Dy Armata "kombëtare" Shqiptare!

[kosovar]

DY ARMATA "KOMBËTARE" SHQIPTARE!!


--------------------------------------------------------------------------------

Bernë, 12 maj 2002 / Kadri Osmani

E futa në thonjza atë "kombëtare", se nuk mund të ketë asnjë lidhje me kombin, me popullin shqiptar dhe karakteristikat tona ata që luftojnë mes vete, ata që gjuhen me murtaja mes vete!!- por u detyrova ta lë pa thonjëza atë "shqiptare": për shkak të moskrijimit të hutisë te lexuesit, se mund të mendojnë se janë krejtësisht shkie, dhe për shkak se ata kretenë të Kretës vërtetë kanë origjinë shqiptare, por që kanë ngelur në epokën e majmunërisë, dhe nuk mund ta harrojnë origjinën, andaj shpesh e përcjellin me gjeste prej majmunësh zbavitës.

Në tavolinë e kam shkrimin e gazetarit Nebi Mërseli, (të cilin nuk e njoh), i cili shkruan në një faqe të plotë te gazeta "Koha ditore" e datës 30 mars 2002, f. 4., me mbititull: Dy ushtri interneti kaplojnë shqiptarët e Maqedonisë, me titull: Lufta virtuale e dy AKSH-ve, dhe me nëntitull të zgjeruar:

Gafurr Adili dhe Agron Rexha fshihen pas emrave virtualë të Hekuran Asllanit, që zyrtarisht është edhe komandant i përgjithshëm i Shtabit Suprem të AKSH-së, që vetes ia ka mveshur gradën gjeneralkolonel, ndërsa ky i dyti përdor pseudonimin Alban Berisha dhe qëndron prapa emrit të zëdhënësit të AKSH-së

Meqë UKSH-(Ushtria Kombëtare Shqiptare), që në start u zbulua se sa "kombëtare" ishte, kur e dënoi me vdekje zotin Fetah Berisha, veprimtar i devoshëm demokrat, na mbeti të besonim dhe ta përkrahnim këtë tjetrën, duke ushqyer ende iluzione të kota se shqiptarët do të ngopën me dallavere e me poshtërsi nga më të ndytat, nga më skandalozet!?!

Dhe shënja e parë e keqe u pa kur socialfashisti Ernest Luma i vizitoi këta "kombëtarë" në Luboten, dhe doli me reportazh, duke i komprometuar ata deri në fund në radhët tona demokratike. Dhe nuk vonoi e plasi lufta vëllavërasëse në Tetovën e Rafi Halilit të devotshëm, martir i gjallë. Ata as kanë turp prej Rafiut, as kanë turp as inat prej shkive, të cilëve po ua kënaqin zemrat, duke ua njohur meritat e krimeve edhe faqe botës:"ja se kush janë shqiptarët, ne jemi për rregull e qetësi- shqiptarët janë anarkistë, dhe ata i bie në rregull vetëm diktatura e huri!!!".

Po sërish t`i kthehemi artikullit në shqyrtim: artikullshkruesi shpjegon se Ali Ahmeti dhe Gafurr Adili janë të njëjtit fshat, të Kërçovës!! Lufta për mbizotërim!! Ali Ahmeti qenka nip i Fazli Veliut, me fe lëpëkëist, i të njëjtës fe të SHIK-ut të Shqipërisë që është edhe Gafurr Adili me kompani!! Ata dhe këta kanë kontribuar për shkatërrimin e Shqipërisë më 1997, por kanë kontribuar poashtu edhe për çlirimin e Kosovës: e tash le të mblidhen të gjithë ekspertët kombëtarë-ndërkombëtarë e le tua caktojë diagozat: kombëtarë-terroristë-çlirimtarë-robërigrishës-liridashës-përçarës!?!?!?!?!?!?

Gazetari dhe gazeta në fjalë nga krahu i Gafurr Adilit përmendin vetëm dy emra: Brahim Abdyli nga Zvicra dhe Sabri Duraku nga Gjermania, dhe shton se janë ultra marksistë të grumbulluar në Partinë Revolucionare Shqiptare-(PRSH): dhe thotë se së paku për njërin prej tyre ka informata të sakta se që nga viti 1984 është "kontigjent i shërbimeve sekrete sllave".

"Ka tashmë një kohë bukur të gjatë që këta persona tejet të papërgjegjshëm, po mundohen që përmes shantazheve të ndryshme të përvetësojnë emrin e AKSH-së dhe me demagogjinë e tyre kanë arritur të mashtrojnë një numër të vogël njerëzish, duke i dërguar ata të vriten me shqiptarë pa vrarë ende asnjë ushtar apo polic të armikut", thuhet në kumtesën e fundit të AKSH-së.

E tash anash gazetarin dhe gazetën në fjalë, po dal unë me dëshmi të mia burimore: Nga organizime të ndryshme të veçanta, në fund të vitit 1991, në Llucern, kemi themeluar Organizatën Revolucionare Shqiptare-(ORSH), kryetar i të cilës jam zgjeshur unë, Kadri Osmani. Por vrik e hetova se mua më kishin marrur vetëm për emër, për medalje dekori, por që do të tentonin të ma loznin pas shpine, si qenat tinëzarë.

Pas një pëpjekjeje, dhe një varg mbledhjesh e letrash-(letrat ia adresoja Gafurr Adilit, meqë ky kishte shënimin te revista jonë "Kushtrimi i lirisë"- kontaktadresa. Ata të tjerët nuk i përmendja, ose i përmnedja me pseudonime, që të mos më akuzonin për dekonspirim, paçka se kretenët e Kretës e patën shpallur përmes Radio-Zagrebit!!

Dhe pas një viti përpjekjesh të kota, kam shkruar: Në vend të urimit për Vitin e Ri 1992, Dosja e zezë e Gafurr Adilit me kompani!! Dhe jam ndarë prej kësaj bande jonjerëzore. Dhe meqë ngela i paorganizuar, kur Gjinushi shkoi majtas kah socialistët, shkrimtari Teodor Laço u nda dhe e themeloi Partinë Socialdemokrate. Unë shkova dhe aderova te kjo parti, dhe botoja artikujt në gazetën e tyre-(tonën).

Unë atë Parti Revolucionare Shqiptare-(PRSH) e quaj Prishja Reaksionare Shpartalluese!!! Dhe pos atyre tre emrave të përmendrur më lartë nga gazetari Nebi Mërseli, unë mund të ju njoftoj edhe për ca shokë të tyre: Petrit Duraku, vëlla i Sabriut në Gjermani, dhe Nazmi Duraku, polic në Kosovë: e keni artikullin për të te revista "Shqipëria Etnike" nr. 15-16/2001, f. 44, me mbititull: Gjurmëve të keqpërdorimeve, dhe me titull: KUR ËMBËLTORI BËHET- DREJTOR!!- ku argumentoj me dokumentin e Bankës Arabe-Amerikane në Tiranë, me nënshkrimin e Nazmi Durakut, që ky m`i ka përvetësuar 1000.- marka!!-(të hollat m`i ka dërguar nga Gjermania miku im Kadri Veselaj. Tutje: Shefki Ollomani- "Iliri",-Meqedoni), Menderes Mala-"Mala",-(Zvicër) Jusuf Bajrami-"Hasani",-(Gjilan) edhe njëfarë Adnani, të cilin unë e quaj Adnan Hajvani!!- që punonte nëpër gazeta-lëpushka pavlerë.

Revista "Kushtrimi i lirisë" ishte më e dobëta nga më të dobëtat, kryeredaktor-(pa dijen time!) kishte qenë gjysmanalfabeti Pertit Duraku-belbacaku, i cili duke qenë marksist-leninist, me çunin e Hysen Fegës, ish-sekretar i Degës, shpërndanin nëpër Tiranë afishe me përmbajtje fashiste!!!