Futbolli shqiptar më i korruptuari, e dyta renditet Italia

[[Asteroid]]

Lideri botëror i monitorimit të kuotave të basteve, ‘Sportradar’ ka dalë në përfundimin se Kategoria Superiore e Shqipërisë është më e korruptuara në Evropë.

Dyshimet për një gjë të tillë kanë qenë gjithnjë dhe akuzat janë të shpeshta për ndeshje të skuadrave tona si brenda ashtu edhe jashtë Shqipërisë. Madje në vitet e fundit ka pasur edhe hetime nga UEFA për disa ndeshje, por tani vjen edhe konfirmimi nga një prej kompanive më të njohura në fushën e basteve.

Studimi nga ‘Sportradar’ përfshin një periudhë prej dy vitesh e gjysmë, duke filluar nga qershori i vitit 2009. Në total janë ekzaminuar plot 143.472 ndeshje nga 596 kampionate të ndryshme. Nga këto 798 ndeshje kanë rezultuar të trukuara, pra vetëm 0,56% e tyre, por plotë 97 prej tyre janë luajtur nga ekipe shqiptare, çka e bënë vendin tonë të renditet në krye të listës.

E dyta renditet Italia, një nga vendet që ka pasur shumë probleme në këto kohë, me 70 ndeshje të trupuara, 20 prej tyre në Serinë A, të tjerat në kategori më të ulëta.

Megjithatë në vendin fqinjë një numër i madh ekipesh janë dënuar kohët e fundit, ndërsa në vendin tonë edhe pse renditemi të parët në këtë drejtim askush nuk e ka vënë ujin në zjarr të dënojë fajtorët.

[Gentian_gr]

Deri sa te ike nga FSHF A Duka ashtu ka per te ngelur.