Kuriozitete te ndryshme.

[Lexuesi_]

Kërkohet një grua për të lindur një bebe të … Neandertalit
Ata njihen si specie primitive. Po kush do jetë ajo grua që do të sjellë në jetë një bebe të Neandertalit?

Ky skenar i pabesueshëm është projekti i një prej gjenetistëve më të njohur në botë, që po kërkon femra vullnetare për të sjellë në jetë krijesën primitive, të zhdukur shumë kohë më parë.

Profesori George Church nga Universiteti i Harvardit beson se mund të rindërtojë ADN-në e Neandertalit për të sjellë në jetë speciet e zhdukura 33 mijë vjet më parë.

Skema e tij të kujton të famshmin Jurassic Park.

“Tani më duhet një grua që i pëlqen aventura,” thotë ai.

Profesori e pranon se nuk do jetë edhe aq e lehtë. Por profesori shton se këto specie kanë qenë inteligjente dhe truri i tyre ka qenë pak a shumë si i njeriut.

Sipas tij, nga projekti i tij do të përfitojë njerëzimi.

Profesorët e tjerë thonë se projekti i tij është i mundshëm, por krijesa nuk do ketë imunitetin e nevojshëm dhe procesi mund të sjellë deformime.

[Serioze]

URA E DEHUR!



Nëse shikoni këtë urë për herë të parë, do të thoni me bindje se është e papërfunduar. Por në të vërtetë kjo urë është e kthyer në atë mënyrë që është e vështirë për ta parë pjesën e saj te pasme.
Eshtë ''URA STORSEISUNDET'' , e njohur gjerësisht si ura e dehur, në Norvegji në Atlantik Road. Ajo është gjithashtu ndër tetë urat që përbëjnë rrugën e Atlantikut.

[AlbaneZ]

Qeni më i shtrenjtë në botë, kushton 1.5 milion dollarë!


Është padyshim qeni më i shtrenjtë dhe më i famshëm në botë!
Ky qen me qime të kuqe, është një lloj race që rritet në Tibet dhe quhet Big Splash.Qeni që shikoni në fotografi, është vetëm 11 muajsh dhe u ble nga një kinez milioner kundrejt shumës së 1.5 milion dollarësh.Kjo racë qensh është kthyer në Kinë simbol i fuqisë dhe pasurisë.Në fakt, kjo lloj race qensh janë pasardhës të kafshëve që rriten nga grupet Nomade në Kinë dhe pesha e tyre arrin deri në 182 kg.

[Serioze]

SUPERTRANSPORTUESI!



Ky është supertransportusi i parë në botë. Eshtë realizuar kundrejt të gjitha kushteve bashkëkohore për 23 pasagjerët që mund të transportojë. Shpejtësia maksimale arrin deri në 260km/orë. U projektua në Hollandë nga një austronaut dhe një ish pilot i Formula1. Kushton rreth 7 milionë euro dhe u dërgua në Emiratet e Bashkuara Arabe, ku do të përdoret nga një sheik. Supertransportuesi hi-tech është në gjendje për të përshkruar distancen 75 milje nga Dubai fqinje në Abu Dhabi nën 30 minuta.

[AlbaneZ]

Zogjtë ngrenë zërin në trafik

Edhe zogjtë i përshtaten ambientit. Ata nuk dekurajohen aspak nga jetesa në qytet. Përkundrazi, në mënyrë që të dëgjohen kur ka zhurmë nga trafiku ata ngrenë zërin. Kështu thotë një studim i kryer mbi zogjtë e Vjenës nga shkencëtarët e Institutit Max Planck, me seli në Gjermani. Studimi ka treguar se si emetimet zanore të zogjve bëhen me një ton më superior në qytetin e zhurmshëm krahasuar me zonat periferike e pyjore vieneze. Është e vërtetë që zogjtë duhet të përballen me një numër më të madh njerëzish në qytet, me ndotjen e ajrit dhe atë akustike, që nuk hasen në ambjentet rurale. Por është po aq e vërtetë se jetesa për ta në zonat urbane ofron edhe avantazhe, si mundësia më e mirë për të gjetur ushqim, mbrojtja nga gjuetia ilegale, etj.

[Serioze]

PJEPRI HENE!


Pjepri hënë(shkencërisht njihet si asidus). Ky frut rritet në disa zona të Japonisë dhe është i njohur për ngjyrën e tij vibrante blu. Dredhia e këtij fruti festash është se ai mund të ndërroje shije pasi ta keni ngrënë atë. Gjithçka e tharte merr shije te ëmbël, gjithçka e kripur merr shije te hidhur, dhe ujit i jep një shije të fortë portokalli!


''MBRETERSHA''


Eshte titulluar e tille, per arsye se ka nje kurore gjigande qe i pershkon te gjithe trupin. Gjithashtu njihet si nja peshqit me te bukur ne bote!

[Marya]

moren nje chisburger nga nje mc donald ne amerik dhe e mbajten per gati tre vjet ne nje dhome te ajrosur ne menyre normale dhe per te pare se si do degradoheshe
per tre vjet chisburgu nuk ndryshoi fare aspekt, nuk mori ere por mbeti si nje dekor prej plastiku, as mizat nuk iu afruan dhe nuk e njohen si ushqim , por si nje objekt dekorimi .........

[AlbaneZ]

Në Topillë të Shtimes zbulohet një shpellë mermeri


Ishte nisur nga shtëpia për një ditë të zakonshme pune, por nuk i doli e tillë. Derisa po gërmonte me ekskavator për të nxjerrë gurë, Idriz Rexhaj, një i ri nga fshati Petrovë, kishte vërejtur diçka të pazakonshme. Rrugës për në fshatin Topillë të Komunës së Shtimes, disa metra mbi vendin që njihet si Vrella e Zezë, rastësisht kishte hasur në një shpellë të pazbuluar deri më tani. Rexhaj do të shuante kureshtjen e rij, duke u futur në brendi të shpellës. Fill pas vizitës së parë që i kishte bërë shpellës së re, ai u ishte drejtuar zyrtarëve të Komunës së Shtimes. Këta të fundit e kanë konfirmuar lajmin. Sipas përshkrimit nga vizita e parë që i kanë bërë shpellës zyrtarët komunalë, ajo ka hyrje natyrore, një korridor që vazhdon me gjatësi rreth 20 metra, derisa pjesa pas tyre ka një ngushticë, e cila nuk është eksploruar ende,shkruan koha.

Njeriu që i pari zbuloi shpellën që i është shtuar listës së atraksioneve natyrore të Kosovës, ka shpjeguar se gjithçka ka ndodhur krejt rastësisht.

“Territori i fshatit Topillë njihet edhe për shpella të tjera, ndërsa zbulimi i kësaj shpelle paraqet një risi e cila në të ardhmen pritet që të rrisë numrin e vizitorëve në këtë anë. Është një zbulim interesant dhe presim ditëve në vijim që zyrtarë nga Agjencia për Mbrojtjen e Mjedisit (AKMM), i cili vepron në kuadër të Ministrisë së Mjedisit dhe Planifikimit Hapësinor të vizitojnë dhe të japin një vlerësim lidhur me këtë”, ka thënë zëdhënësi i Komunës së Shtimes, Rrahman Jakupi.

Sipas tij, aktualisht janë marrë masat që këto shpella të mbrohen nga dëmtimi i njeriut apo ndonjë dëmtim tjetër. “Në një të ardhme të afërt ka edhe plane të tjera që këto të shndërrohen në pika turistike për vizitorë”, ka shtuar ai.

Hapësira në të cilën është gjetur shpella, përkatësisht rruga prej Gurit të Shtrenjtë deri në fshatin Topillë, është e njohur edhe për atraksione të tjera, siç është Shpella e Imer Devetakut, Kështjella Mesjetare e Topillës, Shpella e Lakuriqëve, e njohur edhe si Shpella e Topillës.

Në korrik të vitit të kaluar, në bjeshkët e Mushtishtit të Therandës ishte zbuluar një shpellë, e pashkelur më parë nga këmba e njeriut. Shpella ishte zbuluar nga Demush Tahiri, banor i fshatit, bashkë me dajën e tij, Xhavit Mala, zyrtar në parkun nacional “Malet e Sharrit”. Zbulimin e tyre e kishin pagëzuar Shpella e Rusenicës. Nga hulumtimet e bëra ishte kuptuar se ajo ka rreth 100 metra katrorë, por ka pasur dyshime se mund të jetë edhe më e madhe. Shpella e Rusenicës është e pasur me stalaktite dhe stalagmite.

[Serioze]

14-vjecari KRYEKUZHINIER !

S’i pëlqente ushqimi i mamit, 14-vjeçari bëhet kryekuzhinier.


Një adoleshent amerikan ka arritur të bëhet kuzhinier në një nga restorantet më të mira në Beverly Hills.

14- vjeçari Flynn McGarry, ka gatuar për më shumë se 120 njerëz dhe ka një kurs ku jep leksione për gatimin. Dhe për dijeni, të gjitha vendet janë të zëna.

Ushqimi që djaloshi gatuan cilësohet si progresiv amerikan dhe ofron eksperimente të shijshme.

Gjithçka nisi në moshën 11- vjeçare.14- vjeçari thotë se u frymëzua për të gatuar pasi nuk i pëlqente ushqimi që i jepte mamaja e tij, Meg.

Për fat ajo nuk e mori si një fyerje një gjë të tillë, por bleu për të libra gatimi dhe receta.

Dhe mesa duket, ai ia doli.

“Pasi pashë gjithë këto libra gatimi dhe kërkova shumë për receta në internet, mendova se mund t’ia dal edhe vete. Kam rënë në dashuri me këtë gjë dhe mendoj se do përmirësohem akoma më shumë. Gjithmonë kam qenë një tip krijues dhe dëshiroja të kisha pjatat e mia. Fillimisht gatuaja për familjen, por tani kam nisur që të gatuaj për më shumë njerëz”.

[AlbaneZ]

Me te ik mendjaaaa

Arbitri "djeg" skendinen e cmendur prej 500 mije paundesh.

Arbitri anglez, Kevin Frend, e ka bërë pa qëllim, por një vërshëllimë e tija në fundin e takimit Lids-Totenhem 2-1, i vlefshëm për “FA Cup”, i ka mohuar një bastvënësi anglez bukurinë e një gjysmë milioni paund. Një nga sportdashësit anglezë kishte luajtur të dielën një skedinë të çmendur, në të cilën kishte “vulosur” rezultatet e sakta të 4 takimeve: Brentford-Çelsi 2- 2, Oldham-Liverpul 3-2, St.Mirren- Sëlltik 3-2 dhe Lids-Totenhem 3-1. Në këtë biletë ai kishte luajtur shumën e 3 paundëve dhe fitimi prekte shifrën 506 mijë e 562 paund (fitimi për 4 rezultate), ose 17 mijë e 55 paund (për 3 rezultate të sakta). Dhe ëndrra për t’u bërë një supermilioner ishte vetëm 2 sekonda larg. Nëse bastvënësi anglez gjeti saktësisht rezultatet e Çelsit, Liverpulit dhe Sëlltikut, ai gaboi vetëm në takimin e Lidsit, por mbase vetëm për një korrektësi të tepruar të gjyqtarit Frend. Ndonëse kishte akorduar 4 minuta shtesë, arbitri i lejoi Totenhemit një goditje këndi në minutën 94 e 53 sekonda, ndërkohë që e gjithë skuadra së bashku me portierin ishin në zonën e Lidsit. Dhe topi i ardhur nga këndi transformohet menjëherë në kundërsulm për Lidsin dhe lojtarin Rudolf Ostin, i cili pak përpara mesit të fushës godet drejt kuadratit të portës së liverpulasve dhe ndërkohë dëgjohet vërshëllima e gjyqtarit Frend, ndonëse sfera 1 sekondë pas bilbilit përfundon në rrjetë. Nëse do kishte pritur të shikonte se ku do përfundonte topi, atëherë një klient i kompanisë “Ladbrokes” do kishte fituar mbi 500 mijë paund, ndonëse në fund duhej të kënaqej me vetëm 17 mijë paund.

Ja skedina e luajtur
Brentford – Çelsi 2-2 (18/1)
Lids – Totenhem 3-1 (25/1)
Oldham – Liverpul 3-2 (80/1)
St.Mirren – Sëlltik 3-2 (50/1)
Luajtur: 3 paund
Fitimi me 3 rezultate: 17,055.80 paund
Fitimi me 4 rezultate: 506,562 paund