Dosja e sekuestrimit të pasurive të trafikantëve shqiptarë

[Albo]

Sekuestro pasurise se "trafikantit" Troplini

E Diele, 23 Prill 2006
Prokuroria e Krimeve te Renda i kerkon gjykates sekuestrimin e pronave te te dyshuarit si trafikant droge, Xhevdet Troplini. Kerkesa eshte depozituar disa dite me pare ne Gjykaten e Shkalles se Pare per Krime te Renda dhe do te vleresohet ne ditet ne vazhdim. Lajmi behet i ditur nga akuza qendrore. Sipas saj, hetuesit e prokurorise kane kerkuar gjykates te firmose per sekuestrimin e pronave te tij, pasi gjate marrjes ne pyetje Troplini nuk e ka justifikuar pasurine. Mesohet se nen sekuestro do te vihet edhe shuma e gjetur ne banese rreth 350 milione lekeve dhe nje sasi te konsiderueshme eurosh dhe dollaresh te cilat i kishte futur ne nje thes dhe i kishte fshehur ne banesen e tij. Krahas ketyre shumave prokuroria ka kerkuar edhe sekuestrimin e shtepise si dhe dy automjeteve, te cilat i jane gjetur pas operacionit per arrestimin e tij.

Gjate deklarimeve ne prokurori, 40-vjecari nga Shkozeti i Durresit tha se te hollat e gjetura i ka fituar pas shitjes se dy peshkarexhave. Por kjo alibi nuk eshte marre parasysh nga hetuesit, te cilet i kerkojne gjykates sekuestrimin. Xhevdet Troplini nga Shkozeti i Durresit u arrestua me urdher te Prokurorise se Krimeve te Renda pas 3 vjet hetimi. Dosja ka ardhur nga drejtesia italiane pas pergjimeve ndaj tij dhe disa bashkepunetoreve. 40-vjecari akuzohet per trafik nderkombetar te droges. Tre dite para arrestimit te Troplinit, disa bashkepunetore te tij jane arrestuar ne Bari, me nje sasi prej rreth 20 kg. heroine. Droga kalonte nga Turqia, Shqiperia dhe me pas, ne Itali. S.C.

Korrieri

[Albo]

Droga, sekuestrohen prona me vlerë një milion euro në Tiranë

TIRANE – Sekuestrohen në Tiranë një milion euro pasuri të një biznesmeni 44-vjeçar të dënuar për trafik droge mes Shqipërisë dhe Greqisë. Një hotel trekatësh, dyqan dhe zyrë në pronësi të 43-vjeçarit Migert Tafa, i dënuar për trafik droge, janë sekuestruar dje mbi bazën e një vendimi të dhënë nga gjykata. Drejtoria Kundër Krimit Financiar, në bashkëpunim me Njësinë Task-Force në Policinë e Tiranës, gjatë operacionit “Tirona”, ekzekutuan vendimin e gjykatës për vendosjen e sekuestrimit preventiv të pasurive të paluajtshme. Pasuria që arrin vlerën e një milion eurove është në pronësi të shtetasin Kosta Gjini, i cili kishte ndërruar gjeneralitetet dhe tashmë njihej me emrin Migert Shkëmbi Tafa. Gjatë këtij operacioni u sekuestrua një hotel 3-katësh me emrin “Hotel Tirona”, që ndodhet te Rruga e Dibrës në kryeqytet dhe po aty, edhe një dyqan dhe një ambient që përdorej si zyrë. Pronari i këtyre bizneseve kishte përfunduar prej dy vitesh dënimin e dhënë nga Gjykata e Krimeve të Rënda, 4 vjet e 8 muajsh burg, me akuzën e trafikut të drogës. Seksioni i Hetimit të Aseteve Kriminale ka verifikuar të gjitha pasuritë e tij, të dyshuara si të ndërtuara me të ardhura nga krimi, derisa ka siguruar provat në bashkëpunim me Prokurorinë e Tiranës. Biznesmeni që është pronar i objekteve të sekuestruara është arrestuar në datën 25 janar 2009, rreth orës 10:40, në pikën e kalimit të kufirit shqiptaro-grek të Kakavijës. Gjatë kontrollit të autobusit me targë TR 2636 L, në bagazhin e veglave të autobusit, në krahun e djathtë të tij, në një çantë sportive me ngjyrë blu dhe të zezë, është gjetur një sasi 12.1 kg lëndë narkotike e llojit Cannabis. Droga ishte paketuar në 12 pako të mbështjella me natriban, në ngjyra të ndryshme. Sipas akuzës, këtë sasi lënde narkotike i pandehuri Kosta Gjini do ta eksportonte për në shtetin grek. Pas kapjes së drogës, Prokuroria e Krimeve të Rënda ka pyetur drejtuesin e autobusit, shtetasin Ardian Biba, që ka thënë në dëshminë e tij se “punoj si shofer në shoqerinë ‘Klid-Ballkan-Interbus’ dhe zakonisht bëj me autobus linjën Tiranë-Athinë dhe anasjelltas…. Në këtë kohë erdhi personi i njohur prej meje, Kosta Gjini, i cili vinte shpesh te agjencia jonë, pasi është vëllai i menaxherit të shoqërisë që quhet Edmond Tafa. Personi me emrin Kosta Gjini njihet prej meje me emrin Gerti Tafa dhe me sa di, ka ndryshuar të dhënat për shkak të dokumenteve për qëndrim në Greqi. Erdhi i shoqëruar bashkë me një person tjetër rreth moshës 25 vjeç dhe nxori nga bagazhi i makinës me të cilën erdhi dy çanta dhe i futi te vendi ku mbajmë bagazhet, të cilat agjencia i transporton si porosi të shtetasve të ndryshëm.

Burimi: Panorama

[goldian]

ca behet me keto qe sekuestrohen?

[Albo]

U ekzekutua në 2008, vendoset sekuestro e pasurisë

TIRANE- ‘Ngrin’ pasuria e nje personi te ekzekuar ne 2008, pasi dyshohet se eshte vene ne menyre te paligjshme.

Gjykata e Tiranës me kërkesë të Prokurorisë së Rrethit Gjyqësor Tiranë, ka urdhëruar vendosjen e sekuestros preventive për pasuri të llojeve të ndryshme, të cilat arrijnë shifrën totale rreth 3 milionë euro, të dyshuara se janë krijuar nga aktivitetet e paligjshme të shtetasit Elton Deliu (Çaushi), i ekzekutuar në Tiranë më 27.12.2008.

Prokuroria e Rrethit Gjyqësor Tiranë, mbi bazën e materialit të referuar nga Drejtoria e Policisë së Qarkut Tiranë dhe pas veprimeve paraprake, ka regjistruar procedimin penal nr.4737, viti 2012, për veprën penale të pastrimit të produkteve të veprës penale ose veprimtarisë kriminale, parashikuar nga neni 287 i Kodit Penal.

Nga informacioni i referuar nga Drejtoria e Policisë së Qarkut Tiranë dhe nga verifikimet e kryera në Zyrën e Regjistrimit të Pasurive të Paluajtshme, në banka të nivelit të dytë, si edhe pranë Drejtorisë së Përgjithshme të Shërbimit të Transportit Rrugor, rezulton se, në emër të shtetasit Elton Deliu, si edhe të disa personave të afërm me të (të rrethit familjar dhe shoqëror), janë të regjistruara pasuri, të cilat nuk justifikohen nga pikëpamja ekonomike dhe dyshohen si të prejardhura nga aktiviteti i kriminal i shtetasit Elton Deliu. Në emër të tij, figurojnë si më poshtë:

1. 10.000 m2 sipërfaqe toke në Tiranë

2. 3 lokale në Tiranë (2 në rr. Myslym Shyri dhe 1 në rr. e Dibrës)

3. 3 apartamente në Tiranë dhe 1 vilë në Durrës

4. 4 automjete, njëri prej të cilëve furgon i blinduar

Këto pasuri administrohen nga shtetasit A.Musaraj dhe A.Sako

Gjithashtu, janë evidentuar pasuri të dyshuara si të prejardhurave nga aktiviteti i shtetasit Elton Deliu, të regjistruara në emër të shtetasve F.Deliu, A. Musaraj dhe A.Sako, të cilët kanë pasur lidhje të afërta me të.

Në emër të shtetases F.Deliu, e cila është e ëma e Elton Deliut, e ekzekutuar në të njëjtën ditë me të birin, rezultojnë të regjistruara:

1. 12.300 m2 sipërfaqe toke në Durrës

2. Llogari në dy banka, nëpërmjet të cilave ka kryer gjatë vitit 2008 transaksione në vlerat 650.000 euro dhe 954.000 USD

Në emër të shtetases A.Musaraj, rezultojnë të regjistruara:

1. 2 automjete

2. 5000 m2 sipërfaqe toke, të cilat rezultojnë të regjistruara në ZRPP në emër të shtetasit A. Sako, por që i kanë kaluar me kontratë shitje shtetases A.Musaraj.

3. Aktivitet privat person fizik (lokal), debitor pranë organeve tatimore

Në emër të shtetasit A.Sako, rezultojnë të regjistruara:

1. 3 automjete

2. 1 apartament

3. 2400 m2 sipërfaqe toke

4. Aktivitet privat person fizik (lokal), i rregullt në pagesën e detyrimeve

Për të gjitha këto pasuri, Gjykata e Rrethit Gjyqësor Tiranë ka pranuar kërkesën e Prokurorisë për vendosjen e sekuestros preventive.

Burimi: Panorama

[Albo]

ELBASAN- Policia e Elbasanit sekuestron 11 llogari bankare të 29-vjecarit Sokol Roçi dhe familjes së tij, me një vlerë totale prej 160 milionë lekësh.

Sekuestroja u publikua mesditën e sotme nga blutë e Elbasanit, sipas të cilëve, masa dyshohet se paratë janë siguruar ne rruge erdhi pasi të paligjshme, nëpërmjet trafikut të drogës. Roçi u arrestua pak ditë më parë në kryeqytet me një sasi droge.

Sipas policisë, ai kishte shtrire aktivitetin e shpërndarjes së drogës në disa nga qytetet më të mëdha të vendit, ku kishte krijuar rrjete trafiku. Tashme mbi 29-vjecarin rëndon edhe akuza “e pastrimit të parave”.

(e.m/News24/BalkanWeb)