Censusi 2011: Komunitetet fetare nuk pranojne rezultatet e censusit

[Albo]

Konferenca per shtyp e Kryeministrit Berisha, pyetja mbi censusin:

Pyetje: Lidhur me censusin, sa reale janë të dhënat që raportohen nga censusi, duke pasur parasysh që opozita ka hedhur shumë pikëpyetje, qoftë me nivelin e papunësisë në vend?

Kryeministri Berisha: Ky census dëshmon një Shqipëri, të cilën ne e përjetonim, e preknim, por nuk konkludonim dot, pa të dhënat e tij. Çdo vizitor që vinte në Shqipëri, çdo njëri prej nesh, gjeja më mbresëlënëse në këtë vend besoj se kanë qenë shtëpitë e reja. Mua më takon të udhëtoj jo pak dhe asgjë nuk shoh më me kënaqësi se shtëpitë e reja. Shtëpia është prona themelore e njeriut. Shtëpia private është shtylla kryesore e klasës së mesme, - për ata që lexojnë për klasën e mesme. Klasë, e cila përbën faktorin kryesor të zhvillimit dhe stabilitetit të shoqërisë dhe të vendit. Kjo klasë i mungonte Shqipërisë, se Shqipëria ishte proletare ose kooperativiste dhe me një nomenklaturë. Censusi tregon se shqiptarët nga viti 2001-2011 kanë ndërtuar banesa më shumë se të gjitha kombet e tjera europiane, në 30 vite të marra së bashku, përveç lituanezëve që kanë 1 përqind më shumë. Në vitin 2001, shqiptarët kishin banesa për 1000 mijë banorë më pak se çdo komb tjetër në Europë, në vitin 1980. Sot, censusi dëshmon se shqiptarët për 1000 banorë kanë 386 banesa, dëshmon se po të marrësh statistikën e banesave në Europë, lëmë mbrapa jo një, por pesë kombe anëtare të Bashkimit Europian. A ka shqiptarë që të mund të mohojë se gjeja më mbresëlënëse janë banesat e pafundme të ndërtuara. Censusi jep në shifra një realitet, i cili fakton se më shumë se 320 mijë familje shqiptare kanë më shumë se një banesë. Këta një milionë të papunë të Edi Ramës kanë më shumë se një banesë.

Po marr një të dhënë tjetër të censusit. Nga vitet ’50-të deri sot, mbi përqindjen e besimeve fetare në popullatë janë qarkulluar të dhënat e regjistrimit të periudhës së mbretërisë, të cilat janë ato që dihen. Sot 15 përqind e shqiptarëve nuk e tregojnë besimin, 1 përqind janë ateistë. Po a ka ateistë në Shqipëri? Sigurisht që ka, nuk mund ta mohojmë këtë. Secili prej jush po ta hetojnë këtë problem, nuk do të ketë vështirësi ta gjejë, sepse regjimi pati efektin e vet në betejën e egër kundër besimeve. Unë e them me siguri të plotë se besimet e mëdha në Shqipëri i riktheu rinia shqiptare. Në mënyrën më të mrekullueshme, të rinjtë qenë të parët që filluan ritet fetare, si një shenjë qëndrese, një shenjë proteste, por edhe si një shenjë vetëdije. Përse nuk dolën shifrat e 70 viteve më parë, të themi se të dhënat e tanishme nuk janë, kjo nuk qëndron.

Ju ftoj ta lexoni censusin. Ai dëshmon një Shqipëri tjetër. Një Shqipëri që ka ritmet e shkollimit ndër më të lartat. Del dikush e thotë se 15 përqind e fëmijëve shqiptarë janë analfabetë, duhet të jetosh në anën e errët të hënës që të thuash një gjë të tillë. Në radhë të parë, në qoftë se shqiptarët kanë një pasion, ai është shkollimi i fëmijëve të tyre. Ky është pasioni ndër më të rëndësishmit e tyre. Ata janë të gatshëm për të sakrifikuar për shkollimin. Sot kanë rrugë, kanë shkolla të reja. Por kur nga regjistrimi del një numër i papërfillshëm, gjithsej 1700, atëherë regjistrimi duhet hedhur poshtë.

Vdekshmëria amtare është nga më të ulëtat në botë dhe kjo është e certifikuar nga të gjitha institucionet ndërkombëtare. Atëherë ne të themi se e kemi më të lartë? Jo, kjo është një meritë e madhe e aksesit të lirë në sistemin shëndetësor, por edhe e një kulture të qartë në nivel kombëtar, në qëndrimin ndaj shtatzënisë.

Nuk ka census në Shqipëri dhe askund në botë, - ju garantoj për këtë - pa gabime. Për ta mbyllur po ju tregoj diçka. Një opinionit, i shquar negativisht në këtë aspekt, u tha kolegëve të vet: unë nuk jam i regjistruar. Interesohem dhe mësoj se Bushatin e kishte regjistruar e ëma. Vërtet atë nuk e kishin gjetur në shtëpi, por e kishte regjistruar e ëma. A mund ta marrim si etalon Andin [Bushati], kur e regjistroi e ëma.

Kryeministria

[Edvin83]

Unë di me qindra familje që kanë plotësu kutinë 3 te pyetja 40 që ishte mbi fenë. E kutia 3 thotë: Nuk i përkas ndonjë besimi fetar dhe nuk jam besimtar.


Si ka mundsi që t'pafetë kanë dalë vetëm 2 %?

[lato007]

e dime sa besimtar jane shqiptaret.

vetem per festa bojn sikur jan fetar

[Edvin83]

e dime sa besimtar jane shqiptaret.

vetem per festa bojn sikur jan fetar

Epo atëherë si ka mundsi që jobesimtarët kanë dalë vetëm 2.5%?

[juanito02]

Epo atëherë si ka mundsi që jobesimtarët kanë dalë vetëm 2.5%?

Nuk eshte pune besimatersh.
Ata qe kan vajtur shtepi me shtepi kan pyetyr cfare feje ka trungu jot familiar.
Dhe popullsia ka deklaruar sic eshte edhe pse nuk shkon kurre ne kishe e xhami sipas trendit kohes.
Ulurasin kot greket qe dashkemi ta dalim mysliman neve.
Vete organizata nderkombetare myslimane ka bere sondazh ne Shqiperi dhe ju kan dale 2.5% besimtare myslimane qe praktikojne ritet fetare, dmth shume pak veta jan realisht besimtare .
Ata se publikojne kete sepse fshihen pas censusit ani pse shumica nuk duan te dine per xhami e per perce.
Me nje fjale besimtare jan ata qe praktikojne ritet fetare dhe jan shume pak ne Shqiperi ne cdo fe.
Tjeter gje eshte se ju pekasin si histori familiare dhe nuk praktikojne rite.
Palacollakun me te madh e beri beri qeveria ne kete rast sepse vuri fene si pike regjistrimi kur ajo ska pasur historikisht asnje rendesi per ceshtejet kombetare.

[lato007]

Epo atëherë si ka mundsi që jobesimtarët kanë dalë vetëm 2.5%?

kur behen sodazhe te tipit:a ju pelqen grupi Metalica? po thot njoni edhe pse nuk e ka haberi kush jane.

kshu dhe puna e censusit me "fetaret " tane.

ps. mos u merzit shoku se ka dhe me keq

[ilia spiro]

Nga: OLA MITRE


TIRANE- Gjatë plotësimit të formularit të Censusit bënim vetëm pyetjet kryesore që kishin të bënin me emrin, ditëlindjen apo profesionin, ndërkohë që pjesën tjetër e plotësonim vetë”. Ky ka qenë pohimi që ka bërë L.S., një prej anketuesve të Censusit.

Në këtë intervistë dhënë për “Gazeta Shqiptare” ai tregon të gjitha shkeljet, që ka konstatuar nga anketuesit dhe kontrollorët gjatë punës në terren dhe gjatë përpunimit të të dhënave në zyrat qendrore.

Kur filloi trajnimi për Censusin dhe çfarë ju thanë gjatë tij?
Trajnimi filloi dy javët e fundit të shtatorit. Në trajnim na u dhanë udhëzimet se si do të silleshim me qytetarët që do të intervistonim. Na u dhanë manuale. Nga ana e INSTAT, të gjitha udhëzimet ishin korrekte dhe të sakta. Ndërkohë që në praktikë ishte më ndryshe.
Pse ishte ndryshe në praktikë?
Kishte shumë pika që nuk zbatoheshin. Për shembull pyetjet nëse kishte frigorifer, lavatriçe etj., unë si anketues nuk i kam bërë fare.
I plotësoje vetë?
Po, i plotësoja vetë. Bëja vetëm pyetjet më kryesore që ishin: emër, mbiemër, ditëlindja, vendlindja dhe punësimi. Kishte shumë pyetje të tjera, të cilat e bezdisnin qytetarin, sepse formulari ishte voluminoz. Ne si intervistues detyroheshim të mos i bënim shumë pyetje edhe për çështjen e kohës, që të bënim sa më shumë familje në ditë dhe me qëllim që të kishim hapësirën tonë.
Sa ka qenë norma ditore që iu ishte caktuar?
Norma ka qenë 4-5 familje në ditë.
A ke përdorur ndonjëherë laps gjatë anketimit e më pas t’i kesh përpunuar të dhënat në zyrat qendrore?
Unë ditët e para e kam përdorur. Kjo, pasi më duhej të praktikohesha me formularin, por më vonë përdorja vetëm stilolapsin. Mirëpo në zyrat qendrore ku mblidheshim ne dhe kontrollorët shikoja shumë anketues, që edhe në prani të kontrollorëve bënin korrigjime. Dukej shumë qartë që përdornin gomën për të fshirë dhe më vonë i hidhnin të dhënat me stilolaps.
A ishte i ndaluar përdorimi i lapsit?
Po, ishte i ndaluar. Ne na u tha që në trajnim edhe nga kontrollorët, edhe nga supervizorët që do të përdorej vetëm stilolapsi.
Po kur kontrollorët e shikonin që anketuesit i fshinin të dhënat, kundërshtonin?
Jo, asnjë reagim. Madje bëheshin pjesë e fshirjes së të dhënave dhe plotësimit me stilolaps. Kjo, që të bënin sa më shumë formularë në ditë.
Tek pyetja e fesë, çfarë vije re? A kuptohej nga qytetarët?
Në formular ishte pak e ndërlikuar dhe jo të gjithë e kuptonin. Duhej që ta shpjegoje. Kjo pyetje varej shumë nga anketuesi. Duhej që ai t’ia bënte sa më të thjeshtë qytetarit.
Ua rendisje vetë alternativat nëse ai ishte mysliman, ortodoks apo katolik?
Po, ua rendisja vetë, sepse ne duhet ta plotësonim vetë këtë pyetje. Diçka tjetër që më ka bërë përshtypje ishte fakti që në fund të Censusit na u dha urdhër që të regjistronim edhe familjet, të cilat kishin filluar të jetonin me qira pas datës 1 tetor, gjë që binte në kundërshtim me udhëzimin e parë, i cili thoshte se regjistrimet e popullsisë do të bëheshin vetëm për banorët që jetonin me qira në këto shtëpi para 1 tetorit.
Pse u bë kjo sipas jush?
Përshtypja ime është se kjo u bë për shkak të numrit të vogël të popullsisë që ishte regjistruar deri në atë periudhë. Gjithashtu kishte shumë anketues që nuk shkonin fare për të bërë regjistrimin.
(ma.ar/Gazeta Shqiptare/BalkanWeb)

[ilia spiro]

Nga keto deponime del qarte manipulimi skandaloz, kur personi deklaron se ne i caktonim fete vete ,(d.m.th. sipas urdhrave nga lart).

[xhori]

o ilia po pse nxefesh kot per keto gjera, ketu manipolohen votat e jo me ke keto gjepura, dihet qe ne shqiperi shumica eshte ateiste nuk do tja di per fe

[Albo]

Censusi ka provuar te jete nje fiasko totale. Une kujtova se problemet ishin vetem ne perpilimin e formularit e te dhenave, por keta paskan abuzuar edhe me procesin e mbledhjes se te dhenave. Eshte turp por e vertete: shteti shqiptar nuk eshte ne gjendje qe te mbaje nje census te besueshem ne vend. Dhe ajo qe eshte me e keqja eshte qe krijuan nje mishmash te tille me kete census, saq tani i ngeli ne dere qeverise, e nuk di as si te dali nga kjo situate. Eshte e qarte qe numrat nuk jane te besueshme ashtu sic eshte e qarte qe shteti nuk mban dot nje census te ri. Ngelet vetem qe shoqatat e minoritareve ne vend dhe komunitetet fetare, te mbajne censuset e veta me besimtaret e vete ne vend. Dhe jam i bindur qe keta do te bejne nje pune me te mire, se sa vete qeveria shqiptare.

Uroj vetem qe zgjedhjet e ardhshme te mos pesojne fatin e censusit.

Albo