Festimet për 100-vjetor, Berisha: Nuk anashkalohet as Vlora, as Ismail Qemali

[POKO]

Festimet për 100-vjetor, Berisha: Nuk anashkalohet as Vlora, as Ismail Qemali

TIRANE- Kryeministri Berisha ka reaguar sot në lidhje me keqinformimet për 100-vjetorin e Pavarësisë sic thotë ai.

"Prej disa ditësh eksponentë të opozitës dhe media të kontrolluara prej tyre, me një qendrim primitiv dhe për të mbjellë përcarje, trillojnë për kremtimet e 100-vjetorit të pavarësisë së Shqipërisë.Sipas tyre po anashkalohet Vlora nga protokolli dhe se qeveria po ngre disa figura, ndërkohë që po ulen figura të tjera, ndër të cilat dhe figura e Ismail Qemalit”, thotë Berisha.

Lidhur me këto pretendime, kryeministri thekson se ato janë qesharake dhe kryekëput mashtrime të bazuara në provincializma hoxhiste. Sipas tij, axhenda e 100-vjetorit lartëson Vlorën e figurën e Ismail Qemalit.

“Axhenda e festimeve të 100 vjetorit është ndër më të studiuarat dhe nuk përjashton Vlorën dhe asnjë qytet tjetër të trojeve shqiptare. Kjo axhendë parashikon jo uljen e figurës së themeluesit të Pavarësisë por lartësimin e saj me vendosjen për herë të parë në histori të shtatores së Ismail Qemalit në kryeqytetitin e vendit Tiranë", thuhet në njoftim.
(ma.ar/BalkanWeb)

[POKO]

Luftë politike për 28 Nëntorin


Kryetarja e komisionit të medias dhe arsimit, Valentina Leskaj ka theksuar se qeveria nuk ka ende një program të përcaktuar për 100-vjetorin e Pavarësisë së Shqipërisë.

Sipas saj, edhe pse na ndajnë pak javë nga data e shpalljes së Pavarësisë, qeveria nuk ka një kalendar.

“Po vjen 28 nëntori dhe ne nuk kemi një program dhe një buxhet të përcaktuar që duhet të ishin gati 1 vit para, të miratuar nga qeveria, që të mos kishim organizime spontane. Gjithashtu, ka një qasje negative ndaj figurave të pavarësisë dhe po ashtu një qasje gjeografike negative me Vlorën, ku është ngritur flamuri”, ka deklaruar
Përvjetori i Pavarësisë
100-vjetori, Berisha reagon ndaj akuzave
100 vjetori, mirënjohje veprimtarëve klerikë
“Historia përmes monedhës kombëtare”
Leskaj.

Zonja Leskaj thekson se bashkia e Vlorës po lihet qëllimisht jashtë axhendës zyrtare të qeverisë për festime, e cila në këtë 100-vjetor po përpiqet të ngrejë figura të caktuara historike dhe të ulë figura të rëndësishme si ajo e Ismail Qemalit.

“Në Vlorë janë bllokuar punimet dhe nuk është vetëm çështja e buxhetit, për të cilën kryetari i bashkisë ka bërë përpjekje maksimale, duke ftuar biznesmenët që të kontribuojnë për festën. Sjellja ndaj Vlorës tregon se 100-vjetori po përpiqet të jetë në qendër të interesave të ditës”, ka thënë Leskaj.

Në këtë 100-vjetor përgatitjet janë spontane dhe nuk i ngjajnë aspak, tha zonja Leskaj, organizimeve të mëparshme që janë kryer në 25-vjetor apo në 50-vjetorin e shpalljes së Pavarësisë.

[POKO]

100-vjetori, Berisha reagon ndaj akuzave
28/10/2012

Kryeministri Sali Berisha ka reaguar ndaj kritikave të opozitës së po zhvendos festimet për 100-vjetorin e Pavarësisë duke lënë menjëanë Vlorën dhe se po ngre artificialisht figura të caktuara historike për të ulur atë të Ismail Qemalit.

"Prej disa ditësh eksponentë të opozitës dhe media të kontrolluara prej tyre, me një qendrim primitiv dhe për të mbjellë përçarje, trillojnë për kremtimet e 100-vjetorit të Pavarësisë së Shqipërisë. Sipas tyre po anashkalohet Vlora nga protokolli dhe se qeveria po ngre disa figura, ndërkohë që po ulen figura të tjera, ndër të cilat dhe figura e Ismail Qemalit”, thuhet në deklaratën e kryeministrit.

Lidhur me këto pretendime Kryeministri thekson se ato janë
Përvjetori i Pavarësisë
Luftë politike për 28 Nëntorin
100 vjetori, mirënjohje veprimtarëve klerikë
“Historia përmes monedhës kombëtare”
qesharake dhe kryekëput mashtrime, sipas tij, të bazuara në provincializma hoxhiste.

Axhenda e festimeve të 100-vjetorit është ndër më të studiuarat dhe nuk përjashton Vlorën dhe asnjë qytet tjetër të trojeve shqiptare. Kjo axhendë parashikon jo uljen e figurës së themeluesit të Pavarësisë, por lartësimin e saj me vendosjen për herë të parë në histori të shtatores së Ismail Qemalit në kryeqytetitin e vendit Tiranë", përfundon reagimi i zyrës së Kryeministrit.

[POKO]

ky tall ****** me cdo gje shqiptare...votojeni qenin se s'jeni pjell me e mire se ky aspak

Rama: 100-vjetorin do ta festojmë në Vlorë. Gjika: Më 27, qeveritarët me bukë me vete
Publikuar më 30.10.2012 | 13:24

Lideri i opozitës, Edi Rama në mbledhjen e grupit parlamentar të Partisë Socialiste ka deklaruar se vendi ka sot një qeveri të pamerituar. Rama theksoi se 100-vjetori i Pavarësisë kremtohet në një situatë ku nuk ka përmbushur premtimet, po kërkon të tjetërsojë faktet historike si edhe nuk ka konceptin evropian për organizimin e festës.

“Është për të na ardhur zor të gjithëve që edhe në këtë rast Shqipëria tregon se sa të vjetra janë konceptet dhe sa të varfra janë shijet e saj. Kryeministri nxjerr nga goja një lumë broçkullash, kthen përmbys të vërtetat historike, lartëson figura gjysmë të zeza të historisë sonë dhe kjo ndodh ngaqë Shqipëria ka sot qeverinë që nuk e meriton”, u shpreh Rama.

Lideri i opozitës ka nënvizuar se Berisha kremton 100-vjetorin e Pavarësisë “me një stadium fantazmë dhe parlament fantazmë”. Nga ana tjetër, kryesocialisti ka bërë të ditur nismën “ngri një flamur” me rastin e 100-vjetorit të Pavarësisë. “Kjo është një nismë që ne do ta kurorëzojmë në Vlorë më 28 nëntor”, tha Rama.

Kreu i PS-së gjatë mbledhjes i bëri thirrje kryeministrit të vendit që të arrijë një marrëveshje të re me Greqinë për kufirin ujor pasi kjo situatë pezull siç e cilësoi ai, po dëmton ardhmërinë e dy vendeve.

“Kemi një konflikt të hapur dhe potencialisht aspak të mirë për të nesërmen me fqinjët. Janë 300 km katrorë të detit tonë që me një marrëveshje të shpallur antikushtetuese i kanë kaluar fqinjëve. Sot është ditë e mirë për t’i bërë apel kryeministrit dhe për t’i kërkuar që të bëjë gjithçka që i takon në respekt të historisë dhe të Kushtetutës për ta rinegociuar këtë marrëveshje dhe për ta mbyllur këtë burim konflikti potencial", tha Rama. “Rinegocimi duhet të bëhet duke u bazuar në domosdoshmëri që mes dy vendeve të ketë harmoni dhe bashkëpunim”, shtoi ai.

Gjika: Qeveritarët të marrin bukë me vete

Në mbledhjen e grupit të PS-së mbajti një fjalim dhe kreu i Bashkisë së Vlorës, Shpëtim Gjika, i cili u bëri thirrje qytetarëve që të jenë të pranishëm në Vlorë për të festuar 100-vjetorin e Pavarësisë. Ai akuzoi Berishën se po shkel protokollin e shtetit pasi në një ceremoni të tillë të drejtën e fjalës e ka Presidenti ndërsa Kryeministri është i ftuar. “Kush të vijë nga qeveria në 27 nëntor të marrë bukë me vete, dreka zyrtare do jetë më 28 dhe të gjitha ceremonitë do jenë në 28", u shpreh Gjika.

Kreu i Bashkisë së Vlorës nga ana tjetër akuzoi pushtetin qendror se nuk ka akorduar fonde të mjaftueshme për festimin e 100-vjetorit ku denoncoi se Bashkia e Tiranës ka marrë 160 milionë lekë ndërsa ajo e Vlorës vetëm 39 milionë. “Qeveria ka dhënë vetëm 39 milion lekë për Vlorën. Sali Berisha është kujdesur se me paratë e taksapaguesve të bëjë shtatoren e Zogut, ndërkohë që Bashkia e Vlorës nga të ardhurat e saj do ngrejë shtatoren e Ismail Qemalit. Berisha akordoi 160 milionë lekë për dekorin Bashkisë Tiranë, ndërkohë që Vlora po e realizon me fondet e veta”, u shpreh ai.

Deklarata e 12 prillit

Lideri i opozitës e ka cilësuar “të pamerituar” këtë qeveri në një kohë kur rreth gjashtë muaj më parë pati deklaruar se 100-vjetori i Pavarësisë nuk do ta gjente Berishën kryeministër. “Saliu tregoi se pa e mbajtur parlamentin të lidhur me pahir deri në fund, ka shumë të ngjarë të mos jetë në gjendje t’i hipë si kryeministër as kalit që kemi ndërmend t’i çojmë për të shkuar në Vlorën e lënë pa rrugë, ditën e 100 vjetorit të pavarësisë. Por një kalë e siguroj se do ia bëjmë dhuratë, edhe po se mbërriti dot atë ditë si kryeministër”, tha Rama në deklaratën e 12 prillit.

Shekulli Online/F.S.

2 Komente
Pa Emër
zoti rama nje figure e zeze e historis eshte edhe babai juaj, dhe per kete duhet te prononcoheni.
CAMI
O EDVIN RAMA.

PO E KUPTONI SE JU NUK KENI VEND ME NE POLITIKEN SHQIPETARE,BASHKE ME SALEN,DERI KE PARTIA E FUNDIT TE TOPIT.

POPULLI DUHET TE HAPI FJALEN KETU QE KETO DY RIVALE BERISHA RAMA MOS TE VOTOHEN,SI EDHE RRENJET E TYRE SI PSH DAKO NE DURRES.

JASHTE TE GJITHE,PA PSE E PA A E B,JASHTE TE GJITHE E PERSERISE.

[Ziti]

edi rama duhet ti mari urdherat nga beogradi se ku do behet festa e flamurit.

[medaur]

edi rama duhet ti mari urdherat nga beogradi se ku do behet festa e flamurit.

Ca ja fute kot o ziti ,ca lidhje ka Edi me Beogradin vetem ti mund ta dish....

[Renea]

Nuk kemi nevoj per konflikte politike ne ket vit madheshtor , 100 vite shtet festojm , duhet len anash dallimet.

Gjat ketyre muajve duheshte dhe duhet shfrytezuar rasti per te percjell mesazhe pozitive , me arrit me vetedijsu popullin per te vepruar mbare , per ta ngrit kete shtet dhe keto troje , per ti zhvilluar dhe ber vende me te kendshme per jet.

Ishte viti me i mir per tja kthy krenarine ketij populli , kam frik se po shkon i gjith viti dhe nuk po arrihet asnje efekt.

Akoma edhe kete muaj po ziren per politik

[Izadora]

Rendesi ka qe nuk po zihen per daten se do ishte katastrof .

[shigjeta]

Festa e Pavarësisë nis në Shkup, vazhdon në Prishtinë, përfundon në Tiranë

Tiranë, 29 tetor - Festimet për pavarësinë do të nisin në Shkup më 25 nëntor dhe përfundojnë në 28 nëntor në Tiranë. Axhenda e festimeve për 100-vjetorin e Pavarësisë është bërë i ditur nga kryeministri Berisha në mbledhjen e grupit parlamentar demokrat.

"Festimet fillojnë në Shkup në datën 25 nëntor. Sigurisht Shkupi ishte epiqendra e të gjitha përpekjeve shqiptare dhe kjo është e njohur. Vazhdon në Prishtinë me inaugurimin e rrugës, nuk ka mënyrë më të shkëlqyer për të festuar këtë 100-vjetor se inaugurimi i autostradës Morinë- Prishtinë, vazhdojmë në Vlorë dhe kthehemi në drekën e datës 28 nëntor në Tiranë. Pra, është bërë një program dinjitoz për 100-vjetorin, sepse ky 100-vjetor duhet të jemi të vetëdijshëm është kontribut i të gjitha trevave shqiptare", tha Berisha.

Ai hodhi poshtë zërat se Vlora nuk është përfshirë në protokoll duke u shprehur se ajo është përfshirë në mënyrë të fuqishme, dhe nuk ka pasur asnjë variant për përjashtimin e saj, por Tirana do të ketë peshën kryesore. Berisha i ka quajtur skema provinciale akuzat se Vlora nuk është përfshirë në festime. Shefi i maxhorancës bëri të ditur se në Tiranë do të vendoset edhe përmendorja e Ismail Qemalit.

Koha Net

Ne cdo shtet te botes, kryeqytetet behen pjese kryesore e festimeve. Eshte per te ardhur keq qe socialistet edhe kete fest te bashkimit kombetar, ne kete pervjetor te vecant, po e politizojne dhe po percajne shqiptaret.
Rama eshte ca mbrapa me nismen, qe eshte propozuar me pare. Ne vend qe te percaj shqiptaret ku dhe kur festohet, te lej te pakten me rastin e kesaj feste keto politizime pa sens.

[Mike Oldfield]

Kur ai "rektori i famshem" Shaska qe drejtonte me mail nga amerika Universitetin Ismail Qemali te Vlores vendosi tja heqe emrin, ku ishte ky gjika? Pse nuk doli te mbronte emrin e universitetit te patriotit qe po mundohet te mbroje sot duke i dhene urdhera Kryeministrit te vendit sikur te ishte i varur prej tij?
Tani, po ky Gjika si e ka hallin? Ka hallin se eshte me dosje te hapur ne prokurori per djegjen e gomave duke krijuar bllokime rrugesh ne Maj 2011, apo keshtu e kane instruktuar edveret e tjere?!

2008-07-29

Nipi i Ismail Qemalit: Inatet e rektorit



Reagime të ashpra pas propozimit për heqjen e emërtimit të Universitetit të Vlorës: Turp kombëtar. Shpjegohet Shaska: Ja pse nuk e dua këtë emër

Nipi i Ismail Qemalit, profesor Nedim R. Vlora, ka reaguar përmes një letre të hapur, mbi propozimin për heqjen e emrit të shtetformuesit shqiptar, nga Universiteti i Vlorës, "Ismail Qemali". Ai është përpjekur të hedhë dritë mbi qëllimet e vërteta të propozimit të Tanush Shaskës, rektorit të universitetit "Ismail Qemali" në Vlorë.

Pasardhësi i Kryeministrit të parë të shtetit shqiptar i ka kujtuar rektorit Shaska se "në qoftë se ai prezantohet me nder jashtë vendit si një qytetar shqiptar, ia detyron pikërisht Ismail Qemalit dhe veprës së tij". Ndërsa e ka konsideruar si një njeri që nuk është në gjendje të vendosë për çështje historike.

Pasi ka mësuar për vendimin e senatit akademik të Universitetit të Vlorës, i propozuar nga rektori, nipi i Ismail Qemalit, profesor Vlora, në letrën e tij të hapur shkruan: "Duke lënë mënjanë çdo konsideratë të natyrës akademike, që lidhet me titujt e personazhit të çështjes në fjalë, marr të drejtën të them se dr. Shaska, të cilit i uroj një karrierë brilante akademike në të ardhmen, nuk është në gjendje të vendosë për çështje të natyrës historike".

Profesor Vlora bën me dije më tej edhe një tjetër situatë që ka ndodhur përpara marrjes së këtij vendimi nga ana e rektorit Shaska. Sipas profesor Vlorës, ka qenë pikërisht indiferenca e rektorit Shaska, ajo që çoi në djegien e fondeve që Universiteti i Barit kishte akorduar për atë të Vlorës, përmes një marrëveshjeje të përbashkët bashkëpunimi. Vlora pohon se ka qenë një iniciativë e tij personale dhe punë këmbëngulëse që çoi deri në nënshkrimin e kësaj marrëveshjeje. Por menjëherë më pas ka ardhur edhe propozimi i bërë në senat për heqjen e emrit të Kryeministrit të parë të vendit nga ky universitet.

Në fillim të letrës së tij, nipi i Ismail Qemalit shkruan se

"nga rektori Shaska duket se qenka e mundur të presësh gjithçka".

Ai tregon se që në prill 2008, pas një marrëveshjeje bashkëpunimi (mbi një iniciativë timen dhe pas një interesimi këmbëngulës) mes Universitetit të Barit dhe Universitetit të Vlorës, fiksova një takim me rektorin e ri. Shkova posaçërisht në Vlorë për të dërguar përshëndetjet e Universitetit të Barit dhe për të festuar Ditën e Drejtësisë, 10 majin, sipas kërkesës së profesorëve të Departamentit të Drejtësisë, në Universitetin e Vlorës". Por ditën e takimit, sekretarja e rektorit, i ka bërë të ditur se Shaska, për shkak të dëborës, nuk mundi të nisej nga Shtetet e Bashkuara. "Të shtunën pasuese, rektori ishte në zyrën e tij në Vlorë, e dinte për praninë time, por nuk më priti duke më thënë përmes sekretares së tij se të shtunën ai nuk punonte", sqaron më tej profesor Nedim Vlora. Pas kësaj indiference ai ka vendosur që të niset për në Itali dhe në takimin e parë me rektorin e Universitetit të Barit i ka paraqitur atij dorëheqjen nga kjo detyrë, "duke hequr dorë nga financimet që ky universitet kishte vendosur të jepte në kuadër të marrëveshjes me universitetin \‘Ismail Qemali\‘ të Vlorës". Edhe pse ka njoftuar për aktin e dorëheqjes edhe rektorin Shaska, sërish nuk ka pasur asnjë përgjigje prej tij.

Nga ana tjetër, profesor Nedim Vlora ka shtuar se "edhe mënyra e drejtimit të Universitetit të Vlorës nga ana e rektorit Shaska nuk është fort e pranuar, që nga momenti që janë të shumta kundërshtimet e profesorëve, të cilëve i janë shtuar edhe kundërshtimet e forta dhe të motivuara të studentëve".

Vetë rektori Shaska, i cili flet për marketing, tashmë ka mundësinë që të shpjegojë se kush është ndonjë figurë tjetër simbol për Vlorën, më e rëndësishme se sa Ismail Qemali, që të përmirësojë marketingun që ai pretendon.



Akademiku Gudar Beqiraj


"Jam kundër. Është e palogjikshme"


Nënkryetari i Akademisë së Shkencave, Gudar Beqiraj, është shprehur dje se "personalisht është kundër heqjes së emrit të Ismail Qemalit nga Universiteti i Vlorës". Ai ka pohuar se arsyeja që ndryshimi i emrit të këtij universiteti kërkohet të bëhet nën pretendimin se Ismail Qemali nuk është marrë me punë akademike, nuk mund të qëndrojë. "Po çfarë mund të themi për emrat e shkollave të tjera", pyet me të drejtë akademiku Beqiraj. Ai përmend emërtimin e shkollës "Partizani" në kryeqytet dhe thotë se emri i saj nuk mund të ndryshojë me këtë logjikë.

Po kështu reagime kundër këtij propozimi të bërë nga rektori i universitetit "Ismail Qemali" në Vlorë ka pasur edhe nga njerëz të tjerë të arsimit, por edhe të politikës, të pasuara këto nga një indinjatë e përgjithshme qytetare.


Herostrati i Vlorës: Pse nuk e dua Ismail Qemalin


Rektori Shaska mundohet të shpërndajë tymin e shashkës së tij


Pasi la me gojë hapur të gjithë shqiptarët, rektori i universitetit "Ismail Qemali" të Vlorës, Tanush Shaska, u mundua dje që të shpërndante tymin e "shashkës" që hodhi vetë të shtunën në mbrëmje. Shaska doli dje në një konferencë shtypi, ku mori mbi vete të gjitha përgjegjësitë për propozimin skandaloz për heqjen e emrit të Ismail Qemalit nga Universiteti i Vlorës. "Është e rëndësishme të kihet parasysh se përgjegjësia morale mbi këtë veprim bie plotësisht mbi mua si kryetar i senatit dhe rektor i universitetit \‘Ismail Qemali\‘ të Vlorës", tha dje Shaska, duke marrë pozicionin e Herostratit (shek IV p.e.s.), i cili dogji një tempull të mrekullueshëm vetëm e vetëm për t\‘u bërë i famshëm.

Dje, Shaska mundi të mblidhte në ambientet e universitetit aq shumë gazetarë sa nuk kishte mundur t\‘i mblidhte në të gjitha deklaratat e tij publike të marra së bashku. Pa pikën e pendesës për irritimin që shkaktoi, rektori tha se ishte ai vetë që propozoi mbrëmjen e datës 26 gusht 2008 ndryshimin e emrit të universitetit nga "Universiteti Ismail Qemali i Vlorës" në "Universiteti i Vlorës".

"Isha i përgatitur për një reagim të ashpër nga opinioni në Vlorë dhe tejembanë trojeve shqiptare. Kjo për vetë faktin se figura e Ismail Qemalit dhe vepra e tij patriotike është madhore dhe e padiskutueshme në historinë e kombit shqiptar", tha Shaska. Ai shtoi se "është e rëndësishme të kihet parasysh se përgjegjësia morale mbi këtë veprim bie plotësisht mbi mua si kryetar i senatit dhe rektor i universitetit \‘Ismail Qemali\‘ të Vlorës".

Më tej, rektori renditi disa nga ato që ai i quan arsye dhe që e justifikojnë propozimin e paprecedent për të fshirë nga Universiteti i Vlorës emrin e njeriut të cilit i atribuohet formimi i shtetit shqiptar.

Arsyeja e parë, sipas rektorit, është fakti që emri i Ismail Qemalit pengon "marketingun" e universitetit. Në këtë prizëm, Shaska sqaroi: "Universiteti \‘Ismail Qemali\‘ i Vlorës po merr një karakter gjithmonë e më shumë ndërkombëtar. Vetëm këtë vit, ne kemi me qindra kërkesa për studime nga vende si Kina, India, Bangladeshi, Pakistani, vendet e Lindjes së Mesme etj. Në këto kushte, përmirësimi i imazhit të universitetit është synimi ynë kryesor. Duke pasur parasysh këtë, unë ende mendoj se \‘Universiteti i Vlorës\‘ është shumë herë më i marketueshëm se sa \‘Universiteti Ismail Qemali\‘. Emrat e shkurtër janë shumë më efektivë se sa emrat e gjatë".

Për të ilustruar idenë e tij gjeniale për ta bërë universitetin më të "marketueshëm" (kjo fjalë nuk ekziston në Fjalorin e Gjuhës Shqipe), rektori solli edhe shembuj nga Perëndimi: ...universitete si \‘Oxford University\‘, \‘Cambridge University\‘, \‘University of Michigan\‘, \‘University of Florida\‘, \‘University of California at Berkeley\‘, \‘University of California at Los Angeles\‘, etj., sot njihen vetëm me emrat Oxford, Cambridge, UM, UF, Berkeley, UCLA, etj.". Por rektori Shaska harron se asnjë nga këto universitete nuk e ka ndryshuar zyrtarisht emrin.

Ndërkohë, rektori mendon se figura e Ismail Qemalit nuk dëmtohet nga heqja e emrit të tij nga Universiteti i Vlorës. Në këtë pikë, Tanush Shaska hidhet në kundërsulm, duke thënë se "ndoshta ne do të bënim më shumë për figurën e Ismail Qemalit sikur të siguronim disa fonde që disa prej studiuesve tanë që po studiojnë figurën e tij të financohen nga shteti dhe universitetet... Ismail Qemali është themeluesi i shtetit shqiptar, por nuk ka ende asnjë bust të tij në kryeqytetin e Shqipërisë....". Rektori mendon se vetë Ismail Qemali do të ishte tepër i lumtur që Vlora të dilte në plan të parë dhe jo Ismail Qemali. "Të mos harrojmë se Vlora, Shqipëria, janë ato me të cilat asnjë individ nuk mund të baraspeshohet, ato për të cilat ne duhet të bëjmë përpjekjet maksimale për të dalë në plan të parë".

Vetëm në fund të deklaratës së tij të gjatë, kreu i universitetit "Ismail Qemali" doli te çështja që i dhemb më shumë: Mungesa e fondeve për universitetin. Pasi kishte deklaruar se universiteti po merrte përmasa mbarëkombëtare e madje ndërkombëtare, rektori Shaska tha se: "Ne jemi universiteti me kushtet më të këqija të infrastrukturës në të gjithë Shqipërinë. Në kuadrin e akreditimit të universiteteve nga agjenci të huaja akreditimesh, universiteti ynë do të ketë probleme të thella. Ne kemi nevojë për ndihmë të menjëhershme nga pushteti lokal në Vlorë, biznesi vlonjat dhe qeveria për godina të reja dhe tokë për një kampus të ri". Sipas Shaskës, këto janë nevoja urgjente që rrezikojnë ekzistencën e Universitetit në Vlorë. Dhe kjo mund të jetë në fakt arsyeja e vërtetë e kësaj përpjekjeje prej Herostrati, për të përqendruar vëmendjen tek Universiteti modest i Vlorës.