Elseid Hysaj

[Qyfyre]

Hysaj “zbulimi” i De Biazit për miqësoren me Gjeorgjinë

Ndeshja e miqësore e Kombëtares Shqiptare ndaj Gjeorgjisë në shkurt të vitit 2013, duket se e ka vënë në lëvizje pë të “gërmuar” talente të reja trajnerin Xhani De Biazi.

Në ndeshjen e fundit Empoli – Cittadena në kuadë të SERIE B, De Biazi ka vëzhguar nga afër talentin shkodran Elseid Hysaj.

Mbrojtësi 18 vjeçar luan në pozitën e mbrojtësit në skuadrën e Empolit dhe duket se De Biazi është ndarë i kënaqur me paraqitjen e tij. Ky i fundit pritet ta përfshij Hysajn në listën, që do të publikojë në fund të muajit janar, për miqësoren e 6 shkurtit, ndaj Gjeorgjisë.

Ndeshja Çitadela-Empoli përfundoi në barazim 0-0, ndërsa Hysaj luajti 90 minuta. Mediat lokale raportojnë, se De Biazi e ka pëlqyer së tepërmi lojën e mirë në mbrojtje të Hysajt.

Mbrojtësi shkodran i është bashkuar sezonin e kaluar skuadrës italiane të Empolit, ku fillimisht u përfshi në radhët e të rinjve. Talenti i tij spikati shpejt dhe ai u seleksionua me ekipin e parë. Vetëm 17 vjeç, ai debutoi sezonin e kaluar ndaj

Fiorentinës, ndërsa në ndeshjet e këtij sezoni, ka arritur të përfshihet në ekipin e parë dhe të zërë vendin e titullarit. Gjithashtu Hysaj bën pjesë në ekipin shpresa të U-21, por në atë që ka nisur të konsiderohet revolucion i De Biazit në kombëtare, ai pritet të përfshihet në ekipin e parë.

Në miqësoren e fundit me Kamerunin, ai testoi në mbrojtje Renato Arapin, ndërsa lojtari i radhës, që do të përfshihet në planet e tij, është Hysaj i Empolit.