TIRANË- Kreu i paritë Aleanca Kuq e Zi, Kreshnik Spahiu ka bërë fajtore Partinë Demokratike dhe Partinë Socialiste për mosmarrjen e statusit të vendit kandidat në BE dhe rradhitjen e Shqipërisë në vendet me krim dhe korrupsion më të lartë duke lënë pas dhe Serbinë dhe Malin e Zi.
“Evropa i tha jo Shqipërisë, duke lënë kombin më të vjetër të kontinentit jashtë dyerve të BE-së. Ky është fundi i tranzicionit shqiptar që sot përkon me 22 dhjetorin e themelimit të PD-së që hyri në skenën politike me sloganin “Ta bëjmë Shqipërinë si gjithë Evropa. 22 vite demokratët dhe socialistët rreshtuan Shqipërinë të parën në trafiqe dhe korrupsion dhe të fundit në arritje institucionale. Demokratët dhe socialistët të dështuar në qeverisjen e tyre na lanë pas serbëve, malazezëve dhe populli duhet ti ndëshkojë këta politikanë”,- deklaroi Spahiu në një aktivitet të AK-së me degën e saj në Tiranë.
Spahiu ka akuzuar qeverinë duke sulmuar kryeministrin se në një rast të paprecedentë ka kaluar cdo kufi të borxhit të Shqipërisë.
“Sot Shqipëria ka kaluar cdo kufi të borxhi. As Shqipëria e Hoxhës dhe as e Ramiz Alisë, as e Meksit, Nanos dhe as e Majkos, asnjë qeveri nuk e la shtetin shqiptar në këtë borxhe”, theksoi Spahiu, i cili akuzoi kryeministrin Berisha se ishte ai që solli firmat piramidale dhe sot po rrënon vendin me korrupsion dhe krim.
Aleanca Kuq e Zi bëri thirrje dhe apelon për të mobilizuar të gjithë njerëzit më të mirë, të ndershëm dhe patriot të përgatisë ndryshimin rrënjësor të sistemit në Shqipëri.
(e.m/BalkanWeb)
Përgjigju Duke Cituar
Postuar më parë nga POKO
Krijoni Kontakt