Genjeshter apo Realitet?

[angmokio]

Genjeshter apo Realitet?



Shpeshhere online na eshte dhene rasti te shikojme video apo foto , shpeshhere fallsifikime ku individe te ndryshem manipulojne me lajme te ndryshme , disa here punime me photoshop apo punime artistike gjoja mrekulli ne fene islame. Le te sherbeje kjo teme si sqarim per te gjitha keto fabrikime ose ne rastin e kundert te vertetohet orgjinaliteti.

Po filloj une me sjelljen e disa shembujve.

Gënjeshtra: Tregimi i një vajze ummanase, e cila qe tallur me Kur’anin dhe më pas qe shndërruar në dhi.
Realiteti: Fotoja është një punim artistik i një artiste franceze.

***
Gënjeshtra: Storia e djaloshit, varrin e të cilit e hapen për obduksion të kufomës pas tri orësh dhe të cilin e gjetën të djegur nga zjarri i varrit.
Realiteti: Në realitet, fotoja ishte e një kufome të një vajze e cila qe djegur në një aksident.

***
Gënjeshtra: Fotoja e një xhini, të cilin një i ri nga Emiratet e Bashkuara Arabe e kishte fotografuar në një shpellë, me ç’rast kishte vdekur menjëherë pas këtij fotografimi.
Realiteti: Xhini, i përshkruar në foto, në realitet ishte një skulpturë e gdhendur në një shpellë, sytë e së cilës (skulpturë) ishin të lidhura me një çelës elektrik për ndriçimin e syve me poç elektrik të kuq.

***
Gënjeshtra: Fotoja e një kopshti gjerman ku rrënjët e pemëve ishin lidhur e formësuar në të dy anët si dëshmia: La ilahe il-la Allah Muhammedun Resulullah!, duke mos fshehur edhe atë se kopshti nga autoritetet gjermane është mbyllur.
Realiteti: Fotoja ishte një pikturë e një artisti, emri i të cilit qe fshirë nga piktura.

***
Gënjeshtra: Në një spital amerikan një aparat kishte fotografuar zemrën e një pacienti në të cilën shkruante emri ALLAH!.
Realiteti: Fotoja është përhapur nga një forum çifut që të përqeshet Islami.

***
Gënjeshtra: Majkëll Xheksoni bëhet musliman.
Realiteti: Majkëll Xheksoni ka shpallur se ka respekt për këtë fe dhe mohon se është musliman.

***
Gënjeshtra: Fotot e dy haremeve, Qabesë dhe Xhamisë së Pejgamberit, alejhi’s selam, të cilat nga incizimet e bëra me satelite shndrisin gjatë natës.
Realiteti: Fotoja është punuar me Photoshop . Është marre fotoja gjatë ditës, i janë fshirë objektet që i rrethojnë, e me pas është bërë punim artistik me të. Ndryshe, nuk ka të vërtetë këtu.

***
Gënjeshtra: Një foto nga NASA që paraqet hënën me një vijë në mes duke vërtetuar kështu faktin e çarjes së hënës nga Muhammedi, alejhi’s selam.
Realiteti: Edhe kjo foto është prodhim i Photoshop-it. Pra, nuk është e vërtetë ngase këtë lajm askund nuk e kemi hasur në burimet e NASA-s.

***
Gënjeshtra: Pema e bekuar, e zbuluar në Egjipt, në të cilën është gdhendur emri më i madh i Allahut.
Realiteti: Gdhendja është bërë nga dora e njeriut dhe nuk bëhet fjalë për tjetër gjë.