Komunikatë E Levizjes Se Re Demokristiane

[lek-p]

Komunikatë


Lëvizja e Re Demokristiane, mendon se implementimi në praktikë i marrëveshjes së IBM –it do të dëmtoj rëndë sovranitetin e Kosovës si dhe interesat nacionale, por edhe vendosë trajtimin ndryshe të pjesës veriore të Mitrovicës. Askush nuk ka të drejtë te avancoj Serbinë në Kosovë duke ia bërë të mundur edhe lirimin e taksave doganore siç e parasheh marrëveshja për Managjimin e integruar të Kufirit; mallrat që hyjnë në Kosove të mos doganohen në Kufirin Verior me Serbinë, por në terminalin doganor në Mitrovice. Ndërkohë është përmendur mundësia që serbet që jetojnë në veri të jenë të liruar nga taksa doganore.

LRD nuk mendon se duhet te bëjmë kompromise të reja të Kosovës ndaj Serbisë, në dëm të Kosovës duke e ndihmuar dhe dërguar Serbinë ne BE, pos asaj këto veprime do te fusin edhe më thellë Serbinë në Kosovë.

Lëvizja e Re Demokristiane, vlerëson se varfëria po rritet e po përhapet në Kosovë. Varfëria është një kërcenim serioz për qytetarët e Kosovës. Shumë qytetar të Kosovës, në qytete dhe në mjaft fshatra të Kosovës, jetojnë sot në kushtet e një varfërie te tejskajshme. Pastaj pabarazia mes të pasurve dhe të varfërve është bërë shumë më e dukshme. Në anën tjetër, dihet se një grup individësh të veshur me pushtet janë pasuruar e po pasurohen në rrugë të jashtëligjshme nëpërmjet korrupsionit duke shfrytëzuar postet qeveritare në administratën shtetërore. Punësojnë njerëz në administratë pa kriter por duke u bazuar në afersi farefisnore.....! LRD nuk pajton me ketë situatë dhe bën thirrje për ndryshime, kjo po krijon një gjendje të tensionuar e kërcënuese në ndërgjegjen e qytetarëve të Kosovës.

Prishtinë, 6.12.2012

LRD - Zyra për informim publik
Blerina M Leka - zëdhënëse