Tiranë: Deputët hedhin firma fallco edhe kur nuk janë prezentë në seancat e Kuvendit

[Albo]

Deputetët firma false për 100 mijë lekë

Fejzi Braushi

Deputetët e Kuvendit të Shqipërisë rezultojnë të jenë nëpunësit më të rregullt të këtij shteti. Kjo pasi në procesverbalet e mbledhjeve të download (8)komisioneve që publikon vetë Kuvendi reflektohet në përgjithësi një pjesëmarrje maksimale e tyre. Por çka realisht rezulton të jetë jo e vërtetë, por e falsifikuar nga vetë deputetët, të cilët arrijnë që në mirëkuptim me njëri-tjetrin të firmosin list-prezencat edhe për kolegët jo prezentë në mbledhje. Dhe kjo e ka një arsye të fortë për të ndodhur. Nga list-prezenca e pjesëmarrjes së komisioneve varet 50% e rrogës së një deputeti ose 650 mijë lekë të vjetra, si dhe honorari prej 20 mijë lekësh të vjetra për një mbledhje. Sipas llogaritjeve të thjeshta, një mbledhje komisioni (janë deri në 8 në një muaj) kushton 10 mijë lekë të reja. Gazeta MAPO ka zhvilluar vetë një vëzhgim në tre nga komisionet e përhershme, ku ka mbajtur shënim pjesëmarrjen reale të deputetëve në disa mbledhje të monitoruara dhe këtë prezencë e ka ballafaquar me procesverbalet e mbledhjeve respektive të publikuara nga Kuvendi, të cilat në të vërtetë pasqyrojnë pjesëmarrjen e deputetëve sipas list-prezencës së firmosur në çdo mbledhje, nga e cila në fund të muajit përcaktohet dhe pjesa e pagës dhe honorarët që përfiton një deputetë nga aktiviteti parlamentar në komisione.

Vëzhgimi

Vëzhgimi ka përfshirë tre komisione, atë të Veprimtarisë Prodhuese, atë Sigurisë Kombëtare dhe komisionin e Integrimit. Dy të parët të drejtuar nga demokratët, kurse i treti nga një socialist. Për realizimin e këtij vëzhgimi është marrë shënim prezenca e deputetëve në disa mbledhje komisionesh dhe më pas ajo është krahasuar me prezencën që paraqesin procesverbalet e komisioneve, që si rregull publikohen nga vetë institucioni i Kuvendit në faqen e tij zyrtare në internet. Nga krahasimi i të dhënave të marra në terren dhe atyre që servir Kuvendi, është vënë re një fenomen i përgjithshëm, ai firmosjes së list-prezencës në mbledhjet e komisioneve të kolegut për një koleg tjetër, i cili nuk është prezent. Dhe kjo për të vetmen arsye që deputetit që mungon të mos i mbahet pjesa e rrogës që jepet për pjesëmarrjen në komisione dhe as honorari përkatës. Bëhet fjalë për shuma të konsiderueshme, që përbëjnë dhe pjesën kryesore të pagës së deputetëve. Paga e deputetit është e strukturuar në mënyrë të tillë që 40% e saj varet nga pjesëmarrja në seancat plenare, 50% nga pjesëmarrja në mbledhjet e komisioneve të përhershme dhe 10% për punën në zonë. Ndërkohë që për pjesëmarrjen në mbledhjet e komisioneve një deputet në bazë të këtij vendimi merr dhe 2 mijë lekë të reja honorarë. Paga e një deputeti është rreth 130 mijë lekë të reja, atëherë gjysma e saj për pjesëmarrjen në komisione shkon 65 mijë lekë në muaj. Shumë kjo që pjesëtohet me numrin e mbledhjeve që ka secili komision, ku mesatarja është 8 të tilla. Nga ky pjesëtim rezulton që për një komision që ka 8 mbledhje në muaj një pjesëmarrje vlen gati 8 mijë lekë të reja, plus 2 mijë lekë honorar. Pra një mbledhje në total vlen afro 10 mijë lekë të reja.

Prezenca

Nisur pikërisht nga fakti se një mbledhje vlen afro 10 mijë lekë të reja, atëherë thuajse të gjithë deputetët janë solidarizuar mes tyre dhe në vazhdimësi firmosin listë-prezencën edhe për ata deputetë të cilët në të vërtetë nuk janë të pranishëm në atë mbledhje. Kështu nga vëzhgimi i bërë komisioni më problematik rezulton të jetë ai i Veprimtarisë Prodhuese, ku prezenca në procesverbale rezulton në përgjithësi të jetë dyfishi i realitetit. Një përfundim ky i arritur nga monitorimi i dy mbledhjeve në këtë komision, ato të datës 10 dhe 11 dhjetor. Në mbledhjen e datës 10 dhjetor në këtë komision të pranishëm kanë qenë vetëm 8 deputetë, pra më pak sesa është edhe kuorumi i nevojshëm për nisjen e një mbledhje, ndërkohë që në procesverbal rezultojnë prezent plotë 17 deputetë. Pra në këtë mbledhje 9 deputetë nga të dy krahët kanë marrë pagën dhe honorarin për pjesëmarrjen në komision në mënyrë të pamerituar. Thuajse e njëjta situatë vihet re edhe në mbledhjen e datës 11 në këtë komision, madje edhe me shifra më të frikshme. Nga 18 deputetë prezent që rezultojnë në procesverbal në mbledhje kanë qenë vetëm 8. Pra 10 deputetë në këtë ditë kanë marrë sërish pagën në mënyrë të pamerituar. E njëjta situatë, megjithëse jo në këto nivele, vihet re edhe në komisionin e Sigurisë Kombëtare, ku në mbledhjen e datës 6 dhjetor, figurojnë që në procesverbal të jenë 5deputetë më shumë sesa kanë qenë në të vërtetë në atë mbledhje. Dhe më konkretisht, ndërsa nuk kanë qenë të pranishëm në mbledhje në procesverbal figurojnë si pjesëmarrës deputetët Ilir Gjoni, Arben Çuko, Skënder Hasa, Ndue Paluca, si dhe vetë kryetari i grupit parlamentar demokrat, Astrit Patozi. Situata paraqitet disi më ndryshe në komisionin e Integrimit dhe kjo ndoshta për shkak se numri i anëtarëve të këtij komisioni është më i vogël sesa i dy komisioneve të tjera. Në mbledhjen e datës 4 dhjetor në këtë komision, sipas procesverbalit, rezultojnë të kenë qenë prezent 6 deputetë, ndërkohë që në të vërtetë në të kanë qenë vetëm 5. Rezulton se në listë-prezencë e këtij komisioni është firmosur edhe për kryetarin e grupit parlamentar socialist, Gramoz Ruçi. Ndërkohë që në mbledhjen e datës 10, po të këtij komisioni vërehet një pasqyrim real i pjesëmarrjes në procesverbal.



Të ardhurat e një deputeti për shkak të detyrës


Paga 152 500 lekë

Sigurime Shoqërore 14 045 lekë

Telefon 17 000 lekë

Dieta (deputetët jo tiranas) 73 200 lekë

Karburant (sipas largësisë) mesatarisht 42 000 lekë

Honorarë për pjesëmarrje në komisione 16 000 lekë

Totali 314 745 lekë



Procesverbal i Kuvendit/Datë 10.12.2012/Komisioni i Veprimtarisë Prodhuese

Marrin pjesë:

Jemin Gjana

Eduard Shalsi

Osman Metalla

Ardian Turku

Artan Gaçi

Aurel Bylykbashi

Selami Xhepa

Kreshnik Çipi

Besnik Dushaj

Besnik Baraj

Bedri Hoxha

Ilir Bano

Hazir Gashi

Ismail Hoxha

Ramiz Çobaj

Blendi Klosi

Rrahim Çota.



Prezenca reale

Jemin Gjana

Eduard Shalsi

Ilir Bano

Bedri Hoxha

Ramiz Çobaj

Ardian Turku

Besnik Dushaj

Ismail Hoxha



Procesverbal i Kuvendit/Datë 11.12.2012/ Komisioni i Veprimtarisë Prodhuese/


Marrin pjesë:

Jemin Gjana

Eduard Shalsi

Osman Metalla

Ardian Turku

Artan Gaçi

Sybi Hida

Selami Xhepa

Besnik Dushaj

Besnik Baraj

Bedri Hoxha

Ilir Bano

Hazir Gashi

Ismail Hoxha

Ramiz Çobaj

Blendi Klosi

Rrahim Çota

Kreshnik Çipi

Dashamir Tahiri.



Prezenca reale

Jemin Gjana

Eduard Shalsi

Osman Metalla

Ramiz Cobaj

Ismail Hoxha

Rahim Çota

Ardian Turku





Procesverbal i Kuvendit/Komisioni i Integrimit/Datë 04.12.2012


Marrin pjesë:

Ditmir Bushati

Mesila Doda

Arenca Trashani

Ismail Hoxha (deputet zëvendësues)

Marko Bello

Taulant Balla

Gramoz Ruçi

Rajmonda Bulku



Prezenca reale

Ditmir Bushati

Mesila Doda

Tauland Balla

Marko Bello

Ismail Hoxha

Rajmonda Bulku

Arenca Trashani




Procesverbal i Kuvendit/ Komisioni për Sigurinë Kombëtare/ Data 6 dhjetor



Marrin pjesë:

Leonard Demi

Ilir Gjoni

Luan Skuqi

Paulin Sterkaj

Fatos Hoxha

Lefter Maliqi

Astrit Patozi

Vasillaq Ngresi

Bedri Hoxha

Ardian Turku

Arben Çuko

Armando Prenga

Ben Blushi

Gazmir Bizhga

Piro Lutaj

Skënder Hasa

Ndue Paluca

Xhemal Qefalia

Asllan Dogjani

Gjokë Uldedaj

Rajmond Hoxha (deputet zëvendësues)

Ramiz Çobaj

Ndriçim Babasi.

Mungojnë:

Osman Metalla

Arben Isaraj




Prezenca reale

Leonard Demi

Gazmir Bizhga

Pirro Lutaj

Asllan Dogjani

Xhemal Qefaliaj

Armando Prenga

Ndriçim Babasi

Luan Skuqi

Ardian Turku

Ramiz Çobaj

Besnik Dushaj

Bedri Hoxha

Lefter Maliqi

Fatos Hoxha

Gjokë Uldedaj

Rajmond Hoxha

Vasillaq Ngresi

Paulin Sterkaj


Burimi: MAPO

[benseven11]

Shkruarja e firmes qe i perket nje personi tjeter eshte fallsifikim(forgery) dhe fallsifikimi eshte krim.
Deputete qe thyejne ligjet....