Tahiri fton Arvizun në procesin kundër fëmijëve të Berishës
TIRANE – Deputeti socialist, Saimir Tahiri, i ka shkruar një letër ambasadorit amerikan në Shqipëri, Aleksandër Arvizu, përmes së cilës e fton që të marrë pjesë në seancën mbyllëse të procesit gjyqësor ku është i pandehur për shpifje pas një padie nga fëmijët e Kryeministrit Berisha. Këta të fundit janë cilësuar nga Tahiri si të përfshirë në korrupsion dhe për këtë kanë kërkuar një dëmshpërblim prej 8 milionë lekësh.
Në letrën e tij drejtuar kreut të diplomacisë amerikanë në Tiranë, Tahiri ka bërë një përbledhje të problemeve që ka hasur gjatë këtij procesi, për të cilat ka folur shpesh edhe në media. Ai ka akuzuar gjykatësin e procesit se bën avokatin e fëmijëve të Kryeministrit dhe nuk e lejon që të paraqesë provat në favor të mbrojtjes së tij. “Në gjykimin tim, gjyqe të tilla, kundër meje apo kolegëve të mi, nuk janë asgjë më tepër sesa një instrument tjetër që synon të na ndalojë të ngremë zërin për korrupsionin, skandalet dhe aferat e atyre që kanë sot pushtetin në Shqipëri”, ka shkruar Tahiri.
“Unë besoj në këtë gjyq – shpjegon deputeti i PS - procesi është shumë më i rëndësishme sesa dënimi apo pafajësia ime personale. Për këtë arsye Ju ftoj të merrni pjesë në seancën mbyllëse të këtij gjyqi, që të bëheni edhe Ju dëshmitar i njërit prej atyre që quhen gjyqe të lira dhe të ndershme në Shqipëri”.
(im/shqiptarja.com)
Përgjigju Duke Cituar
Postuar më parë nga mesuesi_1
Krijoni Kontakt