AK prezanton platformën për zgjidhjen e çështjes çame.

[Akili-A]

Aleanca Kuq e Zi publikoi ditë e shtunë strategjinë dhe planin e veprimit për zgjidhjen e çështjes çame në një aktivitet në të cilin ishin të ftuar drejtues të Lëvizjes Çame dhe shoqatat që merren me studimin e problemit të kësaj çështje.

Aleanca Kuq e Zi prezantoi rrugëzgjidhjet e çështjes çame duke theksuar se ndjek një filozofi të ndryshme nga të gjitha partitë politike.

“Aleanca Kuq e Zi vjen në skenën politike shqiptare me një qëndrim të artë të ndërtimit të marrëdhënieve me fqinjët. Nuk mund të ndërtohen marrëdhënie të fqinjësisë së mirë me Greqinë, Serbinë, Malin e Zi dhe Maqedoninë nëse nuk do të respektohen të drejtat dhe liritë themelore të shqiptarëve në trojet e tyre etnike. Nuk mund të ketë marrëdhënie të fqinjësisë së mirë nëse Greqia ndalon shqiptarët në kufi vetëm se kanë lindur në Çamëri. Qeveria kuqezi do të ndërtojë një politike të jashtme vetëm në respektimin e parimit të reciprocitetit. Për dekada të tëra shqiptarët me origjinë çame u dëbuan nga qeveria greke dhe u izoluan si në “geto” në Durrës e Fier nga qeveritë shqiptare”, deklaroi kryetari i Aleancës Kuq e Zi, Kreshnik Spahiu.

Duke u ndalur tek niveli i përfaqësimit të çamëve në qeveritë shqiptare, Kreshnik Spahiu lëshoi akuza të forta për përfshirjen e përfaqësuesve të minoritetit grek në kabinetet qeveritare të shtetasit Sali Berisha, ndërsa përfaqësues të çamëve nuk përfshihen kurrë.

“Për 70 vjet me radhë asnjë ministër çam në qeverisje, ndërsa ministra grek me dhjetëra, derisa në qeverinë e shtetasit Berisha, pas 100 vitesh kemi 3 grek në postin e ministrit dhe 13 filogrekë, por asnjë çam. Berisha po tenton në këtë 100 vjetor të varrosë çështjen çame njëherë e përgjithmonë duke i vënë emrin një sheshi, sepse e konsideron çështje të vdekur dhe të harruar, duke hequr emrin e emblemës shqiptare të Avni Rustemit, pa veprën e te cilit nuk do të kishim as Çamëri dhe as Shqipëri. Çamëria nuk meriton një emër sheshi se nuk është çështje e vdekur por është kauzë e së ardhmes dhe kjo ndan dy epoka mes demokratëve dhe kuqezinjve”, deklaroi Spahiu.

Kryetari i Aleancës Kuq e Zi Kreshnik Spahiu ka shkuar më tej duke prezantuar konkretisht atë çfarë Aleanca Kuq e Zi do të bëjë për çështjen çame. “Aleanca Kuq e Zi do të realizojë censusin për regjistrimin e popullsisë çame, banesave dhe pronave të tyre në trojet e tyre etnike. Aleanca Kuq e Zi do të hapë konsullatën në Mërgëlliç të Çamërisë ashtu si grekët e kanë në Gjirokastër dhe Korçë apo italianët në Shkodër. Aleanca Kuq e Zi do të bashkojë të gjithë faktorin çam dhe do të trajtojë çështjen çame jo si një çështje tregtare dhe pronash, por si një çështje me interes kombëtar të veçantë. Për herë të parë politika e jashtme shqiptare do i ngrejë kokën çdo shqiptari që jeton në tokë shqiptare dhe do të formojmë një qeveri e cila punon 100% shqip, flet 100% shqip, qeveri etnike shqiptare dhe me 100% ministra shqiptarë”, deklaroi Kreshnik Spahiu.

“Qeveritaret shqiptarë në këtë shekull e kanë përdorur Kosovën dhe Çamërinë për koncesione me fqinjët për të forcuar pozitat e tyre dhe në kurriz të interesit kombëtar. Pas pavarësisë së Kosovës shqiptarët patën mundësinë për të mbrojtur interesat e tyre por shtetasi Berisha po përdor Çamërinë dhe çështjen çame duke e de faktorizuar dhe denigruar. Barrikadat kufitare për çamët në kufi dhe tallja me butaforitë e parullave në mure u pasua me emërimin e një ministri grek në qeverinë shqiptare pikërisht në javën e Çamërisë”, përfundoi fjalën e tij Spahiu./tema

[_MALSORI_]

sa i fllicte po tregohet more..ky nuk ka ftyre ..i fut hundet kudo..cne me ceshtjen came kur camet kan partine e tyre dhe kane dike qe jua mbron interesat e tyre..cne me ceshtjen came kur camet kane dy deputete ne parlamentin e shqiperise..cne ky me camet kur camet kan perfaqesuesit e tyre ne pushtetin vendor e qendrore..apo kerkon te mbledhi pika votash edhe nga camet..

ah karrigja e shkrete..te ben te lepish ate qe ke peshtyre me pare...

[EDLIN]

Aleanca Kuq e Zi do të hapë konsullatën në Mërgëlliç të Çamërisë ashtu si grekët e kanë në Gjirokastër dhe Korçë apo italianët në Shkodër.

Mire e ka AK, duhet nje konsullate ne Margelliç..

[Albo]

Ceshtjen came, e kane patur dhe e kane "fort per zemer" interesat e dy prej vendeve tona fqinje: italianet dhe turqit. Camet jane "kokat turke" qe u sigurojne turqve dhe italianeve nje shkas, nje justifikim, per ti futur hundet ne punet e brendshme te Shqiperise dhe ne raportet e popujve fqinje ballkanike, raportet qe keto shtete krijojne me njeri-tjetrin. Dhe nuk eshte rastesi, qe sa here klima e maredhenieve Shqiperi-Greqi apo Shqiperi-Maqedoni apo Shqiperi-Mal i Zi ngrohet dhe bashkepunimi nderballkanik rritet, ne skene dalin tellallet e interesave italiane dhe turke mes shqiptareve me faqezinj si puna e Kreshnik Spahit, Shpetim Idrizit e kompani. Eshte gjithashtu interesante te shikosh se sa e "ndjeshme" eshte Turqia ndaj ceshtjes came, aq sa ne faqen zyrtare te ministrise se saj te jashme ne dekada e vite, ajo kish nje seksion te vecante per camet e Shqiperise, por nuk thosh asnje fjale per Kosoven apo shqiptaret ne Maqedoni, qe jane shume here me te medhenj ne numer se sa camet e debuar nga Greqia.

Ironia e qendrimeve te tilla, "plane per zgjidhjen e ceshtjes came" eshte qellimi i tyre nuk eshte aspak zgjidhja e ceshtjes came. Qellimi eshte krejt i kundert. Qellimi eshte pengimi me cdo kusht i zgjidhjes se ceshtjes came mes shtetit shqiptar dhe atij grek. E kam thene shpesh ne kete forum, qe ceshtja came zgjidhet brenda 1 viti. Mjafton vullnet i mire nga komuniteti cam ne Shqiperi dhe negociata mes shtetit shqiptar e atij grek per te dale me nje zgjidhje qe lejon te drejten e rikthimit te cameve ne Greqi si shtetas greke te debuar, dhe demshperblim nga ana e shtetit grek per pronat dhe vuajtjet e tyre. Por qellimi i italianeve e turqve me anen e megafoneve te tyre propagandistike mes shqiptareve eshte qe te bejne sa me shume zhurme e te krijojne sa me shume incidente mes dy vendeve, me qelllim qe klima te perkeqesohet ne ate shkalle sa nje zgjidhje te jete e pamundur.

Gjeja tjeter qe une kam thene ne forum vite me pare eshte qe pengesa me e madhe e zgjidhjes se ceshtjes came jane vete camet. Nuk jane as interesat turke e as ato italiane, jane vete camet, qe zgjedhin te behen pjese e propagandes e interesave te ketyre vendeve fqinje. Ne vend qe camet te mblidhen rreth shtetit shqiptar, qeverise shqiptare, ministrise sone te jashtme, instituconeve tona demokratike, e te kerkojne me cdo kusht perfaqesimin e shtetit shqiptar per kete ceshtje me palen greke, ata zgjedhin rrugen e nacionalizmit te rruges per llogari te turqve dhe italianeve. Dhe jo vetem qe nuk e lene ceshtjen ne doren e shtetit shqiptar, por dalin krah per krah me sharlatane te paguar si Spahiu e kompani.

Para 10 vjetesh, ish-deputeti socialist came Shpetim Idrizi tha ne Kuvendin e Shqiperise: "Ceshtjen came do ta zgjidh Ilir Meta ne Bruksel." Dhjete 10 vjet me vone, i njejti Idriz thote: "Ceshtjen came do ta zgjidhi Kreshnik Spahiu duke sulmuar minoritetin grek ne Shqiperi e ne qeveri!" Dhe keshtu kalojne dekadat dhe ceshtja came ngelet ne vend numero. Kuptohet, te kenaqurit nga kjo status-quo jane turqit e italianet se bashku me nje qerre me budallenj nga rradhet e nacionalisteve te rruges shqiptare: po u zgjidh edhe ceshtja came, na mbarohen armiqte pastaj, apo jo? Nuk ka kuptim jeta jone pa armiq, or tunxh!

Albo

[EDLIN]

Se ku i sheh italianet e turqit, ti edi..

Ironia e qendrimeve te tilla, "plane per zgjidhjen e ceshtjes came" eshte qellimi i tyre nuk eshte aspak zgjidhja e ceshtjes came

Ketu ke te drejte.. do degjojme shume nga te gjitha anet, zgjedhjet po afrojne .

Ne vend qe camet te mblidhen rreth shtetit shqiptar, qeverise shqiptare, ministrise sone te jashtme, instituconeve tona demokratike, e te kerkojne me cdo kusht perfaqesimin e shtetit shqiptar per kete ceshtje me palen greke,

Camet e kane bere dhe vazhdojne ta bejne betejen e tyre per te drejtat e tyre vetem nepermjet institucioneve, jane mbledhur dhe vazhdojne te mblidhen rreth ketyre institucioneve.. disa here eshte bere kerkese per nje memorandum per çamerine, ende presim miratimin e tije.
Dhe ke te drejte, brenda nje viti kjo çeshtje zgjidhet.. harron nje detaj, per Greqine çeshtja Came nuk ekziston dhe sa here permendet kjo çeshtje largohet si djalli nga timjani..
"Miqesia" me Greqine nuk behet me e mire nese çamet "harrojne"... perkundrazi zgjidhja e drejte ekesaj çeshtje e ben ate me te shendetshme.

[Edvin83]

Shqipëria dhe një fqinj drejt falimentimit
Publikuar më 02.12.2012 | 15:39

Në një anketë të bërë së fundmi nga gazeta më e madhe gjermane “Bild” kërkohet që grekët të përjashtohen nga BE-ja. 80% e qytetarëve të vendit më të fuqishëm në Europë nuk pranojnë që të paguajnë para për të ndihmuar Greqinë dhe rreshton arsyet pse. Nuk ka fatura, nuk ka kasa fiskale, taksistët, kamerierët, lulishtarët; pothuajse askush në sektorin e shërbimit nuk lëshon fatura. Kur u bë një përpjekje e ekzekutivit që karburantet të kishin kasa fiskale, pati grevë. Rreth 30% e ekonomisë greke është në të zezë. Gjithashtu kaosi me taksat, fshehja e tyre është si një lojë fëmijësh. P.sh mjekët e njohur në lagjen luksoze të Athinës, Kolonaki, deklarojnë të ardhura mujore nga 300 deri në 1000 euro. Shembuj të tjerë: politika luksoze, parlamenti gjigant (300 anëtarë, 4 herë më shumë për votues sesa Bundestagu) u paguan deputetëve 16 rroga mujore në vit, përveç kësaj kanë edhe zyra e makina shërbimi. Ne total, Greqia ka 50 000 makina për nëpunës e politikanë. Kostot: 350 milion euro në vit. Greqia gjithashtu konsiderohet si kampione e Europës në borxhe: në mënyrë që të vjedhin euro, Greqia prej kohësh ka falsifikuar bilancin shtetëror, grekët kanë në total 300 miliard euro borxhe, deficiti i shtetit është rreth 12.7 % (3% është norma e lejuar nga BE-ja) një rekord europian. Po t’i referohemi analizave të specializuara, efekti kryesor jashtë Greqisë, duket se do të jetë reduktimi i kredisë që bankat greke kanë dhënë në vende si Bullgaria, Rumania, Shqipëria etj. Pasojat më të mëdha pritet t’i ketë Bullgaria, vend në të cilin kreditë vjetore të bankave greke kanë arritur shumën e 1 miliard eurove. Në rastin e Shqipërisë, mendoj se nuk duhet të ketë vend për panik, për faktin se ato që janë prezent në Shqipëri janë degë të bankave greke dhe funksionojnë si banka të veçanta të pavarura në mënyrë direkte nga qendra. Përveç rënies së remitancave, ndikim negativ mund të ketë edhe sektori i industrisë sepse një pjesë e kompanive prezent në tregun shqiptar janë me kapital dhe porosi greke. Pra “nuk përjashtohet mundësia që Greqia në fund megjithatë të deklarojë se nuk është në gjendje ta kthejë borxhin”, – vlerëson gazeta britanike “The Economist” e cila kujton atë që ndodhi me Argjentinën në vitin 2001 kur ky vend pas kaosit disa mujor në të cilën ra sektori i saj bankar publikoi se nuk ishte në gjendje të kthente kredinë prej 81.8 miliard dollarësh.

Irvin Faniko / Master në të Drejtën e Punës

[drague]

Shqipëria dhe një fqinj drejt falimentimit
Publikuar më 02.12.2012 | 15:39

Në një anketë të bërë së fundmi nga gazeta më e madhe gjermane “Bild” kërkohet që grekët të përjashtohen nga BE-ja. 80% e qytetarëve të vendit më të fuqishëm në Europë nuk pranojnë që të paguajnë para për të ndihmuar Greqinë dhe rreshton arsyet pse. Nuk ka fatura, nuk ka kasa fiskale, taksistët, kamerierët, lulishtarët; pothuajse askush në sektorin e shërbimit nuk lëshon fatura. Kur u bë një përpjekje e ekzekutivit që karburantet të kishin kasa fiskale, pati grevë. Rreth 30% e ekonomisë greke është në të zezë. Gjithashtu kaosi me taksat, fshehja e tyre është si një lojë fëmijësh. P.sh mjekët e njohur në lagjen luksoze të Athinës, Kolonaki, deklarojnë të ardhura mujore nga 300 deri në 1000 euro. Shembuj të tjerë: politika luksoze, parlamenti gjigant (300 anëtarë, 4 herë më shumë për votues sesa Bundestagu) u paguan deputetëve 16 rroga mujore në vit, përveç kësaj kanë edhe zyra e makina shërbimi. Ne total, Greqia ka 50 000 makina për nëpunës e politikanë. Kostot: 350 milion euro në vit. Greqia gjithashtu konsiderohet si kampione e Europës në borxhe: në mënyrë që të vjedhin euro, Greqia prej kohësh ka falsifikuar bilancin shtetëror, grekët kanë në total 300 miliard euro borxhe, deficiti i shtetit është rreth 12.7 % (3% është norma e lejuar nga BE-ja) një rekord europian. Po t’i referohemi analizave të specializuara, efekti kryesor jashtë Greqisë, duket se do të jetë reduktimi i kredisë që bankat greke kanë dhënë në vende si Bullgaria, Rumania, Shqipëria etj. Pasojat më të mëdha pritet t’i ketë Bullgaria, vend në të cilin kreditë vjetore të bankave greke kanë arritur shumën e 1 miliard eurove. Në rastin e Shqipërisë, mendoj se nuk duhet të ketë vend për panik, për faktin se ato që janë prezent në Shqipëri janë degë të bankave greke dhe funksionojnë si banka të veçanta të pavarura në mënyrë direkte nga qendra. Përveç rënies së remitancave, ndikim negativ mund të ketë edhe sektori i industrisë sepse një pjesë e kompanive prezent në tregun shqiptar janë me kapital dhe porosi greke. Pra “nuk përjashtohet mundësia që Greqia në fund megjithatë të deklarojë se nuk është në gjendje ta kthejë borxhin”, – vlerëson gazeta britanike “The Economist” e cila kujton atë që ndodhi me Argjentinën në vitin 2001 kur ky vend pas kaosit disa mujor në të cilën ra sektori i saj bankar publikoi se nuk ishte në gjendje të kthente kredinë prej 81.8 miliard dollarësh.

Irvin Faniko / Master në të Drejtën e Punës

duhet me i bo garanci dhe ktyne