Ja ku kan perfundua, Milionat e Bizenesmenve Kosovare

[Leonide]

Më të pasur se Obama


Ambasadori i Kosovës në Shtetet e Bashkuara të Amerikës (SHBA), Akan Ismaili, del të jetë më i pasur se presidenti i shtetit më i fuqishëm në botë.

Mediet në Amerikë kanë raportuar më herët se pasuria e presidentit Barack Obama është 7.3 milionë dollarë amerikanë, apo 5.5 milionë euro, derisa merr një pagë vjetore prej 400 mijë dollarëve.

Ndërsa diplomati i Kosovës në shtetin e Obamës ka para të gatshme(cash) prej hiç më pak se 7.5 milionë euro, apo 10 milionë dollarë amerikanë.

Në deklarimin zyrtar të pasurisë në Agjencinë Kosovare Kundër Korrupsioni(AKK), Ismaili ka bërë të ditur se ka rreth 135 mijë euro në bankat kosovare, mbi 3.5 milionë euro të gatshme në bankat e Sllovenisë dhe mbi 4 milionë euro në shtetin ku është ambasador.

Përpos parave të gatshme, Ismaili ka edhe patundshmëri në vlerë prej 2.6 milionë euro, 70 mijë euro vetura dhe aksione në vlerë prej 4.1 milionë euro në 3 kompani të ndryshme.

Paratë e gatshme, patundshmëritë, veturat dhe aksionet në biznese të ndryshme të ambasadorit Ismaili kalojnë shifrën prej 15 milionë eurove, derisa paga vjetore e tij është 38 mijë euro, apo dhjetë fish më e ulët se e Obamës.

Megjithatë, pasurinë e tij Ismaili e ka bërë nga shitja e aksioneve në kompaninë e telefonisë “Ipko” sllovenëve.

Thaçi i shpenzoi 80 mijë euro

Pavarësisht se me dekada është në biznese ndërkombëtare, numri dy i Qeverisë së Kosovës, Behgjet Pacolli, ka deklaruar më pak para të gatshme se sa diplomati kosovar në Amerikë.

Pacolli gjatë vitit 2012 ka deklaruar 3.7 milionë euro para të gatshme në bankat kosovare, ndërsa nuk i ka deklaruar paratë që i ka në bankat e huaja.

Pas tij “xhepat” plot me para i ka edhe deputeti i AAK-së, Ramiz Kelmendi, i cili ka në pronësi zinxhirin e hipermarketeve “ETC” në të gjitha qendrat e Kosovës.

Kelmendi ka deklaruar rreth 2.9 milionë euro para të gatshme. Hiç keq me cash nuk i ka punët bashkëpartiaku i Kelmendit, Blerim Shala. Ai është politikani i katërt që ka më së shumti para të gatshme në vend, shuma e të cilave arrin në 220 mijë euro.... (shkrimin e plotë mund ta lexoni në numrin festiv të Gazetës “Zëri”)

http://www.zeri.info/artikulli/2/8/6...asur-se-obama/

[Leonide]

Akan Ismaili,


Akan Ismaili ka bërë të ditur se ka rreth 135 mijë euro në bankat kosovare,


Dhe mbi 3.5 milionë euro të gatshme në bankat e Sllovenisë

Dhe mbi 4 milionë euro në shtetin ku është ambasador ne Amerike.

[USA NR1]

nuk paska shum..

[Leonide]

Nuk ka rendesi shum por ky fakte deshmon ate qe e dinim te gjithe se Biznesmenat e Kosoves shumicen e parave i kane ne Bankat jashte Kosove dhe keshtu ju ikin taksave te shtetit,

Ky fakte po ashtu na shyne te mendojme ne ate? se ne qofte se shumica e Bizenesmenve te Kosoves i kane depozituar parate e tyre jashte Kosove ather te kujte jane ato Miliarda Depozita ne Bankat e Kosoves, Dhe a?paguhet tatime per to?.




Qytetarët kosovarë: Të varfër, por me 2.Miliarde kursime në banka


Vlera e kursimeve apo depozitave të klientëve në tetë bankat komerciale të Kosovës ka arritur në 2 miliardë e 100 milionë euro, thuhet në një raport të Bankës Qendrore të Kosovës.
Njohës të çështjeve ekonomike në Prishtinë thonë se është e pakuptueshme nga vjen kjo rritje e depozitave në vend, marrë parasysh numrin e madh të të papunëve dhe shkallën e lartë të varfërisë.
Profesori i ekonomisë, Musa Limani, thotë se duhet të shikohet prejardhja e depozitave.
“Pjesa dërrmuese e popullatës nuk mund të kursejë; ajo nuk mund të arrijë në fund të muajit për shkak se pagat në Kosovë janë të ulëta – mesatarja është 350 euro, por ka paga edhe 150 euro. Dhe, me këtë nivel të çmimeve, është e pakuptueshme se prej nga vijnë këto kursime. Do të ishte mirë të bëhet analiza e prejardhjes së depozitave”, thotë Limani.
Sipas tij, një pjesë e këtyre kursimeve mund të jetë arritur nga dërgesat e emigrantëve dhe pasuria e patundshme, por në asnjë mënyrë nga pagat që merr pjesa më e madhe e qytetarëve kosovarë.
Raporti i Bankës Qendrore të Kosovës tregon se depozitat apo kursimet e klientëve, për tre muaj, janë rritur për afro 200 milionë euro. Kjo shumë në muajin qershor ishte 1 miliard e 945 milionë euro, derisa në fund të muajit mars - 1 miliard e 909 milionë euro.




http://lajme.parajsa.com/Biznesi/id_350163/