Irfan CANA: KRIJIMET E MIA PËR FËMIJËT

[Irfan Cana]

NGA POEMA:"BUZËDJEGURIT E LIRISË"

Atë ditë,
zgjerohej kudo
era e rëndë
e barotit të djegur:
Mbi qutet,
mbi lugina,
e mbi fshat!
Gjëmonte dhimbshëm
e tërë gryka,
se shpërtheu lufta!
Po çfarë luftë se?!
Luftë hej-
mes përbindëshit
e liridashësit-
e pabarabartë!

[Irfan Cana]

NGA POEMA:"BUZËDJEGURIT E LIRISË"


Heronjtë
shpirtzjarr,
përqafuan dheun
shkëmbin...
Në istikame
vende të shenjta ,
po ndritë liria
aq e pritur
sikur nur!
Vetëm shihni
se si flasin,
e kanë hapur
gojërat e veta
para neve,
gjithë këta gurë!

[Irfan Cana]

NGA POEMA:"BUZËDJEGURIT E LIRISË "

Buzëdjegurit
e lirisë
ranë fli!
Prore i digjte
malli I zjarrtë
për atdhe,
toka nënë
i çonte peshë!
Zbardhën fytyrën
e të parëve tanë,
e çuan idealin
n'vend të drejt-
historia nënë
që i ka veshë!

[Irfan Cana]

NGA POEMA:"BUZËDJEGURIT E LIRISË"

Zëri i thekshëm
jehon n'ajri:
-O brezër!
Për ju
kënga sot
merr gjëmë
dhe shtrinë
krahët drejtë,
me dhembsuri
e ndjeshmëri
rrëfen t'vërtetën,
dhe si shpendi
hidhet qiellit,
ditën e re
përshëndet!

[Irfan Cana]

NGA POEMA:"BUZËDJEGURIT E LIRISË"

Në këtë agim
princ dielli
po i shpalon
rrezet e njoma
mbi:
Pyje,fusha
e në zgor!
Atje ku trimat
pa frikë,
armikut të zi
i dolën përballë:
E sulmuan,
e dërmuan,
dhe e bën hor!

[Irfan Cana]

NGA POEMA:"BUZËDJEGURIT E LIRISË"

Këta trima
shpirtshenjtë,
u bënë shkrumë
si një
për dritë
të bardhë
të lirisë!
Pushojnë
të qetë
dhe jetojnë,
e së fundi
dëshmojnë,
historinë
e lavdishme
të ardhmerisë!

[Irfan Cana]

NGA POEMA:"BUZËDJEGURIT E LIRISSË"

Sytë e lapidarëve,
si sytë shqiponje
krahëgjërë,
shkrepin qartë
anëekënd
veq dashuri...
Binë rrezet,
pingul
në pllakë
të mermertë
dhe do ndritnin
ato përherë,
e do t'i kujtojë
Nëna histori!

[Irfan Cana]

POEMA:''BUZËDJEGURIT E LIRISË"

Atje në kodër
drejt kah qielli-
shkëlqejnë emrat
e trimave,
karshi diellit
në rreze t'artë!
Dëshmi e fortë
e shekullit të zi,
kur u bën ashpër
e kur shpërthyen
rrufeshëm betejat
shumë t'ashpra,
me armikun e fortë-
të pabarabartë!

[Irfan Cana]

NGA POEMA:"BUZËDJEGURIT E LIRISË"

Atë ditë,
digjej me furi:
I tërë pylli,
i tërë mali,
i tërë fshati...
çdo gjë anash
gëlltiste flaka
e bëhej shkrum!..
Ranë shumë trima
filizat e rinj,
sokola të pa epur,
me besë në gojë
e zjarr në gjoks,
u derdhë gjaku
e njomi tokën-
rrodhi si lumë!

[Irfan Cana]

E BUKURA çAMËRI


Ah sa e bukur na është Camëria
nga deti Jon e gjer n'Florinë,
me male t' larta dhe ultësira
që s'kanë shoqe për bukurinë!

Qytete t' lashta ndër krahina
vargohen krenare jug e veri,
Preveza,Parga,Arta e Janina
me ura t'lashta mbi lumin Gli!

Koha ecën nuk ka të ndalë
kjo histori prore do t' kujtoj,
ndër dhenat tona ska shqipëtarë
këtë padrejtësi që s'do ta gjykoj!

Sa shumë vasha e djemë trima
flijuan jetën me plot guxim,
n'këngë këndohet Bubulina
kurr hidhej n'luftë si vetëtimë!