Emigrim në Gjermani.

[Eli.lita]

Un jam nga Maqedonia mirepo kam lindur ne Hamburg te Gjermanis....kur kam qen 2vjece jam kthyer ne Maqedoni...dhe posedoj passaport Maqedonie nese mundet dikush te me ndihmoj me informacion se a kam te drejt qendrini dhe te dokumentave ne Gjermani shkaki i lindjes dhe cfar procedura nevojiten..?! Ju falmenderit me mirkuptim..!!

[sirena_adria]

Ligji i ri për punësimin në Gjermani, eksperti tregon kush përfiton dhe kriteret që duhet të plotësoni

Së fundmi qeveria gjermane ka miratuar projektligjin e ri për migracionin. Ndër të tjera aty parashikohet dyfishimi i kontingjentit të rregullores së Ballkanit Perëndimor.

Bledar Maliqi njohës i politikave të emigracionit tha në emisionin “Good Morning Albanians” se me projektligjin e fundit nuk ka nevojë që të njohësh gjuhën gjermane ose të kesh një kualifikim të caktuar.


Sipas draftit të qeverisë gjermane, mjaftojnë gjashtë pikë për të marrë një vizë njëvjeçare dhe për të kërkuar punë në Gjermani.

-Katër pikë për një kualifikim profesional.

-Tri pikë për përvojën e punës

-Tre pikë për njohuri të mira të gjermanishtes.

-Dy pikë për njohuri të mjaftueshme të gjermanishtes

-Dy pikë për moshën e re (nën 35-vjeçare) ose,

-Dy pikë për përvojë pune deri dy vjet.

-Një pikë për lidhjet me Gjermaninë, pra, nëse ke qëndruar më parë në Gjermani për së paku gjashtë muaj.


Gazeta Telegraf

https://telegraf.al/aktualitet/ligji...-te-plotesoni/

[sirena_adria]

Mjeku shqiptar fillon punë në Gjermani: Do të marr dhjetëfishin e pagës

Gastroenterologu Flamur Llabjani, ka folur në lidhje me largimin e tij drejt Gjermanisë, ku do të vazhdojë punën si mjek, ai ka thënë se në Gjermani do të bëjë të njëjtën punë që ka bërë në Prishtinë.

“Në Gjermani kam qenë disa herë si mysafirë në shumë klinika, dinjiteti është shumë më i lartë. Ne do punojmë njëjtë si në Prishtinë, vazhdon puna e njëjtë”, është shprehur Llabjani.

“Aspektin financiar nuk e kisha vendosur të parë, mbi dhjetëfish do të marrë në muaj, 480 euro kam marrë në Kosovë. Të ardhurat janë shumë të mira, fatkeqësisht për këtë duhet të largohem përkohësisht nga vendi, në momentin që do të krijohen kushtet do të kthehem” , shtoi ai.

Gjithashtu, Llabjani theksoi se të hënën do ta fillojë punën në Gjermani.

“Të hënën do të fillojë punën, i kam nënshkruar të gjitha kontratat, nuk është rrugë e lehtë, fatkeqësisht jam detyruar”.

Ai tregoi edhe vështirësitë që ka hasur në Kosovë, sidomos gjatë kohës së pandemisë.

“Nuk është vetëm mungesa e pagave, gjatë pandemisë që edhe shtete e tjera kanë pas vështirësi por jo si në Kosovë, kemi pasur mungesa elementare, kemi pas mungesë të alkoolit dhe dorëzave, kemi qenë larg familjarët, i kemi rrezikuar familjarët me infektim dhe s’kemi marrë asnjë cent për këtë”, u shpreh Llabjani.

“Kushtet e punës lënë shumë për të dëshiruara dhe kjo nuk ndryshohet, shëndetësia duhet të vihet në rend të parë, nuk rregullohet shëndetësia me vizita në vende tjera”, shprehet ai për Klan Kosova.


Lajme.al

https://www.lajme.al/mjeku-shqiptar-...ishin-e-pages/