Vargjet janë si njerzit!........

[Agim Doçi]

VARGJET DHE NJERËZIT!….


Po, po!
Vargjet janë njëlloj si njerzit dhe nuk është aspak çudi!
Ka vargje të shkurtër,
vargje të gjatë
vargje të revoltuara !
vargje plot me dashuri.
Ka vargje rrebele,
vargje të sakatuara
vargje të pisëta
Vargje të ëmbëla si …karamele
Ka vargje pa kuptim
Vargje që të mashtrojnë
Ka vargje që u vjen era që përtej…
Vargje përçmim
Vargje që të gabojnë !
vargje që kurvërojnë…

pa dilni në bulevardet e mbretërisë së poezisë
të takoni Naimin, At Fishtën a Chajupin
merrni dy vargje prej
autostradës Migjeni
se shëtitorja Jeronimit dhe Gavrilit
thellësive të legjendave
vargjet nuk di ku i humbi !
Kërkoni në shkëmbenjt
e Xhevahirit
të gjeni mademet e vargut të protestës
zbrisni në fushat e Myzeqesë
të merrni pak humus prej vargut të Visar Zhitit
Ndaluni tek balta e Devollit
Dhe merini falas vargje prej Driteroit.
Se matanë Bjeshkëve të Namuna
Azemi Shkreli nuk b’zan…
U çliruen bjeshkët…

Vargjet janë si njerzit!
Ka njerëz të shkurtë dhe të gjatë,
Barkalecë, mistrecë,
Njerëz të llangosur
Njerëz gjenial
Ka edhe njerëz vrasës, njerëz viktima
Njerëz të pangopur
Njerëz që u kruhet…
Njerëz pa vlerë, të ftohur
Njerëz të lirë !!….ah ? çfarë the ?… vargje të lirë ???
Ah po më fal !
Harrova t’a marrë dreqi!
Vargjet janë si njerzit!

[Estella]

Njerzit ngelen njerez, vargjet ngelen vargje
por vargjet e tua ngelen te verteta.

[Agim Doçi]

Estella,
as nuk ke vendqëndrim, as vota, asgjë pas NICK-ut tënd...A më pranon kështu siç jam, të të shkruaj 8 vargje për ty dhe vetëm për ty?

Ja konkretisht:

Më konfiskove mallin e shpirtit që të dërgova pa doganë!
Bëre mirë!!!
Kthemi bunkerët ku ke futur shpirtin, se shpresa na mbanë...
Ose thuam: - Lamtumirë!

Nëse vargjet janë si njerzit, po deshe gjejmë ku jam!
veç mos gabo!
Mos më kërko tek vargjet e pashkruara.
Mos më kërko!...

Respekt dhe mirënjohje
Gimi

[Estella]

Gimi, Faleminderit per poezine. Jo 8 vargje qe sme ngopin, por edhe 800 jo.

Votat skane cme duhen
biles me bezdisin
per mire a per keq
mendjen guxhulisin

VARGJET I KENI TE GODITURA(ato te poezise se pare), ATO DHEMBIN!

[Agim Doçi]

Estella
ti më ngjall respekt dhe mallë ashtu siç ndjen cilido për njeriun që e meriton me të vërtetë të duhet, të respektohet dhe pastaj papritur të të humbasë nga sytë, nga krahët, por jo nga enderra!...
Nuk e di, por ti më nxit të shkruaj 8 të tjera!...Tani! Në çast!

A më jep pak kohë sa të marr pak frymë?
Se pastaj do zhytem thellë - tepër thellë...
në Gropën më të madhe, në Vetminë...
atje ku njerzit hanë psherëtima, të vetmen gjellë!...

A më jep pak frymë sa të gjej kohën e duhur?
e të dal në bregun ku gjendesh edhe ti!
Pastaj me lëkurë, me duar, me shpirt të rudhur
Të më hedhësh nga dritarja në Aveniu "Love me!"?....

Se vetë e pata fajin, që dhe askush nuk e di!...
G.

[deep_blue]

Nje pyetje Agim , pse shkruani vargje ?
Mundesisht pergjigje konkrete dhe e shkurter , moti e kemi tejkaluar romantizmin.
Jam anetar i ri , dhe nuk i njoh profilizimet .

Pershendetje njerezore.
po pati edhe ndonje pershendetje tjeter ma shkruaj.

[e vetmuara]

Pershendetje, Agim.

Poezia jote eshte dimri i Kanadase, i gjate.
Disa thone eshte i bukur, plot debore; te tjere eshte shume i gjate e i merzitshem, te tjere... te tjera.
Une them se edhe pse i gjate, ka bukurine e tij mahnitese qe po ta dish ta shfrytezosh, te gjesh argetimin ne te, do te deshiroje te mos mbaronte kurre.

Faleminderit per poezite e bukura.

[Agim Doçi]

U nisa me sajën e shpirtit dhe mpreha kuajt e mendimit
të arrija në Kanada...në kontinentin e zbardhur nga bora.
drerët me sytë e përlotur i pashë tek rendnin avuj nxirrnin
O Zot - këtu nga malli qënkan thinjur të gjitha...pse shkova?


Gimi

[deep_blue]

o AGIM , nuk u pergjigje ne pyetjen time apo ke harruar!???

[Agim Doçi]

deep blue!
A shumë po të shqetson që shkruaj vargje????????
Apo nuk din ku me më futë, tek të gjatët, tek të shkurtët, tek të hollët, tek të trashët apo....

Nëse kam shkruar gjithë jetën vargje
ta dish "Deep Blue" se jam krenarë!
Bile jam Njësh Poet në Lagje!
Se ka të tjerë që janë shkrimtarë!

Por vargje shkrova, se vijnë vetiu(!)
Bile as unë nuk e kuptoj!
Poeti i parë kur letrën nxiu
e shqeu gjoksin, pastaj ...palloj!!!!

Hajt shëndet or "deep"