Mbërrijnë armët e Skënderbeut

[DYDRINAS]

Mbërrijnë armët e Skënderbeut

19/11/2012

Kanë mbërritur në mjediset e Muzeut Historik Kombëtar në Tiranë mesditën e së hënës, kushte të larta sigurie, reliket e Skënderbeut, të cilat do të ekspozohen për shqiptarët më 22 nëntor.

Objektet e Heroit tonë Kombëtar erdhën në vendin tonë nga Porti i Durrësit dhe pas mbërritjes në Muze, për 24 orë, përkrenarja dhe dy shpatat e Skënderbeut, si edhe gravura e përmasave të mëdha e kodeksit me të dhënat e jetës së Heroit tonë Kombëtar, do të qëndrojnë të ambalazhuara kështu, siç edhe kanë mbërritur pasi sipas specialistëve, objektet duhet të përshtaten me temperaturat e reja. Drejtori i Muzeut Historik Kombëtar, Luan Malltezi thotë se objektet do të ekspozohen në Pavionin e Mesjetës.

"Eshtë përcaktuar që ekspozita do të hapet në Sallën e Skënderbeut pasi aty është vendi më i përshtatshëm. Objektet janë të mbyllura dhe janë të vendosura me kujdes nga vetë specialistët", thotë Malltezi.

Ekspozita me reliket e Skënderbeut do të qëndrojë e çelur në Muzeun Kombëtar për 45 pas datës 22 nëntor dhe përpos kushteve të tjera të sigurisë, një kamera e posaçme është vendosur saktësisht në mjedisin ku do të ekspozohen armët e përkrenarja e Skënderbeut. Reliket e Skënderbeut janë koleksionuar nga Muzeu i Vjenës prej vitit 1588.


top-channel

http://www.top-channel.tv/artikull.php?id=246304&ref=ml

[DYDRINAS]

[erriii]

mos ndoshta edhe kete nuk duhej ta bente shteti shqiptar se edhe ky ka qene tradhetare dhe ka shitur shqiperine turqve ??????????

[DYDRINAS]

mos ndoshta edhe kete nuk duhej ta bente shteti shqiptar se edhe ky ka qene tradhetare dhe ka shitur shqiperine turqve ??????????

[angmokio]

GËNJESHTRA 500-VJEÇARE? ARMET NE VJENE NUK JANE TE SKENDERBEUT.

Për 500 vjet ishim të bindur se shpata që ndodhet në Muzeun e Vjenës është ajo me të cilën Skënderbeu dikur luftoi kundër Perandorisë Osmane. Por, në 100-vjetorin e Pavarësisë, kanë filluar të ngrihen dyshime për origjinalitetin e saj, shkruan portali NOA. Një nga kuratorët më të njohur shqiptar, Frederik Stamati, i tha portalit se po punon në zbulimin e asaj nëse shpata e kryeheroit tonë kombëtar është e vërtetë, apo jo.

Kuratori Stamati sqaron se aktualisht po punon në zbardhjen e së vërtetës, për shkak të dyshimeve të ngritura kohë më parë lidhur me origjinalitetin e shpatës së Skënderbeut, që ndodhet në Muzeun Historik, në Vjenë. Bashkë me përkrenaren e famshme me brirë dhie, shpata do t'i huazohet Tiranës për ekspozim në kuadër të shënimit të 100-vjetorit të Pavarësisë.

Stamati, që është shef i Laboratorit të Arkeometrisë dhe Restaurimit, thotë se studimi i tij nuk është historik, por teknik, por ai do të zbardhë një sërë çështjesh të pathëna ndonjëherë, si dhe do të ndihmoj në caktimin e vërtetësisë së tyre.

"Studimin nuk e kam përfunduar ende", shprehet Stamati për NOA, derisa sqaron se Muzeu i Vjenës disponon dokumentacionin për blerjen e këtyre armëve të Skënderbeut dhe të mënyrës sesi janë trashëguar.

"Shkaqet se përse nga ndonjë person ngrihen dyshime mendoj se janë të karakterit dokumentar, sepse kërkohet rritja e sigurisë. Nganjëherë skeptikët të shtyjnë të ecësh përpara. Ata bëjnë më shumë dobi se dëm, për shkak se të vërtetës i afrohesh më pranë. Unë po punoj në këtë drejtim", theksoi ai.

Në fakt, Faik Konica ishte i pari që shprehu dyshimet e veta për origjinalitetin e armëve të heroit kombëtar, të cilat ndodhen në Vjenë. Të njëjtën gjë e bëri edhe historiani, Oliver Schmitt, i cili kreu një studim të thellë për Skënderbeun. Për dy shpatat që ndodhen në Muzeun vjenez të Armëve - njëra e gjatë 90, e tjetra 31 centimetra – Schmitt konsideron se nuk janë përdorur fare nga Gjergj Kastrioti Skënderbeu. Sipas historianit Schmitt, hulumtimet - nga aspekti historik i armëve- tregojnë se shpata e gjatë është një armë tipike nga Bohemia, dhe ajo zor që ishte pronë e Skënderbeut.

"Ndërkaq, arma më e shkurtër, me teh të drejtë, edhe mund të jetë prodhuar në Ballkan, megjithëse shënimi në arabisht përmban gabime. Së këndejmi, është vështirë të merret me mend se Skënderbeu, i cili i njihte gjuhët, do ta kishte pranuar një falsifikim të tillë", thekson Schmitt në Biografinë e Skënderbeut.

"Kjo shpatë është një punim elegant dhe me vlerë. Si e tillë, ajo mund të gjendet vetëm në koleksionet e sulltanëve, në Sarajin Topkapi. Por, Përkrenarja, sipas të gjitha gjasave, është prodhuar në Venedik, diku në fillim të shekullit XVI, kurse më vonë ka përfunduar në koleksionin artistik të arqidukës Ferdinandi i II’të, në kështjellën Ambras, në Tirol", pohon tutje ai.

Schmitt madje supozon se - për shkak të formës së shkrimit në përkrenare - ajo zor që mund të jetë e prodhuar në shekullin XV, megjithëse, sipas tij, mbase origjinale janë brirët e dhisë në përkrenare – një element ky qendror simbolik, që tregon famën e Skënderbeut, diçka sikurse tek Leka i ri i Madh.

Në dhjetor të vitit 1466, nga Papa Pali i II’të Skënderbeu kishte marrë si dhuratë një shpatë elegante, e cila nuk dihet ku ka mbetur në ndërkohë.

Pas shumë kërkesave të Shqipërisë, Muzeu Historik i Artit, në Vjenë, është bindur që lejojë ekspozimin e këtyre armëve në kryeqytetin shqiptar.

Më 23 korrik të këtij viti, tre ekspertë të këtij muzeu - Beaufort Christian, Selvia Ferino dhe Florian Raunig – vizituan Muzeun Historik Kombëtar të Shqipërisë. Sipas shefes së muzologjisë dhe historisë së këtij muzeu, ata parimisht u pajtuan për sjelljen në Shqipëri të armëve të Skënderbeut.

Premtimi për lejimin e sjelljes së këtyre eksponateve për ekspozim në Tiranë ishte bërë edhe nga ministri i Jashtëm austriak, Michael Spindelegger, gjatë takimit me kryeministrin shqiptar, Sali Berisha, në Samitin vjetor të Dubrovnikut, që u mbajt në fillim të këtij muaji.

Kërkesa për sjelljen e armëve të Skënderbeut në Shqipëri janë bërë disa herë, që nga koha e Zogut. Hera e fundit ishte në kohën kur po shënohej 600-vjetori i lindjes së Skënderbeut. Por, përgjigjja gjithmonë ishte negative, me pretekstin se rregullat e muzeut nuk e lejonin lëvizjen e artefakteve kaq të rëndësishme prej atje.

NOA

[skampin]

Zemra mal me behet sa here e shof kete filem per heroin me te madh te shqiptareve.
Gjergj Kastrioti ja ka treguar vendin turqve osmanllinj dhe serbeve te Brankoviçit.
turqit e rinj me gjithe veglat e tyre qorre po mundohen t`ia ulin vlerat por kjo pune eshte si te kerkosh te mbulosh diellin me shoshë.
Lavdi ne perjetesi te madhit Gjergj Kastriot Skenderbeut