SKANDALI/ Ministri peruan i kërkuar nga Interpoli, biznes importi plehrash në Shqipëri dhe i mbrojtur nga shteti shqiptar
Lajmi i mediave peruane për arrestimin e ish-ministrit të Jashtëm të këtij vendi, Manuel Augusto Blacker Miller, në Shqipëri, fsheh prapa një skandal të vërtetë për shtetin shqiptar, që e ka mohuar arrestimin e tij dhe nuk ka gjasa që ta arrestojë. Miller duket se ka krijuar lidhje të forta me qeverinë, falë një kompanie të importit dhe përpunimit të plehrave. Zyra e tij ndodhet vetëm pak metra larg selisë së Berishës ndërsa Ministria e Brendshme ka pasur çdo informacion për të dhe nuk e ka arrestuar, pavarësisht se është në kërkim ndërkombëtar. Skandali është denoncuar nga deputeti socialist Erion Braçe.
“Sali Berisha është përfshirë kokë e këmbë në mbrojtjen e ish-ministrit të Jashtëm të Perusë, ‘ kërkuar nga Interpoli.
E ka strehuar, e ka mbrojtur, e ka pritur, e ka mbështetur dhe I ka ngritur biznes dy hapa larg selisë së qeverisë, në bulevardin “Dëshmorët e Kombit”.
Ndaj Ministria e Brendshme e ka mohuar arrestimin dhe ka thënë qartazi se nuk do ta arrestojë.
Unë kam prova!
Dje agjensitë e lajmeve në Peru kanë lajmeruar se ish ministri i Jashtëm i ish presidentit Fuxhimori, përfshirë në një grusht shteti dhe i dënuar për këtë, i kërkuar nga Interpol, është arrestuar në Shqipëri. Por ai nuk është arrestuar. Ai është i lidhur keq dhe fort me Qeverinë e Sali Berishës”, ka thënë Braçe, i cili ka paraqitur provat e biznesit të tij në vendin tonë.
Manuel Augusto Blacker Miller është banues dhe sipermarrës në Shqipëri, në fushën e importit dhe trajtimit të plehrave.
Më 28 Korrik, ish ministri i Jashtëm i Peruse, i kërkuar nga Interpoli ka krijuar në Tiranë kompaninë e tij Apollonia Investments, një shoqeri me përgjegjësi të kufizuar, ku Manuel Augusto Blacker Miller i datëlindjes 18.10.1945, lindur në Lima Peru, banues në Bulevardin “Deshmoret e Kombit”, Tëin Toëers Tiranë, zotëron 80% të aksioneve.
Në objektin e punës së kompanisë shkruhet qartë:
Ndërtim dhe zotërim të impianteve të përpunimit të mbetjeve urbane të të gjitha llojeve. Prodhim energjie termike dhe elektrike nga procesi i përpunimit të mbeturinave dhe substancave të tjera nëpërmjet ngritjes së infrastruktures për këtë qëllim.
Pas këtij “objekti” është një projekt konkret:
Ngritja e një impianti të tillë, incenerator, në hyrje të qytetit të Fierit, të prezantuar në Qeverinë e Sali Berishës, ministrinë e Mjedisit, Bashkinë e Fierit dhe me mbështetje të plotë, siç thuhet në dokumente edhe nga këshilltarja për investimet e kryeministrit Berisha, Suzana Guxholli.
Impianti ka kapacitetin e një përbindëshi dhe do të furnizohet nga importi i plehrave në drejtim të tij, të Fierit.
Ndërtimi i impiantit është penguar nga rezistenca e këshilltarëve socialistë në Këshillin Bashkiak të Fierit dhe nga deputetët socialistë në atë Qark.
Manuel Augusto Blacker Miller të paktën deri në fund të vitit që shkoi ka qenë në Shqipëri në aktivitet të plotë për lobimin në favor të këtij projekti.
Këtë e provojnë dhe një sërë dokumentash zyrtare që dëshmojëe edhe për transaksione tregtare me firmë të tij, që kanë ndryshuar shpesh edhe perqindjen e aksioneve në kompani.
http://www.gazetatema.net/web/2013/0...teti-shqiptar/
Përgjigju Duke Cituar
Krijoni Kontakt