Shqiperia dhe hoxhallaret e saj

[urtesia]

Te nderuar,
une po e filloj me nje shkrim te hoxhes së nderuar,
por shtoni edhe ju nga ndonje resht me fjale te bukura e te kenaqim zemrat tona.

DREJTËSIA E SUNDIMTARËVE TË SOTËM

Po kërkove bukën,ta japin urinë,
Po kërkovejetën,ta japin patërdinë,
Po kërkove gjumin,ta japin llaftarinë,
Po kërkove nderin ,ta japin poshtërsinë,
Po kërkove shokun,ta japin pabesinë,
Po kërkove besën,ta japin tradhtinë,
Po kërkove mëshirën,ta japin gjakësinë,
Po kërkove njeriun,ta japin kafshërinë,
Po të jesh shenjtor,të bashkojnë me qenërinë,
Po kërkove dritën,të japin errësirën,
Po deshe shijen,të japin të vështirën,
Po kërkove fenë,të japin mundimin,
Po kërkove dhimbjen,të japin acarimin,
Po të duesh paqen,të bashkojnë me krimin,
Po të duesh familjen,të japin burgimin,
Po kërkove rregullin,të japin kukudhin,
Po kërkove Zotin, të japin të paudhin.

(Shkruar në burgun e Tiranës, në janar të v.1949)

[urtesia]

L U T J E

Zot i madh mprona Atdhenë dhe Mretit fali shendenë;

Mprona Atdheun’ e bekuar me popullin e bashkuar

nga reziqet tokësore, nga të pa pritmet qjellore

mproje Zot në hijen tënde me qetësi në ç’do vende

Fali atdheut diturinë, përparimin, lumturinë,

mjeshtërinë mbrodhësinë, tregëtinë’ bujqësinë

lulëzimin’ shkëlqesimin, disiplinën’ arësimin’

Fali kulturë të naltë mos i lerë Zot në baltë.

për sedrën e Muhammedit , për hatrin e gjith Ymetit

për nderin e enbijasë, për gjakun e shuhedasë

për hatrin e foshnjërisë, për ata që pinë sisë

për pleqt’ e për ato plaka, që po rrihen me shuplaka

bijt e vete kur i-u ngrihen, për atdhe ne gjak lëvrihen.

Për Tevratin’ për Inxhilin, për Kur-anin’ për Xhibrillin

për meleqet ç’ke krijuar, për krijimin ç’ka vijuar

Falna Zot falna atdhenë, me gjith të dashurin Mbrenë

fali Zot jetë të gjatë, Zogut’ na paste uratë

syt’ e zemrës bukur çelja, të flerë tok ujku e delja.

nga belat e nga reziqet, Brenda jashtë nga armiqet.

shpëtoje Zot për nga here, me shëndet të plot e lerë

Zot flamuri të valojë, tërë zoqrit t’i mbulojë

Zot nga zgjedha t’i shpëtojë,, në gjit të tij t’i pushtojë.

Zot! Na rroftë Shqipërija, sa të rrojë gjithësija.



Amin

HAFIZ ALI KORÇA - e botuar ne vitin 1931