Orkestra rinore "Tirana"

[Albo]

Në koncertin “Mbrëmje Klasike” ata do të intepretojnë 100% live

Rruga e orkestrës Rinore “Tirana”

Orkestra Rinore “Tirana” ka si qëllim promovimin e artistëve të rinj, instrumentist e këngëtar të cilët duan të japin kontributin e tyre në këtë zhanër arti. Ajo është themeluar në nëntor të vitit 2008, nga njerëz të apasionuar e që duan të lënë gjurm në muzikën klasike shqiptare.
Orkestra Rinore “Tirana” është shumë e njohur për aktivitet e saj brenda dhe jashtë vendit. Mund të përmendim Festivalin e 26 të orkestrave për të rinj në Piaçenca (Itali). Bashëpunimet e saj janë të shumta, por ndër më të rëndësishmet përmendim bashkëpunimin me orkestrën akademike në Gjermani (Bochum) bashkëpunim që nga pala gjermane është cilësuar si mjaft i suksesshëm. Ndër themeluesit e këtij institucioni artistik është muzikanti, profesori Bujar Alliu i cili me përkushtim dhe me seriozitet ka bërë që kjo orkestër të arrijë në rezultate të shkëlqyera në të gjitha skenat ku ajo shkel. Aktualisht orkestra rinore “Tirana” ëshë duke u përgatitur për në sërë projektesh si në muajin Janar, por edhe në Maj të vitit që vjen, ku një tjëtër bashkëpunim me organizatorin Sokol Guga do të bëjë të mundur që kjo orkestër të shpalosë vlerat e saj artistike por edhe profesionale. Në koncertin “Mbrëmje Klasike” ata do të intepretojnë 100% live, ku do të luajnë muzik klasike nga kompozitorët më të famshëm botëror. Mbas bashkëpunimit me Gugën, muzikanti Bujar Alliu sëbashku me orkestren e tij do të nisen drejt Berlinit ku ata janë të ftuar në një nga koncertet më madhështore që realizohen në Gjermani. Mbas përfundimit të këtij turneu, orkestra rinore “Tirana” do të vijojë me një tur në qytete më kryesore shqiptare si: Durrës, Fier, Vlorë, Burrel, Shkodër, Sarandë e më pas kthimi në Tiranë ku ata kanë planifikuar që të mbyllin këtë turne me një koncert për kryeqytetasit e Shqipëris.

Albert Zholi