AK i bën kërkesë zyrtare Nishanit: Hiqi ‘Urdhrin e Skënderbeut’ Janullatosit

[BLEDI_SH]

AK i bën kërkesë zyrtare Nishanit: Hiqi ‘Urdhrin e Skënderbeut’ Janullatosit

Aleanca Kuq e Zi ka dorëzuar sot para zyrës së Presidentit një kërkesë zyrtare t’i heqë dekoratën kryepeshkopit Anastas Janullatos.

Sipas AK-së, presidenti Nishani duhet t`i heqë “Urdhrin e Skënderbeut” Janullatos pasi kryepeshkopi ka kryer veprime antikushtetuese pasi ka lejuar nazistët e Agimit të Artë të hyjnë në kishat shqiptare.

“Fryma e Anastas Janullatos është kundër sovranitetit territorial shqiptar. Sipas Kushtetutës, kisha është e ndarë nga shteti dhe politika. Kryepeshkopit Anastas Janullatos duhet t’i hiqet “Urdhri i Skënderbeut”. Të dekorohen themeluesit e kishës shqiptare, jo uzurpuesit antishqiptarë”, theksuan përfaqësuesit e AK-së

Gjithashtu, Aleanca Kuq e Zi ka kërkuar ngaa presidenti Nishani të dekorojë tre themeluesit e Kishës Autoqefale Shqiptare Negovanin, Nolin, Xhuvanin dhe Kisin.

Letra e AK për Nishanin

100 Vjetori i Pavarësisë shënoi pa asnjë mëdyshje një nga ditët më të bekuara në historinë e popullit shqiptarë. I madh e i vogël në Shqipëri, në të gjitha trojet ku jetojnë shqiptarë si dhe shqiptarët e diasporës tonë kudo në botë, kremtuan të gëzuar e të mallëngjyer përvjetorin e lavdishëm të pavarësisë së Shqipërisë.

Në këtë 100 vjetor, do të ishte shumë e udhës të ishin dekoruar figura të shquara patriotike të cilat dhanë kontribut të jashtëzakonshëm për lirinë dhe pavarësinë e Shqipërisë, duke ndalur përkohësisht vlerësimet e njerëzve nga fusha të tjera si ato të shkencës, sportit, artit e kulturës. Konstatojmë me keqardhje se janë mënjanuar dhe sigurisht harruar jo pa qëllim, klerikë të lartë të besimit ortodoks, veprimtarë të palodhur të Kishës Autoqefale Shqiptare.

U harruan ata që u përleshën me hierarkët më të lartë të Kishës greke, vetëm për të mbajtur të gjallë e të pavarur Kishën Autoqefale Shqiptare. Askush nuk u kujtua nga administrata e lartë, nga institucionet e kulturës në Shqipëri, aq më pak nga Kisha aktuale pseudo-autoqefale të nderojë ata që themeluan Kishën Ortodokse Shqiptare.

Nuk u kujtua njeri në këtë 100 vjetor për Fan Nolin, Visarion Xhuvanin, Papakristo Negovanin, Kristofor Kisin e sa, e sa të tjerë që ishin jo vetëm klerikë të shquar të besimit ortodoks në Shqipëri, por patriotë e luftëtarë të çështjes kombëtare shqiptare.

Duke parë e krahasuar se çfarë kanë bërë drejtuesit aktuale të Kishës Ortodokse Autoqefale të Shqipërisë e sidomos këto vitet e fundit, na vijnë nder mend ngjarjet e turpshme të ndodhura në Këlcyrë, Bularat, Himarë, Boboshticë, Kosinë e të tjerë. Në të gjitha këto ngjarje për fat të keq, ka qenë e dukshme edhe dora e drejtuesve grekë të Kishës aktuale Autoqefale të Shqipërisë. Me politikën që kanë ndjekur liderët e saj, lehtësisht bie në sy, mbështetja që ato i kanë dhënë politikës së shtetit grek si dhe pretendimeve të tij territoriale ndaj Shqipërisë.

Natyrisht, rolin kryesor në këtë aktivitet antishqiptar e ka luajtur Anastas Janullatosi, lideri uzurpator i Kishës Ortodokse Autoqefale të Shqipërisë. Për dy dekada me radhë, ai punoi për interesat e Greqisë, duke vazhduar me besnikëri rrugën e Kozma Etolianit, i cili më shumë se 100 vjet më parë i kushtoi jetën e vet helenizimit të Epirit, hapjes së shkollave dhe kishave greke në territore të mbushura historikisht me shqiptarë.

Si për ironi të fatit ardhja e këtij njeriu në krye të Kishës sonë u bë në kundërshtim të hapur me interesat e Shqipërisë e të besimtarëve ortodokse shqiptare. U veprua haptas në kundërshtim me statuset e hartuara në Kongresin e Beratit të vitit 1922 si dhe në Kongresin e Korçës të vitit 1929. Si për çudi u harrua vendimi i Patriarkanës së Stambollit i marrë në vitin 1936, ku shprehimisht thuhet se “Çdo komb ka të drejtë të ketë kishën e tij të pavarur dhe Kryepeshkopin e racës së vet”.

Të gjitha këto na çojnë në konkluzionin se ka ardhur koha t’i themi besimtarëve ortodoksë të Shqipërisë brenda dhe jashtë territorit ku jetojnë të zgjedhin në krye të Kishës sonë ortodokse, një prift shqiptar, një patriot që ta dojë me shpirt popullin dhe vendin e vet.

Ka ardhur koha që t’i themi Anastas Janullatosit “largohu nga Shqipëria me paqe”. Mbylli vitet e fundit të jetës tënde sa më larg këtij vendi e këtij populli, i cili për hatër të së vërtetës duhet thënë që të ka parë qysh ditën e parë që erdhe në Shqipëri si një çiban të rrezikshëm, i cili në emër të fesë e të ortodoksisë shqiptare punoi për interesat e shtetit e të Kishës greke.

Të bindur se aktiviteti i Janullatosit nuk i ka shërbyer interesave të Shqipërisë e të shqiptarëve kërkojmë nga ju, i nderuari President i Republikës, z.Bujar Nishani, t’i hiqet atij dekorata “Urdhri i lartë Gjergj Kastrioti Skënderbeu”, që i është dhënë tre vite më parë.

Për këto arsye iu adresojmë zyrtarisht kërkesën për dekorimin e tre themeluesve të kishës autoqefale shqiptare Fan Noli, Visarion Xhuvanin, Papakristo Negovanin, Kristofor Kisin dhe njëkohësisht kërkojmë heqjen e “Urdhrit të lartë Gjergj Kastriot Skënderbeu” për kryepeshkopin Anastas Janullatos për shkak të veprimtarive të tij antikushtetuese në një shtet laik si Shqipëria ku feja është e ndarë nga shteti”

Aleanca Kuq e Zi shpreh besimin se në funksionin e Presidentit të Republikës së Shqipërisë ju do të ushtroni kompetencën në mbështetje dhe zbatim të Kushtetutës për të ruajtur vlerat dhe parimet laike të shtetit juridik në Shqipëri.

http://www.gazetatema.net/web/2012/1...-janullatosit/

[ilia spiro]

Hyrja ne Kishen Orthodhokse eshte e lire per cilindo qofte, pavaresisht nga pikepamjet politike, mosha, seksi, etnia, besimi fetar, etj. Keshtu jane rregullat tona. Porta jone eshte gjithmone e hapur dhe atje mund te huje kushdo.
Eshte shume driteshkurter akuza per antikushtetueshmeri e bere nga ekstremistet, dhe nuk ka kurrfare baze reale,...
Persa i takon termave "uzurpues", kjo eshte teme e rrahur, qe e vendosin orthodhokset vete,..
Ketu eshte shkelur kushtetuta nga akz, sepse eshte futur ne punet e brendshme te nje komuniteti fetar, gje e ndaluar me kushtetute...
Persa i takon vleresimit te figurave brenda Kishes, kjo eshte pune e jona, dhe perseri shkelin kushtetuten...
Shkelja e kushtetutes eshte bere na vazhdimesi nga keta nacionaliste,..jemi ne qe duhet te kerkojme nxjerrjen e tyre jashte ligjit...
Kerkojme nxjerrjen jashte ligjit te akz edhe per faktin se kane perbaltur edhe figuren e Shenjtorit Kozma Etolianit, i cili eshte ikone ne te gjitha Kisha tona...
Kjo pak a shume eshte si t`u shash muslimaneve muhametin...
pra akz ka shkelur hapur me te dyja kembet tolerancen fetare ne Shqiperi dhe ka hyre ne punet e brendshme te KOASH-it.

[mesuesi_1]

urdherin e vertete do ta jape prokuroria per dy ish-drejtuesit e KLD-se .... festa po fillon ...!!!!

[Uriel]

Kerkese absurde qe cenon integritetin fetar te komunitetit orthodoks. Ceshtjet e komunitetit si dhe Kryepeshkopi jane probleme te vete komunitetit, pasi institucionet fetare jane te pavarura nga shteti e askush nuk mund ti preke ato. Kjo inisiative si dhe kerkesa per largimin e Kryepeshkopit duhen denuar, por mendoj se denimi do i jepte me shume pike Spahiut ne kerkimin e tij per fame dhe ze politik ne situatat "thike me dy presa" qe krijon.

[_MALSORI_]

qysh ja ka nise ky jarani ka me shkuar ne absurdin ku do deklaroje se vetem ai eshte i denje per shqiperine..realisht ka me ju hedhe hi syve shume njerezve..

[Sayan2003]

Urdhrin e Skenderrbeut e merito plotsisht Janullatosi. Ja ka fut kot fare AK.

Kujt duhet me ja dhon urdhrin e Skenderbeut hoxhe Shefqet Krasniqit ?

[kacauni]

Urdhrin e Skenderrbeut e merito plotsisht Janullatosi. Ja ka fut kot fare AK.

Kujt duhet me ja dhon urdhrin e Skenderbeut hoxhe Shefqet Krasniqit ?

Duhet t'ja japin hoxhes nga Maqedonia qe thoshte ne xhami qe Skenderbeu ..Bogdani ,Nene Tereza jane qafire .

[Agim Doçi]

Persa kohe qe ishpresidenti Ba(n)mir Topi, ja paska dhan Urdherin Skenderbeu Anastass JANULLATOS-it, para 3 vitesh, mos i kerkoni Presidentit te Nderuar BUJRA NISHANI, t'a anulloj, se une personalisht do tentoj te marr si autor i "Marrshit e UCK-se" apo "A vritet pafajasia", apo 647 kangve kushtuar Heronjve te UCK-se te me japin POLITI-KUAJT E PRISH(S)TINES titullin e larte HERO I POPUJVE JUGOSLLAVE "SLOBODAN MILOSHEVIQ", dhe keshtu kompensohemi une dhe Qirje Janullatosi!
Rrnofte KOSOVA REPUBLIKE dhe SHQYPNIA KRAHINE AUTONOME (nga Athina dhe Beogradi).
AK - foleja e sharlatanve "nacionalist" ka IDENE e MADHE , DHE K.O.QET E PLESHTIT ngatrrestar
JU PERSHNDES ME HYMNIN TEM QE TITULLOHET "NE NJE FLAMUR" DHE INTERPRETOHET NGA NIKOLLA, ENKELEIDA, KASTRIOTI, SELAMIU DHE ILIR SHAQIR (TEKSTI AGIM MEHILL PJETER NDUE MAR' DOCI dhe muzika Edmond Zhulali)

[presHeva-Lee]

Mos paska qen i dehur Bamir Topi kur i ka dhen ate urdher ni Greku?!!

Mfalni po perse jipet ai urdher e pse u jipet Jo Shqiptarve?

[ilia spiro]

Si për ironi të fatit ardhja e këtij njeriu në krye të Kishës sonë u bë në kundërshtim të hapur me interesat e Shqipërisë e të besimtarëve ortodokse shqiptare. U veprua haptas në kundërshtim me statuset e hartuara në Kongresin e Beratit të vitit 1922 si dhe në Kongresin e Korçës të vitit 1929. Si për çudi u harrua vendimi i Patriarkanës së Stambollit i marrë në vitin 1936, ku shprehimisht thuhet se “Çdo komb ka të drejtë të ketë kishën e tij të pavarur dhe Kryepeshkopin e racës së vet”.

Kjo eshte nje pjese e deklarates se akz dhe eshte fund e krye e pavertete...
Statutet e viteve 1922 dhe 1929 kane qene shfuqizuar qysh ne vitin 1953, sepse ne kete vit u hartua statuti i KOASH-it i cili pati fuqi deri ne vitin 1967, kur u shkaterrua cdo fe ne Shqiperi...Pra, mbi bazen e ketyre statuteve te shfuqizuara prej kohesh nuk mund te akuzohet Kryepiskopi Anastas i cili erdhi ne nje Shqiperi toalisht te shkaterruar, me Kisha te rrenuara dhe me 2-3 prifterinj ne pleqeri te thelle,
Persa i takon tomusit Patrikanor te Prillit 1937 (jo 1936 sikurse thuhet ne deklarate), ne asnje pike te tij nuk thuhet qe Kryepiskopi duhet te jete me kombesi shqiptare,..
Ja Tomosi, i leshuar me 12.Prill 1937:

TOMOSI PATRIKANOR DHE SINODIK
MBI BEKIMIN E AUTOQEFALISË SË KISHËS
ORTHODHOKSE NË SHQIPËRI
����������VENIAMINI, me mëshirë të Perëndisë,
Kryepiskop i Konstandinopojës, Romës së Re
dhe Patrik Ekumenik Nr. 609 i prot.


Kisha e Shenjtë e Krishtit, si një nënë e dhembshur, duke shfaqur
hapur përkujdesjen dhe interesimin saj të pandërprerë kundrejt popullit
të shpresëtarëve, nuk rresht së zbatuari detyrën e kujdesimit të shenjtë
çdo herë me mënyrën e përshtatshme sipas kohës dhe vendit. Kur
është e nevojshme, blaton dhuratat e saj më të begata për plotësimin
e nevojave që dalin, në mënyrë që adminstrimi i punëve kishtare të
bëhet për ta pa pengesa dhe frytshmëria më Zotin, e cila është padyshim
qëllimi i kujdesimit dhe i drejtimit kishtar, të jetë më e madhe.
Kështu pra edhe tani, meqenëse të krishterët shpresëtarë orthodhoksë
të të bekuarit prej Perëndisë Shtet të ri Shqiptar iu drejtuan
Fronit tonë të Shenjtë Apostolik Patrikanor dhe Ekumenik, nën strehën
e fuqishme të të cilit, si trashëgimi e vyer, prej shekujsh kanë gjetur
mbrojtje e, me hirin e Krishtit, në vreshtin e Tij kanë gjetur shpëtim,
morën guximin t’i drejtohen Atij, si një nëne të dhembshur, duke
parashtruar nevojat e tyre të tanishme kishtare, me urimin e ngrohtë
dhe kërkesën që zona e tyre kishtare të bekohet dhe të shpallet
provincë kishtare më vete, e pavarur, autoqefale, përderisa në kushtet
e reja të situatës së atjeshme politike vetëm ky organizim mund të
ndikojë për mirë në mbarëvajtjen dhe zhvillimin e punëve kishtare dhe
të jetë i mjaftë të sigurojë e të përçojë përparimin e pandërprerë të
tyre në përparimin në tërësi të Shtetit të bekuar Shqiptar. Vetë Shteti
i perëndimbrojtur Shqiptar, duke u kujdesur në mënyrë të besueshme
për mbarëvajtjen pa pengesa e të lirë të nënshtetasve të vet, ka ofruar
garanci për mëvetësinë dhe lirinë e plotë të Kishës Orthodhokse, e
cila gjendet brenda kufijve të tij. Prandaj dhe modestia jonë, së bashku
me fort të nderuarit dhe të shenjtët Mitropolitë dhe fort të ndershmit
bashkëmeshtarë dhe vëllezër më Shpirtin e Shenjtë, duke shqyrtuar
me interesim plot dashuri kërkesën e tyre birësore dhe me udhërrëfyes
dispozitat e kanoneve të shenjta dhe rendin e praktikën kishtare,
vendosëm të pranojmë me dashamirësi kërkesën që na drejtuan bijtë
tanë shpirtërorë të Krishterë Orthodhoksë të Shqipërisë dhe të japim
nga ana jonë bekimin dhe miratimin për organizimin e pavarur dhe
autoqefal të punëve të tyre kishtare.
Duke gjykuar pra edhe sinodikisht më Shpirtin e Shenjtë, urdhërojmë
dhe shpallim në këto çaste të hareshme që të gjitha eparkitë dhe komunitetet
orthodhokse që përfshihen në të perëndishpëtuarin Shtet
Shqiptar të jenë këtej e tutje të bashkuara në një organizim të pavarur
e autoqefal kishtar me emërtimin “Kisha Orthodhokse Autoqefale e
Shqipërisë”. Kjo Kishë, e cila është motra jonë shpirtërore, të rregullojë
e të administrojë këtej e tutje çështjet e saj kishtare në mënyrë të pavarur
e autoqefale sipas rendit dhe të drejtave sovrane edhe të Kishave
të tjera Orthodhokse Autoqefale, të ketë dhe të njohë si autoritet suprem
administrativ kishtar Sinodin e Shenjtë, të përbërë prej Kryepriftërinjve
orthodhoksë kanonikë të Shqipërisë, me Kryetar të tij çdo herë Fort të
Hirëshmin Kryepiskopin e Tiranës dhe të gjithë Shqipërisë. Për zbatimin
e unitetit të shenjtë kanonik me Fronin tonë fort të Shenjtë
Apostolik Patrikanor Ekumenik dhe me të gjitha Kishat Orthodhokse
Autoqefale, si dhe për ta dëshmuar këtë, Hirësia e Tij Kryepiskopi i
çdohershëm i Tiranës dhe i gjithë Shqipërisë ka për detyrë që, sipas
rendit të Kishës së Shenjtë Orthodhokse, të njoftojë për zgjedhjen dhe
hipjen e tij në fron nëpërmjet Letrave fronëzuese edhe Kishën tonë të
Madhe të Krishtit, edhe të gjitha Kishat Orthodhokse Autoqefale motra.
Po ashtu duhet të bëjë për këtë qëllim homologjinë dhe premtimin e
parashikuar në lidhje me zbatimin e padevijueshëm të besimit dhe
shpresëtarisë orthodhokse prej Kishës së Shenjtë që drejton dhe që i
është besuar, dhe të gjithçkaje tjetër që Kanonet e Shenjta e Hyjnore
dhe rendi i Kishës së Shenjtë Orthodhokse urdhërojnë, si dhe të kujtojë
sipas rendit në diptikë emrin e Patrikut Ekumenik dhe të Patrikëve të
tjerë fort të shenjtë dhe të Kryetarëve Fort të Hirshëm të Kishave të
Shenjta Orthodhokse Autoqefale. Urdhërojmë gjithashtu që edhe Kisha
Orthodhokse Autoqefale motër e Shqipërisë të marrë Miron e Shenjtë
prej Kishës sonë të Madhe të Krishtit.
Po ashtu, rekomandojmë që, për çështje apo paqartësi të një natyre
të përgjithshme kishtare, të cilat i kapërcejnë caqet e juridiksionit të
Kishave Autoqefale në veçanti, Hirësia e Tij Kryepiskopi i Tiranës
dhe i gjithë Shqipërisë t’i drejtohet Fronit tonë fort të Shenjtë Ekumenik,
nëpërmjet të cilit realizohet kungimi me çdo Episkopatë të orthodhoksëve,
shpjegues të drejtë të së vërtetës, duke kërkuar në këtë mënyrë
mendimin dhe opinionin e vlefshëm të Kishave motra.
Duke gjykuar pra në këtë mënyrë, gjë që pasqyrohet edhe në ato
çka vendosëm dhe miratuam në mbledhjen e rregullt sinodike të 12
prillit të këtij viti, vërtetojmë për të gjitha kohët edhe nëpërmjet këtij
Tomosi Patrikanor e Sinodik të shkruar e të nënshkruar në Kodikun e
Kishës sonë të Madhe të Krishtit, i cili i është lëshuar dhe dërguar
njëkohësisht me përmbajtje të njëjtë e të pandryshuar edhe Hirësisë
së Tij, Kryepiskopit të Tiranës dhe gjithë Shqipërisë, vëllait tonë të dashur
dhe bashkëmeshtartit, zotit Kristofor, Kryetar i Sinodit të Shenjtë
të Kishës së Shenjtë Orthodhokse Autoqefale të Shqipërisë. Urojmë
që Perëndia, me hirin dhe mëshirën e të parit dhe të Madhit Kryeprift
e Bariut Krisht, të mbështesë gjithmonë të themeluarën me sukses
Kishë Orthodhokse Autoqefale të Shqipërisë dhe të shtojë e të përçojë
drejt saj hirin dhe bekimin e Tij për lavdi të emrit të Tij të Shenjtë e në
dobi të tërësisë shpresëtare të saj, si dhe në të njëjtën kohë për ngazëllimin
e të gjitha Kishave të shenjta Autoqefale motra.
Në vitin shpëtimtar 1937, muaji prill (12), Epimenezi V.
Shprehet Patriku i Konstandinopojës ���������� VENIAMIN
���������� Maksimi i Halkidhonës, ���������� Polikarpi i Prusës,
���������� Gjermanoi i Sardës dhe Pisidhisë, ���������� Leoni i Theodhorupolit,
���������� Meleti i Kristupolit, ���������� Gjermanoi i Enit, ���������� Ioakimi i Dherkës,
���������� Thomai i Pringjiponezit, ���������� Genadi i Iliupolit,
���������� Konstandini i Irinupolit, ���������� Dhorotheu i Laodhikisë.