeverisë këtë mëngjes, ka njoftuar Misioni i OSBE-së në Beograd.

“E kuptoj se vendimi i pranueshëm reciprokisht ishte afër arritjes”, tha Paula Thiede, ushtruese e detyrës së shefes së Misionit të OSBE-së në Beograd, dhe shtoi se “negociatat është dashur të vazhdojnë për gjetjen e zgjidhjes, që do të respektonte dëshirat e të dy komuniteteve”.

Ajo ka kërkuar “qetësi dhe atmosferë, në të cilën dialogu mund të ripërtërihet”.

Prishtina e Quan “Akt Qyqar” Heqjen e Memorialit

Qeveria e Kosovës ka shprehur indinjatën e saj të thellë për “veprimin e shëmtuar” të heqjes me forcë të Memorialit për luftëtarët e UÇPMB-së në qendër të Preshevës. Prishtina iu bën thirrje shqiptarëve që të mos i përgjigjen këtij “provokimi qyqar” të Serbisë.

Qeveria e Kosovës thekson se dështimi i Qeverisë së Serbisë që përmes dialogut të gjejë një zgjidhje për vendosjen e Memorialit tregon se dialogu ende nuk është pjesë e politikës qeveritare të Serbisë kur janë në pyetje shqiptarët.

“Ky veprim i Qeverisë së Serbisë është një dëshmi tjetër se urrejtja kundër shqiptarëve që jetojnë në Luginën e Preshevës është ende gjallë dhe se ajo po ushqehet me veprime të tilla të pasardhësve të politikës gjenocidale të Millosheviqit”, thuhet në një deklarate për shtyp.

“Ky veprim jocivilizues i Qeverisë së Serbisë i heqjes së Memorialit nuk e ndryshon dot historinë dhe kujtesën e shqiptarëve kudo që janë. Përkundrazi, vetëm sa e forcon atë dhe na rikujton se Serbia dhe politikat e saj mbeten po ato të shekullit të kaluar”.

Qeveria e Kosovës iu bën thirrje shqiptarëve në Luginën e Preshevës dhe qytetarëve të Kosovës që të mos i përgjigjen këtij “provokimi qyqar” të Serbisë. “Ne duhet të besojmë në vlerat civilizuese dhe jo në antivlera, të cilat i promovon Serbia, e që janë dënuar nga e gjithë bota perëndimore demokratike”, thuhet ndër tjerash në deklaratën shpërndarë medieve.

Ky akt i Qeverisë së Serbisë, sipas Prishtinës, e rrezikon gjithashtu seriozisht procesin e dialogut për normalizimin e marrëdhënieve ndërmjet Kosovës dhe Serbisë, dhe përgjegjësia direkte bie mbi Serbinë.

Nga ana e tij, kryeministri serb, njëherësh ministër i Punëve të Brendshme, Ivica Daçiq, ka deklaruar se pas skadimit të të gjitha afateve ligjore, me urdhër të Ministrisë së Drejtësisë, pjesëtarët e xhandarmërisë e kanë hequr lapidarin e vendosur në mënyrë jolegale në Preshevë.

"Sërbia ka treguar durim të mjaftueshëm, por edhe ka dërguar mesazh të fuqishëm se ligji duhet të respektohet dhe se askush nuk është më i fortë se shteti”, iu ka thënë Daçiq, gazetarëve.

Gazeta JnK

[prenceedi]

Reagime të ashpra, por kërkohet gjakftohtësi

Per cfare gjakftohtesie behet fjale,,,,,,,,ti lutemi europes te nderhyje??????
Ashtu sic vepruan serbet ne menyre te njeanshme te njejten pergjigje duhet te jape edhe Tirana e Prishtina
Tirana te nderprese menjehere mardheniet diplomatike.
Prishtina te nderprese bisedimet.

[Mike Oldfield]

Ore po ku jane sot aleanca e spahiut te korrupsionit dhe vetvendosja?!

[ARIANI_TB]

Ore po ku jane sot aleanca e spahiut te korrupsionit dhe vetvendosja?!

Jo Jo Ore i nderuar Mike Oldfield,

Ku jane Kryeminstrat e Shqiperise dhe Kosoves (Sali Rame Berisha e Hashim Broje Polari) te cilet gjate manifestimin te 100 Vjetorit se Pavaresise se Shqiperise, ne Shkup ne dhjetor te 2012, dhane premtime goxha te forta per mbrojtjen e te te gjithe Shqiptarve kudo qe jane trojet e tyre!

Ku jane keta te dy, te cilet para ca dite iu drejtuan shtetit serb, me mesazhe qe te mos e prekin Lapidarin dhe Shqiptaret atje ?!?

Ku jane politikat zyrtare te Tirane dhe Prishtines ?!?

AK dhe VV nuk jane ne pushtet. Kurdo qe keto e marrin pushtetin e ne rast se nuk reagojne ateher mund te themi se ku jane sot AK e Spahiut dhe VV e Albinit?

[beni33]

Ore po ku jane sot aleanca e spahiut te korrupsionit dhe vetvendosja?!

qka ka lidhje kjo me aleancen kuq e zi dhe me vetvendosjen kjo ata skan pushtetin kurse vetvendosja e ka shpreh qendrimin e saj shpesh kunder serbis dhe qellimet serbis ju si duket i keni harru ato skan qen te sodit per ne