Protestë kundër bisedimeve me Serbinë

[Llapi]

Berisha: Urime Thaçit se e mbrojti Kosovën

Kryeministri Sali Berisha ka përshëndetur sërish marrëveshjen e 19 prillit mes Kosovës dhe Serbisë në Bruksel, duke e cilësuar si një marrëveshje vërtetë historike.

Sipas tij kjo marrëveshje dëshmon konsolidimin e Kosovës si shtet i pavarur, ndërsa me zbatimin e saj, marrëveshja përbën bazën e normalizimit të marrëdhënieve midis këtyre dy shteteve të pavarura dhe çel rrugën që këto dy vende, por edhe serbët dhe shqiptarët në tërësi, të nisin një epokë të re në marrëdhëniet midis tyre, në interes të së ardhmes së tyre europiane.

“Marrëveshja është një kontribut madhor për paqen dhe stabilitetin në rajon. Kosova me këtë marrëveshje arrin njohjen dhe pranimin e integritetit territorial të saj nga Serbia, por dhe vendosjen e bashkëpunimit me këtë vend si dhe garantimin e perspektives së integrimit në BE. Serbia me këtë marrëveshje shkëputet nga një trashëgimi recente e pafavorshme dhe, siç do të deklaronte Kryeministri i saj, ajo do të zgjidhte dhe do të përcaktohej për BE-në dhe të ardhmen e saj europiane. Edhe një herë urimet më të mira për të gjithë ata që bënë të mundur këtë marrëveshje historike në interes të shqiptarëve, serbëve dhe të të gjithë rajonit”, ka shkruar Berisha në rrjetin social "Facebook"./Indeksonline/

----------------------------------------------------------------------------------------------

Rama: Krenar për Kosovën

Lideri i opozitës shqiptare, Edi Rama ka shprehur “krenarinë” e tij për Kosovën, konkretisht për kontributin e rëndësishëm të saj në bisedimet e ndërmjetësuara nga Brukseli.

Përmes një mesazhi në Twitter për të komentuar arritjen e marrëveshjes, Rama ka vlerësuar edhe “kthesën” e Beogradit në këtë proçes dialogu.

“Krenar për Kosovën, që falë një lidershipi vizionar fitoi luftën dhe paqen me dinjitetin më të madh. Më në fund edhe Serbia bëri gjënë e duhur”, është shprehur Rama.

[Llapi]

Wisner: Kosova, tani me sovranitet më të plotë

Nga Express | 21 Prill 2013 18:24


Para se gjithash, kjo marrëveshje konfirmon kufijtë e shtetit të Kosovës . Përfundimisht kemi një marrëveshje ndërmjet Kosovës dhe Serbisë për kufijtë e shtetit te ri, thotë ish-ndërmjetësi për statusin e Kosovës, ambasadori amerikan Frank Wisner.

Sipas tij, sovraniteti i Kosovës është forcuar. Kushtetutshmëria, institucionet, gjyqësori dhe policia e Kosovës tash shkojnë në veri, ndërsa zgjedhjet duhet të mbahen.

“Entiteti sovran i quajtur Kosovë tash është më i fortë”, ka thënë ai në një intervistë për RTV21.

“Së treti, këto bisedime kanë hapur perspektivë për ekonomi më të mirë në një hapësirë paqësore”, transmeton Telegrafi.

[Llapi]

Bruksel, gjatë shtatorit shuhen strukturat ilegale serbe në veri të Kosovës

14.06.2013 - 18:37

Bruksel, 14 qershor - Delegacioni i Republikës së Kosovës i udhëhequr nga Zëvendëskryeministrja Edita Tahiri, udhëheqëse e Dialogut për zbatimin e marrëveshjes për normalizim nga data 10 deri më 14 qershor qëndroi në Bruksel ku po zhvillon bisedime për zbatimin në praktikë të marrëveshjes për normalizimin e marrëdhënieve ndërshtetërore midis Republikës së Kosovës dhe Serbisë me ndërmjetësimin e Bashkimit Evropian.

Në agjendën e bisedimeve ishin çështjet e drejtësisë, sigurisë, procesi i krijimit të asociacionit dhe zgjedhjeve lokale.

Në përfundim të bisedimeve për këtë raund, Zëvendëskryeministrja Edita Tahiri deklaroi se procesi i bisedimeve ka vajtur mirë dhe është krijuar një bazë e mirë që gjatë javës së ardhme të përfundojë Plani i detajuar i zbatimit të marrëveshjes, plan ky që do të parashohë obligimet e secilës palë për zbatimin e marrëveshjes për normalizim, si dhe afatet kohore për realizimin e këtyre obligime. Obligimet e palës serbe kanë të bëjnë me zhbërjen e strukturave ilegale serbe në fushën e drejtësisë e të sigurisë, ku shuarja e plotë duhet të realizohet gjatë shtatorit, respektivisht më 1 shtator shuhen strukturat ilegale të drejtësisë dhe më 30 shtator ato të sigurisë. Po ashtu, është definuar i tërë procesi i zhbërjes, përmes një procesi gradual me përfundim në shtator, si dhe që pala serbe gjatë qershorit do të marrë vendim qeveritar për ndaljen e financimit të strukturave ilegale, ashtu siç parashihet në marrëveshjen për normalizim dhe planin për zbatim. Obligimet e palës së Kosovës lidhen me integrimin e individëve serbë në institucionet e sigurisë e të drejtësisë së Republikës së Kosovës. Është paraparë që përmes një procesi gradual, duke respektuar procedurat dhe kriteret sipas ligjeve dhe Kushtetutës së Kosovës, si dhe duke marrë parasysh kapacitetet absorbuese, do të realizohet procesi i integrimit të qytetarëve serbë në institucionet përkatëse të shtetit të Kosovës.

Në kuadër të obligimeve të palës kosovare është emërimi i komandanti rajonal për katër komunat me shumicë serbe nga ana e Qeverisë së Kosovës, e cila pritet të bëhet në fillim të javës tjetër. Ne jemi zotuar që këtë obligim do ta realizojmë në afatin e paraparë dhe në harmoni me procedurat ligjore të Kosovës dhe me Marrëveshjen për Normalizim, respektivisht MPB-ja do ta bëjë emërimin, theksoi zëvendëskryeministrja Tahiri

Tahiri bëri të ditur se ka pasur përparime në çështjen e përgatitjeve për krijimin e asociacionit të komunave me shumicë serbe, dhe, si rezultat konkretet është krijimi ekipit menaxhues, i cili ka për obligim që të përgatisë procesin e krijimit të asociacionit të komunave me shumicë serbe në katër komuna pas mbajtjes së zgjedhjeve lokale në Republikën e Kosovës. Anëtarët e ekipit menaxhues janë përfaqësues nga administrata komunale e katër komunave. Ekipit Menaxhues për themelimin e Associacionit do të jetë në këtë përbërje: Igor Kalamar, Ljubomir Mariq, Dragan Jablanoviq, Dejan Radojkoviq.

Po ashtu, gjatë ditës se djeshme janë zhvilluar takime me OSBE-në, ku përfaqësuesit e KQZ-së dhe ata të OSBE-së kanë diskutuar për rolin lehtësues të OSBE-së në zgjedhjet lokale, që do të mbahen në tërë Kosovën në vjeshtë.

KQZ-ja është ajo që sipas mandatit të vet do të realizojë procesin zgjedhor në tërë Kosovën, kurse OSBE-ja në këtë rast do të ketë një rol mbështetës apo ndihmues.

Bisedimet vazhdojnë javën e ardhshme duke filluar nga e hëna dhe sipas dinamikave të parapara nga BE-ja, pritet të përfundojnë nga gjysma e dytë e javës që vjen.

Delegacioni i Republikës së Kosovës i kryesuar nga Zëvendëskryeministrja Edita Tahiri kishte këtë përbërje: Dren Zeka, Këshilltar kryesor politik i ZVKM Tahiri, ndërsa Grupi punues për çështjet e drejtësisë ishte ne përbërje të: Ismet Kabashi (kryesues i grupit punues), Enver Peci, Fejzullah Hasani, Sali Mekaj, Arjeta Rexhaj, Donikë Qerimi, Albert Avdiu, Ehat Miftaraj dhe Ramadan Gashi. Grupi punues për çështjet e sigurisë: Rashit Qalaj, Bardhyl Jashari dhe Elona Cecelia. Grupi punues për çështjet e Asociacionit: Besnik Osmani (kryesues i grupit punues), Ruzhdi Halili, Visar Xani dhe Labinot Hoxha. Grupi Punues për çështjen e zgjedhjeve: Valdete Daka (kryesuese e grupit punues), Miradije Mavriqi, Abedin Mehmeti, Gazmir Raci dhe Qemajl Marmullakaj.

[Llapi]

Rreth vizitës në Beograd


15:39 / E hënë, 24 Qershor 2013


Nga: Vlora Çitaku

Unë nuk i takoj gjeneratës që është rritur me ndjenjën e nostalgjisë për Beogradin. Nuk jam rritur as me ndjenjën e inferioritetit ndaj tij dhe asaj që ky qytet përfaqëson. Jam rritur me ndjenjën e mllefit, frikës, e shpeshherë edhe urrejtjes ndaj tij. Unë i takoj gjeneratës e cila ka pasur arsye të vërteta për ta përçmuar kryeqytetin e ish Jugosllavisë. Kërcënimet dhe retorika e urrejtjes, shpeshherë me përmasa raciste, vinte nga aty. Aty u morr vendimi për mbylljen e shkollave në gjuhën shqipe. Aty u morr vendimi për përjashtimin e prindërve tanë nga puna. E më vonë, aty kishin burimin forcat e pafundta ushtarake e paraushtarake serbe që vunë në flakë fshatrat dhe qytetet e vendit tim. Si përkthyese e reporterëve të luftës kam parë me sytë e mi masakrat gjatë viteve të luftës, kam parë tmerrin me sytë e mi.


Sigurisht që vizita ime e javës së shkuar në Beograd m’i freskoi të gjitha kujtimet. 14 vite pas luftës dhe 5 vite pas shpalljes së Kosovës së pavarur drejtësia është vendosur pjesërisht në vend. Kolektivisht na u "shpagua" mundi e sakrifica. Sot Kosova është shtet i pavarur e sovran, i njohur nga rreth 100 shtete. Por, për shumë familje, për shumë gra e burra, drejtësia ende nuk ka shkuar në vend. E Serbia, mori nga bota demokratike atë që meritoi, ndërhyrjen e parë të aleancës më të fuqishme ushtarake në planet, në shërbim të jetës dhe mbijetesës së shqiptareve në Kosovë.


2013 shënon një moment tjetër kthese. Marrëveshja e 19 prillit ofron mundësinë për normalitet mes fqinjëve që për një shekull historinë mes tyre e kanë shkruar përmes luftërave, shtypjes dhe urrejtjes. Ndonëse për ne shqiptarët kjo histori ka qenë më e dhimbshme, sepse ne ishim viktima, unë besoj që hapja e një kapitulli të ri me Serbinë do të jetë më e lehtë për ne. Dhe kjo për shumë arsye. E para, ne nuk kemi problem me ndërgjegjen tonë kolektive. Krime mund të ketë pasur edhe nga ana jonë, ama, ato asnjëherë nuk kanë qenë rezultat i politikave dhe objektivave tona për të shfarosur kombin fqinj përkrah nesh, sepse politika të tilla nuk kemi prodhuar asnjëherë. E Serbia duhet të kalojë një moment të thellë reflektimi. Normalizimi i marrëdhënieve me Kosovën nuk bëhet vetëm me ndryshimin e kushtetutës apo ligjeve. Duhet ndryshuar mentalitetin, perceptimet, qasjen. Duhet ndërtuar urat mentale mes nesh. Duhet parë njëri tjetrin si të barabartë. Duhet ndërtuar normalitetin në Beograd e Prishtinë. Vetëm në Bruksel nuk mjafton.

(Autorja është kolumniste e rregullt e gazetës Tribuna dhe ministre e Integrimeve Europiane)

[Llapi]

Koment i qeverisë së SHBA për marrëveshjen Kosovë-Serbi

SHBA mbeten të shqetësuara lidhur me kërcënimet për dhunë dhe retorikën e papërgjegjshme nga elementë të vijës së ashpër, thuhet në koment



24.06.2013
Zëri i Amerikës transmetoi një koment ku pasqyrohen pikëpamjet e qeverisë së Shteteve të Bashkuara.

Në koment thuhet:

Zbatimi i Marrëveshjes historike të 19 prillit mes Kosovës dhe Serbisë për normalizimin e marrëdhënieve po përparon. Kjo marrëveshje, tha Ambasadorja amerikane pranë Kombeve të Bashkuara Susan Rice “forcon të ardhmet e Kosovës dhe Serbisë si demokraci shumetnike bazuar në shtetin ligjor dhe respektimin e të drejtave të njeriut dhe si vende fqinje në rrugën drejt integrimit evropian”.

Qeveritë e Kosovës dhe Serbisë duhet të bashkëpunojnë me Misionin e Bashkimit Evropian për Sundimin e Ligjit në Kosovë dhe Forcën e udhëhequr nga NATO-ja për Kosovën në mënyrë që të ecë përpara zbatimi dhe të garantohet siguria gjatë fazës së tranzicionit. Organet legjislative të të dy vendeve duhet të marrin hapat e nevojshme për të mbështetur këtë marrëveshje.

Marrëveshja ofron një zgjidhje të qëndrueshme për veriun e Kosovës brenda kornizës ligjore dhe institucionale të Kosovës dhe riafirmon vetë-qeverisjen lokale për popullatën serbe si dhe komunitete të tjera që jetojnë në veri. Zhvillimi i zgjedhjeve të lira, të drejta dhe të rregullta lokale këtë vjeshtë do të jetë një tjetër hap jetik në këtë drejtim.

Në të njëjtën kohë, Shtetet e Bashkuara mbeten të shqetësuara lidhur me kërcënimet për dhunë dhe retorikën e papërgjegjshme nga elementë të vijës së ashpër, të cilët kanë interesa personale të ruajnë status kuonë. Shtetet e Bashkuara nxisin qeverinë e Kosovës dhe atë të Serbisë të vazhdojnë përpjekjet për t’u shpjeguar qytetarëve të tyre çfarë nënkupton marrëveshja dhe cilat janë përfitimet që sjell.

Duke zgjidhur dallimet politike përmes dialogut dhe kompromisit dhe duke zbatuar plotësisht dhe pa vonesë marrëveshjen për normalizimin e marrëdhënieve, Kosova dhe Serbia mund të ofrojnë një shembull për rajonin. Duke lënë mënjanë dallimet mes tyre, dy vendet kanë mundësi të përqëndrohen në zbatimin e reformave, nxitjen e rritjes ekonomike dhe përmirësimin e jetës së qytetarëve të tyre.

Shtetet e Bashkuara mirëpresin përparimin e vazhdueshëm nga të dy vendet, ndërkohë që Kosova dhe Serbia dëshmojnë se bashkëpunimi mbetet rruga më e mirë drejta paqes dhe begatisë.

[ARIANI_TB]

He Selma Kadria ALIAS LLAPI, Pika Kufi-1dhe31 etj etje, u ktheve ne forum perseri me propagandat e tuaja PRO SLLAVE te Beogradit!

[Boy_XL]

He Selma Kadria ALIAS LLAPI, Pika Kufi-1dhe31 etj etje, u ktheve ne forum perseri me propagandat e tuaja PRO SLLAVE te Beogradit!

- ja ja
- une jam ''LLapi'' paradite , masdite jam '' pika kufi'' ndersa ky jam une

- ahahahaha s'merr vesh ti bal i vetfundosjes dil gjuje naj vo a naj guri dikun.

[bluey]

Pershendetje kti far Selman Kadris e din kengen e Selamn Kadris po daja hashim e mur sakicen dhe e kthej shkjaun Milic Kersten ne Kosove .Sa pere e shet tin nerin e kombit tend dhe pajtohesh me te ba Koqovare .heu se koha do e tregoi se Milic Kersta (Dacici) se bashku me Tacin e kthej dhe do e kthej edhe ushtrin ne veri qekjo ka me ndodh a .bajlozat skan brina si qifti i kti far pseudonimi Selaman _Kadria >Eu e ka gabuie siq duket nikun e u dasht me qit Milic Kersat i tu Kosoves .ka qen nje far shqiptari qe u pat ber nje koh me Kombesi Yugoslav e pat ndru edhe emrin e pat be Kersat Kerstic .E se spo du me shejt se ktyre duhet me jau trus nga i plum ne lul te valit se Avni Rustemi esat pash toptanit tradhetorit te kombit te vet .Tradhtia ska brina .Doket me mengez .I kan dhez fitilaqet dhe kjan ber piromane te popullit te vet duke kthy ne funskion kadal dal ndikimin e Serbis ne Kosove .Skam tjeter pos tju pergezoi per tradhtin bravuruoze qe po na vjen tash e kan me te leht se ne shqiperi fitoi lindori Edvin Rama si krykapo i nentokes Serbe .

[Antiproanti]

Nga "shteti" i Thacit


Serbia kërkon që Gazivodën ta qeverisin serbët e veriut




Beograd, 26 qershor – Pala serbe në bisedimet teknike me Kosovën për energjinë kërkon që Bashkësia (asociacioni) e komunave serbe në veri të ketë kompaninë e cila do ta furnizojë pjesën veriore të Kosovës me energji elektrike.

“Çështja e furnizimit të pjesës veriore të Kosovës me energji ka mbetur e hapur. Ne dëshirojmë ta kemi kompaninë tonë, që do të merrej me furnizimin dhe distribuimin në pjesën veriore të Kosovës”, citon Tanjug ministren për Energjetikë Zorane Mihailloviq.

Ajo theksoi se ka mbetur e hapur çështja e hidrocentralit Gazivoda (Ujmanit) , meqë tri të katërtat e atij sistemi ndodhen në territorin e Serbisë. “Ne po insistojmë që këtë sistem ta qeverisë Bashkësia e komunave serbe”, është shprehur ajo.

Sipas saj, bisedimet do të vazhdojnë më 7 e 8 korrik, në Bruksel.
http://www.koha.net/?page=1,13,150300

[bluey]

Spo muj te kutoi se si kompania Thaqi me "Drugaret "LDK&AAK pajtohen per kto gjana .Serbia siq kam informim gjendet ne nje kriz te thell ekonomike i vyn financat pra parat e premtuara nga BE nese behet antare e saj .Pra Serbia ka nevoi per mjete finansiare dhe per te ber antare e BE.Se kupotoi ngutin e Thaqit dhe parlamentit te Kosoves te cilet miratoin gjdo gje qka imponon Serbia .Pse qeveria Thaqi nuk ben asnje kushtezim .nese kushti eshte vetem te marin pjes ne zgjedhje e ne tjeter ane Serbia ari qe te imponoi gjerat .Qka hyn ne pun kur Serbia asnjeher sdo te bej asgje kunder intereseve te veta .Serbia ariti te imponio gjerat edhe perkunder probleme te saj ekonomike .Ne vend te se Kosova te kerkoi gjegjesisht Qeveria e bajlozit tradhetorit me te madh te Kombit vete te imponoi gejrat qe ato te kryhen hap as hapi .Kerkesa duhet te jet e thjesht te heqen barikadat se pari .Pastaj te ndjeken ligjerisht krejt ata kriminel serb te futen ne burg .Te caktohen parametrat e zbatimit te saj .Asgje spo arihet per veq se implikimeve te defunksionalizimit te sistemit te kushtetutes se Kosoves per hir te Serbis vetem e vetem qe Serbia te behet antare e BE .Ska asnje kusht qe e detyron Serbin te zbatoi kto qka i ka nenshkruar Serbia po fiton statusin pa u heq barikadat pa u burgos kriminelet Serb qe kan vra e kan sakatosur e kan shperngulur popullaten nga veriu i Mitrovices .mitrovica ka mbetur tash me e dominuar nga serbet .Kushtet jan te shumta qka mundet me u kushtezuar por asnjera nuk behet kusht i Kosoves per Serbin .Perkundrazi Serbia po e kushtezon Kosoven dhe po i arin caqet e veta .Serbia me kushtet e veta qe ja beni BE arin qe me ane te Servisit parlamentareve te Kosoves te kthehet triumfalisht dhe triumfalisht data e antaresimit te saj do behet ne 28 qershor te kti viti ne jubileun e luftes se humbur te Serbis ne betejen e Kosoves .