Ramush Haradinaj vs Hashim Thaqi

[YlliRiaN]

Keqardhje për Haradinajn

Kryeministri Hashim Thaçi ka deklaruar se i vjen keq për gjendjen në të cilën ndodhet Lideri i AAK’së, Ramush Haradinaj. Ai tha se dëshiron që Haradinajn ta shoh më optimist.

Kryeministri Hashim Thaçi kërkoi të shtunën nga kreu i AAK’së Ramush Haradinaj që në deklaratat e tij të ardhshme të shprehë më shumë optimizëm. Kjo deklaratë e Thaçit vjen pas deklaratave të mëhershme të Haradinajt që i bëri për FSK’në, duke thënë se “FSK’ja po manipulohet nga qeveritarët dhe se përzgjedhja e anëtarëve të kësaj force nuk është reale”.

Sipas kryeministrit Thaçi, askënd nuk e imunizon e kaluara e tij, por puna për të ardhmen. Ai tha se të gjithë ish pjesëtarët e TMK’ së kanë qenë bashkëluftëtarë të tij dhe se do të jetë gjithmonë në shërbim të tyre. “Unë shpreh keqardhje për gjendjen e tij, për reagimet e tij, dëshirojë ta shoh më optimist dhe më real, më të këshilluar mirë, më të reflektueshëm, më të qetë, më të relaksuar dhe të jetojë me realitetin në Kosovë.

Pushtetin e japin dhe e marrin qytetarët e Kosovës. FSK’ja është një forcë që do të ndërtohet sipas standardeve të NATO’s, vlerësimin për njerëzit që do të integrohen aty e ka bërë KFOR’i dhe unë kam insistuar që të ketë rivlerësim të ankesave të parashtruara, por edhe do të ndodhë kjo, por kjo çështje nuk duhet të shfrytëzohet për motive politike”, tha kryeministri Thaçi, pa përmendur emri i Haradinajt.

Nga ana tjetër, Ardian Gjini, Shef i Grupit Parlamentar të AAK’së, ka thënë se “nuk e di se pse Thaçit ju ka bërë opsesion që të merret gjithë kohës me Kryetarin e AAK’së”. “Nuk e di se pse, ndoshta po frikohet që Haradinaj po ia merr pushtetin”, ka deklaruar Gjini për Express, të shtunën.

Deklaratat e Thaçit, Shefi i Grupit Parlamentar të AAK’së i ka cilësuar si fëmijërore.
“Ai më mirë të merret me punë konkrete, sesa bën këso deklaratash fëmijërore”, ka thënë Gjini.


Në pritje të planeve të presidentit Obama

Kryeministri i Kosovës, Hashim Thaçi në një intervistë për gazetën austriake “Der Standard” ka deklaruar se, Prishtina është duke i pritur planet e presidentit amerikan Barack Obama për Ballkanin Perëndimor. I pyetur nëse në periudhën e kaluar SHBA’të e kanë mbështetur mjaftueshëm Kosovën që ajo të njihet nga vendet arabe, Thaçi ka thënë se shqiptarët e Kosovës u janë shumë mirënjohës Ish Presidentit George Bush, qeverisë dhe kombit amerikan, ndërsa ka shtuar se tash “presim planet e Presidentit Obama për Ballkanin Perëndimor”.

“Ne jemi pjesë e familjes europiane, dhe do të jemi pjesë e BE’së dhe e NATO’s. Gjithashtu, do të kemi edhe më shumë njohje nga shtetet e Konferencës Islamike, por duket se gjërat janë komplikuar paksa, më shumë se që kemi pritur - mirëpo premtimet ende qëndrojnë dhe presim që ato të përmbushen”, ka thënë Kryeministri Thaçi.

Sa i përket shteteve të BE-së që ende nuk e kanë njohur Kosovën, Thaçi ka thënë se, “ato nuk kanë ndërmarrë një hap të tillë për shkak të problemeve të tyre të brendshme, dhe se, presin një moment më të volitshëm për ta njohur Kosovën”.

[YlliRiaN]

Ramush Haradinaj iu kundërpërgjigj Hashim Thaçit të shtunën në Ferizaj. Aty ai shpërndau 123 libreza të AAK’së, shumica nga to, për ish-aktivistë të PDK’së. Kjo është beteja e re mes Thaçit dhe Haradinajt. Në lojë janë librezat e jo idetë politike.

Lideri i Aleancës për Ardhmërinë e Kosovës, Ramush Haradinaj, të shtunën, iu kundërpërgjigj fushatës që nisi lideri i Partisë Demokratike të Kosovës, Hashim Thaçi në Drenas dhe Vushtrri. Në Ferizaj, Haradinaj shpërndau 123 libreza të AAK’së për ish-aktivistë të PDK’së. Njëjtë sikur veproi Thaçi para një jave në Drenas dhe Vushtrri, duke u dhënë libreza ish-anëtarëve të AAK’së.

Kështu, dy rivalët kryesorë politikë nisën një betejë të re - atë për libreza. Nënkryetari i AAK’së, Ahmet Isufi tha për Express se ky hap nuk duhet kuptuar si kundërpërgjigje ndaj PDK’së. “Ky nuk është mesazh për t’iu kundërvënë askujt, por është një mesazh që AAK po konsolidohet dhe po i shton radhët e veta”, deklaroi ai të shtunën.

Javën e kaluar, lideri i PDK’së, njëherësh kryeministër aktual, Hashim Thaçi ia mori Ramush Haradinajt komplet Degën e Drenasit. Derisa, pak ditë më pas, ai goditi sërish AAK’në, ashtu sikurse edhe partitë tjera në Vushtrri. Kjo fushatë e Thaçit erdhi në kohën kur Haradinaj me tërë kapacitetin e tij po sulmon qeverinë aktuale për korrupsion dhe keqqeverisje.

Në fillim, Haradinaj hezitoi të deklarohet rreth fushatës së Thaçit, por të shtunën ai ju kundërpërgjigj atij me të njëjtën monedhë, duke rekrutuar aktivistë të PDK’së. Në emër të aderuesve të rinj në AAK, nga komuna e Ferizajt ka folur Lulzim Salihu, Ish Kryetar i Aktivit të Parë të PDK’së.

“Në zgjedhjet e ardhshme do të votojmë për liderin i cili diti ta udhëheqë luftën dhe që triumfoi në Tribunalin e Hagës; ky është lideri i së ardhmes së Kosovës, Ramush Haradinaj”, ka thënë ai. Aderuesit e rinj i ka përshëndetur edhe nënkryetari i nëndegës së parë të AAK’së në Ferizaj, Ylber Selmani. Ai ka thënë se veç këtyre personave që kanë kaluar nga PDK’ja në AAK, ka edhe të tillë nga LDD’ja që janë bërë pjesë e nëndegës së tij.

Më pas, fjalën e ka marrë Haradinaj. “Jemi një demokraci e re. Marrja e përgjegjësive nga vendorët bën një sfidë të rëndë, e cila kërkon një vetëdije më të lartë. Edhe neve si aleancë na ka ra hise për ta sfiduar veten”, ka thënë ai. Haradinaj ka shtuar se në Kosovë hetohet një pazotësi, se kur je në qeveri nuk je për t’i qeverisur njerëzit që ke aty, por 2 milionë njerëz.
“Ne jemi në vështirësi si popull. Jemi duke u harxhuar si vend.

Kemi një fqinj i cili ka filluar të ndërrojë imazhin tek të tjerët, por jo edhe qasjen ndaj nesh. Dëshirojnë të na e marrin një pjesë të territorit. Këto na obligojnë që t’i zmbrapsojmë këto zhvillime”, ka thënë Haradinaj. “Zgjedhjet ishin mundësi për një qeverisje, e cila do t’i thoshte Beogradit, bëhu gati për reciprocitet dhe mos shpreso më se je më i zoti se ne. Por, ne tash jemi jashtë loje”.

Ai ka thënë se, po të ishin të sigurt në fitoren e zgjedhjeve pushtetarët aktual, do të kishin pranuar që ato të mbaheshin këtë vit, në mënyrë që t’ia siguronin vetes edhe një mandat për katër vjet. Në fund, ai ka dhënë një mesazh për anëtarët e rinj të AAK’së. “Ju duke u bashkuar në një adresë, mund t’i sillni të mira Ferizajt dhe Kosovës”.

Hashim Thaçi dhe Ramush Haradinaj, tash e shumë kohë, kanë ndërtuar një rivalitet të ashpër mes veti. Ata në vazhdimësi hedhin kritika të forta, ashtu sikurse shumë herë imitojnë njëri-tjetrin. Megjithatë, nënkryetari i AAK’së, Ahmet Isufi tenton që, veprimet e fundit në Ferizaj, t’i paraqes si aktivitet normal i kësaj partie.

“Ju keni parë që edhe gjatë kohës sa jemi përgatitur për zgjedhjet e brendshme ka pasur aderime nëpër disa komuna, siç është Ferizaj bie fjala. Ky është një veprim në vazhdimësi. Ky është angazhim për një politik të re”, ka thënë ai. Por, Nënkryetari i PDK’së, Rrustem Mustafa mendon se lidershipi politik në Kosovë duhet të fokusohet në çështjet e madha nacionale, e jo në tubime ku shpërndahen librezat partiake.

“Besoj se është koha të punojmë për të mirën e përgjithshme”, ka thënë Mustafa, duke komentuar veprimet e fundit të Liderit të partisë së tij dhe atij të AAK’së. Sipas tij, këto veprime - si të Thaçit ashtu edhe Haradinajt - kanë vetëm një qëllim. “Ky është sinjal që po duan t’i ikin temave të rëndësishme dhe të merren me shpërndarje të librezave”, ka thënë ai.

Plus 100 libreza

Të dielën kryetari i AAK’së, Ramush Haradinaj pritet të shkojë në fshatin Kushtovë të Komunës së Mitrovicës.
Zëdhënësi i AAK’së, Besnik Tahiri tha se kjo vizitë është në kuadër të vizitave që Haradinaj po bën çdo javë në qytetin e Mitrovicës.
“Në Kushtovë, Kryetari Haradinaj do të shpërndajë 100 libreza për anëtarët e rinj të AAK’së”, tha Tahiri për Express, të shtunën.

[YlliRiaN]

Duke mos i komentuar keqardhjet e shprehura nga Kryeministri Hashim Thaçi, Ramush Haradinaj, lider i AAK’së, tha sot në Mitrovicë se ndjen keqardhje për gjendjen e sigurisë në Kosovë, veçmas për Mitrovicën. Megjithëkëtë, gjatë një takimi me simpatizantë të partisë, Haradinaj paralajmëroi se në këtë vit do të formojë Qeverinë e re, e cila, ndryshe nga Qeveria Thaçi, sipas tij, do të shtrihet deri në Leposaviq.

“Ma merr mendja që duhet me na ardh keq për gjendjen që po e shohim pas nesh (Mitrovicën e Veriut), në radhë të parë e jo për njëri tjetrin. Për gjendjen e njerëzve që i kemi në vendin tonë. Me një gjendje të rëndë sociale dhe për humbjet që po i shkaktohen Kosovës. Debati duhet të kthehet këtu, jo te pjesa personale e secilit”, i është përgjigjur Haradinajt, deklaratës së Kryeministrit Hashim Thaçi, i cili shprehi keqardhje për deklaratat pesimiste të ish`bashkëluftëtarit të tij.

Haradinaj edhe një herë kritikoi institucionet e Kosovës për paaftësi në menaxhimin e situatës së sigurisë, rendit dhe ligjit.

“Na kemi total politikë të dështuar në siguri, rend dhe ligj. Me një Qeveri me një plan, një Ministër të Jashtëm si Veton Surroi, një Ministër për Tranzicionit si Blerim Shala, ne nuk do të ishim në këtë gjendje që jemi sot”, tha Haradinaj.

Haradinaj edhe më tej është thellë i bindur se zgjedhjet e përgjithshme do të mbahet sivjet. “Unë mendoj se zgjedhjet do të mbahen sivjet. Mendoj se Presidenti ka bërë shkejle kushtetuese dhe presim që deri në Qershor do të ketë një vendim. Ne kërkojmë prapsmin e këtij vendimi. Në raste se shtyhen zgjedhjet çoftë për gjashtë muaj, e jo për 2011, atëherë do të kemi gjashtë muaj humbje si Kosovë”, vlerësoi ai,

Pas Ferizajt, Haradinaj është përkujdesur që edhe në fshatin Koshtovë, të vazhdojë me shpërndarjen e librezave të partisë, për anëtarët e rinj, të cilët vijnë edhe nga partitë tjera.

“Nuk dua të kthej në këtë rrafsh. Normal që njerëzit po vijnë prej partive të reja. Normal që po vijnë prej PDK'së, po edhe prej partive tjera, por nuk është kjo thelbi. Thelbi është që njerëzit po besojnë në atë që po e them, edhe po binden çdo ditë e më shumë që me një Qeveri çfarë e kemi - jemi humbës si Kosovë”, shtoi ai.

Në Mitrovicë, Haradinaj kritikoi Qeverinë e Kosovës për ndërhyrje në përzgjedhjen e ushtarëve të FSK'së, përmes bordeve.

Ai vlerësoi se Institucionet e Kosovës është dashur të negociojnë për rritjen e numrit të ushtarëve të FSK'së.

Kreu i AAK`së ka akuzuar Qeverinë e Kosovës se po mundohet që qytetarëve të Kosovës t`iu ofroj tema tjera, duke i ikur problemeve madhore të Kosovës, siç është shtrirja e autoritetit të shtetërore në secilën pjesë të Kosovës.

[beni33]

edhe mua me vjen shum ket per ramushin njerz qe luftojn per pushtet jan te destinuar te deshtojne

[Tigrimelara]

Ramushi nje here ariti jete kryeminister i Kosoves, por me ndihmen e RUGOVES, ate tash e pret nje sfide e madheper tu ribere Kryeminister, si do te luaje lojen presim te shohim.
Mendoj se duhet ti forcoje radhet akoma ma shume dhe gjithsesi ti largohet liderit klanor, nuk duhet te bashkohet me asnje pati tjeter si AKR ose Daci, ata duhet te shkrihen ne AAK.
Besoj se edhe Daci do te knaqej po te behej Kryetar Kosove edhe Pacolli te drejtoje Ekonomine e Kosoves,edhe Veton Surroi do te bente me shume ne diplomaci.

[Llapi]

Ramushi nje here ariti jete kryeminister i Kosoves, por me ndihmen e RUGOVES, ate tash e pret nje sfide e madheper tu ribere Kryeminister, si do te luaje lojen presim te shohim.
Mendoj se duhet ti forcoje radhet akoma ma shume dhe gjithsesi ti largohet liderit klanor, nuk duhet te bashkohet me asnje pati tjeter si AKR ose Daci, ata duhet te shkrihen ne AAK.
Besoj se edhe Daci do te knaqej po te behej Kryetar Kosove edhe Pacolli te drejtoje Ekonomine e Kosoves,edhe Veton Surroi do te bente me shume ne diplomaci.

kur te ban shelnja rrush bahet kjo pun qe paske than ti
ani daci-maci kryetar haaaaaa
PDK edhe se paku 25 vite ne pushtet balit
po a i kini syt ne ball a po e shifni qe ramboja eshte kah i ndihmon PDK-se qe te qendroi edhe disa mandate tiera ne pushtet
po a po e shihni rambon si a kuzon permendesh pa argumente pa fakte pa pik krype po kqyr ta shes qorben
njerzit po thuajse qdo dit po i ikun nga AAK-ja
disa deg komplet ju kan largue edhe individ po i ikun qdo dit
a pak i iken a si psh.

Rexhep Selimi
Ramiz Lladrofci
Dr.Hakif Bajrami (historiani)
Gani Imeri
Bujar Dugolli
Ernes Luma etj.

[flutura3105]

kur te ban shelnja rrush bahet kjo pun qe paske than ti
ani daci-maci kryetar haaaaaa
PDK edhe se paku 25 vite ne pushtet balit
po a i kini syt ne ball a po e shifni qe ramboja eshte kah i ndihmon PDK-se qe te qendroi edhe disa mandate tiera ne pushtet
po a po e shihni rambon si a kuzon permendesh pa argumente pa fakte pa pik krype po kqyr ta shes qorben
njerzit po thuajse qdo dit po i ikun nga AAK-ja
disa deg komplet ju kan largue edhe individ po i ikun qdo dit
a pak i iken a si psh.

Rexhep Selimi
Ramiz Lladrofci
Dr.Hakif Bajrami (historiani)
Gani Imeri
Bujar Dugolli
Ernes Luma etj.

Ej po me vjen me vjell kur po ju shoh se si ju dalin nga goja keto fjale...mjere populli mjere i kenaqet shkijet bravo jeni te mrekullueshem ,pse nuk i shpallni lufte me mire njeri-tjetrit??? Edhe nje dite kuvendi do te shendrrohet ne stalle...une nuk e di ku e merrni gjithe kete urrejtje....

[Llapi]

flutura3105
a po i ndrron ti hiq partit po mendoi

[flutura3105]

flutura3105
a po i ndrron ti hiq partit po mendoi

Une skam parti fatmiresisht...i perkrah ata qe e meritojne e mbi te gjitha ata qe i perkrah une fatkeqesisht nuk jane me...e ata qe nuk jane me...ata e kane dashur Kosoven me zemer...e te tjeret mos te debatoje me shume per kete teme se nuk ja vlen.

[Llapi]

Une skam parti fatmiresisht...i perkrah ata qe e meritojne e mbi te gjitha ata qe i perkrah une fatkeqesisht nuk jane me...e ata qe nuk jane me...ata e kane dashur Kosoven me zemer...e te tjeret mos te debatoje me shume per kete teme se nuk ja vlen.

aha me sa kuptova une vetem te vdekurit po i perkrahshe
ok mendimi i juaj se ka ka edhe te gjall e burra e te menqur e trima e te fjales e beses po nejse ma