Halimi: 40 vjet deri burgim përjetë kush vret për gjakmarrje

[Albo]

Halimi: 40 vjet deri burgim përjetë kush vret për gjakmarrje

TIRANE- Ministri i Drejtesise, Eduard Halimi ka deklaruar sot se do te merren masa te ashpra per te nderprere inkurajimin e fenomentit te gjakmarrjes, duke parashikuar denime te renda.
“Une gjykoj se nje person i cili vret duke perdorur institutin e gjakmarrjes nuk duhet te denohet me pak se 40 vjet deri ne burgim te perjetshem. E gjithe shoqeria duhet te reagoje per ta nderprere kete fenomen, por ligji duhet te jete i ashper ndaj atyre qe mendojne ta perdorin kete mekanizem, gjakmarrjen per te vazhduar ritin me trondites ne Europe”- shkruan Halimi ne faqen e tij zyrtare ne FB.
Sipas tij, kjo do te jete paketa me e ashper ndaj krimit urban, ne keto 20 vjet, duke synuar reduktimin e ketyre fenomeneve tronditese.
Shenimi eshte bere ne pergjigje te nje miku te tij ne FB qe e pyeste per zgjidhjen sesi do te mund te votonin ata persona qe ishin te ngujuar per shkak te gjakmarrjes.
“Gjakmarrja, ky fenomen unikal ne Europe, eshte sjellja me absurde ne nje shoqeri te civilizuar. Kam qene gati femije, kur kam lexuar “Prillin e thyer” te Kadarese, dhe jam perlotur por dhe aq tronditur me historine e Gjorgut. Dhe sa te tjere si Gjorgu duhet te jene te perfshire ne historine e nje tradite te pakuptimte dhe ne mungese totalisht te sundimit te ligjit dhe shtetit”- shkruan Halimi.
Sipas tij, historia e lindjes se saj, eshte e lidhur ngushte sa me mungesen e rregullave dhe shtetit dhe ligjit aq me ata qe e inkurajonin ate. Madje nese nuk kryeje gjakmarrjen te gjithe te percmonin, ashtu si Gjorgun, tek i sherbenin kafen nen dore.
“Inkuarajimi i ketij fenomeni makaber edhe nga vete shoqeria, solli nje situate absurde ne kete vend. Tashme eshte koha te presim me gersheret e ligjit kete fenomen, te nderpresim inkurajimin, dhe per me teper te ndershkojme ashper ata qe perdorin institutin e gjakmarrjes per te marre jete te tjera njerezish”- shkruan ai.

Burimi: Panorama

[Albo]

Paketa “Halimi” kundër krimit urban: Jo më pak se 38 vjet burg vrasësit

Leonard Bakillari

Tiranë Sikundër kishte paralajmëruar, ministri i Drejtësisë, Eduart Halimi, prezantoi dje paketën e drejtësisë kriminale, që synon ashpërsimin e eduard-halimimasave të dënimit për një sërë veprash penale, të cilat janë shtuar ndjeshëm kohët e fundit. Në prani të krerëve më të lartë të drejtësisë, përfaqësuesve të misioneve të huaja, si dhe drejtuesve të prokurorive e gjykatave në vend, Halimi prezantoi ndryshimet që pritet t’i bëhen Kodit Penal. Ndryshimet e propozuara përfshijnë 41 nene të Kodit aktual Penal dhe synojnë shtimin e masës së dënimit për një sërë krimesh, si vrasja e punonjësve të policisë, krimi në familje, vrasja për gjakmarrje dhe mbajtja pa leje e armëve luftarake në publik. Paketa e re penale, që sipas ministrit Halimi është më e ashpra në këto 20 vjet, synon të reduktojë dhe, pse jo, të eliminojë këto lloje krimesh nëpërmjet rritjes së masës së dënimit. Këto propozime kanë në bazë një element të rëndësishëm, që mund të konsiderohet si një reformë thelbësore në politikat penale, në rast se këto ndryshime do të miratohen në Parlament. Elementi kryesor që evidentohet në reformë është rritja e minimumit të dënimit me burg për veprat penale të vrasjes. Aktualisht Kodi Penal parashikon dënime nga 20-25 vjet deri në burgim të përjetshëm. Por propozimet e ministrit të Drejtësisë synojnë të vendosin si minimum dënimi masën prej 38 vjet burg për vrasjen e punonjësit të policisë, vrasjen për gjakmarrje, apo krimin në familje. “Ne sot thyejmë traditën e drejtësisë penale, duke sjellë garantimin e vuajtjes së dënimit, me heqjen e së drejtës për lirim para kohe me kusht, për një serë krimesh”- tha Halimi. Dhe në fakt, paketa e re penale synon zbatimin deri në fund të dënimit që jepet nga gjykata, ku për veprat e mësipërme parashikohet minimumi 38 vite burg. “Ne do të kërkojmë garantimin e plotë të dënimit, në mënyrë që kur dikush do të dënohet 40 vjet burg, t’i kryejë ato vite, ditë më ditë, pa pasur mundësi të lirohet as duke paguar avokat, as duke paguar gjyqtarin dhe as duke paguar prokurorin”- tha Halimi. Ministri i Drejtësisë pranoi se kohët e fundit ka pasur rritje të krimeve urbane, që, sipas tij, rrezikojnë sigurinë publike. Pikërisht për zmbrapsjen e këtij krimi është hartuar paketa e Drejtësisë Penale, e cila synon t’u japë përgjigjen e merituar autorëve të krimeve të rënda. Jashtë vëmendjes së paketës së re penale, nuk ka mbetur as krimi i mbajtjes pa leje të armëve luftarake në publik. Për këtë vepër është propozuar dënimi me 10 vjet burg minimumi. “Ai që kapet me armë në publik nuk mund të lirohet, kushdo qoftë ai. Dënimet qesharake për armëmbajtje pa leje, apo përthithja e dënimit kur kryen vrasje, duhet të harrohen. Kjo situatë duhet të marrë fund, në emër të sigurisë së jetës së qytetarëve tanë”- tha Halimi, duke propozuar dënimin me 10 vjet burg për gjithë personat që kapen me armë pa leje në publik. Këto propozime janë mirëpritur nga pjesa më e madhe e të pranishmëve në tryezë, të cilët thanë se një reformë e tillë është e nevojshme për parandalimin e këtyre veprave penale. Kreu i misionit ‘Euralius’, Joaquin Urias, tha se përzgjedhja e fushave që trajtohen me këtë reformë janë në përputhje me shqetësimet kryesore ekzistuese në pjesën më të madhe të vendeve të BE-së. “Dhuna në familje, krimi kompjuterik, veprat penale kundrejt zyrtarëve publikë, mbrojtja e minorenëve dhe të tjera, të gjitha fusha të shqetësimeve ekzistuese në të gjithë territorin e BE-së, në mënyrë që të jetë e mundur të thuhet se kjo është një reformë shumë moderne e Kodit Penal”- tha Urias.

MAPO

[xhori]

tani e tutje nuk do kete me vrasje, njerzit do ken frik qe te bejne 40 vjet burg se deri ne 25 vjet shqiptari nuk kish frike bravo qeveria bravo tani po qe do e zene lepurin me qre

[Antiproanti]

Halimi: 40 vjet deri burgim përjetë kush vret për gjakmarrje

Popullizem paraelektoral...
Gjakmarresit dhe shumica absolute e vrasesve te kesaj kategori nuk mendojne ne asnje moment a denohen me 10, 25 apo 50 vjet burg.

Te vetmit, te cilet ndoshta mendojne ne kete drejtim, jane personat e krimit te organizuar dhe korupsionit, perfshi edhe vete politikanet. Per keta do te duhej te rritej denueshmeria dhe te ashpersohej denimi.