Piktorja dhe stilistja Eri Koliqi

[Albo]

INTERVISTA/ Flet piktorja dhe stilistja Eri Koliqi

Politikanë model, Dritëro Agolli dhe Sabri Godo, artistë dhe politikanë.

Dhe pse e shkëlqyer nuk më lejuan të parakaloja para udhëheqjes

Albert Zholi

Një grua plot vullnet dhe passion. E dhënë shumë pas punës por dhe pas librit. Jeta e saj ka qenë shumë e vështirë. Një nxënëse e shkëlqyer dhe me prirje të veçanta në pikturë. Por e ashtuquajtura biografi e asaj kohe që sot duket si ëndërr nuk e lejonte të çante përpara pasi kishte babanë të burgosur politik. Por ardhja e demokracisë i hapi dyert e jetës. Hapësirat për njeriun e aftë dolën në pah. Ajo sot është një piktore me një CV mjaftë të pasur dhe një ndër stilsitet më të njohura shqiptare. Megjithatë kur e pyet Erin se cila ka qenë dita më e vështirë ajo të përgjgijet:
Dita më e vështirë ka qënë kur nuk më lejuan të parakaloja para tribunës udhëheqjes se isha e bija e një të burgosuri politik. Këtu bëhet fjalë në kohën e sistemit komunist.


Cilat ishin prirjet tuaja në moshën e adoleshencës dhe a mundët ti realizoni ato ?

Prirjet për pikturën mi kanë pikasur që e vogël. Profesori i vizatimit Mexhit Kokalari
më inkurajonte në peisazhet. Më vonë në adoleshencë fillova të merresha me stilimet, të cilat i realizoja me mikeshat e mija

· Cila ka qënë dita më e vështirë në vitet e shkollës ?

Dita më e vështirë ka qënë kur nuk më lejuan të parakaloja para tribunës udhëheqjes se isha e bija e një të burgosuri politik dhe pse isha e para e shkollës me rezultate.

· Cilët janë piktorët dhe stilistët më të spikatur që ju i keni si shëmbull pune ?

Piktorët e realizmit socialist Guri Madhi, Sali Shijaku, Zef Shoshi gjithashtu piktorët e familjes Kaceli, të gjithë këta kanë qënë një shëmbull për mua. Nga piktorët e huaj adhuroj ngjyrat e Van Gogh dhe peisazhet e Jan Claude Monet. Përsa i përket stilistëve adhuroj Valentino-n dhe Armani-n .

· Cila është piktura e parë dhe kur daton ajo ?

Piktura e parë në vaj ka qënë një peisazh dimri me dëborë e realizuar në vitin 1993

· Ne këndvështrimin tuaj cilat janë problemet më të mëdha të piktorëve sot ?

Në radhë të parë problemi financiar, mungesa e kushteve të punës dhe pamundësia e ekspozimit të punëve të tyre.

· Sa piktura keni bërë dhe sa ekspozita keni marre pjesë? Cila ka qënë ekspozita e parë?

Ekspozenë e pikturave e kam bashkangjitur me sfilatat që kam përgatitur, e para në 11 maj 1997.

· Kur e keni filluar profesionin e stilistes dhe kush të nxiti ?

Gjithmonë kam punuar që e vogël dhe më ka nxitur pasioni im.

· Sa sfilata keni organizuar ?

Tre, ’97, ’98 dhe një në vitin 2000.

· Cila ka qënë sfilata më e mirë që është miëpritur ?

Te treja kanq qënë të suksesshme, atëhere u fol në media, u ftova në emision ne T.V.SH gjithashtu më vonë në TV Alba.

· Ku e sheh veten më mirë në pikturë apo stiliste ?

Nuk i ndaj dot.

· Mardhëniet me pijet alkolike ?

Vetëm në ndonjë banket ose darkë konsumoj pak verë të kuqe.

· Shprehja e preferuar ?

Me punë arrihet gjithëshka dhe po nuk rrezikove nuk fiton.

· Lidhjet me kuzhinën dhe çfarë kuzhine pëlqeni ?

Më pëlen të gatuaj por nuk e kam ushtruar për shkak të punës që kam, më ka ndihmuar dhe familja. Më pëlqen gatimi tradicional.

· Në ideimin tuaj kush quhet njeri ideal ?

I sinqert, i çiltër, korrekt dhe me sens humori.


· Çfarë është politika për ju dhe cili ka qenë pozicioni ndaj politikës në përgjithësi?

Jam simpatizante e së djathtës por përgjithësisht jam indiferente.

· Në këndvështrimin tuaj cilat janë problemet më të mëdha të mësimdhënies sot ?

Niveli i ulët i arsimtarëve.

· Cili është mendimi juaj për politikën shqiptare post komuniste ?

Vlen shumë për të dëshiruar.

· Një përkufizim për dashurinë ?

Dashuria për mua është ushqimi shpirtit.

· Moto nga cila udhëhiqeni në jetë ?

Nuk heq dorë kurrë nga ajo që dua.

· Një ditë pune e zakonshme ?

Paradite në dyqan, pushimi në drekë që në fakt pikturoj, dy orë mbasdite prap në dyqan, darka me familjen, orët e vona me pikturën.

· Ku preferoni ti bëni pushimet ?

Vetëm pranë detit.

· Cili është për ju modeli politikanit ?

Dritëro Agolli dhe Sabri Godo, artistë dhe politikanë.

Telegraf