Arsimtaret: 40% e mesuesve te rinj ne Shqiperi nuk kalojne provimin e shtetit

[Albo]

Mësuesit e rinj: Provimi i Shtetit, 40% nuk e kalojnë testin

Agjencia Kombëtare e Provimeve publikon rezultatet për arsimtarët. Drejtori: Gjuhë-Letërsia me pikë më të larta.

Kreu i AKP, Harizaj: Kalueshmëria për arsimtarët është e mirë.

Rreth 40% e mësuesve të rinj kanë rezultuar mbetës në Provimin e Shteti. Të dhënat vijnë nga Agjencia Kombëtare e Provimeve. Pavarësisht numrit të arsimtarëve që nuk kanë marrë dot as pikët më minimale, kalueshmëria konsiderohet e mirë. Sipas kreut të AKP-së, Alfons Harizaj, dega e Mësuesisë nuk qëndron në listën e degëve elitare. “Kalueshmëria është diku te 60 për qind, çka do të thotë se këta mësues kanë fituar të drejtën për të ushtruar profesionin”, tha Harizaj. Sipas tij, grupi i kandidatëve për mësues në profilin Gjuhë-Letërsi ka qenë më i madhi në numër, dhe ata kanë arritur dhe kalueshmërinë më të lartë. “Ne e konsiderojmë arritje të mirë në konceptin e vlerësimit dhe të arritjeve në raport me të gjitha profesionet”, tha Harizaj.
Sipas tij, në profilin e Gjuhë-Letërsisë kandidatët kanë arritur të marrin më shumë pikë dhe ta kalojnë më me lehtësi testin, çka dëshmon, sipas Harizajt, se në të ardhmen do të kemi më shumë mësues Gjuhë-Letërsie. Provimi i Shtetit do të nisë sërish në janar të vitit 2013. Stomatologjia dhe mjekësia e përgjithshme do të presin kandidatët në fillim të vitit, ndërsa në prill do të kenë sesionin e dytë. Provimi i Shtetit është kusht ligjor për të të sapodiplomuarit të të paktën 15 profesioneve. Vetëm pasi të marrin rezultate kaluese në këtë provim, do të mund ta ushtrojnë profesionin. Kandidatët kanë të drejtë ta japin provimin deri në pesë herë. Ky provim është konsideruar nga krerët e arsimit si një filtër për të rritur cilësinë në tregun e punës. Vlerësimi bëhet me pikë dhe rezultatet shpallen menjëherë pas dhënies së provimit në mënyrë elektronike.

Infermierët, më të dobëtit
Të vetmit që kanë dalë më dobët në Provimin e Shtetit janë infermierët. Më shumë se gjysma e tyre nuk kanë marrë pikët e nevojshme për të kaluar testin në sesionin e parë. Ata i janë nënshtruar për herë të dytë provimit, por sërish numri i mbetësve ka qenë shumë i lartë. Sipas Agjencisë Kombëtare të Provimeve, kandidatët nga universitetet private kanë pasur nivel më të ulë, në krahasim me ata të publikut.

Burimi: Panorama

[mia@]

Dhe pastaj habitemi pse na rrjepin infermieret! Ky eshte i vetmi qellim i tyre. Nuk e njohin etiken e punes, dhe e shohin profedionin vetem si mundesi biznesi. Ta donin profesionin nuk dilnin kaq dobet, dhei linin pacientet ne meshiren e ... lekeve. Paska hyre provimi i lisences dhe ne Shqiperi? Po provim diplome ka me ne shkolla?

[goldian]

mia tan shoket e mi ne shkoder i kam infermiera mas mi shaj te lutem
une se di si e morne 8 vjecaren se nja 3 prejt tyne e lanen shkollen ne klas te 7

[Ziti]

ca jane keto provime pa kuptim. ata kane bere shkollen, kane mar dipllomen, lerini te ushtrojne zanatin. mos na coni ne komunizem ku shteti te pinte gjakun.

[mia@]

Eh, Ziti keshtu eshte kudo. Shqiperia tani e ka futur. Provimi i shtetit eshte njesoj si provimi i diplomes.

[Arvima]

Se nuk mu ndenjt pa shkruajtur, po te rinjte Shqiptar e kane mendjen fiu fiu ( ne pergjithesi). Nuk di te thuash nese eshte sistemi i gabuar apo jane njerezit gabim , por une mendoj se te dyja kane pjesen e vet. Si mund te futet ne shkolle te larte dikush qe ska prekur ndonjehere liber me dore? Po skane faj te rinjte kur jane mesuar te jua bejne gati gjerat. Nejse mo, do gjendesh nje menyre si me marre leke. C'rendesi ka produkti!