XHEPI I FËMIJËS
çdokush do të çuditej
kur them në za:
-Në xhep të fëmijës
pse gjithçka ka?!
Është shtëpizë e duarve
dhe e sendeve të ndryshme,
shportë e llojlloj gurëve
dhe çokolatave t'pëlqyeshme!
E tek rrugaqët e ri
dhe të pa edukuar,
shërben edhe për kajsi
e qershi të kuqluar...!
Gjer në mbrëmje dëgjo
u mbushet plotë sherbet...
Ju pyes: A është mirë kjo?!
paj gjykoni dhe ju vetë.
YLLI I HUMBUR
Mbrëmë qielli është befasuar
se një yll iu ka humbë,
diku n'male është lëshuar
dhe s'është parë kërkund!
Nga shokët e vetë të dashur
përgjithmonë është ndarë,
qielli dukej i ngrysur
i gatshëm për të qarë.
Princeshës hënë bukuroshe
lotë rrëke i rridhnin,
rrezet e saja kuqloshe
si për inat s'ndrinin!
Shumë retë mbuluan qiellin
anëekënd janë shtrirë,
mbanin zi për yllin
siç mbanë nëna e mirë!
KAM SHIQUAR
Kam shiquar shumë bjeshka të larta
ujëvaret shkumëbardhë si binin tatëpjetë,
kam shiquar shumë rreze të arta
që i dhuronin botës bukuri të vërtetë!
Kam shiquar kurorat e njoma të pemëve
që zbukuronin prore nënën natyrë,
kam shiquar kërcimet e zogjëve
që mes fletëve kërcenin të lirë!
Kam shiquar se si dielli lind në mëngjes
anëekënd rrezet me duart duke i derdhë,
kam shiquar shpezët me xhufkat sipër kresë
që vallëzonin gjallërishëm nëpër erë!
Kam shiquar natën yjëzit si vezullojnë
dhe duke lozur rreth të bukurës hënë,
kam shiquar nënat fëmijët si i përqafojnë
dhe shumë puthje t'ngrohta faqeve duke u dhënë.
Kam shiquar,shumë bukuritë tjera kam shiquar
dhe fortë,fortë n'vendlindje, jam dashuruar!
K U SH ?
Kush ndritë më bukur se hëna?
Kush rrezon porsi dielli?
Kush na don më ëmbël se nëna?
Kush është më i madh se qielli?
Kush,kush?...
pyet Ximi
gjyshin Lush.
Iu përgjigjë lehtë
gjyshi pas pak:
-Sytë e tua t'kthjelltë
o i dashuri çunak!
DERDHEN BUKUR
Drdhet zëri i fëmijëve në shkollë
derdhen,derdhen e fëmijëve faqemollë!
Derdhet shkuma tatëpjetë në ujëvarë
derdhet,derdhet,uh sa është e bardhë!
Derdhet kënga e bilbilit në pyll
derdhet,derdhet,uh sa ting'llon mirë!
Derdhet aroma e luleve në fushë
derdhet,derdhet, me freski na mbushë!
Derdhet dhe puna e punëtorit çdo ditë
derdhet,derdhet,jetës i jep dritë!
çKA T'IA FALI NËNËS ?
A t'ia fali kthjelltësinë e qiellit
apo t'i fali bukurinë e diellit?
A t'ia fali erën e kajranfilit t'njomë
apo t'i fali hieshinë e zimbilit n'balkon?
A t'ia fali këngën e shpezëve në mal
apo shushurimën e fletëve në arë?
A t'ia fali vesën shkëlqyese të mëngjesit
apo zërin e bukur e të hollë të këndesit?
Por unë mbi të gjitha vogëlushë kisha dëshiruar
nënës t'ia fali: Zemrën!-të jetë shumë e gëzuar!
Të lumte Irfan Cana per poezite qe ke shkruar jane te gjitha të mrekullueshme me pelqeu menyra e te shkruarit dhe rimzimi,por mbi gjitha mjeshteria dhe mesazhi i poezive.Vërtet pak po shkruhet ne lidhje per femijet dhe une konsideroj se letersia per femije po hec shum plogesht.Me ke ndihmuar me keto poeziqe edhe une te perdori me nxenesit e mi gjat punes sime te perditshme edukativo-arsimor .Të lumtë!!!Postuar më parë nga Irfan Cana
Ndryshuar për herë të fundit nga Hotlani : 07-03-2013 më 06:18
Kultura,sjellja edukata,arsimi e bëjnë njeriun të vlefshëm!!!!
Falemnderit z.HOTLANI,gjithmonë në shërbim të lexuesve do të jem me forcë aq sa kam.Përshëndetje.
KRENOHU NëNë
Sot oj nënë është festa jote
gëzohu fortë në këtë ditë,
me vrrull punove,n'këto mote
brezëri t'reja,t'i qesësh n'dritë!
Edhe dielli do t'nxejë me ëndje
festën tënde do ta zbukurojë,
që nga agu e gjer në mbrëmje
me rreze t'arta do t'flakërrojë!
Në çdo skutë e në çdo vend
hapi duart dhe ditën prite,
rri e buzëqeshur,mos u hamend
prano urime gjatë kësaj dite!
Pra oj nënë, jij krenare
hape ballin dhe ata sytë,
me fat t'qoftë ditë e madhe
shtrëngo fortë gjithë në grykë!
LEHTË KUR FRYEN ERA...
Lehtë kur fryen era,
këndezët e llastuar
lëvizin shpejtë në çati!...
Lehtë kur fryen era,
zogjët duke fluturuar
bënë gjimnastikë n'ajri!
Lehtë kur fryen era,
dallëndyshet vallëzojnë bukur
shumë të gëzuar në fushë!
Lehtë kur fryen era,
vogëlushët dalin të lumtur
të freskojnë të bardhën gushë!
Regullat e Postimit
Përgjigju Duke Cituar
Krijoni Kontakt