SHBA, BE, KE: Nuk mbështesim ndryshimin e kufijve në Ballkan

[BLEDI_SH]

Berisha me Haradinajn: Do marr që këtë javë vendim për dhënie shtetësie. Nisma ime sjell paqe e stabilitet

Kryeministri Sali Berisha sulmoi mediat në Shqipëri pse e kanë kritikuar për nismën e dhënies së shtetësisë

Kryeministri Sali Berisha priti në një takim kreun e Aleancës për Ardhmërinë e Kosovës, Ramush Haradinaj, i liruar nga akuzat e Tribunalit të Hagës përpara pak ditësh.

Kryeministri Sali Berisha e vlerësoi Haradinajn, ndërsa shtoi se e dinte se akuzat ndaj tij ishin politike. Berisha vlerësoi Gjykatën e Hagës për punën e bërë.

“Kjo vizitë është një ngjarje shumë e rëndësishme në 100-vjetorin e pavarësisë së Shqipërisë. Vizita e Ramush Haradinajt është një ngjarje e veçantë për të gjithë shqiptarët sepse ai si komandant i luftës Çlirimtare të Kosovës ka luajtur një rol themelor me lirinë e shqiptarëve dhe lirinë kombëtare. Dhe duhet të theksojmë se liria kombëtare është vendosur vetëm me lirinë e Kosovës”, tha Berisha.

I pyetur nga mediat, Berisha mbrojti idenë e tij për dhënien e shtetësisë, duke theksuar se ishte habitur që edhe mediat shqiptare e sulmuan për këtë çështje.

“Lexoni dekretin e ish- presidentit Berisha në korrik 1992. Në atë kohë nuk ishte ky reagim,” tha Berisha, duke shtuar se firmosësit e aktit të pavarësisë ishin nga Kosova e Maqedonia

Berisha tha se do të firmosë një vendim për dhënien e shtetësisë për shqiptarët që kanë investuar e paguar taksa në Shqipëri që këtë javë. Kryeministri tha se ndryshe nga sa druhet Brukseli, nisma e tij sjell paqe e stabilitet.

“Në Shqipëri ka një spektër politik. Në këtë spektër PD pati shansin historik për të qenë partia e rivendosjes së lirive dhe të drejtave njerëzore.

Sa u përket qëndrimeve të mia ndaj shtetësisë shqiptare të shqiptarëve kudo që janë, jam i bindur se kontribuoj më shumë në paqen dhe stabilitetin në Ballkan.

Nga ana tjetër këto qëndrime janë adaptuar jo nga një, por disa vende të Bashkimit Europian.

Bullgaria mike u jep shtetësinë atyre qytetarëve që duan të marrin shtetësinë bullgare. Nuk e ka bërë këtë as për pretendime territoriale ndaj Maqedonisë.

Këtë javë miratoj vendimin për tu dhënë shtetësinë në përputhje me ligjin ekzistues për shqiptarët për interesa ekonomike. Ata i kanë paguar taksat, i kanë paguar detyrimet,” tha Berisha.

Edhe Ramush Haradinaj e vlerësoi këtë nismë, duke thënë se e sheh si një zbatim i një të drejte për shqiptarët që janë jashtë kufijve.

Haradinaj tha se janë të nderuar që si parti kanë partnere PD-në në Shqipëri.

[Vinjol]

o njerez te mire mendoni per supet tuaja se puna e politikaneve eshte si puna e K.......
por ne jemi pak popull i trashe ne kte drejtim
bie 1 parti pasi ngopet e hipen tjetra e reja
gjte gjithe kohes qe eshte ne pushtet kjo ha se e ka barkun e madh
nderkohe qe tjetra qe ka rene fut anetare te rinj
e kur serisht vjen ne pushtet ushqen kulishet e saj te rinj
mjere populli...................

[referi_1]

Tani cka do tju thote Sali Berisha atyre familjareve nga Velesi dhe gjetke qe po perjetojne familjaret nen kercenime te vazhdueshme nga komshit e tyre sllave?
Ai po i fryne zjarrit te nacionalzmit me qellim te zgjimit te bishes se eger.

[BlueBaron]

Tani cka do tju thote Sali Berisha atyre familjareve nga Velesi dhe gjetke qe po perjetojne familjaret nen kercenime te vazhdueshme nga komshit e tyre sllave?
Ai po i fryne zjarrit te nacionalzmit me qellim te zgjimit te bishes se eger.

Te ishte per tipa si ty, Kosova do ishte akoma duke fjet oçe-oçe me Serbine ...

[Edvin83]

“Nacionalizmi” i Berishës është antishqiptarizëm
Publikuar më 12.12.2012 | 15:42

Nga Av. Idajet Beqiri
Në datën 12 shtator 1991 Partia e Unitetit Kombëtar të Shqipërisë dhe Partia e Unitetit Kombëtar të Kosovës ndërmorën një nismë të rëndësishme politiko-kombëtare, hartimin e një Platforme për Bashkimin Kombëtar dhe miratimin e saj në një Kuvend Mbarëkombëtar, i cili do të zhvillohej në Tiranë në 28 nëntor 1991. Ideja ishte që truri intelektual i kombit, andej dhe këndej kufirit, si dhe në diasporë, pasi të hartonin në detaje ekzistencën e çështjes së pazgjidhur kombëtare shqiptare, historinë e saj, strategjinë dhe taktikat e veprimit haps pas hapi, deri në përmbushjen e misionit të bashkimit të shqiptarëve dhe trojeve të tyre në Ballkan, në një shtet të vetëm kombëtar shqiptar, me kryeqytet Tiranën, përmes një përfaqësimi të nivelit të lartë akademik, intelektual, politik dhe kombëtar, ta miratonim këtë platformë në Kuvend si dhe të krijonim strukturat udhëheqëse vepruese, deri në përmbushjen e këtij misioni historik. Në datat 16, 17 dhe 18 shtator 1991, unë, si kryetar i PUK si dhe Prof.Dr. Bahri Brisku, si Nënkryetar i PUK të Kosovës, këtë nismë e bëmë prezente tek ish-Presidenti i Republikës Ramiz Alia, tek ish-Kryetari i Parlamentit Kastriot Islami, ish-kryeministri i Shqipërisë Ylli Bufi, ish- kryetari i Partisë Republikane Sabri Godo, kryetari i PSD-së Skënder Gjinushi, ish-kryetari i Partisë Agrare, Mëno Gjoleka, ish-kryetari i Grupit Parlamentar të PD-së Arben Imami, ish-kryetari i Grupit Parlamentar të PS-së Spiro Dede, ish-kryetari i Akademisë së Shkencave Aleks Buda, ish-nënkryetarin i Kuvendit të Kosovës Ilijaz Ramaili, te kryetarët e Sindikatave të Shqipërisë, Kastriot Muço dhe Valer Xheka, te ish Kryetari i Forumit të Rinisë Shqiptare Luan Bregasi, te Shoqatat Atdhetare “Kosova” dhe “Çamëria”, etj, etj. Këto ishin institucionet më të rëndësishme të shtetit, të politikës dhe të shoqërisë në Shqipërinë, por edhe në Kosovën e vitit 1991. Kjo nismë u përkrah pa asnjë rezervë prej të gjithë të lartpërmendurve. Për të garantuar suksesin e kësaj nisme, ftuam, bashkëbiseduam dhe ju afruam të bëheshin bashkautorë dhe bashkë iniciatorë të hartimit të kësaj Platforme, njerëzit më me autoritet intelektual, politik dhe kombëtar të kohës në të gjitha hapësirat shqiptare, nga trojet tona etnike në Ballkan, deri në Diasporën shqiptare e cila ndodhej në të gjitha kontinentet, si Prof. Martin Camaj në Gjermani, Akademik Rexhep Qosja, Prof. Arshi Pipa, At Artur Liolini dhe Prof. Isuf Luzaj në SHBA, Prof. At Antonio Belushi dhe Nermin Vlora në Itali, Prof. Anton Çeta, Prof. Aristidh Kola në Greqi, Magjister Ukshin Hoti, politologun Mahmut Bakalli, Prof. Hajrullah Gorani (Kryetar i Sindikatave në Kosovë), Adem Demaçi. Prof. Fehmi Agani, Prof. Agim Vinca, ish-Kryetarin e Partisë Parlamentare të Kosovës, Veton Surroj, Prof. Eqerem Hoxha (Çam) në Australi, Prof. Teki Tartari, Prof. Rexhep Mejdani, Prof. Moikom Zeqo, Prof. Nasho Jorgaqi etj.etj ( Ju kërkojë falje nismëtarëve të tjerë, por për arsye se lista është tepër e gjatë, nuk mundem t’i përmënd të gjithë).
Të gjithë sa përmenda më sipër, jo vetëm që e vlerësuan këtë nismë si brilante e në kohën e duhur, por u angazhuan maksimalisht dhe me një entuziazëm të paparë, duke dërguar mendimet, vlerësimet, rrugët nga duhej ecur, mjetet që duhet të përdornim, etapat, nga cila pjesë e pazgjidhur e problemit kombëtar duhet t’ia nisnim dhe me kë duhet ta përfundonim të gjithë procesin e bashkimit kombëtar. Pikërisht kur të gjitha gjërat i kishim bërë gati, kur kishim caktuar edhe delegatët nga të gjitha trevat shqiptare dhe diaspora, kur të largëtit e kontinenteve të tjera kishin rezervuar edhe biletat e avionit për të udhëtuar në Tiranë, kur kishim hedhur me shkrim dhe në faqet e shtypit projekt-Platformën Kombëtare që do të diskutohej në Kuvendin e 28 nëntorit 1991, kur kishim caktuar edhe emrat e personaliteteve të larta kombëtare dhe intelektuale që do t’a udhëhiqnin Kuvendin dhe gjithë këtë proces të rëndësishëm, kreu i opozitës së atëhershme, Sali Berisha, e sabotoi. Me një mllef të patreguar e nëmi aq shumë këtë akt të rëndësishëm kombëtar, sa më mirë nuk do ta bënte as ish-Presidenti i Serbisë Sllobodan Millosheviçi! Cili ishte shkaku që Berisha u bë “xhind” dhe nuk la gurë pa lëvizur, sa u bë edhe armik edhe me vet njerëzit e tij brenda PD-së, që kishin dhënë pëlqimin për zhvillimin e këtij procesi të rëndësishëm kombëtar? Berisha vuante prej sëmundjes së rëndë të ardhjes në pushtet me çdo mënyrë e mjet, por edhe një orë e më parë. Ne, që ishim shumë pranë tij në atë kohë, kemi parë me sytë tanë se si ai u shpërfytyrua kur humbi zgjedhjet në 31 mars 1991. Humbi se besoi verbërisht se shqiptarët do t’i jepnin atij pushtetin për 3 muaj që ishte në opozitë, në një kohë që me demokracinë që lindi në dhjetor 1991, e trembi dhe e vrau ende pa lindur, me nxitjen që u bënte akteve dhe veprimeve fashistoide në këtë vend. Me ndihmën e agjenturës serbe të Beogradit, por edhe të agjentëve të shumtë serbë, të cilët në atë kohë, dhe sot gjithashtu, ishin ulur këmbëkryq në Tiranë, për të shpejtuar ardhjen në pushtet të Berishës, u vu në zbatim skenari ogurzi që solli 2 prillin me vrasjen e 4 djemve të shkëlqyer të Shkodrës, njëri prej të cilëve, Arben Broci, ishte një prej themeluesve të PD-së. Pas kësaj ngjarje tragjike Berisha fitoi njëherazi bërjen e zgjedhjeve të parakohshme në 22 mars 1992, si dhe krijimin e një qeverie stabiliteti, ku gjysmën e portofoleve i mori PD-ja e tij. Berisha e sabotoi aktin madhor të miratimit të Platformës Kombëtare të Bashkimit dhe ngritjen e strukturave që do e udhëhiqnin këtë proces, sepse sipas konceptimit tonë të atëhershëm, ai vuri në rendin e parë paranojën e tij për të ardhur domosdoshmërisht në pushtet. Këtë akt madhor kombëtar ai e konsideroi si pengesën kryesore, sepse ndryshohej katërcipërisht strategjia e tij e veprimit për të ardhur në pushtet. Miratimi i Platformës së Bashkimit Kombëtar në Kuvendin Mbarëkombëtar, zgjedhja e një Komiteti Kombëtar, i tipit të atij të Lidhjes së Prizrenit, jo vetëm që e paqësonte kombin dhe popullin, por mbi të gjitha i orientonte energjitë e shqiptarëve drejt zgjidhjes së çështjes kombëtare, e shpëtonte Shqipërinë dhe pasuritë e saj të mëdha kombëtare nga grabitjet dhe zjarri që i vinin çdo ditë “andartët” e Berishës, në emër “të luftës kundër komunizmit”, e anëtarësonin Shqipërinë në Bashkimin Evropian, si një shtet-komb i vetëm i bashkuar. Berisha në deklaratat që dha gjatë muajit nëntor 1991, në letrat që u dërgoi dhe në bisedat telefonike me disa prej forcave politike dhe intelektualëve iniciatorë, u bëri presionin e hapur se “Nëse ju vini në këtë Kuvend dhe miratoni këtë Platformë Kombëtare të Bashkimit, PD-ja nuk vjen në pushtet në marsin e 1992, dhe sistemit komunist i zgjatet jeta!”. Prej kësaj propagande të tij të shfrenuar, prej fjalorit të tij të rrugës, kundër bashkimit kombëtar dhe kundër forcave politike dhe intelektuale që morën nismën dhe po e udhëhiqnin këtë proces, shumë intelektualë antikomunistë u trembën dhe u tërhoqën. U tërhoq edhe LDK-ja e Rugovës, e cila më parë kishte dhënë pëlqimin e saj përmes nënkryetarit Prof.dr. Fehmi Agani. Dhe 28 nëntori 1991, i konceptuar si një nëntor i tretë në historinë tonë kombëtare, nuk u bë. Me ardhjen e Berishës në pushtet në 22 mars 1992 ideja e bashkimit kombëtar, forcat politike, intelektuale dhe atdhetare prej të gjitha hapësirave shqiptare, që punonin fort dhe mirë në këtë drejtim, u persekutuan, u burgosën, u zhdukën, u keqtrajtuan në mënyrën më mizore, u ndoqën nga pas dhe nuk lejoheshin të merrnin fryme prej SHIK-ut të Gazidedes, i cili u bë me plotë kuptimin e fjalës, shumë më keq se UDB-ja e Serbisë në Tiranë. Në këtë kuadër dhe në këtë kohë u burgos në Shqipëri, në Burgun 313, heroi kombëtar Adem Jashari, u burgos gjithashtu heroi Zahir Pajaziti, u burgosën, u vranë dhe u zhdukën veprimtarët si Ismet Kryeziu, Remzi Hoxha, etj. Veprimtari i shquar Mentor Kaçi ju dorëzua serbëve në kufi prej shikasve të Berishës, të cilët e burgosën atë në Burgun e Prizrenit. Halil Alidemën, ish-kryetarin e UNIKOMB-it të Kosovës, po ky Sali Berisha, pasi e “trodhi” keqas, duke mos e lejuar të vepronte me kuadrot dhe ushtrinë e tij çlirimtare që përgatiste në Tiranë e Elbasan, e katandisi si mos më keq dhe e detyroi të shiste banane në rrugët e Tiranës. Në Prishtinë arrestuan anëtarin e Kryesisë së Partisë së Unitetit Kombëtar të Kosovës, regjisorin e talentuar Ekrem Kryeziu, së bashku me disa anëtarë të tjerë të Kryesisë. E të tjera. E të tjera. Armiku kryesor i pengimit të zgjidhjes së çështjes kombëtare shqiptare në vitet 1992-1997, kur të gjithë popujt e tjerë në ish-Jugosllavi e më tej ishin zgjuar, ishte vetëm një njeri, ish- Presidenti i Shqipërisë Sali Berisha. Ai e ndoqi aq egërsisht lëvizjen për bashkim kombëtar, sa të gjitha veprimtaritë e rëndësishme historike të asaj kohe, të cilat çuan në hartimin e Platformës Kombëtare Për Bashkimin e Shqiptarëve, si Tetova “1”, Tetova “2”, Mbledhja Parakuvendore e Tiranës, Kuvendi Kombëtar i Diasporë (i zhvilluar në Bruksel), Kuvendi i Intelektualëve Shqiptarë në Stamboll, përgatitja ushtarake e dhjetëra e dhjetëra vajzave dhe djemve shqiptarë që vinin nga trojet etnike në bazat ushtarake të sajuara nga ushtarakë të lartë atdhetarë shqiptar, si në Uzinën e Autotraktorëve dhe në Labinot të Elbasanit, si fillesa e UÇK-së etj, etj, janë bërë në kushtet e një ilegaliteti të plotë, larg syve dhe veshëve të Berishës. Berisha kur siguronte ndonjë informacion nga SHIK-u i tij, nuk “i kurseu” veprimtarët e kësaj Lëvizje, por i denoncoi tek serbët, i dëboi nga Shqipëria, apo i burgosi pa mëshirë këtu në Tiranë. Nuk mund të më shlyhet kurrë nga kujtesa çasti kur veprimtari i shquar politik i Kosovës Mahmut Bakalli, në 29 mars 1993, më dërgoi dhëndrin e tij 30 minuta para fillimit të punimeve të Mbledhjes Parakuvendore, që e zhvillonim në Pallatin e Kongreseve në Tiranë, ku ishin pjesëmarrës 53 parti politike, dhe një numër i konsiderueshëm akademikësh, profesorësh, intelektualësh dhe atdhetarësh të shquar nga të gjitha trevat shqiptare dhe diaspora, dhe më nxori nga salla ku pritej të fillonte kjo veprimtari. “Të kërkon Mahmuti,- më tha.” E gjeta Mahmut Bakallin te lulishtja, ngjitur me ish-Vilën e Mehmet Shehut. Ishte bërë dyll i verdhë në fytyrë.
“Idajet”, -më tha. “Sapo dola nga Zyra e Berishës. Më dha ultimatumin që të lë urgjentisht Shqipërinë dhe të largohem për në Kosovë. Ndryshe, më tha, ‘po more pjesë në këtë Kuvend për hartimin e platformës së bashkimit kombëtar shqiptar, do pësosh ndëshkimin më të rëndë këtu dhe në Kosovë” Ndaj po të lë mendimet e mija me shkrim që kam përgatitur për Platformën, dhe në emrin tim, lexojë ti në këtë Kuvend... Gjeje mënyrën t’i sqarosh edhe shokët!”
E mora diskutimin e tij, dhe pasi u sigurova që dhëndri i tij, i cili në atë kohë jetonte në Tiranë, i kishte marrë të gjitha masat për ta kaluar pa probleme në kufi, u ktheva në Kuvend. Kur filloi Mbledhja i sqarova të pranishmit për këtë ngjarje dhe e lexova punimin e tij kontributiv për hartimin e Platformës së Bashkimit të Shqiptarëve. Ajo është e botuar edhe në gazetën “Kombi”. Platforma Kombëtare, e cila u konkretizua plotësisht në Kuvendin e Intelektualëve shqiptarë që u zhvillua në Stamboll, ku ishin të pranishëm e gjithë ajka dhe truri i kombit tonë, shumë shpejtë u përpunua dhe u bë më shkencore prej Akademisë së Shkencave të Shqipërisë. E më pas, fryma e kësaj Platforme ishte baza, frymëzimi dhe kurajua që në Preambulën e Kushtetutës së Shqipërisë u përfshi me germa të arta se “Ne, Populli i Shqipërisë, krenarë dhe të vetëdijshëm për historinë tonë, me përgjegjësi për të ardhmen, me besim te Zoti dhe...me aspiratën shekullore të popullit shqiptar për identitetin dhe bashkimin kombëtar...”. Ashtu sikurse u përfshi edhe neni 8 i saj se “Republika e Shqipërisë mbron të drejtat kombëtare të popullit shqiptar që jeton jashtë kufijve të saj.” Për plot 22 vjet është pikërisht Berisha personi që ka punuar haptazi kundër Bashkimit Kombëtar të Shqiptarëve dhe në interes të Serbisë. Kam parasysh këtu zgjedhjet problematike të majit 1996, burgosjet politike që u bëri opozitarëve të tij, ngjarjet e vitit 1997, të cilat kishin si shkak dëshirën e sëmurë të Berishës për të qenë përjetësisht në pushtet. Me këtë rast shqiptarët përjetuan një luftë civile me një gjakderdhje të madhe, por që solli edhe rënien e shtetit dhe njollosjen famëkeqe të imazhit të Shqipërisë kudo në botë. Kam parasysh faktin që kur Serbia ishte në embargo, edhe pse vriste dhe gjenocidonte boshnjakët si dhe shqiptarët e Kosovës, Berisha i furnizonte agresorët serbë me karburante dhe ushqime, duke i bërë sfidë embargos së vendosur nga komuniteti ndërkombëtar. Kam parasysh faktin që po ky Berishë, jo vetëm që e burgosi, e keqtrajtoi dhe u përpoq ta izolonte tërësisht fillesën e përgatitjes ushtarake të atyre që do të bëheshin pas pak vitesh ushtarë dhe komandant të UÇK-së, por kur kjo ushtri doli në dritë si e vetmja shpresë për pavarësimin e Kosovës, e “nëmi” me mallkime këtë formacion, duke e konsideruar atë si “pjellë të Beogradit”! Kam parasysh edhe të gjitha “bëmat” e tij të keqqeverisjes dhe të keqmenaxhimit të institucioneve, të cilat e kanë dobësuar dhe e kanë diskredituar aq shumë, aq rëndë dhe aq thellë shtetin shqiptar, sa jemi bërë “delja më e zezë e Botës”, me varfëri të tejskajshme, me institucione të paafta, të kalbura dhe jo serioze, me korrupsion marramendës, me lulëzimin e një kriminaliteti, i cili po e shuan këtë popull, më keq se çka përjetuar në Luftën e Dytë Botërore etj. Kam parasysh gjithashtu komeditë groteske dhe përrallat e fundit “nacionaliste” të Berishës, të cilat në thelbin e tyre, në kohën që bëhen, dhe në kontekstin se përse bëhen, janë një antishqiptarizëm i hapur dhe i pamëshirshëm. “Nacionalizmi” i vonuar i Berishës, ashtu si 22 vjet me radhë, ka si motiv dy gjëra, nga njëra anë qëndrojnë interesat e tij për të qëndruar përherë në pushtet. Dhe këtë “nacionalizëm” e përdor si “veshje” për sytë e faktorit ndërkombëtar, kur t’u vjedhë shqiptarëve mandatin e tretë në 23 qershor 2013. Qëllimi i dytë ku synon arrijë Berisha, ka lidhje me sabotimin e radhës që ai kërkon t’i bëjë zgjidhjes së çështjes kombëtare. Tashmë që problemi ynë kombëtare ka përparuar kaq shumë, sa afro 2/3 e përbërësit të saj janë zgjidhur, në këtë moment kur Shqipëria ka siguruar aleatë tepër të fuqishëm ndërkombëtarë, sikurse janë SHBA etj., të cilët e kanë hapur derën e bashkimit kombëtar të shqiptarëve dhe të trojeve të tyre etnike, në një shtet të vetëm kombëtar, kërkon të pengojë me çdo mjet. Teza famëkeqe e Berishës për “dhënien e shtetësisë shqiptare gjithë bashkëkombësve tanë në trojet etnike”, apo teza e tij e “bashkimit si komb në BE”, krijojnë një pështjellim kaq të rëndë brenda nesh, por mbi të gjitha midis nesh dhe faktorit ndërkombëtar, sa i saboton arritjet e deri tanishme si dhe e largon këtë proces së paku edhe 20 vjet të tjera.
Në vend që t’u bëjmë thirrje të gjithë shqiptarëve atdhetarë që kanë braktisur ose që kanë shitur pasuritë e tyre të paluajtshme në trojet etnike shqiptare, të cilat ndodhen jashtë dy shteteve tona shqiptare në Ballkan, që të rikthehen nga mërgimi dhe t’i bëjnë kudo trojet tona të flasin kudo shqip, si më parë, teza e Berishës, e cila vërtetë është elektorale dhe nuk do të zbatohet kurrë, përsëri u “ngre mendjen” shqiptarëve të braktisin trojet etnike. Ka plot shqiptarë, të cilët nuk e durojnë dot diskriminimin dhe shkeljet e të drejtave të njeriut që u bëhen në Serbi, në Malin e Zi dhe në Maqedoni. Në se ata i gënjen më gjoja “dhënien e shtetësisë shqiptare”, do të linin shtetësinë aty ku janë në trojet e tyre, dhe do të dyndeshin në Shqipëri, në “Bathoret e reja” a në Bregdet, duke e bërë kombin e bashkuar shqiptar vetëm në këto 28 mijë km2 të shtetit shqiptar, nga 84 mijë km2 që kemi qenë!
Politika të tilla na kanë larguar nga përtej “Mollës së Kuqe” më thellë Nishit, ku ishim, dhe na kanë humbur tashmë Pazarin e Ri, Senicën, Rozhajën, Plavën, Gucinë, Tuzin, Ulqinin, Podgoricën, Tivarin, Vraninën dhe treva të tjera shqiptare në Malin e Zi, humbëm Medvegjën e Bujanocin, humbëm Manastirin tonë të shenjtë dhe të shtrenjtë, Ohrin, Shën Naumin, Kërçovën, Prilepin, një pjesë të mirë të Shkupit etj në Maqedoni, për të mos folur për trojet tona nën Greqi. Duke bërë “ekstremistin” kreu i qeverisë, ata që mbajnë padrejtësisht të okupuara trojet tona etnike gjejnë “armë” legale për të na sulmuar para faktorit ndërkombëtar, duka na konsideruar ne, shqiptarëve “shovinistë”, dhe duke e fshehur kështu shovinizmin e tyre. Nga ana tjetër, “nacionalisti” i vonuar Berisha, i bënë aleatët tanë të fuqishëm ndërkombëtar, përkrahës dhe nxitës të ribashkimit tonë, të frenohen dhe të tërhiqen, duke e vonuar këtë proces dialektik të realizimit të aspiratës sonë kombëtare.
Berisha nga etja për një mandat të tretë, me “nacionalizmin” e tij kërkon t’u imponohet BE, si njeriu që ka në dorë “Barutin e Ballkanit”! Me këtë “kartë” ai kërkon të ndihmohet prej Evropës, e cila prej gjoja «frikës» nga destabiliteti që mund të krijojë ky njeri me “idetë e tij nacionaliste”, të « lëshojnë pe», t’i hapi rrugën integrimit të pamerituar të Shqipërisë në BE, me qëllim që këtë “arritje” t’a përdori Berisha si « kapital » politik, për të justifikuar para botës vjedhjen e radhës të zgjedhjeve parlamentare të 23 qershorit 2013.
Berisha kërkon gjithashtu të paralizojë veprimet aktive të forcave politiko-kombëtare dhe intelektuale të cilat janë të përcaktuara dhe që kanë vepruar dhe vazhdojnë të veprojnë për zgjidhjen e çështjes kombëtare. Ai kërkon t’i vërë në gjumë shqiptarët me atë se gjoja tash e mbrapa, me bashkimin kombëtar, do merret Qeveria!
Koncepti i Berishës se «shqiptarët do bashkohen në Evropën e Bashkuar si komb», është në thelbin e vet kundërshqiptar. Ky «nacionalizëm» i Berishës do të thotë që të gjitha vendet e rajonit, ku shqiptarët janë banorë etnik në trojet e tyre, jashtë kufijve shtetëror të Shqipërisë, të hyjnë në BE duke i patur ata brenda territorit të vet edhe trojet tona etnike, edhe shqiptarët. Pra sipas kësaj teze Berisha është i interesuar të futet në BE Serbia, Maqedonia dhe Mali i Zi, me gjithë trevat shqiptare brenda këtyre shteteve, të hyjë edhe Kosova e Shqipëria, e kështu, ne shqiptarët, jemi të gjithë të bashkuar në BE!
Në se nesër BE prishet, siç u prishën Perandoritë Romake, Bizantine, Otomane, Austro-Hungareze, shqiptarët dhe trojet e tyre etnike do t’a fusin përsëri kokën e tyre në 6 shtete të ndryshme!
Padrejtësia historike që u është bërë shqiptarëve në Kongresin e Berlinit, në 1878 dhe në Konferencën e Ambasadorëve në Londër, në 1913, nuk mund të zgjidhet me një konceptim të till për zgjidhjes e çështjes kombëtare. Shqiptarët në Kosovë, në Shqipëri, në Malin e Zi, në Maqedoni dhe në Preshevë, Bujanoc e Medvegj, me të gjitha strukturat e tyre politike, shtetërore, intelektuale, diplomatike, kanë punuar, punojnë dhe do të punojnë me përkushtim që të fuqizojnë e përparojnë shtetet që kanë, ekonomitë dhe financat, duhet të gjejnë mekanizmat veprues për të ripopulluar trevat tona të zbrazura nga shqiptarët, dhe çdo ditë, hap pas hapi, të bashkohen në një shtet të vetëm kombëtar shqiptar, me të gjitha trojet etnike dhe popullin që jeton në to brenda këtij shteti. E pikërisht, pasi të jetë realizuar ky objektiv madhor, pasi shqiptarët të jenë bashkuar me vetveten në një shtet të vetëm kombëtar në Ballkan, pas kësaj të luftojmë të arrijmë objektivin e dytë madhor historik, integrimin e këtij shteti të vetëm kombëtar shqiptar, në BE, me të gjitha trojet etnike dhe shqiptarët brenda tij. Çdo koncept tjetër për bashkimin kombëtar shqiptar, kujtdo mund t’i shërbej, por interesave kombëtare shqiptare nuk u shërben.

[Akili-A]

TIRANË- Gjatë punimeve të konferencës mbi sigurinë në Ballkan, ambasadori i Shteteve të Bashkuara të Amerikës ka bërë thirrje që politika shqiptare të frenohet nga deklarimet nacionaliste, pasi ato prishin ekuilibrin e marrëdhënieve me fqinjët dhe nxisin tensionet ndëretnike.

“Kjo konferencë e duhur vjen vetëm pak javë pasi Shqipëria festoi 100 vjetorin e Pavarësisë. Ky rast shumë i rëndësishëm shërbeu si një mundësi për të kthyer vështrimin pas në shekullin e fundit të ndryshimit siç u përjetua nga Shqipëria – dhe për t’u përsiatur mbi drejtimin e saj në të ardhmen", tha Arvizu në nisje.

Ai ka nënvizuar se, "Disa aktorë shqetësues ose veprime të pavenda të ndërmarra për përfitim afatshkurtër politik, mund të çrregullojnë rajonin dhe të trazojnë tensione etnike ose fetare mes kufijve. Rishtazi, Shtetet e Bashkuara kanë vënë re një rritje të pavend në reteorikën nacionaliste këtu në Shqipëri, veçanërisht në javët që çuan drejt festimeve të 100 vjetorit dhe pasuan më tej. Kjo reteorikë kontraston dukshëm me rolin e përgjithshëm pozitiv që Shqipëria ka luajtur tradicionalisht në rajon, sidomos me popullsinë etnike shqiptare. Qeveria e Republikës së Shqipërisë dhe partitë politike, përfshirë opozitën kanë lëshuar në përgjithësi mesazhe të qarta, të përgjegjshme duke i inkurajuar popullsitë etnike-shqiptare që jetojnë jashtë vendit, të punojnë së bashku me qeveritë e tyre për të zgjidhur problemet e tyre"

Kreu i diplomacisë amerikane la të nënkuptohet se, deklaratat e bëra nga kryeministri Berisha në kuadër të 100-vjetorit të Pavarësisë kanë më tepër qëllime politike.

"Retorika dhe veprimet nacionaliste, përveçse mund të destabilizojnë potencialisht rajonin, e dëmtojnë reputacionin e Shqipërisë. Për shkak të deklaratave dhe pohimeve të ndryshme të debatueshme, të bëra në prag të festimeve të 100 vjetorit, dy vende fqinje anulluan pjesëmarrjen e tyre në këtë ngjarje historike. Kjo mund të duket si një pasojë e vogël, për disa ndoshta si ato shënimet në fund të faqes, por është diçka që frenon marrëdhëniet, pengon komunikimin dhe bashkëpunimin dhe bën që zgjidhja e çështjeve të pazgjidhura të bëhet shumë më e vështirë. Dhe ne, Shtetet e Bashkuara, i kushtojmë vëmendje kësaj", tha ai.

Ambasadori Arvizu tha ndër të tjera se thirrjet e Aleancës Kuq e Zi për referendum për bashkimin e Shqipërisë dhe Kosovës nuk bëjnë gjë tjetër vecëse minojnë stabilitetin rajonal dhe frenojnë aspiratat integruese të Shqipërisë. Sipas tij SHBA, nuk mirëpret ndryshimin e kufijve në Ballkan.

“Aktorë politikë të ndryshëm në Shqipëri kanë kërkuar të përdorin mesazhe negative të fokusuar në etnicitet, për qëllime të ngushta politike. Kjo është një lojë e rrezikshme. Tensionet etnike nëse zgjohen njëherë janë të vështira, në mos të pamundura për tu parashikuar ose kontrolluar. Është e domosdoshme që përsonat përgjegjës të përmbahen nga ndezja e ndjenjave etnike, si brenda ashtu edhe jashtë Shqipërisë. Thirrja e fundit nga Aleanca Kuq e Zi për referendumin për bashkimin Shqipëri-Kosovë nuk i shërben as aspiratave të integrimit euroatlantik të vendit, si dhe minon përparimin e arritur për stabilitetin dhe paqen rajonale”, tha Arvizu.

SHBA-të, sic nënvizoi Arvizu nuk mbështesin ndryshimin e kufijve në Ballkan. Përpjekjet për të bërë të kundërtën sjellin destabilitet, shtoi ai.
“Më lejoni të jem i qartë si kristali, Shtetet e Bashkuara të Amerikës nuk e mbështesin ndryshimin e kufijve kombëtarë në rajonin e Ballkanit, cdo përpjekje për ta bërë këtë është kundërproduktive destabilizuese. Partitë politike dhe drejtuesit e tyre duhet të përqendrohen tek ato që ata thonë se është e rëndësishme, integrimi euroatlantik. Fjala për një Shqipëri të madhe të rreme është një shpërqendrim nga problemet shumë reale me të cilat përballet Shqipëria sot dhe votuesit nuk duhet të bien pre e kësaj. Nxisim drejtuesit e saj që të qartë në këtë element, zgjedhjet nuk duhet të jenë një justifikim për të përcjellë mesazhe të përziera. Gjithashtu kërkojmë që politikanët dhe drejtuesit politikë nga i gjithë spektri të ripërtërijnë përkushtimin e tyre për të përcjellë mesazhe të përgjegjshme ndaj gjirthë shqiptarëve. Historia e kohëve të fundit tregon se nacionalizmi është ende një forcë e fuqishme në Ballkan”, tha ai më tej.

“Vendet e rajonit kanë bërë përpjekje për të anashkaluar të shkuarën, nacionalizmi nuk duhet t’i prishë marrëdhëniet mes këtyre vendeve”, tha ai ndër të tjera./BalkanWeb

[Albo]

Ambasadori amerikan ben mire qe ua ben keto gjera te qarta politikes shqiptare dhe tellalleve te paguar ne Tirane qe i kane hyre politikes, por problemi eshte se keta jane njerez kokemushka, nuk kuptojne me fjale, kuptojne vetem me dru. Ambasadori duhet t'iu nxjerri ndonje nga sekretet qe amerikanet kane mbledhur mbi pislleqet e tyre ne Shqiperi ne faqet e gazetave dhe televizioneve, dhe pastaj e shikon se si ujqerit e politikes shqiptare kthehen ne qengja e nxitojne ti puthin doren ambasadorit.

Albo

[Akili-A]

Ambasadori amerikan ben mire qe ua ben keto gjera te qarta politikes shqiptare dhe tellalleve te paguar ne Tirane qe i kane hyre politikes, por problemi eshte se keta jane njerez kokemushka, nuk kuptojne me fjale, kuptojne vetem me dru. Ambasadori duhet t'iu nxjerri ndonje nga sekretet qe amerikanet kane mbledhur mbi pislleqet e tyre ne Shqiperi ne faqet e gazetave dhe televizioneve, dhe pastaj e shikon se si ujqerit e politikes shqiptare kthehen ne qengja e nxitojne ti puthin doren ambasadorit.

Albo

ambasadori sic u shpreh ne fillim te intervistes (do ta botoj te plote se kjo eshte permbledhje) mezi priste ti shprehte hapur dhe qarte keto pikpamje, pasi takimet e fshehta diplomatike
midis zv.sekretarit te shtetit dhe politikaneve shqiptare para 10 ditesh nuk ben efekt.
ketu njerezit nuk jane koshiente dhe nuk e kuptojne rrezikun.
une e shoh edhe ne tv, shume analiste shprehen "he mo se nuk eshte ndonje gje e madhe"
kjo tregon papergjeshmerine e klases politike, dhe inkoherencen totale me frymen dhe filozofine europiane.

[ilia spiro]

Pra, eshte e qarte gje e gjithe politika "nacionaliste" e te gjitha qarqeve kohet dhe vitet e fundit, tregon per nje gjeopolitike teresisht driteshkurter te ketyre qarqeve, qe nuk bazohet ne asnje aleance te jashtme, por vetem, (ndoshta), ne qarqet e anadollit te ri...
Kjo politike amerikane njihej prej kohesh, gjithmone dhe historikisht ka qene antinacionaliste, por extremistet luanin dhe mashtronin, duke thene se kemi perkrahjen e USA dhe shumekush u besonte ketyre brockullave...
Thjesht USA, po rishfaq ate qe ka thene gjithmone dhe asgje me shume,...,
Nuk mund te jesh kaq mendjelehte sa te konsiderosh se USA eshte per nje Shqiperi te madhe, thjesht sepse ajo luftoi deri ne fund per pavaresine e Kosoves,...kjo per shkaqe te njohura qe nuk ka nevoje t`i perserisim....
Gjithsesi kjo eshte nje goditje per cdo nacionalizem, dhe per cdo mendje te semure te ngarkuar me urrejtje...
Keshtu qe brenda te drejtave te mia, i propozoj, administratoreve te forumit, te heqin forumin "Ceshtja kombetare" dhe sidomos glorifikimin e bashkimit te trojeve shqiptare..., sepse kjo eshte thjesht nacionalizem dhe rracizem i paster...,
te gjithe kane te drejte te shprehin ate qe ndjejne, por forumi nuk duhet te nxise nacionalizmin,...

mos kujtoni se kane shqiptaret ndonje enderr per shqiperi etnike, vetem ca mendje te semura (per mendimin tim)...

[Mike Oldfield]

Po ky miku si e ka hallin?! Perse nuk na flet per ate traktatin e "famshem" te Londres 1913 dhe se ka pasur apo jo traktat te firmosur nga fuqite e medha per territoret shqiptare? Apo ndoshta pas njeqind vitesh kthehet edhe nje here ne tavoline problemi i trojeve shqiptare pasi ka skaduar koha e atij traktati famekeq?!