Presidenti dekreton emerimin e Adriatik Llalla si Prokuror i Pergjithshem

[MaDaBeR]

Llalla, shkon me 76 vota pro në Kuvend

Votimi i Adriatik Llallës në postin e Kryeprokurorit, pavarësisht se do të jetë i fshehtë nuk pritet të ketë më surpriza. Kjo pasi veç votave të vetë mazhorancës (LSI nuk ka ende një vendim zyrtar grupi), tashmë ai ka siguruar mbështetjen edhe të një numri të konsiderueshëm deputetësh që, ose janë në opozitë, ose janë të papozicionuar politikisht. Nga përllogaritjet paraprake të qëndrimeve të shprehura tashmë edhe publikisht, kandidati për Prokuror të Përgjithshëm i ka të sigurta 76 vota. Kjo pasi për të do të votojnë pro nga mazhoranca 69 deputetë, duke përfshirë 67 deputetët e grupit parlamentar të PD-së, Fatmir Mediu i Partisë Republikane, si dhe Shpëtim Idrizi i Partisë për Drejtësi, Integrim dhe Unitet. Ndërkohë që deputetët e Lëvizjes Socialiste për Integrim nuk kanë një vendim grupi, por do të votojnë sipas bindjes së tyre personale. Për këtë arsye deri më tani dihet vota pro e dy deputetëve të LSI-së, Nasip Naço dhe Vangjel Tavo, të cilët dje kanë konfirmuar se do të votojnë pro dekretit të Presidentit. Të dy deputetët e LSI-së kanë bërë të ditur se vota e tyre do jetë pro, për shkak të marrëdhënieve të tyre personale me kandidaturën e Adriatik Llallës. Nuk përjashtohet mundësia që edhe dy deputetët e tjerë të LSI-së, Ilir Meta dhe Lefter Koka të votojnë gjithashtu pro, megjithëse nuk ka një konfirmim për këtë pjesë. Por sikur të mos mjaftonin votat e vetë mazhorancës, Llalla duket se gëzon një simpati të theksuar edhe tek opozita. Plot 4 deputetë opozitarë ose të pavarur kanë vendosur që të japin votën pro tij. Më konkretisht bëhet fjalë për deputetin socialist Tom Doshi, i cili publikisht bëri të ditur se nuk do e respektonte vendimin e grupit të PS-së për të abstenuar, por do të jepte votën pro Llallës. Kjo sipas tij, për shkak se ai kishte votuar pro Llallës edhe kur ky i fundit u zgjodh në krye të ILDKP-së. Veç tij nuk përjashtohet edhe ndonjë rrjedhje tjetër nga socialistët, duke përfituar nga fakti se votimi do të jetë i fshehtë. Por megjithatë, sa i përket votave të deklaruara tashmë publikisht nga opozita, do të votojnë pro emrit të Llallës edhe deputeti Dritan Prifti dhe kreu i PBDNJ-së, Vangjel Dule. Të dy këta deputetë e kanë deklaruar publikisht në media qëndrimin e tyre. Vota e 75-të për Llallën do të jetë ajo e deputetit të pavarur Kastriot Islami, i cili e ka bërë të ditur qëndrimin e tij dje në faqen e vet në Facebook. “Përshëndes votën e Tom Doshës pro kandidaturës së Adriatik Llallës, për të votuar si mazhoranca qeverisëse, si unë, si Dule, si Oketa”, – do të shprehej Islami dje në faqen e tij. Ndërkohë që vota e 76-të është ajo e deputetit të Frymës së Re Demokratike, Gazmend Oketa, i cili pavarësisht se kundërshtoi mënyrën e përfundimit të mandatit të Ina Ramës, është shprehur se do ta votojë emrin e Llallës në parlament. Po t’i shtosh këtyre votave dhe dy votat e Ilir Metës dhe Lefter Kokës (s’do kishte kuptim të votonin kundër kur mazhoranca është siguruar), atëherë Llalla qysh sot ka 78 vota. Ndërkohë që sot Adriatik Llalla do paraqitet para komisionit të Ligjeve në një seancë dëgjimore, ku relator për shqyrtimin e dekretit është caktuar Dashnor Sula.

Mapo

[Mike Oldfield]

Fakti qe na paska dale ene Tom Doshi me votu per ket Llallen nuk me pelqen fare. Ai eshte nje nga organizatoret e 21 Janarit dhe ka pune i pari me krye prokurorin e ri. Por ky kandidati Llalla nuk ma mbush mendjen fare. Uroj qe mos te kaloje ne parlament.

[Mike Oldfield]

isha shume skeptik per prokurorin e ri por ky Llalla sot kishte bo i hap pozitiv, shume dinjitet me arvizun. Jo si ajo tjetra .....

[MaDaBeR]

Nis rrokada në Prokurori, ikin dy të besuarit e Ina Ramës

Leonard Bakillari

Tiranë Dy prej njerëzve më të rëndësishëm në organin e prokurorisë, të konsideruar si bashkëpunëtorë të afërt të ish-prokurores Ina Rama, kanë vendosur të dorëhiqen nga pozicionet e tyre. Sokol Stojani, drejtor në drejtorinë e Hetimit të Krimit në Prokurorinë e Përgjithshme dhe Sokol Malaj, drejtues i Prokurorisë së Tiranës, mësohet se kanë paraqitur dorëheqjen nga detyra që mbajnë, këtë fundjavë. Kërkesa e dorëheqjes ka shkuar në zyrën e Prokurorit të Përgjithshëm, Adriatik Llalla, i cili pritet të japë qëndrimin e tij të hënën e kësaj javë. Sipas burimeve, mësohet se ditën e shtunë ka qenë drejtori i hetimit, Sokol Stojani, i konsideruar si numri dy i akuzës, i cili ka vënë në dijeni Prokurorin e Përgjithshëm për largimin e tij nga kjo detyrë. Më pas, në zyrën e kreut të akuzës ka mbërritur një tjetër kërkesë për dorëheqje. Këtë radhë, ka qenë drejtuesi i Prokurorisë së Tiranës, Sokol Malaj, i cili ka paraqitur dorëheqjen nga detyra që mban prej tre vitesh. Paraprakisht, mësohet se shkak për dorëheqjen e dy prej njerëzve më të rëndësishëm në institucionin e prokurorisë është largimi i ish-eprores së tyre, Ina Rama, e cila i ka promovuar ata në postet e rëndësishme që mbanin. Sipas burimeve, mësohet se motivi zyrtar i dorëheqjes është filozofia e ndryshme e punës që Prokurori i sapozgjedhur në detyrë, Adriatik Llalla, u ka bërë me dije vartësve të tij, në një takim të zhvilluar javën e shkuar. Tashmë dy kërkesat presin miratimin e kryeprokurorit, i cili parimisht ka pranuar dorëheqjen e dy vartësve të tij, ndërsa zyrtarisht pritet të shprehet me vendim këtë të hënë. Dy drejtuesit e dorëhequr të prokurorisë njihen si bashkëpunëtorët më të afërt të ish-kryeprokurores Ina Rama. Sapo mori detyrën e Prokurorit të Përgjithshëm, Rama emëroi Sokol Malajn në krye të Prokurorisë së Vlorës, ndërsa komandoi në Prokurorinë e Përgjithshme prokurorin Sokol Stojani, për hetimin e çështjes “Gërdeci”. Rreth një vit pas ngjarjes së rëndë, kur prokuroria do të përcaktonte pozicionin e secilit prej personave të hetuar, ish-drejtori i Hetimit, Zamir Shtylla, dha dorëheqjen nga kjo detyrë, ndërsa zëvendësimi i tij ishte i menjëhershëm. Mes disa kandidaturave për këtë post të rëndësishëm në akuzën qendrore, ish-kryeprokuroja përzgjodhi Sokol Stojanin, i cili që prej vitit 2009 mban detyrën e drejtorit të Hetimit në Prokurorinë e Përgjithshme. Po në këtë vit, Ina Rama promovon edhe prokurorin Sokol Malaj, i cili transferohet si drejtues i Prokurorisë së Tiranës, e cila konsiderohet si një nga prokuroritë më të rëndësishme, dhe më e madhja në vend. Të njëjtat burime konfirmojnë se pas dy dorëheqjeve të para, lista e bashkëpunëtorëve të Ina Ramës, që kërkojnë të lënë detyrat që mbajnë, pritet të shtohet. Informacionet e para tregojnë se një pjesë e mirë e drejtuesve të prokurorive në rrethe, të përzgjedhur në këto detyra nga ish-kryeprokurorja Ina Rama, pritet gjithashtu të paraqesin dorëheqjen pranë Prokurorit të Përgjithshëm. Të gjitha prokuroritë më të rëndësishme dhe më të mëdha të vendit, aktualisht drejtohen nga prokurorë të cilët janë emëruar nga ish-prokurorja e Përgjithshme. Drejtuesit e Prokurorisë së Krimeve të Rënda, prokurorisë së Durrësit, asaj të Fierit apo Vlorës njihen si të besuarit, apo bashkëpunëtorët e afërt të ish-kryeprokurores, apo stafit të ngushtë që ajo zgjodhi të punonte gjatë mandatit të saj 5-vjeçar.





Paralajmërimi, Llalla: Prokuroria ka nevojë për ndryshime

Në mbledhjen e parë me vartësit, Prokurori i Përgjithshëm ka theksuar se askush nuk është i përjetshëm në pozicionin që ka, duke paralajmëruar reformë rrënjësore në drejtimin e prokurorisë

Tiranë Pak ditë pas marrjes së detyrës, Prokurori i Përgjithshëm, Adriatik Llalla, ka paralajmëruar lëvizje në radhët e akuzës qendrore dhe prokurorive të rretheve, në kuadër të rifreskimit të institucionit. Në një mbledhje të zhvilluar me vartësit, Llalla ka parashtruar objektivat që do të realizohen gjatë mandatit të tij 5-vjeçar, ku prioritet mbetet përmirësimi i punës së prokurorisë dhe lufta ndaj fenomeneve negative brenda institucionit. Në këtë kuadër, Llalla ka kërkuar më shumë kontroll nga drejtorët e Prokurorisë së Përgjithshme, duke u bërë të qartë gjithë drejtuesve në rrethe se prokuroria është institucion i centralizuar. Gjatë fjalës së tij në takimin e parë zyrtar, Prokurori i Përgjithshëm është shprehur qartë dhe prerë, duke thënë se askush nuk është i përjetshëm në pozicione drejtuese. “Përvoja ka dëshmuar se askush nuk është i përjetshëm në pozicione, duke filluar nga Prokurori i Përgjithshëm, duke vijuar te drejtorët e drejtuesit e prokurorive të rretheve”- ka deklaruar Llalla gjatë takimit të parë me drejtuesit e prokurorive në rrethe dhe drejtorët e Prokurorisë së Përgjithshme. Duke paralajmëruar reformë rrënjësore në prokurori, kreu i akuzës ka deklaruar se ky institucion ka nevojë për rifreskim, duke paralajmëruar kështu lëvizje në pozicionet drejtuese. “Mendoj se ka nevojë për një rifreskim dhe veprimet konkrete do të realizohen pasi të jetë diskutuar gjerësisht me të gjitha strukturat, me qëllim rivitalizimin e institucionit të prokurorisë”- ka deklaruar Prokurori i Përgjithshëm. Më tej ai ka kërkuar nga prokurorët angazhimin e të gjithë punonjësve për të forcuar besimin e publikut tek institucioni i Prokurorisë. Llalla ka kërkuar nga drejtuesit e Prokurorisë së Përgjithshme që të impenjohen maksimalisht në drejtim të kontrollit të brendshëm, me qëllim luftën e fenomeneve antiligjore që mund të shfaqen në institucionin e akuzës.

MAPO

[Albo]

Llalla: Politika s’do guxojë t’i afrohet Prokurorisë

rokurori i Përgjithshëm, Adriatik Llalla tha sot se do ta fillojë punën me reformimin e Prokurorisë, pasi sipas tij, aty ka mjaft prokurorë që nuk meritojnë të jenë të tillë, pasi janë vetë shkelës të ligjit.

Ai tha se do t’i largojë këta prokurorë pasi kjo pakicë njollos edhe punën e të tjerëve,dhe kjo do të behët duke hetuar secilin nga zyrat përkatëse.

Gjatë një interviste për Zërin e Amerikës, Llalla tha se politika nuk do të guxojë t’i afrohet Prokurorisë për t’i bërë presion asaj për çështje të caktuara,

“Nisur nga përvoja e mëparshme, e them me bindje të plotë se nëse drejtuesi nuk i afrohet politikës por bën detyrën, politika kam bindjen se nuk i afrohet institucionit”

Llalla tha se ka ardhur në krye të Prokurorisë së Përgjithshme me një vullnet të plotë nga të gjithë aktorët politik, ndaj dhe shprehu bindjen se do ta përmbush me sukses dhe përgjegjësi këtë detyrë.

Prokuroria e Përgjithshme do të ketë që nesër një e-mail në dispozicion, tha kryeprokurori, për të denoncuar të gjitha rasteve abuzive me korrupsionin.

Për çështjet e mëdha, si ajo e Gërdecit, Llalla siguroi se të gjithë do të ndëshkohen në formën që parashikon ligji.

Burimi: Panorama

[Noellag]

Prokuror nuk do ishte ky qe eshte sot por per shkak te LSI nuk pranoi te jepte votat per nje tjeter...

[Mike Oldfield]

Prokuror nuk do ishte ky qe eshte sot por per shkak te LSI nuk pranoi te jepte votat per nje tjeter...

Rastesia ndonjehere ben mrekullira........

[Albo]

Kryeprokurori Llalla nis kontrollin e vartësve nëpër rrethe, shtohen 6 inspektorë të rinj

Numri një i akuzës shqiptare, Adriatik Llalla ka urdhëruar sot nisjen e kontrollit në disa Prokurori të Rretheve. Kontrolli i bazuar në planin e ideuar nga Kryeprokurori Llalla, parashikon verifikimin e realizimit me transparencë të plotë të detyrës nga Prokurorët e rretheve në vend.

Llalla disa herë ka theksuar se prioritet i punës së tij në krye të Prokurorisë së Përgjithshme do të jetë anti-korrupsioni brenda radhëve të organit të akuzës. Mësohet se 6 inspektorë të rinj do i shtohen drejtorisë së inspektimit në Prokurori.

Ndërkohë, dje ai lëshoi alarmin se pasuritë që kanë prejardhje nga krimi i organizuar dhe trafiqet e ndryshme përdoren si ryshfet ndaj hetuesve të ccështjeve në fjalë.

Shqip

[Albo]

Llalla: Paratë e krimit shkojnë në xhepat e zyrtarëve të hetimit

Leonard Bakillari

Tiranë Prokurori i Përgjithshëm, Adriatik Llalla, hodhi për herë të parë dyshimin se paratë e krimit të organizuar përdoren për të korruptuar download (7)strukturat e hetimit, që kanë detyrë të zbardhin asetet kriminale. Në takimin ku u nënshkrua Memorandumi për sekuestrimin e pasurive kriminale, Llalla që prej pak kohësh drejton Prokurorinë e Përgjithshme, iu referua ditëve të para të punës për të konstatuar këtë problematikë. “Paratë e krimit të organizuar dyshohet se përdoren për të korruptuar organet e zbatimit të ligjit”- tha Llalla në fjalën e tij. Sipas tij, kjo është një problematikë e mprehtë që ka hasur në ditët e para si Prokuror i Përgjithshëm, pasi mundësitë për të kryer transaksione me vlerë monetare të konsiderueshme në Shqipëri janë të shumta. Po ashtu vërehet një prirje që personat e përfshirë në aktivitet kriminale synojnë që këto të ardhura t’i përdorin në aktivitete të ligjshme. “Problematikë e mprehtë që po has në ditët e para të detyrës është fakti që pasuri të krijuara në mënyrë të paligjshme ka dyshime se përdoren për të korruptuar organet e zbatimit të ligjit, që ndjekin hetimet për këtë lloj aktiviteti kriminal”- tha Llalla, duke kërkuar bashkëpunimin e të gjitha institucioneve për të luftuar me sukses aktivitetet kriminale. Ndërsa ministri i Drejtësisë, Eduard Halimi, i pranishëm në takim, apeloi për goditjen e krimit në motivin e ekzistencës së tij, pasurinë. “Krimi duhet goditur pikërisht aty ku atij i dhemb më shumë: Në pasurinë e tij. Ne duhet të bëjmë gjithçka për dobësimin e fuqisë ekonomike të organizatave kriminale dhe pengimin e infiltrimit kriminal në ekonominë e ligjshme”- tha Halimi. Sipas tij, në këtë luftë, zgjidhja më e mirë është t’i heqësh krimit të organizuar motivin e ekzistencës së tij, pasurinë. “Subjektet e krimit të organizuar i ngrenë urat e bashkëpunimit shumë më shpejt se qeveritë, duke përbërë një rrezik real për shoqërinë dhe ekonominë. Nuk është kurrë vonë që agjencitë e zbatimit të ligjit të bashkohen për t’iu përgjigjur kësaj forme krimi me të njëjtën ashpërsi si ajo vepron”- tha Halimi. Më i drejtpërdrejtë në fjalën e tij, ambasadori amerikan në Tiranë, Aleksandër Arvizu, tha se kur një qeveri është në gjendje të konfiskojë asetet kriminale, mund t’i kthejë ato në burim të ardhurash për qeverinë. Gjatë fjalës së tij, Arvizu renditi tri arsye themelore që, sipas tij, e bëjnë të rëndësishëm sekuestrimin e aseteve që rrjedhin nga veprimtaria kriminale. “Për arsye të qarta, kriminelët nuk duhet të lejohen të përfitojnë nga krimet e tyre dhe në çdo rast kur kjo ndodh prokurorët, veçanërisht në çështjet e pastrimit të parave dhe krimit të organizuar, duhet të bëjnë të gjitha përpjekjet për të konfiskuar përfitimet e paligjshme të të akuzuarve”- tha Arvizu. Sipas tij, konfiskimi i të ardhurave nga krimi ndihmon të parandalojnë kriminelët në financimin e mëtejshëm të aktiviteteve të paligjshme. Më tej, ai shtoi se kur një Qeveri është në gjendje të sekuestrojë asetet, kjo kthehet në një burim të ardhurash për Qeverinë, të cilat pastaj mund të përdoren për të vazhduar luftën kundër krimit.

MAPO

[Albo]

Wollfarth takim me Prokurorin Llalla: Kujdes me rastet e zyrtarëve të korruptuar


TIRANE- Kryetari i Prezencës së OSBE-së në Shqipëri, Ambasadori Eugen Wollfarth, u takua sot me Prokurorin e Përgjithshëm, Adriatik Llalla. Biseda e përqendrua në luftën kundër krimit të organizuar dhe korrupsionit, si dhe në rolin thelbësor të Prokurorisë së Përgjithshme në forcimin e shtetit të së drejtës.

“Lufta kundër krimit të organizuar, përfshirë krimin ndërkufitar, si edhe kundër korrupsionit, është parësore në sigurimin e stabilitetit në vend, në rajon dhe në nivel global”, tha Wollfarth. “Dhënia e vendimeve të mirëarsyetuara e të përshtatshme, në rastet e korrupsionit të zyrtarëve të lartë, do të ishte një masë pozitive të dëshmuar vendosmëri politike dhe për të kthyer besimin e publikut te gjyqësori”.

Wollfarth e siguroi Llallën se Prezenca e OSBE-së, në kuadër të qëllimit të saj kryesor për të promovuar shtetin e së drejtës, të drejtat e njeriut dhe për të konsoliduar institucionet demokratike, do të vijojë ta mbështesë dhe ndihmojë Prokurorinë e Përgjithshme.

(er.nu/BalkanWeb)