Në atë tokë ku ka grekë të vrarë ka dhe plot Shqiptarë të vrarë nga grekët, dhe nuk flas vetëm për luftën e dytë botërore (që MAVI-ΜΑΒΗ vriste Shqiptarë pasi u tërhoq ushtria greke), por dhe para asaj, kur çetat greke në jugë të Shqipërisë hynin dhe vrisnin Shqiptarë (nuk flas për çamët, flas për banorë të jugut të Shqipërisë së sotme).
Nuk do ishte keq të përkujtohen dhe ata në historinë tonë, jo vetëm të dëgjojmë që Shqipëria ishte pjesë e aksit bashkë me Italinë dhe sulmoi grekun!?
Ndryshuar për herë të fundit nga user010 : 29-10-2012 më 06:41
Shihet qartë se qeveria shqiptare është mbështetëse e hapur e Agimit të Artë, një parti neonaziste e urryer dhe vetë në Greqi. Kush i thotë vetes shqiptar, nuk mund të mbështesë neonazistë grekë që të na sundojnë në Shqipëri.
Postuar më parë nga Edvin83
" meqe qeveria shqiptare mbron neonazistet greke, atehere
na duhen aksionet patriotike dhe antifashiste."
po leri keto se nuk i ha njeri sot. ti sikur po flet me shpellare qe nuk dine sec
behet ne kete bote.
AKZ-ja eshte totalisht fashiste, nga retorika dhe kauzat e veta.
shko lexo si erdhi fashizmi dhe nazizmi para se te merrte pushtetin.
dilnin ne rruge dhe bertisnin per tradhetare e te shitur, qe vetem ata ishin patriota.
I KEMI PARE KETO FILMA, PARA 90 VJETESH.
Te gjithe ankohen se s`kane para....por asnje nuk ankohet se nuk ka tru
Keta to ta ngjallin Komandat zevren per ti nxeh shqiptaret ta marrin hakun e qameve,po do te vjen ajo koh se zoti shqiprin nuk e zhduk per inat te politikaneve;rrnoft Populli.
Kosova është Zemra e Shqipërisë !
pse sheh ndonje ndryshim ti nga agimi i arte dhe alanca?-te njejtat thirje bejne te njejtat metoda,cili eshte ndryshimi i tyre?
-persa i perket temes keta te ak qenkan dhe genjeshtar ,se than qe do ven per te penguar ardhjen e atyre te agimit te arte,nuk i paskan pasur informatat e sakta,perderisa me sa kaluan dje nuk ishte asnje i agimit te arte,dhe gjuanin me gur e veze makinen e ambasadorit dghe autobuza me familjare greke,TURP
mos te behemi si ata qe shajme or njerez,ekstremizmit asnje nuk ja ka par hajrin,ska pse ti thoni te tjereve racista e shovinista,kur ju vete perkrahni metoda te tilla te ak.
Ndryshuar për herë të fundit nga BLEDI_SH : 29-10-2012 më 11:01
Nga ideologjia e romantizmit, që zgjoi, sidomos ndër popujt e Europës Juglindore, idealet nacionale me gjoja historinë, folklorin e etnosin, përfitimin më të madh e kanë nxjerrë grekët. Falë edhe Rilindjes e Humanizmit që e shikonin Greqinë si zanafillën e ndritshme të qytetërimit europian dhe shtratin ku mbinë farat e mendimit, estetikës dhe shkencës së ardhshme humaniste, askush nuk u kujtua për amalgamën e banorëve të Greqisë së shekullit XIX, para së gjithash aspak helene, nëse kemi parasysh më këtë substratin e hershëm të bashkëkohësve të Platonit, Aristotelit apo tragjikëve. Frymëzimet e atëhershme libreske dhe tërësisht derdimene e njehsonin popullatën konglomerate të Greqisë me helenët e lashtë, duke iu kthyer kësaj toke e këtij populli me pathosin e frymëzuar të të gjitha arteve.
Pas triumfit të revolucionit grek dhe shpalljes së pavarësisë më 1821 me ndihmën e fortë dhe protagonizmin qendror të shqiptarëve dhe udhëheqësve shqiptarë, nacionalizmi i ri grek nxori të gjitha përfitimet e mundshme nacionaliste, falë "kumbarisë ndërkombëtare" të disa prej autoriteteve me të njohura të shkencës dhe letërsisë romantike europiane të shek. XIX e sidomos të Claude Fauriel dhe vëllezërve Grimm. Reklama dhe propaganda e fortë e qarqeve kulturore romantike në Europë zhduku çdo lloj dyshimi në njëmendësinë e identifikimit të amalgamës së mbishtresuar heterogjene të banorëve të Greqisë, me helenët e lashtë, të larë e të shpëlarë në ujërat e dyndjes migruese të 2000 viteve histori. Vetëm historiani austriak Jakob Philipp Fallmerayer do të pohojë asokohe se "grekët modernë nuk janë aspak pasardhës të helenëve të lashtë përderisa vazhdimësia e tyre etnike është ndërprerë nga dyndjet sllave të shekujve VII dhe VIII". Greqia moderne nuk është gjë tjetër, sipas tij, "veçse një grumbull vllehësh, shqiptarësh dhe sllavësh" (Anne-Marie Thiesse "Krijimi i Identiteteve Kombëtare, f. 114).
Është ashtu siç thotë Eqrem Çabeji: romantizmi në këtë skaj të Europës zhvilloi anën më të prapë të nacionalizmit. Politikanët e shtetit të parë grek e ushtruan më të gjitha format e shëmtuara idenë nacionale të panhelenizmit, duke ndërtuar programe të pastra elaboruese ndaj popullsive të tjera, njëlloj siç vepruan serbët. Megaloidhea panhelene për gati 200 vjet ka qenë serumi i pandërprerë e obsesiv që ka ushqyer gjakun e gjeneratave, aq sa sot shkalla e autosugjestionit është praktikisht një proces i përfunduar.
Ne sot vuajmë pasojat e kësaj ideje, fara e së cilës është hedhur që nga çerekshekulli i parë i qindvjetëshit të nëntëmbëdhjetë. Këto pasoja janë ngërçet dhe gjestet skandaloze me të cilat politika greke provokon, përkundër çdo të drejte ndërkombëtare tek një shtet sovran, të cilat, duke u përsëritur shpesh, kanë krijuar një traditë të madhe turpi e fyerjeje. Incidentet e paturpshme me neurozën e përjetshme të Vorio-Epirit, provokimet e mbështetura nga kisha (priftërinjtë e kapur duke shpërndarë hartat e Vorio-Epirit nëpër Shqipërinë e Jugut në vitin 1997), preteksti i përhershëm i minoritetit, nervozizmi konstant i Himarës, të ashtuquajturat "varreza greke" në Këlcyrë e Boboshticë, ndalimi i shtetasve shqiptarë me origjinë çame të hyjnë në Greqi, të ashtuquajturat "pensione" që shteti fqinj, edhe në grahmat e fundit të falimentimit, i jep një numri të madh qytetarësh shqiptarë, që vullnetarisht kanë vendosur të vetëdeklarohen "grekë", ndërmarrjet e financuara rekrutuese për regjistrimin e sa më shumë vetëdeklarimeve "greke", kalendarët e festave nacionale greke dhe agjendat e përhershme me thekse të qarta panhelene në territoret e shtetit shqiptar - flasin për një traditë të ekspansionit agresiv të politikës shoviniste greke nga njëra anë, dhe nga ana tjetër, për një mefshtësi dhe inferioritet të turpshëm të politikës shqiptare, e cila lejon të ekspozuar inkursionet shtetërore shoviniste të shtetit fqinj të bëjnë eksperimente fyese në kurriz të shtetasve të saj.
Më së fundi, lëshimi i territorit për kryerjen e ceremonive nacionaliste të festës së 28 tetorit (festa e "jo"-së), që organizojnë militantët e partisë neonaziste "Agimi i Artë" dhe shfaqja e ish-kryetarit të OMONIA-s së Korçës, Naum Disho, i dënuar nga drejtësia me 1 vit burg për dhunimin e varrezave 200 vjeçare të Boboshticës, pikërisht në vendin e krimit, janë jashtëzakonisht të tepërta, tej mase fyese në vigjilje të kremtimit të 100 vjetorit të Pavarësisë së Shqipërisë.
Në gazetën "Aftonomia" të datës 25.10. 2012, shkruhet si më poshtë: Siç lajmëron rrjeti social facebook i Rinisë së Komunës Livadhja, fjalimi i një prej liderëve të "Agimit të Artë" në Himarë, Christos Papas, do të ishte ky: “E kaltër me të bardhë, siç i takon Aristotelit. Në shumë raste thonë që ky gjak duhet të jetë gjaku i fundit dhe urojmë që të jetë kështu, por kjo tokë, Himara, toka greke, ka treguar në shekuj të shekujve se ka gjithmonë heronj dhe gjithmonë jep djemtë e saj më të mirë, kurban për lirinë. Të jeni të sigurtë se, pavarësisht se Nëna Greqi dhe pushteti politik janë bukëshkalë e nuk i mbrojnë djemtë e tyre dhe helenizmin, të jeni të sigurtë se disa, me mendjen e tyre, pavarësisht se janë nëpër zyrat e Athinës, do të jenë gjithmonë në mbështetje të Vorio-Epirit. Dhe të them edhe një të fundit: Themi të gjithë për Vorio- Epirin dhe shumë mirë foli edhe kunati i të ndjerit Aristotel. Por nuk ka Vorio-Epir, Epiri është një. Vetëm një copë ka mbetur e skllavëruar dhe jo e lirë. Është në dorën tonë që të mbajmë këto Termopile. Mbi të gjitha jeni ju të parët, që jeni vendas e që jetoni këtu, që keni gjithë këtë presion të institucioneve shqiptare. Me ndihmën e grekëve të zgjuar, besoj se nuk do të vonojë koha që kjo copë e tokës greke do të bëhet, edhe nëse përkohësisht, autonome, pasi janë në fuqi vendimet e Protokollit të Korfuzit. Më pas të vijë edhe liria që kemi kërkuar. I paharruar qoftë kujtimi i Aristotelit! Qoftë i pavdekshëm, vdekja nuk llogaritet. Një është Greqia, për Greqinë luftojmë. I njëjti mesazh është edhe në Qipro, në Qipron tonë të skllavëruar. Mbi këtë varr duhet të betohemi për atdheun tonë, për fenë tonë, për idealet tona. Rroftë Greqia!”.
Sigurisht kjo libido nacionale pritet të përshëndetet do të përshëndetej me duartrokitje frenetike në territorin shqiptar, a thua se këtu jeton popullsia indigjene e Amerikës, po të mos kishte një reagim sensibilizuas të këtyre ditëve, gjë që e bëri të pamundur "festën" nacionaliste greke në territorin shqiptar.
Por është me vend të bëjmë pyetjen për rastet e tashme dhe ato të mëparshme që kanë ndodhur: a është një pabesi e shtetit kjo ndaj shtetasve të vet? Nëse shtetin e konceptojmë si një hierarki, ashtu siç janë prindërit hierarki mbrojtëse në familje, atëherë pabesia e shtetit tonë është perverse. Sepse, nëse e zgjerojmë analogjinë, ndodhemi si në rastin e hezitimit të prindërve, kur shohin se një horr u ka hyrë në familje, i blen fëmijët e tij të pambrojtur, u flet se nuk janë bij të prindërve që kujtojnë; i fyen e i poshtëron, ndërsa prindërit? Prindërit rrinë mënjanë, pa u trazuar... duke bërë sehir.
Ajo që këto ditë e ka nxehur "familjen" tonë të pambrojtur, është se "horrat" që duheshin përzënë, janë rikthyer përsëri në familje. "Fëmijët" e pambrojtur, në mungesë të autoritetit prindëror, do të durojnë prapë poshtërimin e horrave. Dhe dihet si mbaron kjo punë: një pjesë e tyre, do të shohin leverdinë: do të mbushin xhepat me lodra, ëmbëlsira e premtime. Një pjesë tjetër, do ta urrejë për vdekje. E ndoca të tjerë, të guximshëm, mbase dhe mund t`i vrasin horrat e vegjël që u kanë hyrë në kopsht, në oborr, në shtëpi, duke hapur një perspektivë telashesh për Horrat e Mëdhenj.
Qëllimisht nuk po hyj të rendis këtu konventat ndërkombëtare e ndërshtetërore që ndalojnë çdo formë të trysnisë, propagandës shovene dhe ndërhyrjes jo me hundë, por me gjithë turirin në punët e brendshme të një shteti tjetër. Thjesht një situatë fëmijnore mund të na zbulojë gjithë pështirësinë dhe amoralitetin e gjendjes përballë horrave që hyjnë të na turpërojnë në familje, sikundërse dhe indinjatën për "prindin" tonë të mefshtë, që nuk reagon.
Si u zgjat tërkuzë vallë kjo puna e varreve? A ka gjë më të thjeshtë, se një shpjegim i drejtë e parimor për palën greke që kërkon varret, se Shqipëria e pushtuar, njëherit dhe tokë ndërluftuese palësh, është e hapur njëlloj si për italianët, ashtu dhe për grekët, të gërmojnë, të marrin eshtrat dhe t`i varrosin në atdheun e tyre? Atëherë pse për italianët vendoset një standard dhe për grekët një tjetër? Si mund të hiqet sikur nuk di gjë një shtet, kur shteti tjetër ia blen ditën për diell, me rrogë, shtetasit e vet? Si mund të lejosh një situatë të tillë, kur shteti tjetër bën ç`të dojë: të blen, të rekruton shtetasit, për t`i patur mercenarë? A mund të ndodhte diçka analoge, nëse do të provonim, bie fjala, të rekrutonim me para shtetasit grekë? Se ka jo pak çamë e arvanitas në Greqi! Si do të reagonte atëherë shteti grek? Pse nuk e marrin parasysh kaq pakogjë shtetarët tanë?
Situata është sa absurde, aq dhe tragjike e poshtëruese. Horrat janë rikthyer brenda familjes sonë. Shteti ynë i mefshtë, të cilin e paguajmë për të na ruajtur, na ka lënë të ekspozuar. E gjithë Shqipëria është lënë e pambrojtur. Në trupin e saj rreh tenja greke. Me mijëra forma. Me mijëra dhëmbë. Ajo grimcon, grin e bren përditë në qindra e mijëra mënyra trupin e ekspozuar të shtetit tonë. Me bizneset, kapitalet, influencën politike e religjioze. Me emigrantët, kompanitë, bankat, shkollat, komunat e bashkitë. Me legatat, shkollat, misionarët dhe diplomatët. Trupi ynë social, politik e shtetëror grihet e grimcohet nga tenja greke. Ndërsa shteti ynë, pa qenë i aftë të ngrejë gishtin të mbrojë krijesën e vet, që po i bëhet tallazh ndër duar, nuk ka arritur dot, së paku, të krijojë një iniciativë të lirë morale e intelektuale për t`i bërë pritë këtij grimcimi.
E nëse provokimit të nderit tonë nacional (i cili nuk është e nuk mund të jetë ekskluzivitet apo monopol i shtetit) nuk do të vonojë t`i jepet përgjigja në lartësinë e nderit, atëherë cili nga shtetet tona fqinje do ta marrë përsipër koston? Dikush, padyshim, kërkon të projektojë Heroin. Ose dhe Viktimën (çka është e njëjta gjë).
Në kurrizin e cilit vallë do të rëndojnë heroi dhe viktima?
Gazeta Start
paske marre lejen e zakonshme?
Nuk eshte puna..tek vizitat ndoshta te familjareve....puna eshte qe vijne e bejne politike..se po te vinin per te vraret (nese ka aty ),shqiptaret jane aq njerez sa mos thone gje ...po kta greket ju jep doren - te marrin krahun bile te vjedhin edhe protezen e dhembve,puna nuk eshte te cohemi oburra te bejme lufte me Greqine ..nuk jemi gati edhe kta tonet e dine prandaj rrine urte...me ate ushtri qe ka greku na ben zbor..as lufte partizane nuk bejme dot se kane ngel malet lukuriq ..vetem me u masku partizanet si trung i prere,por edhe ti leme fare nuk eshte mire or burre..si i thoshte prifti i Kosines ..he mo e pate ca shteti leshi keni ??Nuk duhen lejuar keto gjera pike...Bile une jam i mendimit te hiqen fare nga jugu varrezat e nese deshirojne ti respektojne fqinjet e vrare te bejne nje varreze te madhe ne kryeqytet e mbaroi filmi..
SHQIPERIA MBI TE GJITHA
Që të jenë të barabartë AK me AA (agimi i artë) duhet të paktën këta të AK të dalin rrugës të rrahin refugjatët, të therin, të shajnë në televizor, të simpatizojnë hitlerin etj etj
PSE HESHT BERISHA DHE RAMA ,kur ortodoksia greke kerkon territore ne Shqiperi ?!!?
Regullat e Postimit
Përgjigju Duke Cituar
Krijoni Kontakt