Censusi i 2011 , Shqiperia 57% Muslimane.

[Pa_doreza2]

Serbët mbijetuan falë Sheriatit”

Myftiu i Bashkësisë Islame në Serbi Muamer Zukorliç tha se serbët kanë mbijetuar në sajë të Sheriatit.

“Në sajë të Sheriatit, në ato vende ku sundoi Sheriati, mbijetuan ata të cilët nuk shin mysliman. Sikur mos të ishte Sheriati asnji nuk do të kishte mbijetuar. Dhe fqinjët tanë të cilët i përbuzin dhe i akuzojnë Turqit për të gjitha të këqijat në botë dhe Sheriatin parasegjithash, sikur të dinin se çfarë është Sheriati do ta vlerësonin atë më shumë se ne, dhe për ekzistimin e tyre duhet t’i faleminderohen Sheriatit. Sepse aty ku nuk ishte Sheriati nuk mbijetoi askush që nuk ishte sikurse ai që sundonte në këtë periudhë. Dhe të sundosh 500 vite , siq tha njëri, sikur ti përkledhnin kishin për t’i shlyer të tërit. Dhe pastaj dikush përmend ngulitjet në hunj dhe për ndonjë zullum turk.” tha Myftiu Muhamer Zukorliq në tribinën e mbajtur nga “Revija Sanzhak”: Izolimi i kriminaliteit – themel i ekzistencës së bashkësisë ,e cila është emituar në televizionet lokale dhe në YouTube.

Pyetjes së pjesëmarrësëve, se “Çka të bëjmë ne boshnjakët, po na vrasin ndërsa asnjë vrasje deri më tani nuk është ndriquar?, ai u përgjegjë:

Ne jemi në një situatë të Kampit të përqëndrimit. Ju e dini si duket një kamp i tillë. Brenda në kamp është një popull, të gjithë janë të dobët për nga shëndeti, ndërsa për rrëth tyre ekzistojnë rojtarët e kampit, drejtuesit, ata e marrin atë që nuk ju pelqen, ia humnbin fijen, ska hetime, ska asgjë.

Në të njejtën situatë janë edhe serbët, vetëm se në këtë rast kundër nesh janë të bashkuar edhe udhëheqja e dobët dhe kriminelët, e ky është kombinimi më i keq që i mundur.

Nuk di a ka njeri në mesin tonë që e ndinë veten të mbrojtur nga policia serbe? Jo, të gjith ne policinë e konsiderojmë si diqka e rrezikshme, normal se diqka është zbutur, por të kthehemi si ka qenë para disa viteve, nuk mund krejt leht të harrohet.

Dhe nuk e di a e ndinë pushtetin si pushtet të vetin, edhe pse e ka votuar, dhe dikush thot pushteti ynë, çfar i yni, pushtet i zi. Pra këto janë fakte. Ne është dashtë të kalojmë nëpër këto periudha, – sikurse për të arritur deri te thartira duhet kaluar nëpë procsin e alkoholit, për të arritur deri te ngritja vetëdijës institucionale të boshnjakëve, dhe dhasht zoti të jep rezultate, potencoi në mes tjerash Myftiu para të pranishmëve në këtë tribinë. /Infosot/
TemA Online

[safinator]

Interesante, ke ndonje link Tori?

[loneeagle]

Edhe pse nuk ka dale te gjithe e thone nen ze se sipas censusit te 2011 Muslimanet kan fitu me 74.8% por si duket nuk e thone se kane frike se terbohen te Krishteret.

Sipas censusit 2011 thone burime jozyrtare se Muslimont jane 74.8 , ortodokset 12.2% , katoliket 8.2% dhe ateistet 4.8%.

Shpresoj qe me ket lajm mos terbohen te krishteret.

Nje pyetje kam, kur keto qe ke thene me siper jane jozyrtare, ti ku i gjete info????

[BlueBaron]

Shi si bojn, si te habit !!!


Po qe se keni nevoje te dini sa fetare ka ne Shqiperi, shkoni dhe numeroni personat qe shkojne te premten ne xhami dhe personat qe shkojne te dielen ne kishe.

Vetem keto jane myslimane, ortodhokse apo katolike te vertete. Pjesa tjeter jane fetare vetem me raste festash.


Nuk e kuptoj pse i paskeni fobi shifrat e censusit te fundit qe ka sjell Tori !!! E mbani veten edhe per intelektuale ...

[mateo]

Edhe pse nuk ka dale te gjithe e thone nen ze se sipas censusit te 2011 Muslimanet kan fitu me 74.8% por si duket nuk e thone se kane frike se terbohen te Krishteret.

Sipas censusit 2011 thone burime jozyrtare se Muslimont jane 74.8 , ortodokset 12.2% , katoliket 8.2% dhe ateistet 4.8%.

Shpresoj qe me ket lajm mos terbohen te krishteret.

Na keni care k@@@@n ju 'fetaret' e Shqiperise, e vecanerisht ju te 74% te pabazuar ne kete forum, ky duhet te jete forum moderatoresh dhe jo forum propagande, keshtu qe mos abuzoni me e as mos u mundoni ta perdorni si te tille. Enough.

[safinator]

Eshte shume I bukur edhe fakti qe thuhet nen ze

[Endri_]

Per mu ska shume rendesi nese jane 74% mysliman apo 74% katolik. Per mua te gjithe jane shqiptar. Ne fund te fundit kush ka hap 2 faqe histori e di shume mire qe shqiptaret deri ne shekullin e 14-15 kane qene te gjithe krishtere pa perjashtim (perfshi dhe katragjysherit e pesegjysherit e myslimaneve te forumit . Me vone pastaj me pushtimin e turkut pjesa derrmuese e shqiptarve u asimiluan ne mysliman (ku prap per mua s'perben asnje problem) pasi shqiptaret kane jetuar ne harmoni me njeri tjetrin nder shekuj ,duke mos i dhene shume rendesi se kujt feje i perket njeri apo tjetri.

Kjo pjesa e 74% ku jam dhe une ,eshte futja kot. Tek censusi edhe une jam deklaruar mysliman ,por te them te drejten ne xhami skam qene kurre dhe skam ndermend te shkoj. Kshu si une besoj jane pjesa derrmuese e shqiptarve te shqiperise ,ku festojme bajromin por ramazanin asnji se mbajme

Tani ju mund te thoni cte doni ,qe sjam mysliman i denje e derrci verrci ,por mos praktikimi i fese edhe pse i te qenurit mysliman sme ben aspak mekatar. Mjafton qe une besoj shpirterisht ne zot pa qene e nevojshme te falem ne xhami.

[POKO]

"A e dini se çdo ndertese i vihen temelet n’dhe? Edhe pse n’varr, ne hijshem duhet t’jemi gurt e temelit t’njiasaj binaje t’cillin sot e quejm Shqypni"



shpirti i ketij prifti e i ketij robit te zotit,te gjej paqe te perhershme ne parajsen e perjetshme...amin e amen !

do e kisha per nder te isha nxanes e bashklutes me kete njeri e patriot te madhe.

desha te pergjedh vetem disa te thena e rrieshta nga ky patriot e klerik i madhe,por duke e lexu te terin fillim e mbarim,nuk do ndaja as nje fjale nga ajo qe ka thane ne ate kohe.

1.

PËRZGJEDHJE NGA PUBLICISTIKA E ANTON HARAPIT


FANATIZMI - një turp për personin dhe për shoqërinë

Zotni të ndershëm,
Më falni për guximin: due ta përballoj çashtjen ma delikate në jetën shqiptare.
Kush e kishte zanë besë?... Antagonizmi fetar qiti kryet dhe mizorisht u fut edhe, ndër ateistat e ditës. Egërsitë e bame në Jug, midis djelmnisë shqiptare, vetëm pse muhamedanë e kristianë, janë fakte qi nuk lanë me luejtë, por janë edhe prova të tmerrshme për jetën tonë fetare, shoqnore e kombtare. Për sa dij unë deri më sod, kjo çashtje kurrë nuk qe përballue kjartë e mirë; sa herë qe kallë, menjiherë edhe qe mbulue porsi gaca nën hi.
T’i mbetet hatri kujt të duejë, unë due ta thom mendimin tem haptas: Marrë në shumicë, muhamedani shqiptar asht fanatik, ortodoksi fanatik, katoliku fanatik e këta jo për besim, sa për inat e për parti. Ndër çasat ma të vështirë të jetës sonë kombtare, njimend se shpëtuem format e bashkimit shoqnor e të qetësisë ndër elementa, porse ne fund te punes mbeti nji tharm, nji gond rryme e partie, sa me të trembë e me të emoralizue. Tue prekë me dorë plagën, vjen pyetja: A do të mund të rrojnë në qetësi tre elementat fetarë ndër ne? Ateistat me të gjithë skeptikët, indiferentat, natyralistat, aventurierët e oportunistat, thonë se jo: Na shqiptarët nuk mund të rrojmëtë qetë, as nuk mund të formojmë shtet, për pa i zhdukë tc gjitha besimet, pse besimi i shqiptarit asht shqiparizma! Këta shpresoj t’i përballo nji herë tjetër; këtyne tash po thom vetëm se Shqipnia nuk ash vend i pa Zot; e se shqiptarët a nuk janë, as nuk duhet të jenë t’patënzonë. Fjalën këtë herë e kam m besimtarët e tre elementave.
Pa kontenstim ne jemi n komb, nji shtet e nji popull me n shpirt, me nji gjuhë e me nji histori, e po t’ishim edhe të nji besimi, patëm me qenë edhe ma te bashkuem, ma homogjenë, dhe nuk patëm me bjerrë mund e kol për t’u kuptue ndër shumë pun Por fakti asht ky se na jemi pra myslimanë, ortodoksë e katolik e si të tillë duem të rrojmë në nje harmoni yëllaznore. Unë thom se për këtë punë nuk asht nevoja me shue besimet, pse po të duem, mund të rrojmë vëllaznisht, sikurse kemi shembullin ndër sa shtete të tjera të qytetnueme.
Pra, tezin tem e ve kësodore: shqiptarët, po qenë vërtet të qytetnuem e nacionalista të sinqertë, besues edhe përnjimend në një Zot të vërtetë, nuk ka se si të mos rrojnë vëllaznisht shoq me shoq; përkundrazi, derisa të mos kenë kulturën njerëzore në shpirt, ndërgjegjen kolektive kombtare, e derisa t’u mungojë kultura fetare, ata kanë me qenë të damë e të përçamë, jo psejanë tri besimesh, por pse nuk kanë bazat ejetës shoqnore, kombtare e fetare

[POKO]

2.

PENGIMI I MADH: FANATIZMI

Pengimi i madh për jetën shoqnore, pra, për qetësinë e vëllaznimit tonë asht fanatizmi, i cili asht nji turp për personin, turp përi besimin të cilit i përket personi nje turp për jetën shqiptare. Besimi qi mbahet për pasion, pra me fanatizëm, nuk asht besim i arsyeshëm, as faktor i jetës; ai nuk nalton por poshtnon, e ma tepër rrënon se sa trajton. Besimi në nji Zot të vërtetë, Ati i të gjithe njerëzve, nuk do ta shtojë antagonizmin, por do ta pakësojë; besimi do ta zbusë njerinë ndër ndjesi e jo ta egërsojë, do t’i rregullojë prirjet e instinktit, ndër të cilat asht dhe egoizmi qi don të justifikohet me shkakun e besimit. Këtu asht nevoja ta dalloj njeriun fanatik nga njeriu me karakter: të dy ngulin kambë për nji bindje të vetën, të dy tregojnë fuqinë e vullndesës deri në kulm,... por me këtë ndryshim, se njeriu me karakter ngul kambë për nji parim t’arsyeshëm, ndërsa fana-tiku don t’i rrijë asaj së vetës arsye e pa arsye; njeriu me karakter tregon nji zotësi morale, ndërsa fanatiku dishmon nji dobësi personale, pse ai, edhe po ta shohë të paarsyeshme atë të vetën, nuk asht i zoti ta mundë pasionin e egoizmin; brutalisht mund të jetë i fonë, por njerëzisht asht i ligësht; karakteri moral ka caqet e arsyes, fanatizmi nuk ka cak, ai të verbon, të shtyn deri në ves e n’egërsi. Fanatizmi asht antinjerzor, prandej edhe antifetar e antishoqnor. Pra, për të rrojtë vllaznisht, nuk asht nevoja të hjekim besimin, por kusht i parë asht të hjekim fanatizmin në besim. Shqiptari mund të zbutet tue marrë kulturen vërtet njerëzore, kulturën e shpirtit, d.m.th. nuk mjafton të ketë sjelljen e mirë, paraqitjen e njerzishme, format e përshtatshme, mënyrët e hijshme, e ne shpirt të rrijë i egër, por duhet të jetë edhe përnjimend në vete ashtu si mbahet e duket përjashta, atëherë ka me u ba i zoti të rrojë në harmoni me vëllaznit e vet sh-qiptarë të çdo kondicioni shoqnor edhe të çdo besimi. Ngjitas me kulturën njerzore, shqiptari do të marrë kulturën fetare. Kaloi koha qi ta mbajmë besimin pse na e kanë lanë të parët, pse ashtu e kemi gjetë, pse besojnë të tjerët, ase për nji çdo tjetër arsye të jashtme; sod duhet të dijmë shka besojmë dhe pse të besojmë; lypet tajustifikojmë, nëmose paravetes, besimin tonë. Por nuk mjafton kaq: besimin nuk do ta mbajmë as për etiketë, as për nji gja vetëm teorike; besimi duhet të jetë faktor i jetës; parimet e besimit duhet të përftojnë në bindje të plotë, ndiesi të gjalla, lëvizje, shprehje, fjalë e punë, drejtues në nji sistem jete. Kjo don me thanë kulturë fe-tare.

[POKO]

3.

TE RROJME SHOQNISHT E VLLAZNISHT

Jo se kërkohet prej shqiptarëve kristianë e myslimanë të jenë të gjithë Shenjtën a Peigambera, por po deshëm të jemi komb e shtet, lypet me doemos të jemi në atë shkallë kulture njerëzore e fetare, sa mjafton të rrojmë shoqnisht e vëllaznisht. Pa kulturën njerëzore, nuk jemi të pjekun të rrojmë si njerëz i e si shokë; pa kulturën fetare, besimi nuk na formon për jetë, por ma tepër na pengon.
Kam pa myslimanë edhe kristianë qi me vetëmohim mbërrijnë deri në heroizëm për të mbajtë ramazanin e kreshmët, por prejse nuk e kanë kulturën fetare, ata me atë vepër sado heroike, nuk shfaqin nji madhni shpirtnore të, cilën nuk e kanë, pse qindresa e tyren të shumtën e herës bazohet , thjesht në nji zakon, në nji traditë, i në nji moskuptim të jetës fetare qi e zhvleftëson motivacionin edhe veprën e tyne.
Nji kusht tjetër qi rrjedh prej kulturës së shpirtit asht nderimi për bindjet e të tjerëve. Po t’ia bajmë diagnozën shpirtit të shqiptarit në skajin ma të fundshëm, kemi për të gjetë këtë fenomen të çuditshëm: kush nuk mendon si unë, thotë, ai asht kundërshtari em. Ky paravendim antishoqnor shfaqet jo vetëm në lamëm fetare, politike e shoqnore, por edhe deri në lamën ditunore. Më ka ra rasa për vjetë e vjete të marr pjesë ndër shoqni, mbledhje, nisma e shkoqitje çashtjesh ndër shqiptarë, edhe do të thom se, me pak ndryshime e me forma ku ma shumë ku ma pak egoiste, si ndër njerëz me shkollë, kam gjetë e prekë me dorë se mjaft me tregue kush nji mendim a parim të kundërt apo edhe të ndryshëm, për me u shikue shtrembët e me u ba shenj antagonizmi e luftimi.
Shkakun e këtij fenomeni të paarsyeshëm prapë e gjejmë në gabimin trashanik, pse shqiptari edhe po të mbahet se ka kulturë, kujton se me ndjekë arsyen e nji tjetri asht dobsi. Historia e djeshme e trysnia e sotshme na e vërtetojnë këtë përbindsh të individualizmit egoistik. Për të rrojtë vllaznisht nuk lypet të mendojmë të gjithë me nji kokë, as nuk kërkohet të kemi të njejtat parime ase të jemi të pagabueshëm, por medoemos duhet t’ua njohim të tjerëve të drejtën e arsyetimit e të bindjes, po n’atë mënyrë si kërkojmë qi të tjerët të respektojnë mendimet tona. Do ta dimë se secili njeri, edhe pa dashtë, mund të ndjekë nji rrugë a nji parim të gabuem, prandej, sikurse nuk duem të na përbuzë kush ne edhe po të jemi në gabim, ashtu as na mos të përbuzim askend. Themeli i shoqnimit, prandej, edhe i harmonisë shoqnore midis shqiptarëve, qofshin edhe besimesh të ndryshme, asht në mbajtjen e sinqertë të parimit: Mos i ban kuj shka nuk don me ta ba kush ty; banu të tjerëve si kërkon me ta ba ata ty. As në këtë pikë besimet nuk pengojnë, por e kanë detyrë të ndihmojnë.