Polici i Antidroges Anoril Cani arrestohet si trafikant droge

[Albo]

Droga, Anoril Cani takohej me oficerët e zyrës së përgjimeve


TIRANE – Deri një javë para se të arrestohej, specialisti i Antidrogës në Policinë e Shtetit, Anoril Cani, takohej rregullisht me oficerë të zyrës së përgjimeve. Anëtarë të kësaj zyre, bazuar në urdhrat e dhënë nga prokuroria e gjykata, po e përgjonin specialistin 31-vjeçar të Antidrogës, i cili dyshohej se merrej me trafik droge. Efektivi i Policisë, i cili e kishte nisur karrierën në Dibër, për rreth një vit kishte punuar në zyrën e përgjimeve telefonike dhe pas largimit aty, mbante lidhje me disa prej oficerëve të kësaj njësie. Por, ndërsa Anoril Cani u transferua në departamentin e Antidrogës në Drejtorinë e Përgjithshme të Policisë, duke u larguar nga zyra e përgjimeve, ai mbante lidhje shoqërore me anëtarë të stafit të kësaj zyre. Për të shmangur ndonjë dekonspirim të mundshëm të aksionit që po përgatitej, grupi i hetimit është detyruar të kërkojë ndryshime në stafin e zyrës së përgjimeve, me qëllim që praktika e ndjekjes së oficerit Anoril Cani të mos binte në duart e personave të tij të njohur. Sipas burimeve nga grupi i hetimit, aksioni i organizuar me arrestimin e pesë personave dhe sekuestrimin e 27 kg heroinë dhe 140 kg përzierës është model edhe për faktin se ka qenë në “fije të perit” për t’u dekonspiruar, e megjithatë, kjo nuk ka ndodhur. Pas arrestimit të pesë personave, Policia dhe Prokuroria kanë nisur hetimin e pasurisë ndaj tyre. Grupi i hetimit ka dyshime se Ilir Shehaj, i njohur me nofkën “Gjyshi”, ka në pronësi një lokal dhe disa biznese të tjera. Oficerit të Policisë nuk i janë gjetur shuma, pasi dyshohej se fitimet i ka shpenzuar në kazino. Hetimet e deritanishme kanë zbuluar edhe mënyrën e koduar që përdorte grupi. Kështu, gjatë bisedave që kryenin me njëri-tjetrin, të arrestuarit kanë përdorur fjalën “hollon” duke nënkuptuar drogën. Më 15 nëntor, pas një hetimi intensiv 3-mujor nga SHKB dhe njësia Task-Force, u vunë në pranga pesë persona, mes të cilëve edhe oficeri i Policisë në sektorin e Antidrogës. Anoril Cani, 31 vjeç, me detyrë specialist në Departamentin e Luftës Kundër Drogës në Drejtorinë e Përgjithshme të Policisë së Shtetit, ra në pranga së bashku me shtetasin Ilir Shehaj, 46 vjeç, i njohur me pseudonimin “Gjyshi”. Në pranga ranë edhe shtetasit Gentian Gjoka, i njohur me pseudonimin “Papu”, Mandrit Dulo dhe Everest Hoxholli, i njohur me pseudonimin “Nipçja”. Arrestimi i tyre u krye pasi të dyshuarit u kapën në kushtet e flagrancës, në Tiranë dhe Vorë me 27.7 kg heroinë, 28 kg përzierje kokaine, 141 kg përzierje heroine, 0.8 gr kokainë të pastër. Në banesën e policit Anoril Cani u gjetën 980 gr lëndë eksplozive me fuqi të lartë të tipit C4, 2 kg tritol, kapsolla detonatorë, ndezës, rreth 400 fishekë luftarakë të modeleve të ndryshme, një pistoletë e tipit “TT”.

Burimi: Panorama

[Albo]

Dëshmia në gjyq: Oficeri i Policisë, shpërndarës droge. Polici: Ma futën drogën në makinë

Gjykata lë në burg pa afat 5 të arrestuarit. Polici: Ma futën drogën në makinë, unë s’dija gjë, më arrestuan kur po shkoja tek e dashura.
Tiranë, Gjykata lë në burg 5 personat, pronari i drogës mbron policin.
“Cani lajmëroi trafikantët në tetor”
HETIMI / Efektivi i Antinarkotikëve me një telefonatë dështoi aksionin e Forcave Speciale në Durrës-Kukës.
Ngarkesa me 20 kg drogë ndryshoi rrugën, i shpëtoi policisë.
“Specialisti i Antidrogës telefonoi vëllain para kontrollit në banesë”
Parandjeu arrestimin, dyshohet se fshehu drogën.
SHKB ra në gjurmë të trafikut në gusht 2010.
Droga nga Turqia trafikohej për në Itali dhe në Holandë.

Specialisti i Antidrogës në Policinë e Shtetit, Anoril Cani, i arrestuar me 27 kilogramë përzierës heroine në makinë, mohoi dje akuzën në Gjykatën e Tiranës. Ish-efektivi i Drejtorisë së Përgjithshme të Policisë së Shtetit doli para gjykatës për caktimin e masës së sigurisë. Pasi konfirmoi gjeneralitetet para gjyqtarit të gatshëm Artan Gjermeni, oficeri i Antidrogës tha se nuk kishte lidhje me trafikun. Ai bëri me dije se kishte njohje personale me katër të arrestuarit e aksionit “Specialisti”. Anoril Cani deklaroi para gjykatës se mbrëmjen kur u arrestua, sapo e kishte marrë makinën e tij nga njëri prej të arrestuarve dhe po nisej për të takuar të dashurën e tij, kur një patrullë e Policisë e ndaloi dhe, pas kontrollit në automjet, mori masën e ndalimit. Ish-specialisti i Antidrogës deklaroi se nuk ka pasur dijeni për lëndën që u gjet në automjet, duke mohuar kështu akuzën e ngritur ndaj tij.

Burimi: Panorama

[Albo]

‘Specialisti’, MB: Të arrestuarit, “grup i strukturuar kriminal”

TIRANE- Ministria e Brendshme ka njoftuar sot finalizimin me sukses te operacionit te koduar “Specialisti”, qe u mbyll me venien ne pranga te nje specialisti ne Departamentin e Luftës Kundër Drogës në Policine e Shtetit dhe kater perosnave te tjere.
Zëdhënësi i MB, Leonard Olli gjate nje deklarate per mediat beri me dije se gjithcka erdhi pas nje hetimi intensiv 3 mujor, nderkohe qe te arrestuarit akuzohen per vepren penale “Grup i strukturuar kriminal”.
“Arrestimi i tyre, u krye pasi shtetasit e sipërpërmendur, u kapën në kushtet e flagrances, në Tiranë dhe Vorë, me 27.7 kg heroinë, 28 kg. përzierje kokaine, 141 kg përzierje heroine, 0.8 gr kokainë të pastër, 980 gr. lëndë eksplozive me fuqi të lartë të tipit C4, 2 kg. tritol, kapsolla detonatorë, ndezës, rreth 400 fishekë luftarakë të modeleve të ndryshme, një pistoletë e tipit TT, 13. 100 euro, 6 milion lekë, peshore elektronike, si edhe mjete të tjera për paketimin dhe shpërndarjen e drogës”- tha Olli.
Gjithashtu, të arrestuarve iu sekuestraun 26 aparate telefonikë celularë dhe 4 automjete me të cilat transportohej droga, të gjitha këto në cilësinë e provës materiale.

Te arrestuarit
1. Anoril Naim Cani, i dt. 07.05.1981, lindur në Pogradec dhe banues në Tiranë, me detyrë specialist në Departamentin e Luftës Kundër Drogës në Drejtorinë e Përgjithshme të Policise së Shtetit;
2. Ilir Petrit Shehaj, i dt. 02.12.1966, lindur dhe banues në Tiranë, i njohur me pseudonimin “Gjyshi”.
3. Gentian Tanas Gjoka, i dt. 06.04.1980, lindur dhe banues në Elbasan, i njohur me pseudonimin “Papu”.
4. Mandrit Manush Dulo, i dt. 05.01.1974, lindur dhe banues në Vorë.
5. Everest Fatmir Hoxholli, i dt. 25.07.1985, lindur në Gramsh dhe banues në Elbasan, i njohur me pseudonimin “Nipçja”.


Burimi: Panorama

[Albo]

Arrest me burg për Oficerin që u kap me 52 kg heroinë

TIRANE- Gjykata e Tiranës dha sot masën “arrest me burg” për oficerin e Drejtorisë së Përgjithshme të Policisë, Anoril Cani dhe për katë bashkëpunëtorë të tij.
Dy ditë më parë SHKB-ja dhe Policia e Tiranës çmontuan një rrjet të trafikut të drogës, ku bënte pjesë edhe oficeri i Drejtorisë së Përgjithshme të Policisë. Vetëm brenda një orë Policia e Tiranës bllokoi 54.3 kilogramë lëndë të dyshuar si heroinë, 7-8 kilogramë lëndë të dyshuar si kokainë dhe mbi 100 kilogramë përzierës.
Anoril Naim Cani, 31 vjeç, me detyrë specialist në departamentin e Antidrogës në Drejtorinë e Përgjithshme të Policisë së Shtetit u arrestua në flagrancë, në një aksion ku u vënë në pranga njëherësh në Tiranë dhe në Vorë dhjetë persona.
Masa e arrestit me burg u dha edhe për bashkëpunëtorët e oficerit Cani, Gentian Gjoka, 38 vjeç, Ilir Shehaj, 46 vjeç, Madrit Dule, 38 vjeç dhe Everest Hoxholli.
Mësohet se gjatë seancës së sotme, Ilr Shehaj ka deklaruar se droga ka qenë e tij dhe se Ofoceri Cani nuk ka patur dijeni për praninë e drogës në makinë.
Anotil Cani, specialist në departamentin e Antidrogës në Drejtorinë e Përgjithshme të Policisë së Shtetit po ashtu ka pohuar se nuk ka qenë në dijeni, dhe se makinën e kishte marrë për të takuar të dashurën e tij.


Burimi: Panorama

[goldian]

Pa dasht me ba specialistin e as me mbrojt personin ne fjale se nuk e njoh
po nje gja duhet te jemi realist qe po behet nje lojet e piste ne mes efektivave te policise
ku gjithmone me i dobeti e peson

[prenceedi]

Nuk i paska dhene pjesen "shefit" ky...........

[smokkie]

Nuk i paska dhene pjesen "shefit" ky...........

Gabim i rende!
Ta gezoje burgun tani, kopraci koprac ngelet !

[benseven11]

Anoril Cani eshte pisllik ne polici, i korruptuar.
Drogen nuk ja kane futur sic pretendon por e ka marre vete dhe futur ne makine
gje qe mund te vertetohet lehte nga shenjat e gishtave te tij ne pakot e droges.
Mundet qe ai te kete abuzuar me punen e tij me pergjimet,pasi ka ditur kush merrej me droge
dhe mundte kete marre droge prej tregetareve te droges nen pergjim dhe perdorur ate droge per ta shperndare dhe shitur vete.
Ketij duhet ti kontrollohet llogaria bankare dhe shpenzimet e bera nga ku mund te vertetohen,blerje,shpenzime te medha
qe e tejkalojne vleren e rroges se tij si polic dhe mund te hedhin drite ne aktivitet kriminal.
Nqs sipas bankes ai ka depozituar 20 mije euro ne nje rast te vetem atehere ku i ka gjetur keto para????
Eshte fakt i qarte i ndonje aktiviteti tregetie te paligjshem droge,arme,ose para e marre nga drogaxhinjte si shperblim per informacione.
Si arrihet qe te penetrojne njerez te tille ne pozita pune aq delikate?Kush e ka marre ne pune kete?
Mbi cbaza merren ne pune sekrete njerez te tille?Ky mundet qe te kete nxjerre sekrete shteterore,dhene emra personash qe punojne per policine
ne operacione undercover,
mund te kete dhene praktikat se si pergjohet dhe kush pergjohet,nga pergjohet etj.
Policia ,deget e pergjimit dhe antidroga kane problem shume serioz.27 kile droge eshte nje hic para faktit qe kane dale sekrete shteterore jashte
dhe eshte kompromentuar sistemi i pergjimeve.
Po eksplozivin c4 dhe te tjerat pse i mban ne shtepi?Perse nje polic antidroge duhet te mbaje eksploziv?
A i mbani mend ato atentatet me eksplozive ne banesa
qytetaresh,anetare partish,biznesmene etj ne Tirane?Ka te ngjarre qe materiali ne fjale eshte mbajtur ne dispozicion
per t'ju shitur personave kriminele te paguar nga dikush qe te perdoren
per qellime hakmarrjeje......
Ky person jo vetem eshte pisllik por edhe tahmaqar i madh pas lekut,i pangopur.